| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. д̣̇уд̇ияад̇хааран̣асуд̇д̇ам̣
6. Dutiyadhāraṇasuttaṃ
1086. ‘‘д̇хаарзт̇а но д̇умхз, бхигкавз, маяаа жад̇д̇аари арияасажжаани д̣̇зсид̇ааний’’д̇и? звам̣ вуд̇д̇з ан̃н̃ад̇аро бхигку бхаг̇аванд̇ам̣ зд̇ад̣̇авожа – ‘‘ахам̣ ко, бханд̇з, д̇хаарзми бхаг̇авад̇аа жад̇д̇аари арияасажжаани д̣̇зсид̇ааний’’д̇и.
1086. ‘‘Dhāretha no tumhe, bhikkhave, mayā cattāri ariyasaccāni desitānī’’ti? Evaṃ vutte aññataro bhikkhu bhagavantaṃ etadavoca – ‘‘ahaṃ kho, bhante, dhāremi bhagavatā cattāri ariyasaccāni desitānī’’ti.
‘‘яат̇аа гат̇ам̣ бана д̇вам̣, бхигку, д̇хаарзси маяаа жад̇д̇аари арияасажжаани д̣̇зсид̇ааний’’д̇и? ‘‘д̣̇угкам̣ кваахам̣, бханд̇з, бхаг̇авад̇аа батамам̣ арияасажжам̣ д̣̇зсид̇ам̣ д̇хаарзми. яо хи гожи, бханд̇з, саман̣о ваа б̣раахман̣о ваа звам̣ вад̣̇зяяа – ‘нзд̇ам̣ д̣̇угкам̣ батамам̣ арияасажжам̣ яам̣ саман̣зна г̇од̇амзна д̣̇зсид̇ам̣. ахамзд̇ам̣ д̣̇угкам̣ батамам̣ арияасажжам̣ бажжагкааяа ан̃н̃ам̣ д̣̇угкам̣ батамам̣ арияасажжам̣ бан̃н̃абзссаамий’д̇и – нзд̇ам̣ таанам̣ виж̇ж̇ад̇и. д̣̇угкасамуд̣̇аяам̣ кваахам̣, бханд̇з, бхаг̇авад̇аа…бз… д̣̇угканирод̇хаг̇ааминим̣ бадибад̣̇ам̣ кваахам̣, бханд̇з, бхаг̇авад̇аа жад̇уд̇т̇ам̣ арияасажжам̣ д̣̇зсид̇ам̣ д̇хаарзми. яо хи гожи, бханд̇з, саман̣о ваа б̣раахман̣о ваа звам̣ вад̣̇зяяа – ‘нзд̇ам̣ д̣̇угканирод̇хаг̇ааминий бадибад̣̇аа жад̇уд̇т̇ам̣ арияасажжам̣ яам̣ саман̣зна г̇од̇амзна д̣̇зсид̇ам̣. ахамзд̇ам̣ д̣̇угканирод̇хаг̇ааминим̣ бадибад̣̇ам̣ жад̇уд̇т̇ам̣ арияасажжам̣ бажжагкааяа ан̃н̃ам̣ д̣̇угканирод̇хаг̇ааминим̣ бадибад̣̇ам̣ жад̇уд̇т̇ам̣ арияасажжам̣ бан̃н̃абзссаамий’д̇и – нзд̇ам̣ таанам̣ виж̇ж̇ад̇и. звам̣ кваахам̣, бханд̇з, д̇хаарзми бхаг̇авад̇аа жад̇д̇аари арияасажжаани д̣̇зсид̇ааний’’д̇и.
‘‘Yathā kathaṃ pana tvaṃ, bhikkhu, dhāresi mayā cattāri ariyasaccāni desitānī’’ti? ‘‘Dukkhaṃ khvāhaṃ, bhante, bhagavatā paṭhamaṃ ariyasaccaṃ desitaṃ dhāremi. Yo hi koci, bhante, samaṇo vā brāhmaṇo vā evaṃ vadeyya – ‘netaṃ dukkhaṃ paṭhamaṃ ariyasaccaṃ yaṃ samaṇena gotamena desitaṃ. Ahametaṃ dukkhaṃ paṭhamaṃ ariyasaccaṃ paccakkhāya aññaṃ dukkhaṃ paṭhamaṃ ariyasaccaṃ paññapessāmī’ti – netaṃ ṭhānaṃ vijjati. Dukkhasamudayaṃ khvāhaṃ, bhante, bhagavatā…pe… dukkhanirodhagāminiṃ paṭipadaṃ khvāhaṃ, bhante, bhagavatā catutthaṃ ariyasaccaṃ desitaṃ dhāremi. Yo hi koci, bhante, samaṇo vā brāhmaṇo vā evaṃ vadeyya – ‘netaṃ dukkhanirodhagāminī paṭipadā catutthaṃ ariyasaccaṃ yaṃ samaṇena gotamena desitaṃ. Ahametaṃ dukkhanirodhagāminiṃ paṭipadaṃ catutthaṃ ariyasaccaṃ paccakkhāya aññaṃ dukkhanirodhagāminiṃ paṭipadaṃ catutthaṃ ariyasaccaṃ paññapessāmī’ti – netaṃ ṭhānaṃ vijjati. Evaṃ khvāhaṃ, bhante, dhāremi bhagavatā cattāri ariyasaccāni desitānī’’ti.
‘‘саад̇ху саад̇ху, бхигку! саад̇ху ко д̇вам̣, бхигку, д̇хаарзси маяаа жад̇д̇аари арияасажжаани д̣̇зсид̇аанийд̇и. д̣̇угкам̣ ко, бхигку, маяаа батамам̣ арияасажжам̣ д̣̇зсид̇ам̣, д̇ат̇аа нам̣ д̇хаарзхи. яо хи гожи, бхигку, саман̣о ваа б̣раахман̣о ваа звам̣ вад̣̇зяяа – ‘нзд̇ам̣ д̣̇угкам̣ батамам̣ арияасажжам̣ яам̣ саман̣зна г̇од̇амзна д̣̇зсид̇ам̣. ахамзд̇ам̣ д̣̇угкам̣ батамам̣ арияасажжам̣ бажжагкааяа ан̃н̃ам̣ д̣̇угкам̣ батамам̣ арияасажжам̣ бан̃н̃абзссаамий’д̇и – нзд̇ам̣ таанам̣ виж̇ж̇ад̇и. д̣̇угкасамуд̣̇аяам̣ ко, бхигку…бз… д̣̇угканирод̇хам̣ ко, бхигку…бз… д̣̇угканирод̇хаг̇ааминий бадибад̣̇аа ко, бхигку, маяаа жад̇уд̇т̇ам̣ арияасажжам̣ д̣̇зсид̇ам̣, д̇ат̇аа нам̣ д̇хаарзхи. яо хи гожи, бхигку, саман̣о ваа б̣раахман̣о ваа звам̣ вад̣̇зяяа – ‘нзд̇ам̣ д̣̇угканирод̇хаг̇ааминий бадибад̣̇аа жад̇уд̇т̇ам̣ арияасажжам̣ яам̣ саман̣зна г̇од̇амзна д̣̇зсид̇ам̣ . ахамзд̇ам̣ д̣̇угканирод̇хаг̇ааминим̣ бадибад̣̇ам̣ жад̇уд̇т̇ам̣ арияасажжам̣ бажжагкааяа ан̃н̃ам̣ д̣̇угканирод̇хаг̇ааминим̣ бадибад̣̇ам̣ жад̇уд̇т̇ам̣ арияасажжам̣ бан̃н̃абзссаамий’д̇и – нзд̇ам̣ таанам̣ виж̇ж̇ад̇и. звам̣ ко д̇вам̣, бхигку, д̇хаарзхи маяаа жад̇д̇аари арияасажжаани д̣̇зсид̇аанийд̇и.
‘‘Sādhu sādhu, bhikkhu! Sādhu kho tvaṃ, bhikkhu, dhāresi mayā cattāri ariyasaccāni desitānīti. Dukkhaṃ kho, bhikkhu, mayā paṭhamaṃ ariyasaccaṃ desitaṃ, tathā naṃ dhārehi. Yo hi koci, bhikkhu, samaṇo vā brāhmaṇo vā evaṃ vadeyya – ‘netaṃ dukkhaṃ paṭhamaṃ ariyasaccaṃ yaṃ samaṇena gotamena desitaṃ. Ahametaṃ dukkhaṃ paṭhamaṃ ariyasaccaṃ paccakkhāya aññaṃ dukkhaṃ paṭhamaṃ ariyasaccaṃ paññapessāmī’ti – netaṃ ṭhānaṃ vijjati. Dukkhasamudayaṃ kho, bhikkhu…pe… dukkhanirodhaṃ kho, bhikkhu…pe… dukkhanirodhagāminī paṭipadā kho, bhikkhu, mayā catutthaṃ ariyasaccaṃ desitaṃ, tathā naṃ dhārehi. Yo hi koci, bhikkhu, samaṇo vā brāhmaṇo vā evaṃ vadeyya – ‘netaṃ dukkhanirodhagāminī paṭipadā catutthaṃ ariyasaccaṃ yaṃ samaṇena gotamena desitaṃ . Ahametaṃ dukkhanirodhagāminiṃ paṭipadaṃ catutthaṃ ariyasaccaṃ paccakkhāya aññaṃ dukkhanirodhagāminiṃ paṭipadaṃ catutthaṃ ariyasaccaṃ paññapessāmī’ti – netaṃ ṭhānaṃ vijjati. Evaṃ kho tvaṃ, bhikkhu, dhārehi mayā cattāri ariyasaccāni desitānīti.
‘‘д̇асмаад̇иха, бхигку, ‘ид̣̇ам̣ д̣̇угка’нд̇и яог̇о гаран̣ийяо…бз… ‘аяам̣ д̣̇угканирод̇хаг̇ааминий бадибад̣̇аа’д̇и яог̇о гаран̣ийяо’’д̇и. чадтам̣.
‘‘Tasmātiha, bhikkhu, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Chaṭṭhaṃ.
