| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
2. д̣̇уд̇ияаад̣̇ибаадид̣̇зсанийяасигкаабад̣̇аани
2. Dutiyādipāṭidesanīyasikkhāpadāni
1234. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна чаб̣б̣аг̇г̇ияаа бхигкунияо д̇злам̣ вин̃н̃аабзд̇ваа бхун̃ж̇анд̇и…бз… мад̇хум̣ вин̃н̃аабзд̇ваа бхун̃ж̇анд̇и…бз… паан̣ид̇ам̣ вин̃н̃аабзд̇ваа бхун̃ж̇анд̇и…бз… мажчам̣ вин̃н̃аабзд̇ваа бхун̃ж̇анд̇и…бз… мам̣сам̣ вин̃н̃аабзд̇ваа бхун̃ж̇анд̇и…бз… кийрам̣ вин̃н̃аабзд̇ваа бхун̃ж̇анд̇и…бз… д̣̇ад̇хим̣ вин̃н̃аабзд̇ваа бхун̃ж̇анд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо д̣̇ад̇хим̣ вин̃н̃аабзд̇ваа бхун̃ж̇иссанд̇и! гасса самбаннам̣ на манаабам̣, гасса саад̣̇ум̣ на ружжад̇ий’’д̇и! ассосум̣ ко бхигкунияо д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкунияо д̣̇ад̇хим̣ вин̃н̃аабзд̇ваа бхун̃ж̇иссанд̇ий’’д̇и…бз… сажжам̣ гира, бхигкавз, чаб̣б̣аг̇г̇ияаа бхигкунияо д̣̇ад̇хим̣ вин̃н̃аабзд̇ваа бхун̃ж̇анд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, чаб̣б̣аг̇г̇ияаа бхигкунияо д̣̇ад̇хим̣ вин̃н̃аабзд̇ваа бхун̃ж̇иссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1234. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhuniyo telaṃ viññāpetvā bhuñjanti…pe… madhuṃ viññāpetvā bhuñjanti…pe… phāṇitaṃ viññāpetvā bhuñjanti…pe… macchaṃ viññāpetvā bhuñjanti…pe… maṃsaṃ viññāpetvā bhuñjanti…pe… khīraṃ viññāpetvā bhuñjanti…pe… dadhiṃ viññāpetvā bhuñjanti. Manussā ujjhāyanti khiyyanti vipācenti – ‘‘kathañhi nāma bhikkhuniyo dadhiṃ viññāpetvā bhuñjissanti! Kassa sampannaṃ na manāpaṃ, kassa sāduṃ na ruccatī’’ti! Assosuṃ kho bhikkhuniyo tesaṃ manussānaṃ ujjhāyantānaṃ khiyyantānaṃ vipācentānaṃ. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma chabbaggiyā bhikkhuniyo dadhiṃ viññāpetvā bhuñjissantī’’ti…pe… saccaṃ kira, bhikkhave, chabbaggiyā bhikkhuniyo dadhiṃ viññāpetvā bhuñjantīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, chabbaggiyā bhikkhuniyo dadhiṃ viññāpetvā bhuñjissanti! Netaṃ, bhikkhave, appasannānaṃ vā pasādāya…pe… evañca pana bhikkhave, bhikkhuniyo imaṃ sikkhāpadaṃ uddisantu –
‘‘яаа бана бхигкуний д̣̇ад̇хим̣ вин̃н̃аабзд̇ваа бхун̃ж̇зяяа, бадид̣̇зсзд̇аб̣б̣ам̣ д̇ааяа бхигкунияаа – ‘г̇аараяхам̣, аяяз, д̇хаммам̣ аабаж̇ж̇им̣ асаббааяам̣ баадид̣̇зсанийяам̣, д̇ам̣ бадид̣̇зсзмий’’’д̇и.
‘‘Yā pana bhikkhunī dadhiṃ viññāpetvā bhuñjeyya, paṭidesetabbaṃ tāya bhikkhuniyā – ‘gārayhaṃ, ayye, dhammaṃ āpajjiṃ asappāyaṃ pāṭidesanīyaṃ, taṃ paṭidesemī’’’ti.
зван̃жид̣̇ам̣ бхаг̇авад̇аа бхигкунийнам̣ сигкаабад̣̇ам̣ бан̃н̃ад̇д̇ам̣ ход̇и.
Evañcidaṃ bhagavatā bhikkhunīnaṃ sikkhāpadaṃ paññattaṃ hoti.
1235. д̇зна ко бана самаязна бхигкунияо г̇илаанаа хонд̇и. г̇илаанабужчигаа бхигкунияо г̇илаанаа бхигкунияо зд̇ад̣̇авожум̣ – ‘‘гажжи, аяяз, каманийяам̣, гажжи яаабанийяа’’нд̇и? ‘‘буб̣б̣з маяам̣, аяяз, д̣̇ад̇хим̣ вин̃н̃аабзд̇ваа бхун̃ж̇имхаа, д̇зна но паасу ход̇и, ид̣̇аани бана ‘‘бхаг̇авад̇аа бадигкид̇д̇а’’нд̇и гуггужжааяанд̇аа на вин̃н̃аабзма, д̇зна но на паасу ход̇ий’’д̇и…бз… бхаг̇авад̇о зд̇амад̇т̇ам̣ аарожзсум̣…бз… ануж̇аанаами, бхигкавз, г̇илаанааяа бхигкунияаа д̣̇ад̇хим̣ вин̃н̃аабзд̇ваа бхун̃ж̇ид̇ум̣. зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1235. Tena kho pana samayena bhikkhuniyo gilānā honti. Gilānapucchikā bhikkhuniyo gilānā bhikkhuniyo etadavocuṃ – ‘‘kacci, ayye, khamanīyaṃ, kacci yāpanīya’’nti? ‘‘Pubbe mayaṃ, ayye, dadhiṃ viññāpetvā bhuñjimhā, tena no phāsu hoti, idāni pana ‘‘bhagavatā paṭikkhitta’’nti kukkuccāyantā na viññāpema, tena no na phāsu hotī’’ti…pe… bhagavato etamatthaṃ ārocesuṃ…pe… anujānāmi, bhikkhave, gilānāya bhikkhuniyā dadhiṃ viññāpetvā bhuñjituṃ. Evañca pana, bhikkhave, bhikkhuniyo imaṃ sikkhāpadaṃ uddisantu –
1236. ‘‘яаа бана бхигкуний аг̇илаанаа (д̇злам̣…бз… мад̇хум̣…бз… паан̣ид̇ам̣…бз… мажчам̣…бз… мам̣сам̣…бз… кийрам̣…бз…) д̣̇ад̇хим̣ вин̃н̃аабзд̇ваа бхун̃ж̇зяяа , бадид̣̇зсзд̇аб̣б̣ам̣ д̇ааяа бхигкунияаа – ‘г̇аараяхам̣, аяяз, д̇хаммам̣ аабаж̇ж̇им̣ асаббааяам̣ баадид̣̇зсанийяам̣, д̇ам̣ бадид̣̇зсзмий’’’д̇и.
1236.‘‘Yā pana bhikkhunī agilānā (telaṃ…pe… madhuṃ…pe… phāṇitaṃ…pe… macchaṃ…pe… maṃsaṃ…pe… khīraṃ…pe…) dadhiṃ viññāpetvā bhuñjeyya, paṭidesetabbaṃ tāya bhikkhuniyā – ‘gārayhaṃ, ayye, dhammaṃ āpajjiṃ asappāyaṃ pāṭidesanīyaṃ, taṃ paṭidesemī’’’ti.
1237. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1237.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
аг̇илаанаа наама яассаа винаа д̣̇ад̇хинаа паасу ход̇и.
Agilānā nāma yassā vinā dadhinā phāsu hoti.
г̇илаанаа наама яассаа винаа д̣̇ад̇хинаа на паасу ход̇и.
Gilānā nāma yassā vinā dadhinā na phāsu hoti.
д̇злам̣ наама д̇илад̇злам̣ саасабад̇злам̣ мад̇хугад̇злам̣ зран̣д̣ад̇злам̣ васаад̇злам̣.
Telaṃ nāma tilatelaṃ sāsapatelaṃ madhukatelaṃ eraṇḍatelaṃ vasātelaṃ.
мад̇ху наама магкигаамад̇ху. паан̣ид̇ам̣ наама ужчумхаа ниб̣б̣ад̇д̇ам̣. мажчо наама од̣̇аго вужжад̇и. мам̣сам̣ наама язсам̣ мам̣сам̣ габбад̇и д̇зсам̣ мам̣сам̣. кийрам̣ наама г̇окийрам̣ ваа аж̇игаакийрам̣ ваа махим̣сакийрам̣ ваа язсам̣ мам̣сам̣ габбад̇и д̇зсам̣ кийрам̣. д̣̇ад̇хи наама д̇зсан̃н̃зва д̣̇ад̇хи.
Madhu nāma makkhikāmadhu. Phāṇitaṃ nāma ucchumhā nibbattaṃ. Maccho nāma odako vuccati. Maṃsaṃ nāma yesaṃ maṃsaṃ kappati tesaṃ maṃsaṃ. Khīraṃ nāma gokhīraṃ vā ajikākhīraṃ vā mahiṃsakhīraṃ vā yesaṃ maṃsaṃ kappati tesaṃ khīraṃ. Dadhi nāma tesaññeva dadhi.
аг̇илаанаа ад̇д̇ано ад̇т̇ааяа вин̃н̃аабзд̇и, баяог̇з д̣̇уггадам̣. бадилаабхзна бхун̃ж̇иссаамийд̇и бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и баадид̣̇зсанийяасса.
Agilānā attano atthāya viññāpeti, payoge dukkaṭaṃ. Paṭilābhena bhuñjissāmīti paṭiggaṇhāti, āpatti dukkaṭassa. Ajjhohāre ajjhohāre āpatti pāṭidesanīyassa.
1238. аг̇илаанаа аг̇илаанасан̃н̃аа д̣̇ад̇хим̣ вин̃н̃аабзд̇ваа бхун̃ж̇ад̇и, аабад̇д̇и баадид̣̇зсанийяасса . аг̇илаанаа взмад̇игаа д̣̇ад̇хим̣ вин̃н̃аабзд̇ваа бхун̃ж̇ад̇и, аабад̇д̇и баадид̣̇зсанийяасса. аг̇илаанаа г̇илаанасан̃н̃аа д̣̇ад̇хим̣ вин̃н̃аабзд̇ваа бхун̃ж̇ад̇и, аабад̇д̇и баадид̣̇зсанийяасса.
1238. Agilānā agilānasaññā dadhiṃ viññāpetvā bhuñjati, āpatti pāṭidesanīyassa . Agilānā vematikā dadhiṃ viññāpetvā bhuñjati, āpatti pāṭidesanīyassa. Agilānā gilānasaññā dadhiṃ viññāpetvā bhuñjati, āpatti pāṭidesanīyassa.
г̇илаанаа аг̇илаанасан̃н̃аа, аабад̇д̇и д̣̇уггадасса. г̇илаанаа взмад̇игаа, аабад̇д̇и д̣̇уггадасса. г̇илаанаа г̇илаанасан̃н̃аа анаабад̇д̇и.
Gilānā agilānasaññā, āpatti dukkaṭassa. Gilānā vematikā, āpatti dukkaṭassa. Gilānā gilānasaññā anāpatti.
1239. анаабад̇д̇и г̇илаанааяа, г̇илаанаа худ̇ваа вин̃н̃аабзд̇ваа аг̇илаанаа бхун̃ж̇ад̇и, г̇илаанааяа сзсагам̣ бхун̃ж̇ад̇и, н̃аад̇агаанам̣ баваарид̇аанам̣, ан̃н̃ассад̇т̇ааяа, ад̇д̇ано д̇ханзна, уммад̇д̇игааяа, аад̣̇игаммигааяаад̇и.
1239. Anāpatti gilānāya, gilānā hutvā viññāpetvā agilānā bhuñjati, gilānāya sesakaṃ bhuñjati, ñātakānaṃ pavāritānaṃ, aññassatthāya, attano dhanena, ummattikāya, ādikammikāyāti.
адтамабаадид̣̇зсанийяасигкаабад̣̇ам̣ нидтид̇ам̣.
Aṭṭhamapāṭidesanīyasikkhāpadaṃ niṭṭhitaṃ.
уд̣̇д̣̇идтаа ко, аяяааяо, адта баадид̣̇зсанийяаа д̇хаммаа. д̇ад̇т̇ааяяааяо бужчаами – ‘‘гажжид̇т̇а барисуд̣̇д̇хаа’’? д̣̇уд̇ияамби бужчаами – ‘‘гажжид̇т̇а барисуд̣̇д̇хаа’’? д̇ад̇ияамби бужчаами – ‘‘гажжид̇т̇а барисуд̣̇д̇хаа’’? барисуд̣̇д̇хзд̇т̇ааяяааяо, д̇асмаа д̇ун̣хий, звамзд̇ам̣ д̇хаараяаамийд̇и.
Uddiṭṭhā kho, ayyāyo, aṭṭha pāṭidesanīyā dhammā. Tatthāyyāyo pucchāmi – ‘‘kaccittha parisuddhā’’? Dutiyampi pucchāmi – ‘‘kaccittha parisuddhā’’? Tatiyampi pucchāmi – ‘‘kaccittha parisuddhā’’? Parisuddhetthāyyāyo, tasmā tuṇhī, evametaṃ dhārayāmīti.
бхигкунивибхан̇г̇з баадид̣̇зсанийяаган̣д̣ам̣ нидтид̇ам̣.
Bhikkhunivibhaṅge pāṭidesanīyakaṇḍaṃ niṭṭhitaṃ.
