| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
9. д̣̇уд̇ияад̣̇удтад̣̇осасигкаабад̣̇ам̣
9. Dutiyaduṭṭhadosasikkhāpadaṃ
391. д̇зна самаязна б̣уд̣̇д̇хо бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна мзд̇д̇ияабхуумаж̇агаа бхигкуу г̇иж̇жхагуудаа баб̣б̣ад̇аа ороханд̇аа ад̣̇д̣̇асам̣су чаг̇алагам̣ 1 аж̇игааяа виббадибаж̇ж̇анд̇ам̣. д̣̇исваана звамаахам̣су – ‘‘ханд̣̇а маяам̣, аавусо, имам̣ чаг̇алагам̣ д̣̇аб̣б̣ам̣ маллабуд̇д̇ам̣ наама гарома. имам̣ аж̇игам̣ мзд̇д̇ияам̣ наама бхигкуним̣ гарома. звам̣ маяам̣ вохариссаама. буб̣б̣з маяам̣, аавусо, д̣̇аб̣б̣ам̣ маллабуд̇д̇ам̣ суд̇зна авожумхаа. ид̣̇аани бана амхзхи саамам̣ д̣̇идто мзд̇д̇ияааяа бхигкунияаа виббадибаж̇ж̇анд̇о’’д̇и. д̇з д̇ам̣ чаг̇алагам̣ д̣̇аб̣б̣ам̣ маллабуд̇д̇ам̣ наама агам̣су. д̇ам̣ аж̇игам̣ мзд̇д̇ияам̣ наама бхигкуним̣ агам̣су. д̇з бхигкуунам̣ аарожзсум̣ – ‘‘буб̣б̣з маяам̣, аавусо, д̣̇аб̣б̣ам̣ маллабуд̇д̇ам̣ суд̇зна авожумхаа. ид̣̇аани бана амхзхи саамам̣ д̣̇идто мзд̇д̇ияааяа бхигкунияаа виббадибаж̇ж̇анд̇о’’д̇и. бхигкуу звамаахам̣су – ‘‘маавусо, звам̣ аважуд̇т̇а. нааяасмаа д̣̇аб̣б̣о маллабуд̇д̇о звам̣ гариссад̇ий’’д̇и.
391. Tena samayena buddho bhagavā rājagahe viharati veḷuvane kalandakanivāpe. Tena kho pana samayena mettiyabhūmajakā bhikkhū gijjhakūṭā pabbatā orohantā addasaṃsu chagalakaṃ 2 ajikāya vippaṭipajjantaṃ. Disvāna evamāhaṃsu – ‘‘handa mayaṃ, āvuso, imaṃ chagalakaṃ dabbaṃ mallaputtaṃ nāma karoma. Imaṃ ajikaṃ mettiyaṃ nāma bhikkhuniṃ karoma. Evaṃ mayaṃ voharissāma. Pubbe mayaṃ, āvuso, dabbaṃ mallaputtaṃ sutena avocumhā. Idāni pana amhehi sāmaṃ diṭṭho mettiyāya bhikkhuniyā vippaṭipajjanto’’ti. Te taṃ chagalakaṃ dabbaṃ mallaputtaṃ nāma akaṃsu. Taṃ ajikaṃ mettiyaṃ nāma bhikkhuniṃ akaṃsu. Te bhikkhūnaṃ ārocesuṃ – ‘‘pubbe mayaṃ, āvuso, dabbaṃ mallaputtaṃ sutena avocumhā. Idāni pana amhehi sāmaṃ diṭṭho mettiyāya bhikkhuniyā vippaṭipajjanto’’ti. Bhikkhū evamāhaṃsu – ‘‘māvuso, evaṃ avacuttha. Nāyasmā dabbo mallaputto evaṃ karissatī’’ti.
ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа ааяасманд̇ам̣ д̣̇аб̣б̣ам̣ маллабуд̇д̇ам̣ бадибужчи – ‘‘сараси д̇вам̣, д̣̇аб̣б̣а, зваруубам̣ гад̇д̇аа яат̇аяимз бхигкуу аахам̣суу’’д̇и? ‘‘яат̇аа мам̣, бханд̇з, бхаг̇аваа ж̇аанаад̇ий’’д̇и. д̣̇уд̇ияамби ко бхаг̇аваа…бз… д̇ад̇ияамби ко бхаг̇аваа ааяасманд̇ам̣ д̣̇аб̣б̣ам̣ маллабуд̇д̇ам̣ зд̇ад̣̇авожа – ‘‘сараси д̇вам̣, д̣̇аб̣б̣а, зваруубам̣ гад̇д̇аа яат̇аяимз бхигкуу аахам̣суу’’д̇и? ‘‘яат̇аа мам̣, бханд̇з, бхаг̇аваа ж̇аанаад̇ий’’д̇и. ‘‘на ко, д̣̇аб̣б̣а, д̣̇аб̣б̣аа звам̣ ниб̣б̣зтзнд̇и. сажз д̇аяаа гад̇ам̣ гад̇анд̇и вад̣̇зхи, сажз д̇аяаа агад̇ам̣ агад̇анд̇и вад̣̇зхий’’д̇и. ‘‘яад̇о ахам̣, бханд̇з, ж̇аад̇о наабхиж̇аанаами субинанд̇знаби мзт̇унад̇хаммам̣ бадисзвид̇аа, баг̇зва ж̇ааг̇аро’’д̇и! ат̇а ко бхаг̇аваа бхигкуу ааманд̇зси – ‘‘д̇зна хи, бхигкувз, имз бхигкуу ануяун̃ж̇ат̇аа’’д̇и. ид̣̇ам̣ вад̇ваа бхаг̇аваа удтааяаасанаа вихаарам̣ баависи.
Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ dabbaṃ mallaputtaṃ paṭipucchi – ‘‘sarasi tvaṃ, dabba, evarūpaṃ kattā yathayime bhikkhū āhaṃsū’’ti? ‘‘Yathā maṃ, bhante, bhagavā jānātī’’ti. Dutiyampi kho bhagavā…pe… tatiyampi kho bhagavā āyasmantaṃ dabbaṃ mallaputtaṃ etadavoca – ‘‘sarasi tvaṃ, dabba, evarūpaṃ kattā yathayime bhikkhū āhaṃsū’’ti? ‘‘Yathā maṃ, bhante, bhagavā jānātī’’ti. ‘‘Na kho, dabba, dabbā evaṃ nibbeṭhenti. Sace tayā kataṃ katanti vadehi, sace tayā akataṃ akatanti vadehī’’ti. ‘‘Yato ahaṃ, bhante, jāto nābhijānāmi supinantenapi methunadhammaṃ paṭisevitā, pageva jāgaro’’ti! Atha kho bhagavā bhikkhū āmantesi – ‘‘tena hi, bhikkhuve, ime bhikkhū anuyuñjathā’’ti. Idaṃ vatvā bhagavā uṭṭhāyāsanā vihāraṃ pāvisi.
ат̇а ко д̇з бхигкуу мзд̇д̇ияабхуумаж̇агз бхигкуу ануяун̃ж̇им̣су. д̇з бхигкуухи ануяун̃ж̇ийяамаанаа бхигкуунам̣ зд̇амад̇т̇ам̣ аарожзсум̣ – ‘‘гим̣ бана д̇умхз, аавусо, ааяасманд̇ам̣ д̣̇аб̣б̣ам̣ маллабуд̇д̇ам̣ ан̃н̃абхааг̇ияасса ад̇хигаран̣асса гин̃жид̣̇зсам̣ лзсамад̇д̇ам̣ убаад̣̇ааяа баарааж̇игзна д̇хаммзна ануд̣̇д̇хам̣сзт̇аа’’д̇и? ‘‘звамаавусо’’д̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама мзд̇д̇ияабхуумаж̇агаа бхигкуу ааяасманд̇ам̣ д̣̇аб̣б̣ам̣ маллабуд̇д̇ам̣ ан̃н̃абхааг̇ияасса ад̇хигаран̣асса гин̃жи д̣̇зсам̣ лзсамад̇д̇ам̣ убаад̣̇ааяа баарааж̇игзна д̇хаммзна ануд̣̇д̇хам̣сзссанд̇ий’’д̇и! ат̇а ко д̇з бхигкуу мзд̇д̇ияабхуумаж̇агз бхигкуу анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇умхз, бхигкавз, д̣̇аб̣б̣ам̣ маллабуд̇д̇ам̣ ан̃н̃абхааг̇ияасса ад̇хигаран̣асса гин̃жи д̣̇зсам̣ лзсамад̇д̇ам̣ убаад̣̇ааяа баарааж̇игзна д̇хаммзна ануд̣̇д̇хам̣сзт̇аа’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… ‘‘гат̇ан̃хи наама д̇умхз, могхабурисаа, д̣̇аб̣б̣ам̣ маллабуд̇д̇ам̣ ан̃н̃абхааг̇ияасса ад̇хигаран̣асса гин̃жи д̣̇зсам̣ лзсамад̇д̇ам̣ убаад̣̇ааяа баарааж̇игзна д̇хаммзна ануд̣̇д̇хам̣сзссат̇а! нзд̇ам̣, могхабурисаа, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Atha kho te bhikkhū mettiyabhūmajake bhikkhū anuyuñjiṃsu. Te bhikkhūhi anuyuñjīyamānā bhikkhūnaṃ etamatthaṃ ārocesuṃ – ‘‘kiṃ pana tumhe, āvuso, āyasmantaṃ dabbaṃ mallaputtaṃ aññabhāgiyassa adhikaraṇassa kiñcidesaṃ lesamattaṃ upādāya pārājikena dhammena anuddhaṃsethā’’ti? ‘‘Evamāvuso’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma mettiyabhūmajakā bhikkhū āyasmantaṃ dabbaṃ mallaputtaṃ aññabhāgiyassa adhikaraṇassa kiñci desaṃ lesamattaṃ upādāya pārājikena dhammena anuddhaṃsessantī’’ti! Atha kho te bhikkhū mettiyabhūmajake bhikkhū anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tumhe, bhikkhave, dabbaṃ mallaputtaṃ aññabhāgiyassa adhikaraṇassa kiñci desaṃ lesamattaṃ upādāya pārājikena dhammena anuddhaṃsethā’’ti? ‘‘Saccaṃ, bhagavā’’ti. Vigarahi buddho bhagavā…pe… ‘‘kathañhi nāma tumhe, moghapurisā, dabbaṃ mallaputtaṃ aññabhāgiyassa adhikaraṇassa kiñci desaṃ lesamattaṃ upādāya pārājikena dhammena anuddhaṃsessatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
392. ‘‘яо бана бхигку бхигкум̣ д̣̇удто д̣̇осо аббад̇ийд̇о ан̃н̃абхааг̇ияасса ад̇хигаран̣асса гин̃жид̣̇зсам̣ лзсамад̇д̇ам̣ убаад̣̇ааяа баарааж̇игзна д̇хаммзна ануд̣̇д̇хам̣сзяяа – ‘аббзва наама нам̣ имамхаа б̣рахмажарияаа жаавзяяа’нд̇и. д̇ад̇о абарзна самаязна самануг̇г̇аахийяамаано ваа асамануг̇г̇аахийяамаано ваа ан̃н̃абхааг̇ияан̃жзва д̇ам̣ ад̇хигаран̣ам̣ ход̇и гожид̣̇зсо лзсамад̇д̇о убаад̣̇инно, бхигку жа д̣̇осам̣ бад̇идтаад̇и, сан̇гхаад̣̇исзсо’’д̇и.
392.‘‘Yopana bhikkhu bhikkhuṃ duṭṭho doso appatīto aññabhāgiyassaadhikaraṇassa kiñcidesaṃ lesamattaṃ upādāya pārājikena dhammena anuddhaṃseyya – ‘appeva nāma naṃ imamhā brahmacariyā cāveyya’nti. Tato aparena samayena samanuggāhīyamāno vā asamanuggāhīyamāno vā aññabhāgiyañceva taṃ adhikaraṇaṃ hoti kocideso lesamatto upādinno, bhikkhu ca dosaṃ patiṭṭhāti, saṅghādiseso’’ti.
393. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.
393.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
бхигкунд̇и ан̃н̃ам̣ бхигкум̣.
Bhikkhunti aññaṃ bhikkhuṃ.
д̣̇удто д̣̇осод̇и губид̇о анад̇д̇амано анабхирад̣̇д̇хо аахад̇ажид̇д̇о килаж̇аад̇о.
Duṭṭho dosoti kupito anattamano anabhiraddho āhatacitto khilajāto.
аббад̇ийд̇од̇и д̇зна жа гобзна, д̇зна жа д̣̇осзна, д̇ааяа жа анад̇д̇аманад̇ааяа, д̇ааяа жа анабхирад̣̇д̇хияаа аббад̇ийд̇о ход̇и.
Appatītoti tena ca kopena, tena ca dosena, tāya ca anattamanatāya, tāya ca anabhiraddhiyā appatīto hoti.
ан̃н̃абхааг̇ияасса ад̇хигаран̣ассаад̇и аабад̇д̇ан̃н̃абхааг̇ияам̣ ваа ход̇и ад̇хигаран̣ан̃н̃абхааг̇ияам̣ ваа. гат̇ам̣ ад̇хигаран̣ам̣ ад̇хигаран̣асса ан̃н̃абхааг̇ияам̣? виваад̣̇аад̇хигаран̣ам̣ ануваад̣̇аад̇хигаран̣асса аабад̇д̇аад̇хигаран̣асса гижжаад̇хигаран̣асса ан̃н̃абхааг̇ияам̣. ануваад̣̇аад̇хигаран̣ам̣ аабад̇д̇аад̇хигаран̣асса гижжаад̇хигаран̣асса виваад̣̇аад̇хигаран̣асса ан̃н̃абхааг̇ияам̣. аабад̇д̇аад̇хигаран̣ам̣ гижжаад̇хигаран̣асса виваад̣̇аад̇хигаран̣асса ануваад̣̇аад̇хигаран̣асса ан̃н̃абхааг̇ияам̣. гижжаад̇хигаран̣ам̣ виваад̣̇аад̇хигаран̣асса ануваад̣̇аад̇хигаран̣асса аабад̇д̇аад̇хигаран̣асса ан̃н̃абхааг̇ияам̣. звам̣ ад̇хигаран̣ам̣ ад̇хигаран̣асса ан̃н̃абхааг̇ияам̣.
Aññabhāgiyassa adhikaraṇassāti āpattaññabhāgiyaṃ vā hoti adhikaraṇaññabhāgiyaṃ vā. Kathaṃ adhikaraṇaṃ adhikaraṇassa aññabhāgiyaṃ? Vivādādhikaraṇaṃ anuvādādhikaraṇassa āpattādhikaraṇassa kiccādhikaraṇassa aññabhāgiyaṃ. Anuvādādhikaraṇaṃ āpattādhikaraṇassa kiccādhikaraṇassa vivādādhikaraṇassa aññabhāgiyaṃ. Āpattādhikaraṇaṃ kiccādhikaraṇassa vivādādhikaraṇassa anuvādādhikaraṇassa aññabhāgiyaṃ. Kiccādhikaraṇaṃ vivādādhikaraṇassa anuvādādhikaraṇassa āpattādhikaraṇassa aññabhāgiyaṃ. Evaṃ adhikaraṇaṃ adhikaraṇassa aññabhāgiyaṃ.
гат̇ам̣ ад̇хигаран̣ам̣ ад̇хигаран̣асса д̇аб̣бхааг̇ияам̣? виваад̣̇аад̇хигаран̣ам̣ виваад̣̇аад̇хигаран̣асса д̇аб̣бхааг̇ияам̣. ануваад̣̇аад̇хигаран̣ам̣ ануваад̣̇аад̇хигаран̣асса д̇аб̣бхааг̇ияам̣. аабад̇д̇аад̇хигаран̣ам̣ аабад̇д̇аад̇хигаран̣асса сияаа д̇аб̣бхааг̇ияам̣ сияаа ан̃н̃абхааг̇ияам̣.
Kathaṃ adhikaraṇaṃ adhikaraṇassa tabbhāgiyaṃ? Vivādādhikaraṇaṃ vivādādhikaraṇassa tabbhāgiyaṃ. Anuvādādhikaraṇaṃ anuvādādhikaraṇassa tabbhāgiyaṃ. Āpattādhikaraṇaṃ āpattādhikaraṇassa siyā tabbhāgiyaṃ siyā aññabhāgiyaṃ.
гат̇ам̣ аабад̇д̇аад̇хигаран̣ам̣ аабад̇д̇аад̇хигаран̣асса ан̃н̃абхааг̇ияам̣? мзт̇унад̇хаммабаарааж̇игаабад̇д̇и ад̣̇иннаад̣̇аанабаарааж̇игаабад̇д̇ияаа мануссавиг̇г̇ахабаарааж̇игаабад̇д̇ияаа уд̇д̇аримануссад̇хаммабаарааж̇игаабад̇д̇ияаа ан̃н̃абхааг̇ияаа. ад̣̇иннаад̣̇аанабаарааж̇игаабад̇д̇и мануссавиг̇г̇ахабаарааж̇игаабад̇д̇ияаа уд̇д̇аримануссад̇хаммабаарааж̇игаабад̇д̇ияаа мзт̇унад̇хаммабаарааж̇игаабад̇д̇ияаа ан̃н̃абхааг̇ияаа. мануссавиг̇г̇ахабаарааж̇игаабад̇д̇и уд̇д̇аримануссад̇хаммабаарааж̇игаабад̇д̇ияаа мзт̇унад̇хаммабаарааж̇игаабад̇д̇ияаа ад̣̇иннаад̣̇аанабаарааж̇игаабад̇д̇ияаа ан̃н̃абхааг̇ияаа. уд̇д̇аримануссад̇хаммабаарааж̇игаабад̇д̇и мзт̇унад̇хаммабаарааж̇игаабад̇д̇ияаа ад̣̇иннаад̣̇аанабаарааж̇игаабад̇д̇ияаа мануссавиг̇г̇ахабаарааж̇игаабад̇д̇ияаа ан̃н̃абхааг̇ияаа. звам̣ аабад̇д̇аад̇хигаран̣ам̣ аабад̇д̇аад̇хигаран̣асса ан̃н̃абхааг̇ияам̣.
Kathaṃ āpattādhikaraṇaṃ āpattādhikaraṇassa aññabhāgiyaṃ? Methunadhammapārājikāpatti adinnādānapārājikāpattiyā manussaviggahapārājikāpattiyā uttarimanussadhammapārājikāpattiyā aññabhāgiyā. Adinnādānapārājikāpatti manussaviggahapārājikāpattiyā uttarimanussadhammapārājikāpattiyā methunadhammapārājikāpattiyā aññabhāgiyā. Manussaviggahapārājikāpatti uttarimanussadhammapārājikāpattiyā methunadhammapārājikāpattiyā adinnādānapārājikāpattiyā aññabhāgiyā. Uttarimanussadhammapārājikāpatti methunadhammapārājikāpattiyā adinnādānapārājikāpattiyā manussaviggahapārājikāpattiyā aññabhāgiyā. Evaṃ āpattādhikaraṇaṃ āpattādhikaraṇassa aññabhāgiyaṃ.
гат̇ам̣ аабад̇д̇аад̇хигаран̣ам̣ аабад̇д̇аад̇хигаран̣асса д̇аб̣бхааг̇ияам̣? мзт̇унад̇хаммабаарааж̇игаабад̇д̇и мзт̇унад̇хаммабаарааж̇игаабад̇д̇ияаа д̇аб̣бхааг̇ияаа. ад̣̇иннаад̣̇аанабаарааж̇игаабад̇д̇и ад̣̇иннаад̣̇аанабаарааж̇игаабад̇д̇ияаа д̇аб̣бхааг̇ияаа. мануссавиг̇г̇ахабаарааж̇игаабад̇д̇и мануссавиг̇г̇ахабаарааж̇игаабад̇д̇ияаа д̇аб̣бхааг̇ияаа. уд̇д̇аримануссад̇хаммабаарааж̇игаабад̇д̇и уд̇д̇аримануссад̇хаммабаарааж̇игаабад̇д̇ияаа д̇аб̣бхааг̇ияаа. звам̣ аабад̇д̇аад̇хигаран̣ам̣ аабад̇д̇аад̇хигаран̣асса д̇аб̣бхааг̇ияам̣.
Kathaṃ āpattādhikaraṇaṃ āpattādhikaraṇassa tabbhāgiyaṃ? Methunadhammapārājikāpatti methunadhammapārājikāpattiyā tabbhāgiyā. Adinnādānapārājikāpatti adinnādānapārājikāpattiyā tabbhāgiyā. Manussaviggahapārājikāpatti manussaviggahapārājikāpattiyā tabbhāgiyā. Uttarimanussadhammapārājikāpatti uttarimanussadhammapārājikāpattiyā tabbhāgiyā. Evaṃ āpattādhikaraṇaṃ āpattādhikaraṇassa tabbhāgiyaṃ.
гижжаад̇хигаран̣ам̣ гижжаад̇хигаран̣асса д̇аб̣бхааг̇ияам̣. звам̣ ад̇хигаран̣ам̣ ад̇хигаран̣асса д̇аб̣бхааг̇ияам̣.
Kiccādhikaraṇaṃ kiccādhikaraṇassa tabbhāgiyaṃ. Evaṃ adhikaraṇaṃ adhikaraṇassa tabbhāgiyaṃ.
394. гин̃жи д̣̇зсам̣ лзсамад̇д̇ам̣ убаад̣̇ааяаад̇и лзсо наама д̣̇аса лзсаа – ж̇аад̇илзсо , наамалзсо, г̇од̇д̇алзсо, лин̇г̇алзсо, аабад̇д̇илзсо, бад̇д̇алзсо, жийваралзсо, убаж̇жхааяалзсо, аажарияалзсо, сзнаасаналзсо.
394.Kiñci desaṃ lesamattaṃ upādāyāti leso nāma dasa lesā – jātileso , nāmaleso, gottaleso, liṅgaleso, āpattileso, pattaleso, cīvaraleso, upajjhāyaleso, ācariyaleso, senāsanaleso.
395. ж̇аад̇илзсо наама кад̇д̇ияо д̣̇идто ход̇и баарааж̇игам̣ д̇хаммам̣ аж̇жхаабаж̇ж̇анд̇о. ан̃н̃ам̣ кад̇д̇ияам̣ бассид̇ваа жод̣̇зд̇и – ‘‘кад̇д̇ияо маяаа д̣̇идто 3. баарааж̇игам̣ д̇хаммам̣ аж̇жхаабанноси, ассаман̣оси, асагяабуд̇д̇ияоси, над̇т̇и д̇аяаа сад̣̇д̇хим̣ убосат̇о ваа бавааран̣аа ваа сан̇гхагаммам̣ ваа’’д̇и, аабад̇д̇и ваажааяа, ваажааяа сан̇гхаад̣̇исзсасса.
395.Jātileso nāma khattiyo diṭṭho hoti pārājikaṃ dhammaṃ ajjhāpajjanto. Aññaṃ khattiyaṃ passitvā codeti – ‘‘khattiyo mayā diṭṭho 4. Pārājikaṃ dhammaṃ ajjhāpannosi, assamaṇosi, asakyaputtiyosi, natthi tayā saddhiṃ uposatho vā pavāraṇā vā saṅghakammaṃ vā’’ti, āpatti vācāya, vācāya saṅghādisesassa.
б̣раахман̣о д̣̇идто ход̇и…бз… взссо д̣̇идто ход̇и…бз… суд̣̇д̣̇о д̣̇идто ход̇и баарааж̇игам̣ д̇хаммам̣ аж̇жхаабаж̇ж̇анд̇о. ан̃н̃ам̣ суд̣̇д̣̇ам̣ бассид̇ваа жод̣̇зд̇и – ‘‘суд̣̇д̣̇о маяаа д̣̇идто. баарааж̇игам̣ д̇хаммам̣ аж̇жхаабанноси , ассаман̣оси, асагяабуд̇д̇ияоси’’…бз… аабад̇д̇и ваажааяа, ваажааяа сан̇гхаад̣̇исзсасса.
Brāhmaṇo diṭṭho hoti…pe… vesso diṭṭho hoti…pe… suddo diṭṭho hoti pārājikaṃ dhammaṃ ajjhāpajjanto. Aññaṃ suddaṃ passitvā codeti – ‘‘suddo mayā diṭṭho. Pārājikaṃ dhammaṃ ajjhāpannosi , assamaṇosi, asakyaputtiyosi’’…pe… āpatti vācāya, vācāya saṅghādisesassa.
396. наамалзсо наама б̣уд̣̇д̇харагкид̇о д̣̇идто ход̇и…бз… д̇хаммарагкид̇о д̣̇идто ход̇и…бз… сан̇гхарагкид̇о д̣̇идто ход̇и баарааж̇игам̣ д̇хаммам̣ аж̇жхаабаж̇ж̇анд̇о . ан̃н̃ам̣ сан̇гхарагкид̇ам̣ бассид̇ваа жод̣̇зд̇и – ‘‘сан̇гхарагкид̇о маяаа д̣̇идто. баарааж̇игам̣ д̇хаммам̣ аж̇жхаабанноси, ассаман̣оси, асагяабуд̇д̇ияоси’’…бз… аабад̇д̇и ваажааяа, ваажааяа сан̇гхаад̣̇исзсасса.
396.Nāmaleso nāma buddharakkhito diṭṭho hoti…pe… dhammarakkhito diṭṭho hoti…pe… saṅgharakkhito diṭṭho hoti pārājikaṃ dhammaṃ ajjhāpajjanto . Aññaṃ saṅgharakkhitaṃ passitvā codeti – ‘‘saṅgharakkhito mayā diṭṭho. Pārājikaṃ dhammaṃ ajjhāpannosi, assamaṇosi, asakyaputtiyosi’’…pe… āpatti vācāya, vācāya saṅghādisesassa.
397. г̇од̇д̇алзсо наама г̇од̇амо д̣̇идто ход̇и…бз… мог̇г̇аллаано д̣̇идто ход̇и…бз… гажжааяано д̣̇идто ход̇и…бз… ваасидто д̣̇идто ход̇и баарааж̇игам̣ д̇хаммам̣ аж̇жхаабаж̇ж̇анд̇о. ан̃н̃ам̣ ваасидтам̣ бассид̇ваа жод̣̇зд̇и – ‘‘ваасидто маяаа д̣̇идто. баарааж̇игам̣ д̇хаммам̣ аж̇жхаабанноси, ассаман̣оси, асагяабуд̇д̇ияоси’’…бз… аабад̇д̇и ваажааяа, ваажааяа сан̇гхаад̣̇исзсасса.
397.Gottaleso nāma gotamo diṭṭho hoti…pe… moggallāno diṭṭho hoti…pe… kaccāyano diṭṭho hoti…pe… vāsiṭṭho diṭṭho hoti pārājikaṃ dhammaṃ ajjhāpajjanto. Aññaṃ vāsiṭṭhaṃ passitvā codeti – ‘‘vāsiṭṭho mayā diṭṭho. Pārājikaṃ dhammaṃ ajjhāpannosi, assamaṇosi, asakyaputtiyosi’’…pe… āpatti vācāya, vācāya saṅghādisesassa.
398. лин̇г̇алзсо наама д̣̇ийгхо д̣̇идто ход̇и…бз… рассо д̣̇идто ход̇и…бз… ган̣хо д̣̇идто ход̇и…бз… од̣̇аад̇о д̣̇идто ход̇и баарааж̇игам̣ д̇хаммам̣ аж̇жхаабаж̇ж̇анд̇о. ан̃н̃ам̣ од̣̇аад̇ам̣ бассид̇ваа жод̣̇зд̇и – ‘‘од̣̇аад̇о маяаа д̣̇идто. баарааж̇игам̣ д̇хаммам̣ аж̇жхаабанноси, ассаман̣оси, асагяабуд̇д̇ияоси’’…бз… аабад̇д̇и ваажааяа, ваажааяа сан̇гхаад̣̇исзсасса.
398.Liṅgaleso nāma dīgho diṭṭho hoti…pe… rasso diṭṭho hoti…pe… kaṇho diṭṭho hoti…pe… odāto diṭṭho hoti pārājikaṃ dhammaṃ ajjhāpajjanto. Aññaṃ odātaṃ passitvā codeti – ‘‘odāto mayā diṭṭho. Pārājikaṃ dhammaṃ ajjhāpannosi, assamaṇosi, asakyaputtiyosi’’…pe… āpatti vācāya, vācāya saṅghādisesassa.
399. аабад̇д̇илзсо наама лахугам̣ аабад̇д̇им̣ аабаж̇ж̇анд̇о д̣̇идто ход̇и. д̇ан̃жз баарааж̇игзна жод̣̇зд̇и – ‘‘ассаман̣оси, асагяабуд̇д̇ияоси…бз… аабад̇д̇и ваажааяа, ваажааяа сан̇гхаад̣̇исзсасса.
399.Āpattileso nāma lahukaṃ āpattiṃ āpajjanto diṭṭho hoti. Tañce pārājikena codeti – ‘‘assamaṇosi, asakyaputtiyosi…pe… āpatti vācāya, vācāya saṅghādisesassa.
400. бад̇д̇алзсо наама лохабад̇д̇ад̇харо д̣̇идто ход̇и…бз… саадагабад̇д̇ад̇харо д̣̇идто ход̇и…бз… сумбхагабад̇д̇ад̇харо д̣̇идто ход̇и баарааж̇игам̣ д̇хаммам̣ аж̇жхаабаж̇ж̇анд̇о. ан̃н̃ам̣ сумбхагабад̇д̇ад̇харам̣ бассид̇ваа жод̣̇зд̇и – ‘‘сумбхагабад̇д̇ад̇харо маяаа д̣̇идто. баарааж̇игам̣ д̇хаммам̣ аж̇жхаабанноси, ассаман̣оси, асагяабуд̇д̇ияоси’’…бз… аабад̇д̇и ваажааяа, ваажааяа сан̇гхаад̣̇исзсасса.
400.Pattaleso nāma lohapattadharo diṭṭho hoti…pe… sāṭakapattadharo diṭṭho hoti…pe… sumbhakapattadharo diṭṭho hoti pārājikaṃ dhammaṃ ajjhāpajjanto. Aññaṃ sumbhakapattadharaṃ passitvā codeti – ‘‘sumbhakapattadharo mayā diṭṭho. Pārājikaṃ dhammaṃ ajjhāpannosi, assamaṇosi, asakyaputtiyosi’’…pe… āpatti vācāya, vācāya saṅghādisesassa.
401. жийваралзсо наама бам̣сугуулиго д̣̇идто ход̇и…бз… г̇ахабад̇ижийварад̇харо д̣̇идто ход̇и баарааж̇игам̣ д̇хаммам̣ аж̇жхаабаж̇ж̇анд̇о. ан̃н̃ам̣ г̇ахабад̇ижийварад̇харам̣ бассид̇ваа жод̣̇зд̇и – ‘‘г̇ахабад̇ижийварад̇харо маяаа д̣̇идто. баарааж̇игам̣ д̇хаммам̣ аж̇жхаабанноси, ассаман̣оси, асагяабуд̇д̇ияоси’’…бз… аабад̇д̇и ваажааяа, ваажааяа сан̇гхаад̣̇исзсасса.
401.Cīvaraleso nāma paṃsukūliko diṭṭho hoti…pe… gahapaticīvaradharo diṭṭho hoti pārājikaṃ dhammaṃ ajjhāpajjanto. Aññaṃ gahapaticīvaradharaṃ passitvā codeti – ‘‘gahapaticīvaradharo mayā diṭṭho. Pārājikaṃ dhammaṃ ajjhāpannosi, assamaṇosi, asakyaputtiyosi’’…pe… āpatti vācāya, vācāya saṅghādisesassa.
402. убаж̇жхааяалзсо наама ид̇т̇аннаамасса сад̣̇д̇хивихаариго д̣̇идто ход̇и баарааж̇игам̣ д̇хаммам̣ аж̇жхаабаж̇ж̇анд̇о. ан̃н̃ам̣ ид̇т̇аннаамасса сад̣̇д̇хивихааригам̣ бассид̇ваа жод̣̇зд̇и – ‘‘ид̇т̇аннаамасса сад̣̇д̇хивихаариго маяаа д̣̇идто. баарааж̇игам̣ д̇хаммам̣ аж̇жхаабанноси, ассаман̣оси, асагяабуд̇д̇ияоси’’…бз… аабад̇д̇и ваажааяа, ваажааяа сан̇гхаад̣̇исзсасса.
402.Upajjhāyaleso nāma itthannāmassa saddhivihāriko diṭṭho hoti pārājikaṃ dhammaṃ ajjhāpajjanto. Aññaṃ itthannāmassa saddhivihārikaṃ passitvā codeti – ‘‘itthannāmassa saddhivihāriko mayā diṭṭho. Pārājikaṃ dhammaṃ ajjhāpannosi, assamaṇosi, asakyaputtiyosi’’…pe… āpatti vācāya, vācāya saṅghādisesassa.
403. аажарияалзсо наама ид̇т̇аннаамасса анд̇зваасиго д̣̇идто ход̇и баарааж̇игам̣ д̇хаммам̣ аж̇жхаабаж̇ж̇анд̇о. ан̃н̃ам̣ ид̇т̇аннаамасса анд̇зваасигам̣ бассид̇ваа жод̣̇зд̇и – ‘‘ид̇т̇аннаамасса анд̇зваасиго маяаа д̣̇идто. баарааж̇игам̣ д̇хаммам̣ аж̇жхаабанноси, ассаман̣оси, асагяабуд̇д̇ияоси’’…бз… аабад̇д̇и ваажааяа, ваажааяа сан̇гхаад̣̇исзсасса.
403.Ācariyaleso nāma itthannāmassa antevāsiko diṭṭho hoti pārājikaṃ dhammaṃ ajjhāpajjanto. Aññaṃ itthannāmassa antevāsikaṃ passitvā codeti – ‘‘itthannāmassa antevāsiko mayā diṭṭho. Pārājikaṃ dhammaṃ ajjhāpannosi, assamaṇosi, asakyaputtiyosi’’…pe… āpatti vācāya, vācāya saṅghādisesassa.
404. сзнаасаналзсо наама ид̇т̇аннаамасзнаасанаваасиго д̣̇идто ход̇и баарааж̇игам̣ д̇хаммам̣ аж̇жхаабаж̇ж̇анд̇о. ан̃н̃ам̣ ид̇т̇аннаамасзнаасанаваасигам̣ бассид̇ваа жод̣̇зд̇и – ‘‘ид̇т̇аннаамасзнаасанаваасиго маяаа д̣̇идто. баарааж̇игам̣ д̇хаммам̣ аж̇жхаабанноси, ассаман̣оси, асагяабуд̇д̇ияоси, над̇т̇и д̇аяаа сад̣̇д̇хим̣ убосат̇о ваа бавааран̣аа ваа сан̇гхагаммам̣ ваа’’д̇и, аабад̇д̇и ваажааяа, ваажааяа сан̇гхаад̣̇исзсасса.
404.Senāsanaleso nāma itthannāmasenāsanavāsiko diṭṭho hoti pārājikaṃ dhammaṃ ajjhāpajjanto. Aññaṃ itthannāmasenāsanavāsikaṃ passitvā codeti – ‘‘itthannāmasenāsanavāsiko mayā diṭṭho. Pārājikaṃ dhammaṃ ajjhāpannosi, assamaṇosi, asakyaputtiyosi, natthi tayā saddhiṃ uposatho vā pavāraṇā vā saṅghakammaṃ vā’’ti, āpatti vācāya, vācāya saṅghādisesassa.
405. баарааж̇игзна д̇хаммзнаад̇и жад̇уннам̣ ан̃н̃ад̇арзна.
405.Pārājikena dhammenāti catunnaṃ aññatarena.
ануд̣̇д̇хам̣сзяяаад̇и жод̣̇зд̇и ваа жод̣̇аабзд̇и ваа.
Anuddhaṃseyyāti codeti vā codāpeti vā.
аббзва наама нам̣ имамхаа б̣рахмажарияаажаавзяяанд̇и бхигкубхааваа жаавзяяам̣, саман̣ад̇хаммаа жаавзяяам̣, сийлагканд̇хаа жаавзяяам̣, д̇абог̇ун̣аа жаавзяяам̣.
Appeva nāma naṃ imamhā brahmacariyācāveyyanti bhikkhubhāvā cāveyyaṃ, samaṇadhammā cāveyyaṃ, sīlakkhandhā cāveyyaṃ, tapoguṇā cāveyyaṃ.
д̇ад̇о абарзна самаязнаад̇и яасмим̣ кан̣з ануд̣̇д̇хам̣сид̇о ход̇и, д̇ам̣ кан̣ам̣ д̇ам̣ лаяам̣ д̇ам̣ мухуд̇д̇ам̣ вийд̇ивад̇д̇з.
Tato aparena samayenāti yasmiṃ khaṇe anuddhaṃsito hoti, taṃ khaṇaṃ taṃ layaṃ taṃ muhuttaṃ vītivatte.
самануг̇г̇аахийяамаанод̇и язна вад̇т̇унаа ануд̣̇д̇хам̣сид̇о ход̇и д̇асмим̣ вад̇т̇усмим̣ самануг̇г̇аахийяамаано.
Samanuggāhīyamānoti yena vatthunā anuddhaṃsito hoti tasmiṃ vatthusmiṃ samanuggāhīyamāno.
асамануг̇г̇аахийяамаанод̇и на гзнажи вужжамаано.
Asamanuggāhīyamānoti na kenaci vuccamāno.
ад̇хигаран̣ам̣ наама жад̇д̇аари ад̇хигаран̣аани – виваад̣̇аад̇хигаран̣ам̣, ануваад̣̇аад̇хигаран̣ам̣, аабад̇д̇аад̇хигаран̣ам̣, гижжаад̇хигаран̣ам̣.
Adhikaraṇaṃ nāma cattāri adhikaraṇāni – vivādādhikaraṇaṃ, anuvādādhikaraṇaṃ, āpattādhikaraṇaṃ, kiccādhikaraṇaṃ.
гожи д̣̇зсо лзсамад̇д̇о убаад̣̇иннод̇и д̇зсам̣ д̣̇асаннам̣ лзсаанам̣ ан̃н̃ад̇аро лзсо убаад̣̇инно ход̇и.
Kocideso lesamatto upādinnoti tesaṃ dasannaṃ lesānaṃ aññataro leso upādinno hoti.
бхигку жа д̣̇осам̣ бад̇идтаад̇ийд̇и д̇ужчагам̣ маяаа бхан̣ид̇ам̣, мусаа маяаа бхан̣ид̇ам̣, абхууд̇ам̣ маяаа бхан̣ид̇ам̣, аж̇аананд̇зна маяаа бхан̣ид̇ам̣.
Bhikkhu ca dosaṃ patiṭṭhātīti tucchakaṃ mayā bhaṇitaṃ, musā mayā bhaṇitaṃ, abhūtaṃ mayā bhaṇitaṃ, ajānantena mayā bhaṇitaṃ.
сан̇гхаад̣̇исзсод̇и …бз… д̇знаби вужжад̇и сан̇гхаад̣̇исзсод̇и.
Saṅghādisesoti …pe… tenapi vuccati saṅghādisesoti.
406. бхигку сан̇гхаад̣̇исзсам̣ аж̇жхаабаж̇ж̇анд̇о д̣̇идто ход̇и, сан̇гхаад̣̇исзсз сан̇гхаад̣̇исзсад̣̇идти ход̇и. д̇ан̃жз баарааж̇игзна жод̣̇зд̇и – ‘‘ассаман̣оси, асагяабуд̇д̇ияоси, над̇т̇и д̇аяаа сад̣̇д̇хим̣ убосат̇о ваа бавааран̣аа ваа сан̇гхагаммам̣ ваа’’д̇и, звамби аабад̇д̇ан̃н̃абхааг̇ияам̣ ход̇и лзсо жа убаад̣̇инно, аабад̇д̇и ваажааяа, ваажааяа сан̇гхаад̣̇исзсасса.
406. Bhikkhu saṅghādisesaṃ ajjhāpajjanto diṭṭho hoti, saṅghādisese saṅghādisesadiṭṭhi hoti. Tañce pārājikena codeti – ‘‘assamaṇosi, asakyaputtiyosi, natthi tayā saddhiṃ uposatho vā pavāraṇā vā saṅghakammaṃ vā’’ti, evampi āpattaññabhāgiyaṃ hoti leso ca upādinno, āpatti vācāya, vācāya saṅghādisesassa.
бхигку сан̇гхаад̣̇исзсам̣ аж̇жхаабаж̇ж̇анд̇о д̣̇идто ход̇и, сан̇гхаад̣̇исзсз т̇уллажжаяад̣̇идти ход̇и…бз… баажид̇д̇ияад̣̇идти ход̇и… баадид̣̇зсанийяад̣̇идти ход̇и… д̣̇уггадад̣̇идти ход̇и… д̣̇уб̣бхаасид̇ад̣̇идти ход̇и. д̇ан̃жз баарааж̇игзна жод̣̇зд̇и – ‘‘ассаман̣оси’’…бз… звамби аабад̇д̇ан̃н̃абхааг̇ияам̣ ход̇и лзсо жа убаад̣̇инно, аабад̇д̇и ваажааяа, ваажааяа сан̇гхаад̣̇исзсасса.
Bhikkhu saṅghādisesaṃ ajjhāpajjanto diṭṭho hoti, saṅghādisese thullaccayadiṭṭhi hoti…pe… pācittiyadiṭṭhi hoti… pāṭidesanīyadiṭṭhi hoti… dukkaṭadiṭṭhi hoti… dubbhāsitadiṭṭhi hoti. Tañce pārājikena codeti – ‘‘assamaṇosi’’…pe… evampi āpattaññabhāgiyaṃ hoti leso ca upādinno, āpatti vācāya, vācāya saṅghādisesassa.
бхигку т̇уллажжаяам̣ аж̇жхаабаж̇ж̇анд̇о д̣̇идто ход̇и т̇уллажжаяз т̇уллажжаяад̣̇идти ход̇и…бз… т̇уллажжаяз баажид̇д̇ияад̣̇идти ход̇и… баадид̣̇зсанийяад̣̇идти ход̇и… д̣̇уггадад̣̇идти ход̇и… д̣̇уб̣бхаасид̇ад̣̇идти ход̇и… сан̇гхаад̣̇исзсад̣̇идти ход̇и. д̇ан̃жз баарааж̇игзна жод̣̇зд̇и – ‘‘ассаман̣оси’’ …бз… звамби аабад̇д̇ан̃н̃абхааг̇ияам̣ ход̇и лзсо жа убаад̣̇инно, аабад̇д̇и ваажааяа, ваажааяа сан̇гхаад̣̇исзсасса.
Bhikkhu thullaccayaṃ ajjhāpajjanto diṭṭho hoti thullaccaye thullaccayadiṭṭhi hoti…pe… thullaccaye pācittiyadiṭṭhi hoti… pāṭidesanīyadiṭṭhi hoti… dukkaṭadiṭṭhi hoti… dubbhāsitadiṭṭhi hoti… saṅghādisesadiṭṭhi hoti. Tañce pārājikena codeti – ‘‘assamaṇosi’’ …pe… evampi āpattaññabhāgiyaṃ hoti leso ca upādinno, āpatti vācāya, vācāya saṅghādisesassa.
бхигку баажид̇д̇ияам̣…бз… баадид̣̇зсанийяам̣… д̣̇уггадам̣… д̣̇уб̣бхаасид̇ам̣ аж̇жхаабаж̇ж̇анд̇о д̣̇идто ход̇и, д̣̇уб̣бхаасид̇з д̣̇уб̣бхаасид̇ад̣̇идти ход̇и…бз… д̣̇уб̣бхаасид̇з сан̇гхаад̣̇исзсад̣̇идти ход̇и… т̇уллажжаяад̣̇идти ход̇и… баажид̇д̇ияад̣̇идти ход̇и… баадид̣̇зсанийяад̣̇идти ход̇и… д̣̇уггадад̣̇идти ход̇и. д̇ан̃жз баарааж̇игзна жод̣̇зд̇и – ‘‘ассаман̣оси, асагяабуд̇д̇ияоси, над̇т̇и д̇аяаа сад̣̇д̇хим̣ убосат̇о ваа бавааран̣аа ваа сан̇гхагаммам̣ ваа’’д̇и, звамби аабад̇д̇ан̃н̃абхааг̇ияам̣ ход̇и лзсо жа убаад̣̇инно, аабад̇д̇и ваажааяа, ваажааяа сан̇гхаад̣̇исзсасса.
Bhikkhu pācittiyaṃ…pe… pāṭidesanīyaṃ… dukkaṭaṃ… dubbhāsitaṃ ajjhāpajjanto diṭṭho hoti, dubbhāsite dubbhāsitadiṭṭhi hoti…pe… dubbhāsite saṅghādisesadiṭṭhi hoti… thullaccayadiṭṭhi hoti… pācittiyadiṭṭhi hoti… pāṭidesanīyadiṭṭhi hoti… dukkaṭadiṭṭhi hoti. Tañce pārājikena codeti – ‘‘assamaṇosi, asakyaputtiyosi, natthi tayā saddhiṃ uposatho vā pavāraṇā vā saṅghakammaṃ vā’’ti, evampi āpattaññabhāgiyaṃ hoti leso ca upādinno, āpatti vācāya, vācāya saṅghādisesassa.
згзгам̣ муулам̣ гаад̇уна жаггам̣ б̣анд̇хид̇аб̣б̣ам̣.
Ekekaṃ mūlaṃ kātuna cakkaṃ bandhitabbaṃ.
407. бхигку сан̇гхаад̣̇исзсам̣ аж̇жхаабаж̇ж̇анд̇о д̣̇идто ход̇и сан̇гхаад̣̇исзсз сан̇гхаад̣̇исзсад̣̇идти ход̇и. д̇ан̃жз баарааж̇игзна жод̣̇аабзд̇и – ‘‘ассаман̣оси’’…бз… звамби аабад̇д̇ан̃н̃абхааг̇ияам̣ ход̇и лзсо жа убаад̣̇инно, аабад̇д̇и ваажааяа, ваажааяа сан̇гхаад̣̇исзсасса.
407. Bhikkhu saṅghādisesaṃ ajjhāpajjanto diṭṭho hoti saṅghādisese saṅghādisesadiṭṭhi hoti. Tañce pārājikena codāpeti – ‘‘assamaṇosi’’…pe… evampi āpattaññabhāgiyaṃ hoti leso ca upādinno, āpatti vācāya, vācāya saṅghādisesassa.
бхигку сан̇гхаад̣̇исзсам̣ аж̇жхаабаж̇ж̇анд̇о д̣̇идто ход̇и, сан̇гхаад̣̇исзсз т̇уллажжаяад̣̇идти ход̇и…бз… баажид̇д̇ияад̣̇идти ход̇и… баадид̣̇зсанийяад̣̇идти ход̇и… д̣̇уггадад̣̇идти ход̇и… д̣̇уб̣бхаасид̇ад̣̇идти ход̇и. д̇ан̃жз баарааж̇игзна жод̣̇аабзд̇и – ‘‘ассаман̣оси’’…бз… звамби аабад̇д̇ан̃н̃абхааг̇ияам̣ ход̇и лзсо жа убаад̣̇инно, аабад̇д̇и ваажааяа, ваажааяа сан̇гхаад̣̇исзсасса.
Bhikkhu saṅghādisesaṃ ajjhāpajjanto diṭṭho hoti, saṅghādisese thullaccayadiṭṭhi hoti…pe… pācittiyadiṭṭhi hoti… pāṭidesanīyadiṭṭhi hoti… dukkaṭadiṭṭhi hoti… dubbhāsitadiṭṭhi hoti. Tañce pārājikena codāpeti – ‘‘assamaṇosi’’…pe… evampi āpattaññabhāgiyaṃ hoti leso ca upādinno, āpatti vācāya, vācāya saṅghādisesassa.
бхигку т̇уллажжаяам̣ аж̇жхаабаж̇ж̇анд̇о д̣̇идто ход̇и т̇уллажжаяз т̇уллажжаяад̣̇идти ход̇и…бз… т̇уллажжаяз баажид̇д̇ияад̣̇идти ход̇и… баадид̣̇зсанийяад̣̇идти ход̇и… д̣̇уггадад̣̇идти ход̇и… д̣̇уб̣бхаасид̇ад̣̇идти ход̇и… сан̇гхаад̣̇исзсад̣̇идти ход̇и. д̇ан̃жз баарааж̇игзна жод̣̇аабзд̇и – ‘‘ассаман̣оси’’…бз… звамби аабад̇д̇ан̃н̃абхааг̇ияам̣ ход̇и лзсо жа убаад̣̇инно, аабад̇д̇и ваажааяа, ваажааяа сан̇гхаад̣̇исзсасса.
Bhikkhu thullaccayaṃ ajjhāpajjanto diṭṭho hoti thullaccaye thullaccayadiṭṭhi hoti…pe… thullaccaye pācittiyadiṭṭhi hoti… pāṭidesanīyadiṭṭhi hoti… dukkaṭadiṭṭhi hoti… dubbhāsitadiṭṭhi hoti… saṅghādisesadiṭṭhi hoti. Tañce pārājikena codāpeti – ‘‘assamaṇosi’’…pe… evampi āpattaññabhāgiyaṃ hoti leso ca upādinno, āpatti vācāya, vācāya saṅghādisesassa.
бхигку баажид̇д̇ияам̣…бз… баадид̣̇зсанийяам̣… д̣̇уггадам̣… д̣̇уб̣бхаасид̇ам̣ аж̇жхаабаж̇ж̇анд̇о д̣̇идто ход̇и д̣̇уб̣бхаасид̇з д̣̇уб̣бхаасид̇ад̣̇идти ход̇и…бз… д̣̇уб̣бхаасид̇з сан̇гхаад̣̇исзсад̣̇идти ход̇и… т̇уллажжаяад̣̇идти ход̇и… баажид̇д̇ияад̣̇идти ход̇и… баадид̣̇зсанийяад̣̇идти ход̇и… д̣̇уггадад̣̇идти ход̇и. д̇ан̃жз баарааж̇игзна жод̣̇аабзд̇и – ‘‘ассаман̣оси , асагяабуд̇д̇ияоси, над̇т̇и д̇аяаа сад̣̇д̇хим̣ убосат̇о ваа бавааран̣аа ваа сан̇гхагаммам̣ ваа’’д̇и, звамби аабад̇д̇ан̃н̃абхааг̇ияам̣ ход̇и лзсо жа убаад̣̇инно, аабад̇д̇и ваажааяа, ваажааяа сан̇гхаад̣̇исзсасса.
Bhikkhu pācittiyaṃ…pe… pāṭidesanīyaṃ… dukkaṭaṃ… dubbhāsitaṃ ajjhāpajjanto diṭṭho hoti dubbhāsite dubbhāsitadiṭṭhi hoti…pe… dubbhāsite saṅghādisesadiṭṭhi hoti… thullaccayadiṭṭhi hoti… pācittiyadiṭṭhi hoti… pāṭidesanīyadiṭṭhi hoti… dukkaṭadiṭṭhi hoti. Tañce pārājikena codāpeti – ‘‘assamaṇosi , asakyaputtiyosi, natthi tayā saddhiṃ uposatho vā pavāraṇā vā saṅghakammaṃ vā’’ti, evampi āpattaññabhāgiyaṃ hoti leso ca upādinno, āpatti vācāya, vācāya saṅghādisesassa.
408. анаабад̇д̇и д̇ат̇аасан̃н̃ий жод̣̇зд̇и ваа жод̣̇аабзд̇и ваа, уммад̇д̇агасса, аад̣̇игаммигассаад̇и.
408. Anāpatti tathāsaññī codeti vā codāpeti vā, ummattakassa, ādikammikassāti.
д̣̇уд̇ияад̣̇удтад̣̇осасигкаабад̣̇ам̣ нидтид̇ам̣ навамам̣.
Dutiyaduṭṭhadosasikkhāpadaṃ niṭṭhitaṃ navamaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 9. д̣̇уд̇ияад̣̇удтад̣̇осасигкаабад̣̇аван̣н̣анаа • 9. Dutiyaduṭṭhadosasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 9. д̣̇уд̇ияад̣̇удтад̣̇осасигкаабад̣̇аван̣н̣анаа • 9. Dutiyaduṭṭhadosasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. д̣̇уд̇ияад̣̇удтад̣̇осасигкаабад̣̇аван̣н̣анаа • 9. Dutiyaduṭṭhadosasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. д̣̇уд̇ияад̣̇удтад̣̇осасигкаабад̣̇аван̣н̣анаа • 9. Dutiyaduṭṭhadosasikkhāpadavaṇṇanā
