| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
10. දුතියදුක්‌ඛුප්‌පාදසුත්‌තං
10. Dutiyadukkhuppādasuttaṃ
22. ‘‘යො, භික්‌ඛවෙ, රූපානං උප්‌පාදො ඨිති අභිනිබ්‌බත්‌ති පාතුභාවො, දුක්‌ඛස්‌සෙසො උප්‌පාදො, රොගානං ඨිති, ජරාමරණස්‌ස පාතුභාවො. යො සද්‌දානං…පෙ.… යො ගන්‌ධානං… යො රසානං… යො ඵොට්‌ඨබ්‌බානං… යො ධම්‌මානං උප්‌පාදො ඨිති අභිනිබ්‌බත්‌ති පාතුභාවො, දුක්‌ඛස්‌සෙසො උප්‌පාදො, රොගානං ඨිති, ජරාමරණස්‌ස පාතුභාවො.
22. ‘‘Yo, bhikkhave, rūpānaṃ uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo. Yo saddānaṃ…pe… yo gandhānaṃ… yo rasānaṃ… yo phoṭṭhabbānaṃ… yo dhammānaṃ uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo.
‘‘යො ච ඛො, භික්‌ඛවෙ, රූපානං නිරොධො වූපසමො අත්‌ථඞ්‌ගමො, දුක්‌ඛස්‌සෙසො නිරොධො, රොගානං වූපසමො, ජරාමරණස්‌ස අත්‌ථඞ්‌ගමො. යො සද්‌දානං…පෙ.… යො ගන්‌ධානං… යො රසානං… යො ඵොට්‌ඨබ්‌බානං… යො ධම්‌මානං නිරොධො වූපසමො අත්‌ථඞ්‌ගමො, දුක්‌ඛස්‌සෙසො නිරොධො, රොගානං වූපසමො, ජරාමරණස්‌ස අත්‌ථඞ්‌ගමො’’ති. දසමං.
‘‘Yo ca kho, bhikkhave, rūpānaṃ nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo. Yo saddānaṃ…pe… yo gandhānaṃ… yo rasānaṃ… yo phoṭṭhabbānaṃ… yo dhammānaṃ nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo’’ti. Dasamaṃ.
යමකවග්‌ගො දුතියො.
Yamakavaggo dutiyo.
තස්‌සුද්‌දානං –
Tassuddānaṃ –
සම්‌බොධෙන දුවෙ වුත්‌තා, අස්‌සාදෙන අපරෙ දුවෙ;
Sambodhena duve vuttā, assādena apare duve;
නො චෙතෙන දුවෙ වුත්‌තා, අභිනන්‌දෙන අපරෙ දුවෙ;
No cetena duve vuttā, abhinandena apare duve;
උප්‌පාදෙන දුවෙ වුත්‌තා, වග්‌ගො තෙන පවුච්‌චතීති.
Uppādena duve vuttā, vaggo tena pavuccatīti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 7-10. පඨමාභිනන්‌දසුත්‌තාදිවණ්‌ණනා • 7-10. Paṭhamābhinandasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 7-10. පඨමාභිනන්‌දසුත්‌තාදිවණ්‌ණනා • 7-10. Paṭhamābhinandasuttādivaṇṇanā
