| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. д̣̇уд̇ияад̣̇асаб̣аласуд̇д̇ам̣
2. Dutiyadasabalasuttaṃ
22. саавад̇т̇ияам̣ вихарад̇и…бз… ‘‘д̣̇асаб̣аласаманнааг̇ад̇о, бхигкавз, д̇ат̇ааг̇ад̇о жад̇уухи жа взсаараж̇ж̇зхи саманнааг̇ад̇о аасабхам̣ таанам̣ бадиж̇аанаад̇и, барисаасу сийханаад̣̇ам̣ над̣̇ад̇и, б̣рахмажаггам̣ бавад̇д̇зд̇д̇и – ‘ид̇и руубам̣ ид̇и руубасса самуд̣̇аяо ид̇и руубасса ад̇т̇ан̇г̇амо, ид̇и взд̣̇анаа ид̇и взд̣̇анааяа самуд̣̇аяо ид̇и взд̣̇анааяа ад̇т̇ан̇г̇амо, ид̇и сан̃н̃аа ид̇и сан̃н̃ааяа самуд̣̇аяо ид̇и сан̃н̃ааяа ад̇т̇ан̇г̇амо, ид̇и сан̇каараа ид̇и сан̇каараанам̣ самуд̣̇аяо ид̇и сан̇каараанам̣ ад̇т̇ан̇г̇амо, ид̇и вин̃н̃аан̣ам̣ ид̇и вин̃н̃аан̣асса самуд̣̇аяо ид̇и вин̃н̃аан̣асса ад̇т̇ан̇г̇амо. ид̇и имасмим̣ сад̇и ид̣̇ам̣ ход̇и, имассуббаад̣̇аа ид̣̇ам̣ уббаж̇ж̇ад̇и; имасмим̣ асад̇и ид̣̇ам̣ на ход̇и имасса нирод̇хаа ид̣̇ам̣ нируж̇жхад̇и. яад̣̇ид̣̇ам̣ авиж̇ж̇аабажжаяаа сан̇каараа; сан̇каарабажжаяаа вин̃н̃аан̣ам̣…бз… звамзд̇асса гзваласса д̣̇угкагканд̇хасса самуд̣̇аяо ход̇и. авиж̇ж̇ааяа д̇взва асзсавирааг̇анирод̇хаа сан̇кааранирод̇хо; сан̇кааранирод̇хаа вин̃н̃аан̣анирод̇хо…бз… звамзд̇асса гзваласса д̣̇угкагканд̇хасса нирод̇хо ход̇и’’’.
22. Sāvatthiyaṃ viharati…pe… ‘‘dasabalasamannāgato, bhikkhave, tathāgato catūhi ca vesārajjehi samannāgato āsabhaṃ ṭhānaṃ paṭijānāti, parisāsu sīhanādaṃ nadati, brahmacakkaṃ pavattetti – ‘iti rūpaṃ iti rūpassa samudayo iti rūpassa atthaṅgamo, iti vedanā iti vedanāya samudayo iti vedanāya atthaṅgamo, iti saññā iti saññāya samudayo iti saññāya atthaṅgamo, iti saṅkhārā iti saṅkhārānaṃ samudayo iti saṅkhārānaṃ atthaṅgamo, iti viññāṇaṃ iti viññāṇassa samudayo iti viññāṇassa atthaṅgamo. Iti imasmiṃ sati idaṃ hoti, imassuppādā idaṃ uppajjati; imasmiṃ asati idaṃ na hoti imassa nirodhā idaṃ nirujjhati. Yadidaṃ avijjāpaccayā saṅkhārā; saṅkhārapaccayā viññāṇaṃ…pe… evametassa kevalassa dukkhakkhandhassa samudayo hoti. Avijjāya tveva asesavirāganirodhā saṅkhāranirodho; saṅkhāranirodhā viññāṇanirodho…pe… evametassa kevalassa dukkhakkhandhassa nirodho hoti’’’.
‘‘звам̣ сваагкаад̇о, бхигкавз, маяаа д̇хаммо уд̇д̇аано вивадо багаасид̇о чиннабилод̇иго. звам̣ сваагкаад̇з ко, бхигкавз, маяаа д̇хаммз уд̇д̇аанз вивадз багаасид̇з чиннабилод̇игз аламзва сад̣̇д̇хаабаб̣б̣аж̇ид̇зна гулабуд̇д̇зна вийрияам̣ аарабхид̇ум̣ – ‘гаамам̣ д̇ажо жа нхаару 1 жа адти жа авасиссад̇у, сарийрз убасуссад̇у 2 мам̣салохид̇ам̣. яам̣ д̇ам̣ бурисат̇аамзна бурисавийриязна бурисабараггамзна бад̇д̇аб̣б̣ам̣, на д̇ам̣ абаабун̣ид̇ваа вийрияасса сан̣таанам̣ бхависсад̇ий’’’д̇и.
‘‘Evaṃ svākkhāto, bhikkhave, mayā dhammo uttāno vivaṭo pakāsito chinnapilotiko. Evaṃ svākkhāte kho, bhikkhave, mayā dhamme uttāne vivaṭe pakāsite chinnapilotike alameva saddhāpabbajitena kulaputtena vīriyaṃ ārabhituṃ – ‘kāmaṃ taco ca nhāru 3 ca aṭṭhi ca avasissatu, sarīre upasussatu 4 maṃsalohitaṃ. Yaṃ taṃ purisathāmena purisavīriyena purisaparakkamena pattabbaṃ, na taṃ apāpuṇitvā vīriyassa saṇṭhānaṃ bhavissatī’’’ti.
‘‘д̣̇угкам̣ , бхигкавз, гусийд̇о вихарад̇и вогин̣н̣о баабагзхи агусалзхи д̇хаммзхи, маханд̇ан̃жа сад̣̇ад̇т̇ам̣ барихаабзд̇и. аарад̣̇д̇хавийрияо жа ко, бхигкавз, сукам̣ вихарад̇и бавивид̇д̇о баабагзхи агусалзхи д̇хаммзхи, маханд̇ан̃жа сад̣̇ад̇т̇ам̣ барибуурзд̇и. на, бхигкавз, хийнзна аг̇г̇асса бад̇д̇и ход̇и. аг̇г̇зна жа ко, бхигкавз, аг̇г̇асса бад̇д̇и ход̇и. ман̣д̣абзяяамид̣̇ам̣, бхигкавз, б̣рахмажарияам̣, сад̇т̇аа саммукийбхууд̇о. д̇асмаад̇иха, бхигкавз, вийрияам̣ аарабхат̇а аббад̇д̇асса бад̇д̇ияаа, анад̇хиг̇ад̇асса ад̇хиг̇амааяа, асажчигад̇асса сажчигирияааяа. ‘звам̣ но аяам̣ амхаагам̣ баб̣б̣аж̇ж̇аа аван̃жхаа бхависсад̇и сапалаа сауд̣̇раяаа. язсан̃жа 5 маяам̣ барибхун̃ж̇аама жийвара-бин̣д̣абаад̇асзнаасана-г̇илаанаббажжаяабхзсаж̇ж̇абаригкаарам̣ д̇зсам̣ д̇з гаараа амхзсу махабпалаа бхависсанд̇и махаанисам̣саа’д̇и – зван̃хи во, бхигкавз, сигкид̇аб̣б̣ам̣. ад̇д̇ад̇т̇ам̣ ваа хи, бхигкавз, самбассамаанзна аламзва аббамаад̣̇зна самбаад̣̇зд̇ум̣; барад̇т̇ам̣ ваа хи, бхигкавз, самбассамаанзна аламзва аббамаад̣̇зна самбаад̣̇зд̇ум̣; убхаяад̇т̇ам̣ ваа хи, бхигкавз, самбассамаанзна аламзва аббамаад̣̇зна самбаад̣̇зд̇у’’нд̇и. д̣̇уд̇ияам̣.
‘‘Dukkhaṃ , bhikkhave, kusīto viharati vokiṇṇo pāpakehi akusalehi dhammehi, mahantañca sadatthaṃ parihāpeti. Āraddhavīriyo ca kho, bhikkhave, sukhaṃ viharati pavivitto pāpakehi akusalehi dhammehi, mahantañca sadatthaṃ paripūreti. Na, bhikkhave, hīnena aggassa patti hoti. Aggena ca kho, bhikkhave, aggassa patti hoti. Maṇḍapeyyamidaṃ, bhikkhave, brahmacariyaṃ, satthā sammukhībhūto. Tasmātiha, bhikkhave, vīriyaṃ ārabhatha appattassa pattiyā, anadhigatassa adhigamāya, asacchikatassa sacchikiriyāya. ‘Evaṃ no ayaṃ amhākaṃ pabbajjā avañjhā bhavissati saphalā saudrayā. Yesañca 6 mayaṃ paribhuñjāma cīvara-piṇḍapātasenāsana-gilānappaccayabhesajjaparikkhāraṃ tesaṃ te kārā amhesu mahapphalā bhavissanti mahānisaṃsā’ti – evañhi vo, bhikkhave, sikkhitabbaṃ. Attatthaṃ vā hi, bhikkhave, sampassamānena alameva appamādena sampādetuṃ; paratthaṃ vā hi, bhikkhave, sampassamānena alameva appamādena sampādetuṃ; ubhayatthaṃ vā hi, bhikkhave, sampassamānena alameva appamādena sampādetu’’nti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. д̣̇уд̇ияад̣̇асаб̣аласуд̇д̇аван̣н̣анаа • 2. Dutiyadasabalasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. д̣̇уд̇ияад̣̇асаб̣аласуд̇д̇аван̣н̣анаа • 2. Dutiyadasabalasuttavaṇṇanā
