| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. д̣̇уд̇ияад̇хаммавихаарийсуд̇д̇ам̣
4. Dutiyadhammavihārīsuttaṃ
74. ат̇а ко ан̃н̃ад̇аро бхигку язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘‘д̇хаммавихаарий д̇хаммавихаарий’д̇и, бханд̇з, вужжад̇и. гид̇д̇аавад̇аа ну ко, бханд̇з, бхигку д̇хаммавихаарий ход̇ий’’д̇и?
74. Atha kho aññataro bhikkhu yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu bhagavantaṃ etadavoca – ‘‘‘dhammavihārī dhammavihārī’ti, bhante, vuccati. Kittāvatā nu kho, bhante, bhikkhu dhammavihārī hotī’’ti?
‘‘ид̇ха, бхигку, бхигку д̇хаммам̣ барияаабун̣аад̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣; уд̇д̇ари 1 жасса бан̃н̃ааяа ад̇т̇ам̣ наббаж̇аанаад̇и. аяам̣ вужжад̇и, бхигку – ‘бхигку барияад̇д̇иб̣ахуло, но д̇хаммавихаарий’’’.
‘‘Idha, bhikkhu, bhikkhu dhammaṃ pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ; uttari 2 cassa paññāya atthaṃ nappajānāti. Ayaṃ vuccati, bhikkhu – ‘bhikkhu pariyattibahulo, no dhammavihārī’’’.
‘‘буна жабарам̣, бхигку, бхигку яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна барзсам̣ д̣̇зсзд̇и, уд̇д̇ари жасса бан̃н̃ааяа ад̇т̇ам̣ наббаж̇аанаад̇и. аяам̣ вужжад̇и, бхигку – ‘бхигку бан̃н̃ад̇д̇иб̣ахуло, но д̇хаммавихаарий’’’.
‘‘Puna caparaṃ, bhikkhu, bhikkhu yathāsutaṃ yathāpariyattaṃ dhammaṃ vitthārena paresaṃ deseti, uttari cassa paññāya atthaṃ nappajānāti. Ayaṃ vuccati, bhikkhu – ‘bhikkhu paññattibahulo, no dhammavihārī’’’.
‘‘буна жабарам̣, бхигку, бхигку яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна саж̇жхааяам̣ гарод̇и, уд̇д̇ари жасса бан̃н̃ааяа ад̇т̇ам̣ наббаж̇аанаад̇и. аяам̣ вужжад̇и, бхигку – ‘бхигку саж̇жхааяаб̣ахуло, но д̇хаммавихаарий’’’.
‘‘Puna caparaṃ, bhikkhu, bhikkhu yathāsutaṃ yathāpariyattaṃ dhammaṃ vitthārena sajjhāyaṃ karoti, uttari cassa paññāya atthaṃ nappajānāti. Ayaṃ vuccati, bhikkhu – ‘bhikkhu sajjhāyabahulo, no dhammavihārī’’’.
‘‘буна жабарам̣, бхигку, бхигку яат̇аасуд̇ам̣ яат̇аабарияад̇д̇ам̣ д̇хаммам̣ жзд̇асаа анувид̇аггзд̇и анувижаарзд̇и манасаанубзгкад̇и, уд̇д̇ари жасса бан̃н̃ааяа ад̇т̇ам̣ наббаж̇аанаад̇и. аяам̣ вужжад̇и, бхигку – ‘бхигку вид̇аггаб̣ахуло, но д̇хаммавихаарий’’’.
‘‘Puna caparaṃ, bhikkhu, bhikkhu yathāsutaṃ yathāpariyattaṃ dhammaṃ cetasā anuvitakketi anuvicāreti manasānupekkhati, uttari cassa paññāya atthaṃ nappajānāti. Ayaṃ vuccati, bhikkhu – ‘bhikkhu vitakkabahulo, no dhammavihārī’’’.
‘‘ид̇ха, бхигку, бхигку д̇хаммам̣ барияаабун̣аад̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣; уд̇д̇ари жасса бан̃н̃ааяа ад̇т̇ам̣ баж̇аанаад̇и. звам̣ ко, бхигку, бхигку д̇хаммавихаарий ход̇и.
‘‘Idha, bhikkhu, bhikkhu dhammaṃ pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ; uttari cassa paññāya atthaṃ pajānāti. Evaṃ kho, bhikkhu, bhikkhu dhammavihārī hoti.
‘‘ид̇и ко, бхигку, д̣̇зсид̇о маяаа барияад̇д̇иб̣ахуло, д̣̇зсид̇о бан̃н̃ад̇д̇иб̣ахуло, д̣̇зсид̇о саж̇жхааяаб̣ахуло, д̣̇зсид̇о вид̇аггаб̣ахуло, д̣̇зсид̇о д̇хаммавихаарий. яам̣ ко, бхигку, сад̇т̇аараа гаран̣ийяам̣ саавагаанам̣ хид̇зсинаа анугамбагзна анугамбам̣ убаад̣̇ааяа, гад̇ам̣ во д̇ам̣ маяаа. зд̇аани, бхигку, ругкамуулаани, зд̇аани сун̃н̃ааг̇аараани. жхааяат̇а бхигку, маа бамаад̣̇ад̇т̇а, маа бажчаа виббадисаарино ахувад̇т̇а. аяам̣ во амхаагам̣ анусаасаний’’д̇и. жад̇уд̇т̇ам̣.
‘‘Iti kho, bhikkhu, desito mayā pariyattibahulo, desito paññattibahulo, desito sajjhāyabahulo, desito vitakkabahulo, desito dhammavihārī. Yaṃ kho, bhikkhu, satthārā karaṇīyaṃ sāvakānaṃ hitesinā anukampakena anukampaṃ upādāya, kataṃ vo taṃ mayā. Etāni, bhikkhu, rukkhamūlāni, etāni suññāgārāni. Jhāyatha bhikkhu, mā pamādattha, mā pacchā vippaṭisārino ahuvattha. Ayaṃ vo amhākaṃ anusāsanī’’ti. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. д̣̇уд̇ияад̇хаммавихаарийсуд̇д̇аван̣н̣анаа • 4. Dutiyadhammavihārīsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3-4. батамад̇хаммавихаарийсуд̇д̇аад̣̇иван̣н̣анаа • 3-4. Paṭhamadhammavihārīsuttādivaṇṇanā
