| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. д̣̇уд̇ияад̣̇асаб̣аласуд̇д̇аван̣н̣анаа
2. Dutiyadasabalasuttavaṇṇanā
22. д̣̇уд̇ияам̣ бхаг̇авад̇аа ад̇д̇ано аж̇жхаасаяасса васзна вуд̇д̇ам̣. д̇ад̇т̇а д̣̇асаб̣аласаманнааг̇ад̇од̇и д̣̇асахи б̣алзхи саманнааг̇ад̇о. б̣алан̃жа наамзд̇ам̣ д̣̇увид̇хам̣ гааяаб̣алан̃жа н̃аан̣аб̣алан̃жа. д̇зсу д̇ат̇ааг̇ад̇асса гааяаб̣алам̣ хад̇т̇игулаанусаарзна взд̣̇ид̇аб̣б̣ам̣. вуд̇д̇ан̃хзд̇ам̣ бораан̣зхи –
22. Dutiyaṃ bhagavatā attano ajjhāsayassa vasena vuttaṃ. Tattha dasabalasamannāgatoti dasahi balehi samannāgato. Balañca nāmetaṃ duvidhaṃ kāyabalañca ñāṇabalañca. Tesu tathāgatassa kāyabalaṃ hatthikulānusārena veditabbaṃ. Vuttañhetaṃ porāṇehi –
‘‘гаал̣ааваган̃жа г̇ан̇г̇зяяам̣, бан̣д̣арам̣ д̇амб̣абин̇г̇алам̣;
‘‘Kāḷāvakañca gaṅgeyyaṃ, paṇḍaraṃ tambapiṅgalaṃ;
г̇анд̇хаман̇г̇алахзман̃жа, убосат̇ачад̣̇д̣̇анд̇имз д̣̇асаа’’д̇и.(ма. ни. адта. 1.148; вибха. адта. 760); –
Gandhamaṅgalahemañca, uposathachaddantime dasā’’ti.(ma. ni. aṭṭha. 1.148; vibha. aṭṭha. 760); –
имаани д̣̇аса хад̇т̇игулаани. д̇ад̇т̇а гаал̣ааваганд̇и багад̇ихад̇т̇игулам̣ д̣̇адтаб̣б̣ам̣. яам̣ д̣̇асаннам̣ бурисаанам̣ гааяаб̣алам̣, д̇ам̣ згасса гаал̣аавагасса хад̇т̇ино. яам̣ д̣̇асаннам̣ гаал̣аавагаанам̣ б̣алам̣, д̇ам̣ згасса г̇ан̇г̇зяяасса. яам̣ д̣̇асаннам̣ г̇ан̇г̇зяяаанам̣, д̇ам̣ згасса бан̣д̣арасса. яам̣ д̣̇асаннам̣ бан̣д̣араанам̣, д̇ам̣ згасса д̇амб̣асса. яам̣ д̣̇асаннам̣ д̇амб̣аанам̣, д̇ам̣ згасса бин̇г̇аласса. яам̣ д̣̇асаннам̣ бин̇г̇алаанам̣, д̇ам̣ згасса г̇анд̇хахад̇т̇ино. яам̣ д̣̇асаннам̣ г̇анд̇хахад̇т̇ийнам̣, д̇ам̣ згасса ман̇г̇аласса. яам̣ д̣̇асаннам̣ ман̇г̇алаанам̣, д̇ам̣ згасса хзмавад̇асса. яам̣ д̣̇асаннам̣ хзмавад̇аанам̣, д̇ам̣ згасса убосат̇асса. яам̣ д̣̇асаннам̣ убосат̇аанам̣, д̇ам̣ згасса чад̣̇д̣̇анд̇асса. яам̣ д̣̇асаннам̣ чад̣̇д̣̇анд̇аанам̣, д̇ам̣ згасса д̇ат̇ааг̇ад̇асса. наарааяанасан̇гхаад̇аб̣аланд̇иби ид̣̇амзва вужжад̇и. д̇ад̣̇зд̇ам̣ багад̇ихад̇т̇иг̇ан̣анааяа хад̇т̇ийнам̣ годисахассаанам̣, бурисаг̇ан̣анааяа д̣̇асаннам̣ бурисагодисахассаанам̣ б̣алам̣ ход̇и. ид̣̇ам̣ д̇аава д̇ат̇ааг̇ад̇асса гааяаб̣алам̣. ‘‘д̣̇асаб̣аласаманнааг̇ад̇о’’д̇и зд̇т̇а бана зд̇ам̣ сан̇г̇ахам̣ на г̇ажчад̇и. зд̇ан̃хи б̣аахирагам̣ лаамагам̣ д̇иражчаанаг̇ад̇аанам̣ сийхаад̣̇ийнамби ход̇и. зд̇ан̃хи ниссааяа д̣̇угкабарин̃н̃аа ваа самуд̣̇аяаббахаанам̣ ваа маг̇г̇абхааванаа ваа паласажчигирияаа ваа над̇т̇и. ан̃н̃ам̣ бана д̣̇асасу таанзсу агамбанад̇т̇зна убад̇т̇амбханад̇т̇зна жа д̣̇асавид̇хам̣ н̃аан̣аб̣алам̣ наама ад̇т̇и. д̇ам̣ санд̇хааяа вуд̇д̇ам̣ ‘‘д̣̇асаб̣аласаманнааг̇ад̇о’’д̇и.
Imāni dasa hatthikulāni. Tattha kāḷāvakanti pakatihatthikulaṃ daṭṭhabbaṃ. Yaṃ dasannaṃ purisānaṃ kāyabalaṃ, taṃ ekassa kāḷāvakassa hatthino. Yaṃ dasannaṃ kāḷāvakānaṃ balaṃ, taṃ ekassa gaṅgeyyassa. Yaṃ dasannaṃ gaṅgeyyānaṃ, taṃ ekassa paṇḍarassa. Yaṃ dasannaṃ paṇḍarānaṃ, taṃ ekassa tambassa. Yaṃ dasannaṃ tambānaṃ, taṃ ekassa piṅgalassa. Yaṃ dasannaṃ piṅgalānaṃ, taṃ ekassa gandhahatthino. Yaṃ dasannaṃ gandhahatthīnaṃ, taṃ ekassa maṅgalassa. Yaṃ dasannaṃ maṅgalānaṃ, taṃ ekassa hemavatassa. Yaṃ dasannaṃ hemavatānaṃ, taṃ ekassa uposathassa. Yaṃ dasannaṃ uposathānaṃ, taṃ ekassa chaddantassa. Yaṃ dasannaṃ chaddantānaṃ, taṃ ekassa tathāgatassa. Nārāyanasaṅghātabalantipi idameva vuccati. Tadetaṃ pakatihatthigaṇanāya hatthīnaṃ koṭisahassānaṃ, purisagaṇanāya dasannaṃ purisakoṭisahassānaṃ balaṃ hoti. Idaṃ tāva tathāgatassa kāyabalaṃ. ‘‘Dasabalasamannāgato’’ti ettha pana etaṃ saṅgahaṃ na gacchati. Etañhi bāhirakaṃ lāmakaṃ tiracchānagatānaṃ sīhādīnampi hoti. Etañhi nissāya dukkhapariññā vā samudayappahānaṃ vā maggabhāvanā vā phalasacchikiriyā vā natthi. Aññaṃ pana dasasu ṭhānesu akampanatthena upatthambhanatthena ca dasavidhaṃ ñāṇabalaṃ nāma atthi. Taṃ sandhāya vuttaṃ ‘‘dasabalasamannāgato’’ti.
гад̇амам̣ бана д̇анд̇и? таанаадтаанаад̣̇ийнам̣ яат̇аабхууд̇ам̣ ж̇аананам̣. сзяяат̇ид̣̇ам̣ – таанан̃жа таанад̇о адтаанан̃жа адтаанад̇о ж̇аананам̣ згам̣, ад̇ийд̇аанааг̇ад̇абажжуббаннаанам̣ гаммасамаад̣̇аанаанам̣ таанасо хзд̇усо яат̇аабхууд̇ам̣ вибаагаж̇аананам̣ згам̣, саб̣б̣ад̇т̇аг̇ааминибадибад̣̇ааж̇аананам̣ згам̣, анзгад̇хаад̇унаанаад̇хаад̇улогаж̇аананам̣ згам̣, барасад̇д̇аанам̣ барабуг̇г̇алаанам̣ наанаад̇химуд̇д̇игад̇ааж̇аананам̣ згам̣, д̇зсам̣язва инд̣̇рияабаробарияад̇д̇аж̇аананам̣ згам̣, жхаанавимогкасамаад̇хисамаабад̇д̇ийнам̣ сам̣гилзсавод̣̇аанавудтаанаж̇аананам̣ згам̣, буб̣б̣зниваасаж̇аананам̣ згам̣, сад̇д̇аанам̣ жуд̇уубабаад̇аж̇аананам̣ згам̣, аасавагкаяаж̇аананам̣ зганд̇и. абхид̇хаммз бана –
Katamaṃ pana tanti? Ṭhānāṭṭhānādīnaṃ yathābhūtaṃ jānanaṃ. Seyyathidaṃ – ṭhānañca ṭhānato aṭṭhānañca aṭṭhānato jānanaṃ ekaṃ, atītānāgatapaccuppannānaṃ kammasamādānānaṃ ṭhānaso hetuso yathābhūtaṃ vipākajānanaṃ ekaṃ, sabbatthagāminipaṭipadājānanaṃ ekaṃ, anekadhātunānādhātulokajānanaṃ ekaṃ, parasattānaṃ parapuggalānaṃ nānādhimuttikatājānanaṃ ekaṃ, tesaṃyeva indriyaparopariyattajānanaṃ ekaṃ, jhānavimokkhasamādhisamāpattīnaṃ saṃkilesavodānavuṭṭhānajānanaṃ ekaṃ, pubbenivāsajānanaṃ ekaṃ, sattānaṃ cutūpapātajānanaṃ ekaṃ, āsavakkhayajānanaṃ ekanti. Abhidhamme pana –
‘‘ид̇ха д̇ат̇ааг̇ад̇о таанан̃жа таанад̇о адтаанан̃жа адтаанад̇о яат̇аабхууд̇ам̣ баж̇аанаад̇и. яамби д̇ат̇ааг̇ад̇о таанан̃жа таанад̇о адтаанан̃жа адтаанад̇о яат̇аабхууд̇ам̣ баж̇аанаад̇и. ид̣̇амби д̇ат̇ааг̇ад̇асса д̇ат̇ааг̇ад̇аб̣алам̣ ход̇и, яам̣ б̣алам̣ ааг̇амма д̇ат̇ааг̇ад̇о аасабхам̣ таанам̣ бадиж̇аанаад̇и , барисаасу сийханаад̣̇ам̣ над̣̇ад̇и, б̣рахмажаггам̣ бавад̇д̇зд̇ий’’д̇и.
‘‘Idha tathāgato ṭhānañca ṭhānato aṭṭhānañca aṭṭhānato yathābhūtaṃ pajānāti. Yampi tathāgato ṭhānañca ṭhānato aṭṭhānañca aṭṭhānato yathābhūtaṃ pajānāti. Idampi tathāgatassa tathāgatabalaṃ hoti, yaṃ balaṃ āgamma tathāgato āsabhaṃ ṭhānaṃ paṭijānāti , parisāsu sīhanādaṃ nadati, brahmacakkaṃ pavattetī’’ti.
аад̣̇инаа (вибха. 760) наязна вид̇т̇аарад̇о ааг̇ад̇аанзва. ад̇т̇аван̣н̣анааби нзсам̣ вибхан̇г̇адтагат̇ааяан̃жзва (вибха. адта. 760) бабан̃жасууд̣̇анияаа жа маж̇жхимадтагат̇ааяа (ма. ни. адта. 1.148) саб̣б̣аагаарад̇о вуд̇д̇аа. саа д̇ад̇т̇а вуд̇д̇анаязнзва г̇ахзд̇аб̣б̣аа.
Ādinā (vibha. 760) nayena vitthārato āgatāneva. Atthavaṇṇanāpi nesaṃ vibhaṅgaṭṭhakathāyañceva (vibha. aṭṭha. 760) papañcasūdaniyā ca majjhimaṭṭhakathāya (ma. ni. aṭṭha. 1.148) sabbākārato vuttā. Sā tattha vuttanayeneva gahetabbā.
жад̇уухи жа взсаараж̇ж̇зхийд̇и зд̇т̇а саараж̇ж̇абадибагкам̣ взсаараж̇ж̇ам̣, жад̇уусу таанзсу взсаараж̇ж̇абхаавам̣ бажжавзгканд̇асса уббаннасоманассамаяан̃аан̣ассзд̇ам̣ наамам̣. гад̇амзсу жад̇уусу? ‘‘саммаасамб̣уд̣̇д̇хасса д̇з бадиж̇аанад̇о имз д̇хаммаа анабхисамб̣уд̣̇д̇хаа’’д̇иаад̣̇ийсу жод̣̇анаавад̇т̇уусу. д̇ад̇рааяам̣ баал̣и –
Catūhi ca vesārajjehīti ettha sārajjapaṭipakkhaṃ vesārajjaṃ, catūsu ṭhānesu vesārajjabhāvaṃ paccavekkhantassa uppannasomanassamayañāṇassetaṃ nāmaṃ. Katamesu catūsu? ‘‘Sammāsambuddhassa te paṭijānato ime dhammā anabhisambuddhā’’tiādīsu codanāvatthūsu. Tatrāyaṃ pāḷi –
‘‘жад̇д̇ааримаани, бхигкавз, д̇ат̇ааг̇ад̇асса взсаараж̇ж̇аани…бз…. гад̇амаани жад̇д̇аари? ‘саммаасамб̣уд̣̇д̇хасса д̇з бадиж̇аанад̇о имз д̇хаммаа анабхисамб̣уд̣̇д̇хаа’д̇и д̇ад̇ра вад̇а мам̣ саман̣о ваа б̣раахман̣о ваа д̣̇зво ваа мааро ваа б̣рахмаа ваа гожи ваа логасмим̣ саха д̇хаммзна бадижод̣̇зссад̇ийд̇и нимид̇д̇амзд̇ам̣, бхигкавз, на саманубассаами. зд̇амахам̣, бхигкавз, нимид̇д̇ам̣ асаманубассанд̇о кзмаббад̇д̇о абхаяаббад̇д̇о взсаараж̇ж̇аббад̇д̇о вихараами. ‘кийн̣аасавасса д̇з бадиж̇аанад̇о имз аасаваа абаригкийн̣аа’д̇и д̇ад̇ра вад̇а мам̣…бз… ‘яз ко бана д̇з анд̇арааяигаа д̇хаммаа вуд̇д̇аа, д̇з бадисзвад̇о наалам̣ анд̇арааяааяаа’д̇и д̇ад̇ра вад̇а мам̣…бз… ‘яасса ко бана д̇з ад̇т̇ааяа д̇хаммо д̣̇зсид̇о, со на нияяаад̇и д̇аггарасса саммаа д̣̇угкагкаяааяаа’д̇и д̇ад̇ра вад̇а мам̣ саман̣о ваа б̣раахман̣о ваа…бз… взсаараж̇ж̇аббад̇д̇о вихараамий’’д̇и (а. ни. 4.8).
‘‘Cattārimāni, bhikkhave, tathāgatassa vesārajjāni…pe…. Katamāni cattāri? ‘Sammāsambuddhassa te paṭijānato ime dhammā anabhisambuddhā’ti tatra vata maṃ samaṇo vā brāhmaṇo vā devo vā māro vā brahmā vā koci vā lokasmiṃ saha dhammena paṭicodessatīti nimittametaṃ, bhikkhave, na samanupassāmi. Etamahaṃ, bhikkhave, nimittaṃ asamanupassanto khemappatto abhayappatto vesārajjappatto viharāmi. ‘Khīṇāsavassa te paṭijānato ime āsavā aparikkhīṇā’ti tatra vata maṃ…pe… ‘ye kho pana te antarāyikā dhammā vuttā, te paṭisevato nālaṃ antarāyāyā’ti tatra vata maṃ…pe… ‘yassa kho pana te atthāya dhammo desito, so na niyyāti takkarassa sammā dukkhakkhayāyā’ti tatra vata maṃ samaṇo vā brāhmaṇo vā…pe… vesārajjappatto viharāmī’’ti (a. ni. 4.8).
аасабхам̣ таананд̇и сздтадтаанам̣ уд̇д̇амадтаанам̣. аасабхаа ваа буб̣б̣аб̣уд̣̇д̇хаа, д̇зсам̣ таананд̇и ад̇т̇о. абижа г̇авасад̇аж̇здтаго усабхо, г̇авасахассаж̇здтаго васабхо, важ̇асад̇аж̇здтаго ваа усабхо, важ̇асахассаж̇здтаго васабхо, саб̣б̣аг̇авасздто саб̣б̣абариссаяасахо сзд̇о баасаад̣̇иго махаабхааравахо асанисад̇асад̣̇д̣̇зхиби асамбагамбияо нисабхо, со ид̇ха усабход̇и ад̇хиббзд̇о. ид̣̇амби хи д̇асса барияааяаважанам̣. усабхасса ид̣̇анд̇и аасабхам̣. таананд̇и жад̇уухи баад̣̇зхи бат̇авим̣ уббийл̣зд̇ваа авадтаанам̣ (ма. ни. 1.150). ид̣̇ам̣ бана аасабхам̣ вияаад̇и аасабхам̣. яат̇зва хи нисабхасан̇каад̇о усабхо усабхаб̣алзна саманнааг̇ад̇о жад̇уухи баад̣̇зхи бат̇авим̣ уббийл̣зд̇ваа ажаладтаанзна д̇идтад̇и, звам̣ д̇ат̇ааг̇ад̇оби д̣̇асахи д̇ат̇ааг̇ад̇аб̣алзхи саманнааг̇ад̇о жад̇уухи взсаараж̇ж̇абаад̣̇зхи адтабарисабат̇авим̣ уббийл̣зд̇ваа сад̣̇звагз логз гзнажи бажжад̇т̇игзна бажжаамид̇д̇зна агамбияо ажаладтаанзна д̇идтад̇и. звам̣ д̇идтамаано жа д̇ам̣ аасабхам̣ таанам̣ бадиж̇аанаад̇и убаг̇ажчад̇и на бажжагкаад̇и, ад̇д̇ани ааробзд̇и. д̇зна вуд̇д̇ам̣ ‘‘аасабхам̣ таанам̣ бадиж̇аанаад̇ий’’д̇и.
Āsabhaṃ ṭhānanti seṭṭhaṭṭhānaṃ uttamaṭṭhānaṃ. Āsabhā vā pubbabuddhā, tesaṃ ṭhānanti attho. Apica gavasatajeṭṭhako usabho, gavasahassajeṭṭhako vasabho, vajasatajeṭṭhako vā usabho, vajasahassajeṭṭhako vasabho, sabbagavaseṭṭho sabbaparissayasaho seto pāsādiko mahābhāravaho asanisatasaddehipi asampakampiyo nisabho, so idha usabhoti adhippeto. Idampi hi tassa pariyāyavacanaṃ. Usabhassa idanti āsabhaṃ. Ṭhānanti catūhi pādehi pathaviṃ uppīḷetvā avaṭṭhānaṃ (ma. ni. 1.150). Idaṃ pana āsabhaṃ viyāti āsabhaṃ. Yatheva hi nisabhasaṅkhāto usabho usabhabalena samannāgato catūhi pādehi pathaviṃ uppīḷetvā acalaṭṭhānena tiṭṭhati, evaṃ tathāgatopi dasahi tathāgatabalehi samannāgato catūhi vesārajjapādehi aṭṭhaparisapathaviṃ uppīḷetvā sadevake loke kenaci paccatthikena paccāmittena akampiyo acalaṭṭhānena tiṭṭhati. Evaṃ tiṭṭhamāno ca taṃ āsabhaṃ ṭhānaṃ paṭijānāti upagacchati na paccakkhāti, attani āropeti. Tena vuttaṃ ‘‘āsabhaṃ ṭhānaṃ paṭijānātī’’ti.
барисаасууд̇и ‘‘адта ко имаа, саарибуд̇д̇а, барисаа. гад̇амаа адта? кад̇д̇ияабарисаа б̣раахман̣абарисаа г̇ахабад̇ибарисаа саман̣абарисаа жаад̇умахаарааж̇игабарисаа д̇аавад̇им̣сабарисаа маарабарисаа б̣рахмабарисаа’’д̇и, имаасу адтасу барисаасу. сийханаад̣̇ам̣ над̣̇ад̇ийд̇и сздтанаад̣̇ам̣ абхийд̇анаад̣̇ам̣ над̣̇ад̇и, сийханаад̣̇асад̣̇исам̣ ваа наад̣̇ам̣ над̣̇ад̇и. аяамад̇т̇о сийханаад̣̇асуд̇д̇зна д̣̇ийбзд̇аб̣б̣о. яат̇аа ваа сийхо саханад̇о жзва хананад̇о жа сийход̇и вужжад̇и, звам̣ д̇ат̇ааг̇ад̇о логад̇хаммаанам̣ саханад̇о бараббаваад̣̇аанан̃жа хананад̇о сийход̇и вужжад̇и. звам̣ вуд̇д̇асса сийхасса наад̣̇ам̣ сийханаад̣̇ам̣. д̇ад̇т̇а яат̇аа сийхо сийхаб̣алзна саманнааг̇ад̇о саб̣б̣ад̇т̇а висаарад̣̇о виг̇ад̇аломахам̣со сийханаад̣̇ам̣ над̣̇ад̇и, звам̣ д̇ат̇ааг̇ад̇асийхоби д̇ат̇ааг̇ад̇аб̣алзхи саманнааг̇ад̇о адтасу барисаасу висаарад̣̇о виг̇ад̇аломахам̣со, ‘‘ид̇и рууба’’нд̇иаад̣̇инаа наязна наанаавид̇хад̣̇зсанаавилаасасамбаннам̣ сийханаад̣̇ам̣ над̣̇ад̇и. д̇зна вуд̇д̇ам̣ ‘‘барисаасу сийханаад̣̇ам̣ над̣̇ад̇ий’’д̇и.
Parisāsūti ‘‘aṭṭha kho imā, sāriputta, parisā. Katamā aṭṭha? Khattiyaparisā brāhmaṇaparisā gahapatiparisā samaṇaparisā cātumahārājikaparisā tāvatiṃsaparisā māraparisā brahmaparisā’’ti, imāsu aṭṭhasu parisāsu. Sīhanādaṃ nadatīti seṭṭhanādaṃ abhītanādaṃ nadati, sīhanādasadisaṃ vā nādaṃ nadati. Ayamattho sīhanādasuttena dīpetabbo. Yathā vā sīho sahanato ceva hananato ca sīhoti vuccati, evaṃ tathāgato lokadhammānaṃ sahanato parappavādānañca hananato sīhoti vuccati. Evaṃ vuttassa sīhassa nādaṃ sīhanādaṃ. Tattha yathā sīho sīhabalena samannāgato sabbattha visārado vigatalomahaṃso sīhanādaṃ nadati, evaṃ tathāgatasīhopi tathāgatabalehi samannāgato aṭṭhasu parisāsu visārado vigatalomahaṃso, ‘‘iti rūpa’’ntiādinā nayena nānāvidhadesanāvilāsasampannaṃ sīhanādaṃ nadati. Tena vuttaṃ ‘‘parisāsu sīhanādaṃ nadatī’’ti.
б̣рахмажаггам̣ бавад̇д̇зд̇ийд̇и зд̇т̇а б̣рахманд̇и сздтам̣ уд̇д̇амам̣, висуд̣̇д̇хасса д̇хаммажаггассзд̇ам̣ ад̇хиважанам̣. д̇ам̣ бана д̇хаммажаггам̣ д̣̇увид̇хам̣ ход̇и бадивзд̇хан̃аан̣ан̃жа д̣̇зсанаан̃аан̣ан̃жа. д̇ад̇т̇а бан̃н̃аабабхаавид̇ам̣ ад̇д̇ано арияапалаавахам̣ бадивзд̇хан̃аан̣ам̣, гарун̣аабабхаавид̇ам̣ саавагаанам̣ арияапалаавахам̣ д̣̇зсанаан̃аан̣ам̣. д̇ад̇т̇а бадивзд̇хан̃аан̣ам̣ уббаж̇ж̇амаанам̣ уббаннанд̇и д̣̇увид̇хам̣. д̇ан̃хи абхинигкаманад̇о бадтааяа яаава арахад̇д̇амаг̇г̇аа уббаж̇ж̇амаанам̣, палагкан̣з уббаннам̣ наама. д̇усид̇абхаванад̇о ваа яаава махааб̣од̇хибаллан̇гз арахад̇д̇амаг̇г̇аа уббаж̇ж̇амаанам̣, палагкан̣з уббаннам̣ наама. д̣̇ийбан̇гарад̇о ваа бадтааяа яаава арахад̇д̇амаг̇г̇аа уббаж̇ж̇амаанам̣ , палагкан̣з уббаннам̣ наама. д̣̇зсанаан̃аан̣амби бавад̇д̇амаанам̣ бавад̇д̇анд̇и д̣̇увид̇хам̣. д̇ан̃хи яаава ан̃н̃аасигон̣д̣ан̃н̃асса сод̇аабад̇д̇имаг̇г̇аа бавад̇д̇амаанам̣, палагкан̣з бавад̇д̇ам̣ наама. д̇зсу бадивзд̇хан̃аан̣ам̣ логуд̇д̇арам̣, д̣̇зсанаан̃аан̣ам̣ логияам̣. убхаяамби банзд̇ам̣ ан̃н̃зхи асаад̇хааран̣ам̣ б̣уд̣̇д̇хаанам̣язва орасан̃аан̣ам̣.
Brahmacakkaṃ pavattetīti ettha brahmanti seṭṭhaṃ uttamaṃ, visuddhassa dhammacakkassetaṃ adhivacanaṃ. Taṃ pana dhammacakkaṃ duvidhaṃ hoti paṭivedhañāṇañca desanāñāṇañca. Tattha paññāpabhāvitaṃ attano ariyaphalāvahaṃ paṭivedhañāṇaṃ, karuṇāpabhāvitaṃ sāvakānaṃ ariyaphalāvahaṃ desanāñāṇaṃ. Tattha paṭivedhañāṇaṃ uppajjamānaṃ uppannanti duvidhaṃ. Tañhi abhinikkhamanato paṭṭhāya yāva arahattamaggā uppajjamānaṃ, phalakkhaṇe uppannaṃ nāma. Tusitabhavanato vā yāva mahābodhipallaṅke arahattamaggā uppajjamānaṃ, phalakkhaṇe uppannaṃ nāma. Dīpaṅkarato vā paṭṭhāya yāva arahattamaggā uppajjamānaṃ , phalakkhaṇe uppannaṃ nāma. Desanāñāṇampi pavattamānaṃ pavattanti duvidhaṃ. Tañhi yāva aññāsikoṇḍaññassa sotāpattimaggā pavattamānaṃ, phalakkhaṇe pavattaṃ nāma. Tesu paṭivedhañāṇaṃ lokuttaraṃ, desanāñāṇaṃ lokiyaṃ. Ubhayampi panetaṃ aññehi asādhāraṇaṃ buddhānaṃyeva orasañāṇaṃ.
ид̣̇аани яам̣ иминаа н̃аан̣зна саманнааг̇ад̇о сийханаад̣̇ам̣ над̣̇ад̇и, д̇ам̣ д̣̇ассзд̇ум̣ ид̇и руубанд̇иаад̣̇имааха. д̇ад̇т̇а ид̇и руубанд̇и ид̣̇ам̣ руубам̣ зд̇д̇агам̣ руубам̣, ид̇о уд̣̇д̇хам̣ руубам̣ над̇т̇ийд̇и руббанасабхааван̃жзва бхууд̇убаад̣̇ааяабхзд̣̇ан̃жа аад̣̇им̣ гад̇ваа лагкан̣арасабажжубадтаанабад̣̇адтаанавасзна анавасзсаруубабариг̇г̇ахо вуд̇д̇о. ид̇и руубасса самуд̣̇аяод̇и иминаа звам̣ бариг̇г̇ахид̇асса руубасса самуд̣̇аяо вуд̇д̇о. д̇ад̇т̇а ид̇ийд̇и звам̣ самуд̣̇аяо ход̇ийд̇и ад̇т̇о. д̇асса вид̇т̇ааро ‘‘авиж̇ж̇аасамуд̣̇аяаа руубасамуд̣̇аяо д̇ан̣хаасамуд̣̇аяаа, гаммасамуд̣̇аяаа аахаарасамуд̣̇аяаа руубасамуд̣̇аяод̇и ниб̣б̣ад̇д̇илагкан̣ам̣ бассанд̇оби руубагканд̇хасса уд̣̇аяам̣ бассад̇ий’’д̇и (бади. ма. 1.50) звам̣ взд̣̇ид̇аб̣б̣о. ад̇т̇ан̇г̇амзби ‘‘авиж̇ж̇аанирод̇хаа руубанирод̇хо…бз… вибарин̣аамалагкан̣ам̣ бассанд̇оби руубагканд̇хасса нирод̇хам̣ бассад̇ий’’д̇и аяам̣ вид̇т̇ааро.
Idāni yaṃ iminā ñāṇena samannāgato sīhanādaṃ nadati, taṃ dassetuṃ iti rūpantiādimāha. Tattha iti rūpanti idaṃ rūpaṃ ettakaṃ rūpaṃ, ito uddhaṃ rūpaṃ natthīti ruppanasabhāvañceva bhūtupādāyabhedañca ādiṃ katvā lakkhaṇarasapaccupaṭṭhānapadaṭṭhānavasena anavasesarūpapariggaho vutto. Iti rūpassa samudayoti iminā evaṃ pariggahitassa rūpassa samudayo vutto. Tattha itīti evaṃ samudayo hotīti attho. Tassa vitthāro ‘‘avijjāsamudayā rūpasamudayo taṇhāsamudayā, kammasamudayā āhārasamudayā rūpasamudayoti nibbattilakkhaṇaṃ passantopi rūpakkhandhassa udayaṃ passatī’’ti (paṭi. ma. 1.50) evaṃ veditabbo. Atthaṅgamepi ‘‘avijjānirodhā rūpanirodho…pe… vipariṇāmalakkhaṇaṃ passantopi rūpakkhandhassa nirodhaṃ passatī’’ti ayaṃ vitthāro.
ид̇и взд̣̇анаад̇иаад̣̇ийсуби аяам̣ взд̣̇анаа зд̇д̇агаа взд̣̇анаа, ид̇о уд̣̇д̇хам̣ взд̣̇анаа над̇т̇и, аяам̣ сан̃н̃аа, имз сан̇каараа, ид̣̇ам̣ вин̃н̃аан̣ам̣ зд̇д̇агам̣ вин̃н̃аан̣ам̣ , ид̇о уд̣̇д̇хам̣ вин̃н̃аан̣ам̣ над̇т̇ийд̇и взд̣̇аяид̇асан̃ж̇аананаабхисан̇каран̣авиж̇аананасабхааван̃жзва сукаад̣̇ируубасан̃н̃аад̣̇ипассаад̣̇ижагкувин̃н̃аан̣аад̣̇ибхзд̣̇ан̃жа аад̣̇им̣ гад̇ваа лагкан̣арасабажжубадтаанабад̣̇адтаанавасзна анавасзсавзд̣̇анаасан̃н̃аасан̇кааравин̃н̃аан̣абариг̇г̇ахо вуд̇д̇о. ид̇и взд̣̇анааяа самуд̣̇аяод̇иаад̣̇ийхи бана звам̣ бариг̇г̇ахид̇аанам̣ взд̣̇анаасан̃н̃аасан̇кааравин̃н̃аан̣аанам̣ самуд̣̇аяо вуд̇д̇о. д̇ад̇рааби ид̇ийд̇и звам̣ самуд̣̇аяо ход̇ийд̇и ад̇т̇о. д̇зсамби вид̇т̇ааро ‘‘авиж̇ж̇аасамуд̣̇аяаа взд̣̇анаасамуд̣̇аяо’’д̇и (бади. ма. 1.50) руубз вуд̇д̇анаязнзва взд̣̇ид̇аб̣б̣о. аяам̣ бана висзсо – д̇ийсу канд̇хзсу ‘‘аахаарасамуд̣̇аяаа’’д̇и авад̇ваа ‘‘пассасамуд̣̇аяаа’’д̇и вад̇д̇аб̣б̣ам̣, вин̃н̃аан̣агканд̇хз ‘‘наамаруубасамуд̣̇аяаа’’д̇и. ад̇т̇ан̇г̇амабад̣̇амби д̇зсам̣язва васзна яож̇зд̇аб̣б̣ам̣. аяамзд̇т̇а сан̇кзбо. вид̇т̇аарад̇о бана уд̣̇аяаб̣б̣аяавинижчаяо саб̣б̣аагаарабарибууро висуд̣̇д̇химаг̇г̇з вуд̇д̇о.
Iti vedanātiādīsupi ayaṃ vedanā ettakā vedanā, ito uddhaṃ vedanā natthi, ayaṃ saññā, ime saṅkhārā, idaṃ viññāṇaṃ ettakaṃ viññāṇaṃ , ito uddhaṃ viññāṇaṃ natthīti vedayitasañjānanaabhisaṅkharaṇavijānanasabhāvañceva sukhādirūpasaññādiphassādicakkhuviññāṇādibhedañca ādiṃ katvā lakkhaṇarasapaccupaṭṭhānapadaṭṭhānavasena anavasesavedanāsaññāsaṅkhāraviññāṇapariggaho vutto. Iti vedanāya samudayotiādīhi pana evaṃ pariggahitānaṃ vedanāsaññāsaṅkhāraviññāṇānaṃ samudayo vutto. Tatrāpi itīti evaṃ samudayo hotīti attho. Tesampi vitthāro ‘‘avijjāsamudayā vedanāsamudayo’’ti (paṭi. ma. 1.50) rūpe vuttanayeneva veditabbo. Ayaṃ pana viseso – tīsu khandhesu ‘‘āhārasamudayā’’ti avatvā ‘‘phassasamudayā’’ti vattabbaṃ, viññāṇakkhandhe ‘‘nāmarūpasamudayā’’ti. Atthaṅgamapadampi tesaṃyeva vasena yojetabbaṃ. Ayamettha saṅkhepo. Vitthārato pana udayabbayavinicchayo sabbākāraparipūro visuddhimagge vutto.
имасмим̣ сад̇и ид̣̇ам̣ ход̇ийд̇и аяамби абаро сийханаад̣̇о. д̇ассад̇т̇о – имасмим̣ авиж̇ж̇аад̣̇игз бажжаяз сад̇и ид̣̇ам̣ сан̇каараад̣̇игам̣ палам̣ ход̇и. имассуббаад̣̇аа ид̣̇ам̣ уббаж̇ж̇ад̇ийд̇и имасса авиж̇ж̇аад̣̇игасса бажжаяасса уббаад̣̇аа ид̣̇ам̣ сан̇каараад̣̇игам̣ палам̣ уббаж̇ж̇ад̇и. имасмим̣ асад̇и ид̣̇ам̣ на ход̇ийд̇и имасмим̣ авиж̇ж̇аад̣̇игз бажжаяз асад̇и ид̣̇ам̣ сан̇каараад̣̇игам̣ палам̣ на ход̇и. имасса нирод̇хаа ид̣̇ам̣ нируж̇жхад̇ийд̇и имасса авиж̇ж̇аад̣̇игасса бажжаяасса нирод̇хаа ид̣̇ам̣ сан̇каараад̣̇игам̣ палам̣ нируж̇жхад̇и. ид̣̇аани яат̇аа д̇ам̣ ход̇и жзва нируж̇жхад̇и жа, д̇ам̣ вид̇т̇аарад̇о д̣̇ассзд̇ум̣ яад̣̇ид̣̇ам̣ авиж̇ж̇аабажжаяаа сан̇каараад̇иаад̣̇имааха.
Imasmiṃsati idaṃ hotīti ayampi aparo sīhanādo. Tassattho – imasmiṃ avijjādike paccaye sati idaṃ saṅkhārādikaṃ phalaṃ hoti. Imassuppādā idaṃ uppajjatīti imassa avijjādikassa paccayassa uppādā idaṃ saṅkhārādikaṃ phalaṃ uppajjati. Imasmiṃ asati idaṃ na hotīti imasmiṃ avijjādike paccaye asati idaṃ saṅkhārādikaṃ phalaṃ na hoti. Imassa nirodhā idaṃ nirujjhatīti imassa avijjādikassa paccayassa nirodhā idaṃ saṅkhārādikaṃ phalaṃ nirujjhati. Idāni yathā taṃ hoti ceva nirujjhati ca, taṃ vitthārato dassetuṃ yadidaṃ avijjāpaccayā saṅkhārātiādimāha.
звам̣ сваагкаад̇од̇и звам̣ бан̃жагканд̇хавибхаж̇анаад̣̇ивасзна судту агкаад̇о гат̇ид̇о. д̇хаммод̇и бан̃жагканд̇хабажжаяаагаарад̇хаммо. уд̇д̇аанод̇и анигуж̇ж̇ид̇о. вивадод̇и виварид̇ваа табид̇о. багаасид̇од̇и д̣̇ийбид̇о ж̇од̇ид̇о. чиннабилод̇игод̇и билод̇игаа вужжад̇и чиннам̣ бхиннам̣ д̇ад̇т̇а д̇ад̇т̇а сиб̣б̣ид̇аг̇ан̣тид̇ам̣ ж̇ин̣н̣авад̇т̇ам̣, д̇ам̣ яасса над̇т̇ийд̇и адтахад̇т̇ам̣ навахад̇т̇ам̣ ваа ахад̇асаадагам̣ нивад̇т̇о, со чиннабилод̇иго наама. аяамби д̇хаммо д̇аад̣̇исо. на хзд̇т̇а гохан̃н̃аад̣̇ивасзна чиннабхиннасиб̣б̣ид̇аг̇ан̣тид̇абхааво ад̇т̇и. абижа куд̣̇д̣̇агасаадагоби билод̇игаад̇и вужжад̇и, саа яасса над̇т̇и, адтанавахад̇т̇о махаабадо ад̇т̇и, соби чиннабилод̇иго, абаг̇ад̇абилод̇игод̇и ад̇т̇о. д̇аад̣̇исо аяам̣ д̇хаммо. яат̇аа хи жад̇ухад̇т̇ам̣ саадагам̣ г̇ахзд̇ваа бариг̇г̇ахан̣ам̣ гаронд̇о бурисо ид̇о жид̇о жа ан̃чанд̇о гиламад̇и, звам̣ б̣аахирагасамаяз баб̣б̣аж̇ид̇аа ад̇д̇ано барид̇д̇агам̣ д̇хаммам̣ ‘‘звам̣ сад̇и звам̣ бхависсад̇ий’’д̇и габбзд̇ваа габбзд̇ваа вад̣дхзнд̇аа гиламанд̇и. яат̇аа бана адтахад̇т̇анавахад̇т̇зна бариг̇г̇ахан̣ам̣ гаронд̇о яат̇ааружи баарубад̇и на гиламад̇и, над̇т̇и д̇ад̇т̇а ан̃чид̇ваа вад̣дханагижжам̣; звам̣ имасмимби д̇хаммз габбзд̇ваа габбзд̇ваа вибхаж̇анагижжам̣ над̇т̇и, д̇зхи д̇зхи гааран̣зхи маяаава аяам̣ д̇хаммо сувибхад̇д̇о сувид̇т̇аарид̇од̇и ид̣̇амби санд̇хааяа ‘‘чиннабилод̇иго’’д̇и ааха. абижа гажавароби билод̇игаад̇и вужжад̇и, имасмин̃жа саасанз саман̣агажаварам̣ наама бад̇идтаад̇ум̣ на лабхад̇и. д̇знзвааха –
Evaṃ svākkhātoti evaṃ pañcakkhandhavibhajanādivasena suṭṭhu akkhāto kathito. Dhammoti pañcakkhandhapaccayākāradhammo. Uttānoti anikujjito. Vivaṭoti vivaritvā ṭhapito. Pakāsitoti dīpito jotito. Chinnapilotikoti pilotikā vuccati chinnaṃ bhinnaṃ tattha tattha sibbitagaṇṭhitaṃ jiṇṇavatthaṃ, taṃ yassa natthīti aṭṭhahatthaṃ navahatthaṃ vā ahatasāṭakaṃ nivattho, so chinnapilotiko nāma. Ayampi dhammo tādiso. Na hettha kohaññādivasena chinnabhinnasibbitagaṇṭhitabhāvo atthi. Apica khuddakasāṭakopi pilotikāti vuccati, sā yassa natthi, aṭṭhanavahattho mahāpaṭo atthi, sopi chinnapilotiko, apagatapilotikoti attho. Tādiso ayaṃ dhammo. Yathā hi catuhatthaṃ sāṭakaṃ gahetvā pariggahaṇaṃ karonto puriso ito cito ca añchanto kilamati, evaṃ bāhirakasamaye pabbajitā attano parittakaṃ dhammaṃ ‘‘evaṃ sati evaṃ bhavissatī’’ti kappetvā kappetvā vaḍḍhentā kilamanti. Yathā pana aṭṭhahatthanavahatthena pariggahaṇaṃ karonto yathāruci pārupati na kilamati, natthi tattha añchitvā vaḍḍhanakiccaṃ; evaṃ imasmimpi dhamme kappetvā kappetvā vibhajanakiccaṃ natthi, tehi tehi kāraṇehi mayāva ayaṃ dhammo suvibhatto suvitthāritoti idampi sandhāya ‘‘chinnapilotiko’’ti āha. Apica kacavaropi pilotikāti vuccati, imasmiñca sāsane samaṇakacavaraṃ nāma patiṭṭhātuṃ na labhati. Tenevāha –
‘‘гааран̣д̣авам̣ нид̣̇д̇хамат̇а, гасамб̣ум̣ абагассат̇а;
‘‘Kāraṇḍavaṃ niddhamatha, kasambuṃ apakassatha;
д̇ад̇о балаабз ваахзт̇а, ассаман̣з саман̣амаанинз.
Tato palāpe vāhetha, assamaṇe samaṇamānine.
‘‘нид̣̇д̇хамид̇ваана баабижчз, баабааажаараг̇ожарз;
‘‘Niddhamitvāna pāpicche, pāpaācāragocare;
суд̣̇д̇хаа суд̣̇д̇хзхи сам̣ваасам̣, габбаяавхо бад̇иссад̇аа;
Suddhā suddhehi saṃvāsaṃ, kappayavho patissatā;
д̇ад̇о самаг̇г̇аа нибагаа, д̣̇угкассанд̇ам̣ гариссат̇аа’’д̇и. (а. ни. 8.10);
Tato samaggā nipakā, dukkhassantaṃ karissathā’’ti. (a. ni. 8.10);
ид̇и саман̣агажаварасса чиннад̇д̇ааби аяам̣ д̇хаммо чиннабилод̇иго наама ход̇и.
Iti samaṇakacavarassa chinnattāpi ayaṃ dhammo chinnapilotiko nāma hoti.
аламзваад̇и яуд̇д̇амзва. сад̣̇д̇хаабаб̣б̣аж̇ид̇знаад̇и сад̣̇д̇хааяа баб̣б̣аж̇ид̇зна. гулабуд̇д̇знаад̇и д̣̇вз гулабуд̇д̇аа аажаарагулабуд̇д̇о ж̇аад̇игулабуд̇д̇о жа. д̇ад̇т̇а яо яад̇о гуд̇ожи гулаа баб̣б̣аж̇ид̇ваа сийлаад̣̇аяо бан̃жа д̇хаммагканд̇хз буурзд̇и, аяам̣ аажаарагулабуд̇д̇о наама. яо бана яасагулабуд̇д̇аад̣̇аяо вияа ж̇аад̇исамбаннагулаа баб̣б̣аж̇ид̇о, аяам̣ ж̇аад̇игулабуд̇д̇о наама. д̇зсу ид̇ха аажаарагулабуд̇д̇о ад̇хиббзд̇о. сажз бана ж̇аад̇игулабуд̇д̇о аажаараваа ход̇и, аяам̣ уд̇д̇амоязва. зваруубзна гулабуд̇д̇зна. вийрияам̣ аарабхид̇унд̇и жад̇уран̇г̇асаманнааг̇ад̇ам̣ вийрияам̣ гаад̇ум̣. ид̣̇аанисса жад̇уран̇г̇ам̣ д̣̇ассзнд̇о гаамам̣ д̇ажо жаад̇иаад̣̇имааха. зд̇т̇а хи д̇ажо згам̣ ан̇г̇ам̣, нхаару згам̣, адти згам̣, мам̣салохид̇ам̣ зганд̇и. ид̣̇ан̃жа бана жад̇уран̇г̇асаманнааг̇ад̇ам̣ вийрияам̣ ад̇хидтаханд̇зна навасу таанзсу самаад̇хаад̇аб̣б̣ам̣ бурзбхад̇д̇з бажчаабхад̇д̇з буримаяаамз маж̇жхимаяаамз бажчимаяаамз г̇аманз таанз нисаж̇ж̇ааяа саяанзд̇и.
Alamevāti yuttameva. Saddhāpabbajitenāti saddhāya pabbajitena. Kulaputtenāti dve kulaputtā ācārakulaputto jātikulaputto ca. Tattha yo yato kutoci kulā pabbajitvā sīlādayo pañca dhammakkhandhe pūreti, ayaṃ ācārakulaputto nāma. Yo pana yasakulaputtādayo viya jātisampannakulā pabbajito, ayaṃ jātikulaputto nāma. Tesu idha ācārakulaputto adhippeto. Sace pana jātikulaputto ācāravā hoti, ayaṃ uttamoyeva. Evarūpena kulaputtena. Vīriyaṃ ārabhitunti caturaṅgasamannāgataṃ vīriyaṃ kātuṃ. Idānissa caturaṅgaṃ dassento kāmaṃ taco cātiādimāha. Ettha hi taco ekaṃ aṅgaṃ, nhāru ekaṃ, aṭṭhi ekaṃ, maṃsalohitaṃ ekanti. Idañca pana caturaṅgasamannāgataṃ vīriyaṃ adhiṭṭhahantena navasu ṭhānesu samādhātabbaṃ purebhatte pacchābhatte purimayāme majjhimayāme pacchimayāme gamane ṭhāne nisajjāya sayaneti.
д̣̇угкам̣ , бхигкавз, гусийд̇о вихарад̇ийд̇и имасмим̣ саасанз яо гусийд̇о буг̇г̇ало, со д̣̇угкам̣ вихарад̇и. б̣аахирасамаяз бана яо гусийд̇о, со сукам̣ вихарад̇и. вогин̣н̣од̇и миссийбхууд̇о. сад̣̇ад̇т̇анд̇и собханам̣ ваа ад̇т̇ам̣ сагам̣ ваа ад̇т̇ам̣, убхаязнааби арахад̇д̇амзва ад̇хиббзд̇ам̣. барихаабзд̇ийд̇и хаабзд̇и на баабун̣аад̇и. гусийд̇абуг̇г̇аласса хи ча д̣̇ваараани аг̇уд̇д̇аани хонд̇и, д̇ийн̣и гаммаани абарисуд̣̇д̇хаани, ааж̇ийвадтамагам̣ сийлам̣ абарияод̣̇аад̇ам̣, бхиннааж̇ийво гулуубаго ход̇и. со саб̣рахмажаарийнам̣ агкимхи бад̇ид̇араж̇ам̣ вияа убагхаад̇агаро худ̇ваа д̣̇угкам̣ вихарад̇и, бийтамад̣̇д̣̇ано жзва ход̇и лан̣д̣абуураго жа, сад̇т̇у аж̇жхаасаяам̣ г̇ахзд̇ум̣ на саггод̇и, д̣̇уллабхам̣ кан̣ам̣ вираад̇хзд̇и, д̇зна бхуд̇д̇о радтабин̣д̣оби на махабпало ход̇и.
Dukkhaṃ, bhikkhave, kusīto viharatīti imasmiṃ sāsane yo kusīto puggalo, so dukkhaṃ viharati. Bāhirasamaye pana yo kusīto, so sukhaṃ viharati. Vokiṇṇoti missībhūto. Sadatthanti sobhanaṃ vā atthaṃ sakaṃ vā atthaṃ, ubhayenāpi arahattameva adhippetaṃ. Parihāpetīti hāpeti na pāpuṇāti. Kusītapuggalassa hi cha dvārāni aguttāni honti, tīṇi kammāni aparisuddhāni, ājīvaṭṭhamakaṃ sīlaṃ apariyodātaṃ, bhinnājīvo kulūpako hoti. So sabrahmacārīnaṃ akkhimhi patitarajaṃ viya upaghātakaro hutvā dukkhaṃ viharati, pīṭhamaddano ceva hoti laṇḍapūrako ca, satthu ajjhāsayaṃ gahetuṃ na sakkoti, dullabhaṃ khaṇaṃ virādheti, tena bhutto raṭṭhapiṇḍopi na mahapphalo hoti.
аарад̣̇д̇хавийрияо жа ко, бхигкавзд̇и аарад̣̇д̇хавийрияо буг̇г̇ало имасмим̣язва саасанз сукам̣ вихарад̇и. б̣аахирасамаяз бана яо аарад̣̇д̇хавийрияо, со д̣̇угкам̣ вихарад̇и. бавивид̇д̇од̇и вивид̇д̇о вияуд̇д̇о худ̇ваа. сад̣̇ад̇т̇ам̣ барибуурзд̇ийд̇и арахад̇д̇ам̣ баабун̣аад̇и. аарад̣̇д̇хавийрияасса хи ча д̣̇ваараани суг̇уд̇д̇аани хонд̇и, д̇ийн̣и гаммаани барисуд̣̇д̇хаани, ааж̇ийвадтамагам̣ сийлам̣ барияод̣̇аад̇ам̣ саб̣рахмажаарийнам̣ агкимхи сусийд̇алан̃ж̇анам̣ вияа д̇хаад̇уг̇ад̇ажанд̣̇анам̣ вияа жа манаабо худ̇ваа сукам̣ вихарад̇и, сад̇т̇у аж̇жхаасаяам̣ г̇ахзд̇ум̣ саггод̇и. сад̇т̇аа хи –
Āraddhavīriyo ca kho, bhikkhaveti āraddhavīriyo puggalo imasmiṃyeva sāsane sukhaṃ viharati. Bāhirasamaye pana yo āraddhavīriyo, so dukkhaṃ viharati. Pavivittoti vivitto viyutto hutvā. Sadatthaṃ paripūretīti arahattaṃ pāpuṇāti. Āraddhavīriyassa hi cha dvārāni suguttāni honti, tīṇi kammāni parisuddhāni, ājīvaṭṭhamakaṃ sīlaṃ pariyodātaṃ sabrahmacārīnaṃ akkhimhi susītalañjanaṃ viya dhātugatacandanaṃ viya ca manāpo hutvā sukhaṃ viharati, satthu ajjhāsayaṃ gahetuṃ sakkoti. Satthā hi –
‘‘жирам̣ ж̇ийва махаавийра, габбам̣ д̇идта махаамуний’’д̇и –
‘‘Ciraṃ jīva mahāvīra, kappaṃ tiṭṭha mahāmunī’’ti –
звам̣ г̇од̇амияаа ванд̣̇ид̇о, ‘‘на ко, г̇од̇ами, д̇ат̇ааг̇ад̇аа звам̣ ванд̣̇ид̇аб̣б̣аа’’д̇и бадигкибид̇ваа д̇ааяа яаажид̇о ванд̣̇ид̇аб̣б̣аагаарам̣ аажигканд̇о звамааха –
Evaṃ gotamiyā vandito, ‘‘na kho, gotami, tathāgatā evaṃ vanditabbā’’ti paṭikkhipitvā tāya yācito vanditabbākāraṃ ācikkhanto evamāha –
‘‘аарад̣̇д̇хавийрияз бахид̇ад̇д̇з, нижжам̣ д̣̇ал̣хабараггамз;
‘‘Āraddhavīriye pahitatte, niccaṃ daḷhaparakkame;
самаг̇г̇з саавагз басса, зсаа б̣уд̣̇д̇хаана ванд̣̇анаа’’д̇и. (аба. т̇зрий 2.2.171);
Samagge sāvake passa, esā buddhāna vandanā’’ti. (apa. therī 2.2.171);
звам̣ аарад̣̇д̇хавийрияо сад̇т̇у аж̇жхаасаяам̣ г̇ахзд̇ум̣ саггод̇и, д̣̇уллабхам̣ кан̣ам̣ на вираад̇хзд̇и. д̇асса хи б̣уд̣̇д̇хуббаад̣̇о д̇хаммад̣̇зсанаа сан̇гхасуббадибад̇д̇и сапалаа ход̇и сауд̣̇раяаа, радтабин̣д̣оби д̇зна бхуд̇д̇о махабпало ход̇и.
Evaṃ āraddhavīriyo satthu ajjhāsayaṃ gahetuṃ sakkoti, dullabhaṃ khaṇaṃ na virādheti. Tassa hi buddhuppādo dhammadesanā saṅghasuppaṭipatti saphalā hoti saudrayā, raṭṭhapiṇḍopi tena bhutto mahapphalo hoti.
хийнзна аг̇г̇ассаад̇и хийнааяа сад̣̇д̇хааяа хийнзна вийриязна хийнааяа сад̇ияаа хийнзна самаад̇хинаа хийнааяа бан̃н̃ааяа аг̇г̇асан̇каад̇асса арахад̇д̇асса бад̇д̇и наама на ход̇и. аг̇г̇зна жа код̇и аг̇г̇зхи сад̣̇д̇хаад̣̇ийхи аг̇г̇асса арахад̇д̇асса бад̇д̇и ход̇и. ман̣д̣абзяяанд̇и басаннадтзна ман̣д̣ам̣, баад̇аб̣б̣адтзна бзяяам̣. яан̃хи бивид̇ваа анд̇аравийт̇ияам̣ бад̇ид̇о висан̃н̃ий ад̇д̇ано саадагаад̣̇ийнамби ассаамиго ход̇и, д̇ам̣ басаннамби на баад̇аб̣б̣ам̣, маяхам̣ бана саасанам̣ звам̣ басаннан̃жа баад̇аб̣б̣ан̃жаад̇и д̣̇ассзнд̇о ‘‘ман̣д̣абзяяа’’нд̇и ааха.
Hīnenaaggassāti hīnāya saddhāya hīnena vīriyena hīnāya satiyā hīnena samādhinā hīnāya paññāya aggasaṅkhātassa arahattassa patti nāma na hoti. Aggena ca khoti aggehi saddhādīhi aggassa arahattassa patti hoti. Maṇḍapeyyanti pasannaṭṭhena maṇḍaṃ, pātabbaṭṭhena peyyaṃ. Yañhi pivitvā antaravīthiyaṃ patito visaññī attano sāṭakādīnampi assāmiko hoti, taṃ pasannampi na pātabbaṃ, mayhaṃ pana sāsanaṃ evaṃ pasannañca pātabbañcāti dassento ‘‘maṇḍapeyya’’nti āha.
д̇ад̇т̇а д̇ивид̇хо ман̣д̣о – д̣̇зсанааман̣д̣о, бадиг̇г̇ахаман̣д̣о, б̣рахмажарияаман̣д̣од̇и. гад̇амо д̣̇зсанааман̣д̣о? жад̇уннам̣ арияасажжаанам̣ аажигканаа д̣̇зсанаа бан̃н̃аабанаа бадтабанаа виваран̣аа вибхаж̇анаа уд̇д̇аанийгаммам̣, жад̇уннам̣ сад̇ибадтаанаанам̣…бз… арияасса адтан̇г̇игасса маг̇г̇асса аажигканаа…бз… уд̇д̇аанийгаммам̣, аяам̣ д̣̇зсанааман̣д̣о. гад̇амо бадиг̇г̇ахаман̣д̣о? бхигкуу бхигкунияо убаасагаа убаасигааяо д̣̇зваа мануссаа яз ваа банан̃н̃зби гзжи вин̃н̃аад̇ааро, аяам̣ бадиг̇г̇ахаман̣д̣о. гад̇амо б̣рахмажарияаман̣д̣о? аяамзва арияо адтан̇г̇иго маг̇г̇о, сзяяат̇ид̣̇ам̣ – саммаад̣̇идти…бз… саммаасамаад̇хи, аяам̣ б̣рахмажарияаман̣д̣о. абижа ад̇химогкаман̣д̣о сад̣̇д̇хинд̣̇рияам̣, ассад̣̇д̇хияам̣ гасадо, ассад̣̇д̇хияам̣ гасадам̣ чад̣д̣зд̇ваа сад̣̇д̇хинд̣̇рияасса ад̇химогкаман̣д̣ам̣ бивад̇ийд̇и ман̣д̣абзяяанд̇иаад̣̇инааби (бади. ма. 1.238) наязнзд̇т̇а ад̇т̇о взд̣̇ид̇аб̣б̣о. сад̇т̇аа саммукийбхууд̇од̇и ид̣̇амзд̇т̇а гааран̣аважанам̣. яасмаа сад̇т̇аа саммукийбхууд̇о, д̇асмаа вийрияасамбаяог̇ам̣ гад̇ваа биват̇а зд̇ам̣ ман̣д̣ам̣. б̣аахираган̃хи бхзсаж̇ж̇аман̣д̣амби взж̇ж̇асса асаммукаа биванд̇аанам̣ бамаан̣ам̣ ваа уг̇г̇аманам̣ ваа ниг̇г̇аманам̣ ваа на ж̇аанаамаад̇и аасан̇гаа ход̇и. взж̇ж̇асаммукаа бана ‘‘взж̇ж̇о ж̇ааниссад̇ий’’д̇и нираасан̇гаа биванд̇и. звамзва амхаагам̣ д̇хаммассаами сад̇т̇аа саммукийбхууд̇од̇и вийрияам̣ гад̇ваа биват̇аад̇и ман̣д̣абаанз нзсам̣ нияож̇знд̇о д̇асмаад̇иха, бхигкавзд̇иаад̣̇имааха. д̇ад̇т̇а сапалаад̇и саанисам̣саа. сауд̣̇раяаад̇и савад̣дхи. ид̣̇аани нияож̇анаануруубам̣ сигкид̇аб̣б̣ад̇ам̣ нид̣̇д̣̇исанд̇о ад̇д̇ад̇т̇ам̣ ваа хи, бхигкавзд̇иаад̣̇имааха. д̇ад̇т̇а ад̇д̇ад̇т̇анд̇и ад̇д̇ано ад̇т̇абхууд̇ам̣ арахад̇д̇ам̣. аббамаад̣̇зна самбаад̣̇зд̇унд̇и аббамаад̣̇зна саб̣б̣агижжаани гаад̇ум̣. барад̇т̇анд̇и бажжаяад̣̇ааяагаанам̣ махабпалаанисам̣сам̣. сзсам̣ саб̣б̣ад̇т̇а уд̇д̇аанамзваад̇и. д̣̇уд̇ияам̣.
Tattha tividho maṇḍo – desanāmaṇḍo, paṭiggahamaṇḍo, brahmacariyamaṇḍoti. Katamo desanāmaṇḍo? Catunnaṃ ariyasaccānaṃ ācikkhanā desanā paññāpanā paṭṭhapanā vivaraṇā vibhajanā uttānīkammaṃ, catunnaṃ satipaṭṭhānānaṃ…pe… ariyassa aṭṭhaṅgikassa maggassa ācikkhanā…pe… uttānīkammaṃ, ayaṃ desanāmaṇḍo. Katamo paṭiggahamaṇḍo? Bhikkhū bhikkhuniyo upāsakā upāsikāyo devā manussā ye vā panaññepi keci viññātāro, ayaṃ paṭiggahamaṇḍo. Katamo brahmacariyamaṇḍo? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi, ayaṃ brahmacariyamaṇḍo. Apica adhimokkhamaṇḍo saddhindriyaṃ, assaddhiyaṃ kasaṭo, assaddhiyaṃ kasaṭaṃ chaḍḍetvā saddhindriyassa adhimokkhamaṇḍaṃ pivatīti maṇḍapeyyantiādināpi (paṭi. ma. 1.238) nayenettha attho veditabbo. Satthā sammukhībhūtoti idamettha kāraṇavacanaṃ. Yasmā satthā sammukhībhūto, tasmā vīriyasampayogaṃ katvā pivatha etaṃ maṇḍaṃ. Bāhirakañhi bhesajjamaṇḍampi vejjassa asammukhā pivantānaṃ pamāṇaṃ vā uggamanaṃ vā niggamanaṃ vā na jānāmāti āsaṅkā hoti. Vejjasammukhā pana ‘‘vejjo jānissatī’’ti nirāsaṅkā pivanti. Evameva amhākaṃ dhammassāmi satthā sammukhībhūtoti vīriyaṃ katvā pivathāti maṇḍapāne nesaṃ niyojento tasmātiha, bhikkhavetiādimāha. Tattha saphalāti sānisaṃsā. Saudrayāti savaḍḍhi. Idāni niyojanānurūpaṃ sikkhitabbataṃ niddisanto attatthaṃ vā hi, bhikkhavetiādimāha. Tattha attatthanti attano atthabhūtaṃ arahattaṃ. Appamādena sampādetunti appamādena sabbakiccāni kātuṃ. Paratthanti paccayadāyakānaṃ mahapphalānisaṃsaṃ. Sesaṃ sabbattha uttānamevāti. Dutiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. д̣̇уд̇ияад̣̇асаб̣аласуд̇д̇ам̣ • 2. Dutiyadasabalasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. д̣̇уд̇ияад̣̇асаб̣аласуд̇д̇аван̣н̣анаа • 2. Dutiyadasabalasuttavaṇṇanā
