| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. д̣̇уд̇ияад̇хаммагат̇игасуд̇д̇ам̣
4. Dutiyadhammakathikasuttaṃ
116. саавад̇т̇инид̣̇аанам̣. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘‘д̇хаммагат̇иго д̇хаммагат̇иго’д̇и, бханд̇з, вужжад̇и. гид̇д̇аавад̇аа ну ко, бханд̇з, д̇хаммагат̇иго ход̇и, гид̇д̇аавад̇аа д̇хаммаануд̇хаммаббадибанно ход̇и, гид̇д̇аавад̇аа д̣̇идтад̇хамманиб̣б̣аанаббад̇д̇о ход̇ий’’д̇и? ‘‘руубасса жз, бхигку, ниб̣б̣ид̣̇ааяа вирааг̇ааяа нирод̇хааяа д̇хаммам̣ д̣̇зсзд̇и, ‘д̇хаммагат̇иго бхигкуу’д̇и алам̣ важанааяа. руубасса жз, бхигку, ниб̣б̣ид̣̇ааяа вирааг̇ааяа нирод̇хааяа бадибанно ход̇и, ‘д̇хаммаануд̇хаммаббадибанно бхигкуу’д̇и алам̣ важанааяа. руубасса жз, бхигку, ниб̣б̣ид̣̇аа вирааг̇аа нирод̇хаа анубаад̣̇аавимуд̇д̇о ход̇и, ‘д̣̇идтад̇хамманиб̣б̣аанаббад̇д̇о бхигкуу’д̇и алам̣ важанааяа. взд̣̇анааяа жз, бхигку…бз… сан̃н̃ааяа жз, бхигку… сан̇каараанам̣ жз, бхигку… вин̃н̃аан̣асса жз, бхигку, ниб̣б̣ид̣̇ааяа вирааг̇ааяа нирод̇хааяа д̇хаммам̣ д̣̇зсзд̇и, ‘д̇хаммагат̇иго бхигкуу’д̇и алам̣ важанааяа. вин̃н̃аан̣асса жз, бхигку, ниб̣б̣ид̣̇ааяа вирааг̇ааяа нирод̇хааяа бадибанно ход̇и, ‘д̇хаммаануд̇хаммаббадибанно бхигкуу’д̇и алам̣ важанааяа. вин̃н̃аан̣асса жз, бхигку, ниб̣б̣ид̣̇аа вирааг̇аа нирод̇хаа анубаад̣̇аавимуд̇д̇о ход̇и, ‘д̣̇идтад̇хамманиб̣б̣аанаббад̇д̇о бхигкуу’д̇и алам̣ важанааяаа’’д̇и. жад̇уд̇т̇ам̣.
116. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘‘dhammakathiko dhammakathiko’ti, bhante, vuccati. Kittāvatā nu kho, bhante, dhammakathiko hoti, kittāvatā dhammānudhammappaṭipanno hoti, kittāvatā diṭṭhadhammanibbānappatto hotī’’ti? ‘‘Rūpassa ce, bhikkhu, nibbidāya virāgāya nirodhāya dhammaṃ deseti, ‘dhammakathiko bhikkhū’ti alaṃ vacanāya. Rūpassa ce, bhikkhu, nibbidāya virāgāya nirodhāya paṭipanno hoti, ‘dhammānudhammappaṭipanno bhikkhū’ti alaṃ vacanāya. Rūpassa ce, bhikkhu, nibbidā virāgā nirodhā anupādāvimutto hoti, ‘diṭṭhadhammanibbānappatto bhikkhū’ti alaṃ vacanāya. Vedanāya ce, bhikkhu…pe… saññāya ce, bhikkhu… saṅkhārānaṃ ce, bhikkhu… viññāṇassa ce, bhikkhu, nibbidāya virāgāya nirodhāya dhammaṃ deseti, ‘dhammakathiko bhikkhū’ti alaṃ vacanāya. Viññāṇassa ce, bhikkhu, nibbidāya virāgāya nirodhāya paṭipanno hoti, ‘dhammānudhammappaṭipanno bhikkhū’ti alaṃ vacanāya. Viññāṇassa ce, bhikkhu, nibbidā virāgā nirodhā anupādāvimutto hoti, ‘diṭṭhadhammanibbānappatto bhikkhū’ti alaṃ vacanāyā’’ti. Catutthaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. д̣̇уд̇ияад̇хаммагат̇игасуд̇д̇аван̣н̣анаа • 4. Dutiyadhammakathikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. д̣̇уд̇ияад̇хаммагат̇игасуд̇д̇аван̣н̣анаа • 4. Dutiyadhammakathikasuttavaṇṇanā
