| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
5. දුතියදාරුක්‌ඛන්‌ධොපමසුත්‌තං
5. Dutiyadārukkhandhopamasuttaṃ
242. එකං සමයං භගවා කිමිලායං 1 විහරති ගඞ්‌ගාය නදියා තීරෙ. අද්‌දසා ඛො භගවා මහන්‌තං දාරුක්‌ඛන්‌ධං ගඞ්‌ගාය නදියා සොතෙන වුය්‌හමානං. දිස්‌වාන භික්‌ඛූ ආමන්‌තෙසි – ‘‘පස්‌සථ නො තුම්‌හෙ, භික්‌ඛවෙ, අමුං මහන්‌තං දාරුක්‌ඛන්‌ධං ගඞ්‌ගාය නදියා සොතෙන වුය්‌හමාන’’න්‌ති? ‘‘එවං භන්‌තෙ’’…පෙ.… එවං වුත්‌තෙ, ආයස්‌මා කිමිලො භගවන්‌තං එතදවොච – කිං නු ඛො, භන්‌තෙ, ඔරිමං තීරං…පෙ.… කතමො ච, කිමිල, අන්‌තොපූතිභාවො. ඉධ, කිමිල, භික්‌ඛු අඤ්‌ඤතරං සංකිලිට්‌ඨං ආපත්‌තිං ආපන්‌නො හොති යථාරූපාය ආපත්‌තියා න වුට්‌ඨානං පඤ්‌ඤායති. අයං වුච්‌චති, කිමිල, අන්‌තොපූතිභාවොති. පඤ්‌චමං.
242. Ekaṃ samayaṃ bhagavā kimilāyaṃ 2 viharati gaṅgāya nadiyā tīre. Addasā kho bhagavā mahantaṃ dārukkhandhaṃ gaṅgāya nadiyā sotena vuyhamānaṃ. Disvāna bhikkhū āmantesi – ‘‘passatha no tumhe, bhikkhave, amuṃ mahantaṃ dārukkhandhaṃ gaṅgāya nadiyā sotena vuyhamāna’’nti? ‘‘Evaṃ bhante’’…pe… evaṃ vutte, āyasmā kimilo bhagavantaṃ etadavoca – kiṃ nu kho, bhante, orimaṃ tīraṃ…pe… katamo ca, kimila, antopūtibhāvo. Idha, kimila, bhikkhu aññataraṃ saṃkiliṭṭhaṃ āpattiṃ āpanno hoti yathārūpāya āpattiyā na vuṭṭhānaṃ paññāyati. Ayaṃ vuccati, kimila, antopūtibhāvoti. Pañcamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 5. දුතියදාරුක්‌ඛන්‌ධොපමසුත්‌තවණ්‌ණනා • 5. Dutiyadārukkhandhopamasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 5. දුතියදාරුක්‌ඛන්‌ධොපමසුත්‌තවණ්‌ණනා • 5. Dutiyadārukkhandhopamasuttavaṇṇanā
