| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
8. гумаарибхууд̇аваг̇г̇аван̣н̣анаа
8. Kumāribhūtavaggavaṇṇanā
2. д̣̇уд̇ияаад̣̇исигкаабад̣̇аван̣н̣анаа
2. Dutiyādisikkhāpadavaṇṇanā
1124. ‘‘ануж̇аанаами , бхигкавз, адтаарасавассааяа гумаарибхууд̇ааяа…бз… сигкаасаммуд̇им̣ д̣̇аад̇у’’нд̇и ид̇ха вуд̇д̇ам̣ вияа ‘‘ануж̇аанаами, бхигкавз, д̣̇асавассааяа г̇ихиг̇ад̇ааяа…бз… сигкаасаммуд̇им̣ д̣̇аад̇у’’нд̇и на вуд̇д̇ам̣, д̇асмаа ‘‘барибун̣н̣ад̣̇ваад̣̇асавассааяа зва г̇ихиг̇ад̇ааяа сигкаасаммуд̇и д̣̇аад̇аб̣б̣аа’’д̇и вуд̇д̇ам̣. г̇ихиг̇ад̇ааяа сигкаасаммуд̇и д̣̇аад̇аб̣б̣аад̇и згзд̇и гад̇ваа д̣̇асавассааяаби ваддад̇и . гасмаа? ‘‘анаабад̇д̇и барибун̣н̣ад̣̇ваад̣̇асавассам̣ барибун̣н̣асан̃н̃аа вудтаабзд̇ий’д̇и (баажи. 1093-1095) жа ‘анаабад̇д̇и барибун̣н̣ад̣̇ваад̣̇асавассам̣ г̇ихиг̇ад̇ам̣…бз… сигкид̇асигкам̣ вудтаабзд̇ий’д̇и (баажи. 1097-1101) жа вуд̇д̇ад̇д̇аа’’д̇и бораан̣аг̇ан̣тибад̣̇з вуд̇д̇ам̣. гим̣ иминаа барихаарзна. ‘‘д̣̇асавассааяа г̇ихиг̇ад̇ааяа сигкаасаммуд̇и д̣̇аад̇аб̣б̣аа’’д̇и хи вуд̇д̇ам̣. ‘‘г̇ихиг̇ад̇аад̇иби вад̇д̇ум̣ на ваддад̇ий’д̇и сажз вад̣̇анд̇и, гаммам̣ губбад̇ий’’д̇и ликид̇ам̣.
1124. ‘‘Anujānāmi , bhikkhave, aṭṭhārasavassāya kumāribhūtāya…pe… sikkhāsammutiṃ dātu’’nti idha vuttaṃ viya ‘‘anujānāmi, bhikkhave, dasavassāya gihigatāya…pe… sikkhāsammutiṃ dātu’’nti na vuttaṃ, tasmā ‘‘paripuṇṇadvādasavassāya eva gihigatāya sikkhāsammuti dātabbā’’ti vuttaṃ. Gihigatāya sikkhāsammuti dātabbāti eketi katvā dasavassāyapi vaṭṭati . Kasmā? ‘‘Anāpatti paripuṇṇadvādasavassaṃ paripuṇṇasaññā vuṭṭhāpetī’ti (pāci. 1093-1095) ca ‘anāpatti paripuṇṇadvādasavassaṃ gihigataṃ…pe… sikkhitasikkhaṃ vuṭṭhāpetī’ti (pāci. 1097-1101) ca vuttattā’’ti porāṇagaṇṭhipade vuttaṃ. Kiṃ iminā parihārena. ‘‘Dasavassāya gihigatāya sikkhāsammuti dātabbā’’ti hi vuttaṃ. ‘‘Gihigatātipi vattuṃ na vaṭṭatī’ti sace vadanti, kammaṃ kuppatī’’ti likhitaṃ.
1146. ахамзва нууна…бз… алаж̇ж̇иний, яаа сан̇гход̇и зд̇т̇а яаа ахамзва нууна б̣аалаад̇и ад̇т̇о. ‘‘яам̣ сан̇гхо’’д̇иби ад̇т̇и, д̇ад̇т̇а яам̣ яасмаа д̣̇зд̇и, д̇асмаа ахамзва нууна б̣аалаад̇и ад̇т̇о.
1146.Ahameva nūna…pe… alajjinī, yā saṅghoti ettha yā ahameva nūna bālāti attho. ‘‘Yaṃ saṅgho’’tipi atthi, tattha yaṃ yasmā deti, tasmā ahameva nūna bālāti attho.
1159. бурисасам̣садтаа гумаарагасам̣садтаа жан̣д̣ий согааваасаавагат̇ам̣ сигкамаанаад̇и вужжад̇и, бад̣̇абхааж̇анз зва жааяам̣ сигкамаанаа ‘‘часу д̇хаммзсу сигкид̇асигкаа’’д̇и гасмаа вуд̇д̇анд̇и? буб̣б̣з г̇ахид̇асигкад̇д̇аа, буб̣б̣з барибун̣н̣асигкад̇д̇аа жа звам̣ вужжад̇ийд̇и взд̣̇ид̇аб̣б̣ам̣.
1159. Purisasaṃsaṭṭhā kumārakasaṃsaṭṭhā caṇḍī sokāvāsāvakathaṃ sikkhamānāti vuccati, padabhājane eva cāyaṃ sikkhamānā ‘‘chasu dhammesu sikkhitasikkhā’’ti kasmā vuttanti? Pubbe gahitasikkhattā, pubbe paripuṇṇasikkhattā ca evaṃ vuccatīti veditabbaṃ.
1166-7. бахууд̇ам̣ каад̣̇анийяам̣ бхож̇анийяам̣ бассид̇ваад̇и зд̇т̇а ‘‘сигкамаанааяа н̃аад̇агаа гира самбаад̣̇аяим̣су, д̇ам̣ бассид̇ваа т̇зрз бхигкуу уяяож̇зси. уяяож̇зд̇ваа д̇зсам̣ чанд̣̇ам̣ г̇ахзд̇ваа буб̣б̣з чанд̣̇ад̣̇ааяагз г̇ан̣ам̣ гад̇ваа сзсаанам̣ чанд̣̇ам̣ чанд̣̇амзва гад̇ваа гаммам̣ гаараабзсий’’д̇и бораан̣аг̇ан̣тибад̣̇з вуд̇д̇ам̣. чанд̣̇ам̣ виссаж̇ж̇зд̇ваад̇и зд̇т̇а ануг̇ан̣тибад̣̇з звам̣ вуд̇д̇ам̣ ‘‘ид̣̇ам̣ гаммам̣ аж̇ж̇а на гад̇д̇аб̣б̣ам̣. ‘яат̇аасука’нд̇и вад̇ваа виссаж̇ж̇ид̇ам̣ ход̇и, д̇асмаа яо гожи мукаро, б̣аало ваа гин̃жааби ‘яат̇аасука’нд̇и вад̣̇ад̇и, т̇зрааяад̇д̇ад̇д̇аа бана т̇зрасса анумад̇ияаа сад̇ияаа виссаж̇ж̇ид̇о ход̇и, асад̇ияаа на ход̇и, д̇ат̇ааби буна чанд̣̇ам̣ г̇ахзд̇ваава гаммам̣ гаронд̇и, аяам̣ баяог̇о. г̇ахан̣з баяож̇анам̣ бана над̇т̇и. сан̇гхад̇т̇зро жз виссаж̇ж̇зд̇и, чанд̣̇ам̣ г̇ахзд̇ваава гаад̇аб̣б̣ам̣. чанд̣̇ам̣ виссаж̇ж̇зд̇ваа гааязна вудтид̇ааяаад̇и зд̇т̇а ид̇ха самб̣аад̇хо, ‘амугамхи таанз гариссаамаа’д̇и хад̇т̇абаасам̣ виж̇ахид̇вааби г̇ажчанд̇и жз, над̇т̇и д̣̇осо. гин̃жааби над̇т̇и, д̇аа бана хад̇т̇абаасам̣ авиж̇ахид̇ваава г̇ажчанд̇и, аяам̣ баяог̇о’’д̇и. ‘‘рад̇д̇ибаариваасияз убосат̇абавааран̣аава на ваддад̇и, ан̃н̃агаммам̣ бана ваддад̇и. убосат̇абавааран̣ааби анубосат̇абавааран̣ад̣̇ивасз на вадданд̇и, ид̇арам̣ саб̣б̣агаалам̣ ваддад̇и. барисабаариваасияз хад̇т̇абаасам̣ авиж̇ахид̇ваа жад̇уусу г̇ад̇зсу жад̇уваг̇г̇агаран̣ийяз ан̃н̃асмим̣ бан̃жасу д̣̇асасу вийсад̇ийсу г̇ад̇зсу сзсзхи висум̣ д̇ахим̣ д̇ахим̣ г̇анд̇вааби буна саннибаад̇адтаанам̣ ааг̇анд̇ваа гаад̇ум̣ ваддад̇и. аж̇жхаасаяабаариваасияз хад̇т̇абаасам̣ авиж̇ахид̇ваа яат̇аанисиннаава нисиннаа жз, буна гаад̇ум̣ ваддад̇и хад̇т̇абаасасса авиж̇ахид̇ад̇д̇аа’’д̇и бораан̣аг̇ан̣тибад̣̇з вуд̇д̇ам̣. д̇зсам̣ бораан̣аанам̣ мад̇зна чанд̣̇абаариваасияамзвзгам̣ на ваддад̇ийд̇и аабаннан̇г̇ан̃жа д̣̇ассид̇ам̣, ид̇хааби д̇ам̣ висум̣ на д̣̇ассид̇ам̣ асамбхавад̇од̇и згз. чанд̣̇ад̣̇ааяагз барисам̣ бад̇ваа г̇ад̇з д̇асса буб̣б̣ачанд̣̇ад̣̇аанам̣ чанд̣̇абаариваасияанд̇и но д̇аггод̇и аажарияо.
1166-7.Pahūtaṃ khādanīyaṃ bhojanīyaṃ passitvāti ettha ‘‘sikkhamānāya ñātakā kira sampādayiṃsu, taṃ passitvā there bhikkhū uyyojesi. Uyyojetvā tesaṃ chandaṃ gahetvā pubbe chandadāyake gaṇaṃ katvā sesānaṃ chandaṃ chandameva katvā kammaṃ kārāpesī’’ti porāṇagaṇṭhipade vuttaṃ. Chandaṃ vissajjetvāti ettha anugaṇṭhipade evaṃ vuttaṃ ‘‘idaṃ kammaṃ ajja na kattabbaṃ. ‘Yathāsukha’nti vatvā vissajjitaṃ hoti, tasmā yo koci mukharo, bālo vā kiñcāpi ‘yathāsukha’nti vadati, therāyattattā pana therassa anumatiyā satiyā vissajjito hoti, asatiyā na hoti, tathāpi puna chandaṃ gahetvāva kammaṃ karonti, ayaṃ payogo. Gahaṇe payojanaṃ pana natthi. Saṅghatthero ce vissajjeti, chandaṃ gahetvāva kātabbaṃ. Chandaṃ vissajjetvā kāyena vuṭṭhitāyāti ettha idha sambādho, ‘amukamhi ṭhāne karissāmā’ti hatthapāsaṃ vijahitvāpi gacchanti ce, natthi doso. Kiñcāpi natthi, tā pana hatthapāsaṃ avijahitvāva gacchanti, ayaṃ payogo’’ti. ‘‘Rattipārivāsiye uposathapavāraṇāva na vaṭṭati, aññakammaṃ pana vaṭṭati. Uposathapavāraṇāpi anuposathapavāraṇadivase na vaṭṭanti, itaraṃ sabbakālaṃ vaṭṭati. Parisapārivāsiye hatthapāsaṃ avijahitvā catūsu gatesu catuvaggakaraṇīye aññasmiṃ pañcasu dasasu vīsatīsu gatesu sesehi visuṃ tahiṃ tahiṃ gantvāpi puna sannipātaṭṭhānaṃ āgantvā kātuṃ vaṭṭati. Ajjhāsayapārivāsiye hatthapāsaṃ avijahitvā yathānisinnāva nisinnā ce, puna kātuṃ vaṭṭati hatthapāsassa avijahitattā’’ti porāṇagaṇṭhipade vuttaṃ. Tesaṃ porāṇānaṃ matena chandapārivāsiyamevekaṃ na vaṭṭatīti āpannaṅgañca dassitaṃ, idhāpi taṃ visuṃ na dassitaṃ asambhavatoti eke. Chandadāyake parisaṃ patvā gate tassa pubbachandadānaṃ chandapārivāsiyanti no takkoti ācariyo.
д̇ад̇рид̣̇ам̣ саннидтаанам̣ – барисабаариваасияз адтагат̇ааяам̣ ‘‘ан̃н̃ад̇ра г̇ажчаамаад̇и чанд̣̇ам̣ ависсаж̇ж̇зд̇ваава удтаханд̇и…бз… гаммам̣ гаад̇ум̣ ваддад̇ий’’д̇и вуд̇д̇аважанз хад̇т̇абаасаа виж̇аханам̣ на бан̃н̃ааяад̇и. зд̇т̇а бана гаммаббад̇д̇аанам̣ хад̇т̇абаасасса авиж̇аханамзва ижчид̇аб̣б̣анд̇и гад̇ваа бораан̣аг̇ан̣тибад̣̇з вуд̇д̇ам̣. гин̃жааби на бан̃н̃ааяад̇и, аббадигкид̇д̇ад̇д̇аа бана ваддад̇ийд̇и жз? на, бадигкид̇д̇ад̇д̇аа. гат̇ам̣? чанд̣̇о наама гаммаббад̇д̇зсу бхигкуусу згасиймааяа саннибад̇ид̇зсу ааг̇ажчад̇и, наасаннибад̇ид̇зсу. ид̇ха хи ‘‘чанд̣̇ам̣ ависсаж̇ж̇зд̇ваа’’д̇и жа ‘‘чанд̣̇асса бана ависсадтад̇д̇аа’’д̇и жа вуд̇д̇ам̣. ‘‘аж̇жхаасаяам̣ ависсаж̇ж̇зд̇ваа’’д̇и жа ‘‘аж̇жхаасаяасса ависсадтад̇д̇аа’’д̇и жа на вуд̇д̇ам̣, д̇асмаа чанд̣̇асса ависсаж̇ж̇анам̣ гаммаббад̇д̇аанам̣ хад̇т̇абаасаавиж̇аханзнзва ход̇и, на виж̇аханзд̇и сид̣̇д̇хам̣.
Tatridaṃ sanniṭṭhānaṃ – parisapārivāsiye aṭṭhakathāyaṃ ‘‘aññatra gacchāmāti chandaṃ avissajjetvāva uṭṭhahanti…pe… kammaṃ kātuṃ vaṭṭatī’’ti vuttavacane hatthapāsā vijahanaṃ na paññāyati. Ettha pana kammappattānaṃ hatthapāsassa avijahanameva icchitabbanti katvā porāṇagaṇṭhipade vuttaṃ. Kiñcāpi na paññāyati, appaṭikkhittattā pana vaṭṭatīti ce? Na, paṭikkhittattā. Kathaṃ? Chando nāma kammappattesu bhikkhūsu ekasīmāya sannipatitesu āgacchati, nāsannipatitesu. Idha hi ‘‘chandaṃ avissajjetvā’’ti ca ‘‘chandassa pana avissaṭṭhattā’’ti ca vuttaṃ. ‘‘Ajjhāsayaṃ avissajjetvā’’ti ca ‘‘ajjhāsayassa avissaṭṭhattā’’ti ca na vuttaṃ, tasmā chandassa avissajjanaṃ kammappattānaṃ hatthapāsāvijahaneneva hoti, na vijahaneti siddhaṃ.
ход̇и жзд̇т̇а –
Hoti cettha –
‘‘яад̇о ааг̇аманам̣ яасса, д̇ад̣̇абхаавасса ниг̇г̇ахз;
‘‘Yato āgamanaṃ yassa, tadabhāvassa niggahe;
д̇асмаа саннибад̇ид̇зсу, бхигкуусу д̇асса бхзд̣̇ад̇о’’д̇и.
Tasmā sannipatitesu, bhikkhūsu tassa bhedato’’ti.
рад̇д̇ибаариваасияачанд̣̇о вияа рад̇д̇ибаариваасияабаарисуд̣̇д̇хибийд̇и д̇ад̣̇ануломзна ваддад̇и сваад̇анааяа чанд̣̇о ваа баарисуд̣̇д̇хи ваа бавааран̣аа ваа, д̇ааяа гаммам̣ гаад̇ум̣ ваддад̇и. убосат̇абавааран̣аа бана анубосат̇ад̣̇ивасз на ваддад̇и, ид̇арам̣ ваддад̇и. баннарасиубосат̇ам̣ жаад̇уд̣̇д̣̇асияам̣ гаад̇ум̣ ваддад̇и кзд̇д̇ад̇д̇аа. на жаад̇уд̣̇д̣̇асиубосат̇ам̣ баннарасияам̣ акзд̇д̇ад̇д̇аа анубосат̇ад̣̇ивасад̇д̇аа баадибад̣̇ад̣̇ивасад̇д̇аад̇и згажжз аажарияаа, д̇асмаа д̇зсам̣ мад̇зна жаад̇уд̣̇д̣̇асиубосат̇ам̣ д̇ад̇ияам̣, сад̇д̇амам̣ ваа баннарасияам̣ гаад̇ум̣ на ваддад̇и. яам̣ банзд̇т̇а вуд̇д̇ам̣ адтагат̇ааяам̣ ‘‘сажз жаад̇уд̣̇д̣̇асигам̣ убосат̇ам̣ гариссаамаад̇и нисиннаа, баннарасод̇и гаад̇ум̣ ваддад̇ий’’д̇и. д̇ад̇о ‘‘баннарасияамзва ‘жаад̇уд̣̇д̣̇асигам̣ убосат̇ам̣ гариссаамаа’д̇и нисиннаа бунад̣̇ивасз ад̇д̇ано д̇ам̣ убосат̇ам̣ ‘баннарасо’д̇и гаад̇ум̣ ваддад̇ийд̇и ад̇т̇о’’д̇и звам̣ барихаранд̇и, д̇ам̣ д̇зсам̣ мад̇ам̣ ‘‘д̇ат̇ааруубабажжаяз сад̇и ан̃н̃асмимби жаад̇уд̣̇д̣̇асз убосат̇ам̣ гаад̇ум̣ ваддад̇ий’’д̇и (ган̇каа. адта. нид̣̇аанаван̣н̣анаа) иминаа маад̇игаадтагат̇ааважанзна на самзд̇и. на хи д̇ад̇т̇а ‘‘ан̃н̃асмимби баннарасз жаад̇уд̣̇д̣̇асигам̣ гаад̇ум̣ ваддад̇ий’’д̇и вуд̇д̇ам̣. звам̣ санд̇зби ‘‘сагим̣ багкасса жаад̇уд̣̇д̣̇асз ваа баннарасз ваа’’д̇и анун̃н̃аад̇ад̣̇ивасз барияаабаннад̇д̇аа чаннам̣ жаад̇уд̣̇д̣̇асигаанам̣ бажчимаа баннарасий анубосат̇ад̣̇ивасо на ход̇ийд̇и сид̣̇д̇хам̣ ход̇и. гин̃жааби сид̣̇д̇хам̣, иминаа бана ‘‘ааваасигаанам̣ баннарасо, ааг̇анд̇угаанам̣ жаад̇уд̣̇д̣̇асо, ааг̇анд̇угзхи ааваасигаанам̣ самасамзхи ваа аббад̇арзхи ваа анувад̇д̇ид̇аб̣б̣а’’нд̇и важанамзд̇т̇а нирад̇т̇агам̣ ход̇ийд̇и взд̣̇ид̇аб̣б̣ам̣.
Rattipārivāsiyachando viya rattipārivāsiyapārisuddhipīti tadanulomena vaṭṭati svātanāya chando vā pārisuddhi vā pavāraṇā vā, tāya kammaṃ kātuṃ vaṭṭati. Uposathapavāraṇā pana anuposathadivase na vaṭṭati, itaraṃ vaṭṭati. Pannarasiuposathaṃ cātuddasiyaṃ kātuṃ vaṭṭati khettattā. Na cātuddasiuposathaṃ pannarasiyaṃ akhettattā anuposathadivasattā pāṭipadadivasattāti ekacce ācariyā, tasmā tesaṃ matena cātuddasiuposathaṃ tatiyaṃ, sattamaṃ vā pannarasiyaṃ kātuṃ na vaṭṭati. Yaṃ panettha vuttaṃ aṭṭhakathāyaṃ ‘‘sace cātuddasikaṃ uposathaṃ karissāmāti nisinnā, pannarasoti kātuṃ vaṭṭatī’’ti. Tato ‘‘pannarasiyameva ‘cātuddasikaṃ uposathaṃ karissāmā’ti nisinnā punadivase attano taṃ uposathaṃ ‘pannaraso’ti kātuṃ vaṭṭatīti attho’’ti evaṃ pariharanti, taṃ tesaṃ mataṃ ‘‘tathārūpapaccaye sati aññasmimpi cātuddase uposathaṃ kātuṃ vaṭṭatī’’ti (kaṅkhā. aṭṭha. nidānavaṇṇanā) iminā mātikāṭṭhakathāvacanena na sameti. Na hi tattha ‘‘aññasmimpi pannarase cātuddasikaṃ kātuṃ vaṭṭatī’’ti vuttaṃ. Evaṃ santepi ‘‘sakiṃ pakkhassa cātuddase vā pannarase vā’’ti anuññātadivase pariyāpannattā channaṃ cātuddasikānaṃ pacchimā pannarasī anuposathadivaso na hotīti siddhaṃ hoti. Kiñcāpi siddhaṃ, iminā pana ‘‘āvāsikānaṃ pannaraso, āgantukānaṃ cātuddaso, āgantukehi āvāsikānaṃ samasamehi vā appatarehi vā anuvattitabba’’nti vacanamettha niratthakaṃ hotīti veditabbaṃ.
д̣̇уд̇ияаад̣̇исигкаабад̣̇аван̣н̣анаа нидтид̇аа.
Dutiyādisikkhāpadavaṇṇanā niṭṭhitā.
гумаарибхууд̇аваг̇г̇аван̣н̣анаа нидтид̇аа.
Kumāribhūtavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga
2. д̣̇уд̇ияасигкаабад̣̇ам̣ • 2. Dutiyasikkhāpadaṃ
6. чадтасигкаабад̣̇ам̣ • 6. Chaṭṭhasikkhāpadaṃ
9. навамасигкаабад̣̇ам̣ • 9. Navamasikkhāpadaṃ
11. згаад̣̇асамасигкаабад̣̇ам̣ • 11. Ekādasamasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 11. згаад̣̇асамасигкаабад̣̇аван̣н̣анаа • 11. Ekādasamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. гумаарибхууд̇аваг̇г̇аван̣н̣анаа • 8. Kumāribhūtavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 11. згаад̣̇асамасигкаабад̣̇ам̣ • 11. Ekādasamasikkhāpadaṃ
