| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ • Mahāvibhaṅga |
੯. ਦੁਤਿਯਦੁਟ੍ਠਦੋਸਸਿਕ੍ਖਾਪਦਂ
9. Dutiyaduṭṭhadosasikkhāpadaṃ
੩੯੧. ਤੇਨ ਸਮਯੇਨ ਬੁਦ੍ਧੋ ਭਗવਾ ਰਾਜਗਹੇ વਿਹਰਤਿ વੇਲ਼ੁવਨੇ ਕਲਨ੍ਦਕਨਿવਾਪੇ। ਤੇਨ ਖੋ ਪਨ ਸਮਯੇਨ ਮੇਤ੍ਤਿਯਭੂਮਜਕਾ ਭਿਕ੍ਖੂ ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤਾ ਅਦ੍ਦਸਂਸੁ ਛਗਲਕਂ 1 ਅਜਿਕਾਯ વਿਪ੍ਪਟਿਪਜ੍ਜਨ੍ਤਂ। ਦਿਸ੍વਾਨ ਏવਮਾਹਂਸੁ – ‘‘ਹਨ੍ਦ ਮਯਂ, ਆવੁਸੋ, ਇਮਂ ਛਗਲਕਂ ਦਬ੍ਬਂ ਮਲ੍ਲਪੁਤ੍ਤਂ ਨਾਮ ਕਰੋਮ। ਇਮਂ ਅਜਿਕਂ ਮੇਤ੍ਤਿਯਂ ਨਾਮ ਭਿਕ੍ਖੁਨਿਂ ਕਰੋਮ। ਏવਂ ਮਯਂ વੋਹਰਿਸ੍ਸਾਮ। ਪੁਬ੍ਬੇ ਮਯਂ, ਆવੁਸੋ, ਦਬ੍ਬਂ ਮਲ੍ਲਪੁਤ੍ਤਂ ਸੁਤੇਨ ਅવੋਚੁਮ੍ਹਾ। ਇਦਾਨਿ ਪਨ ਅਮ੍ਹੇਹਿ ਸਾਮਂ ਦਿਟ੍ਠੋ ਮੇਤ੍ਤਿਯਾਯ ਭਿਕ੍ਖੁਨਿਯਾ વਿਪ੍ਪਟਿਪਜ੍ਜਨ੍ਤੋ’’ਤਿ। ਤੇ ਤਂ ਛਗਲਕਂ ਦਬ੍ਬਂ ਮਲ੍ਲਪੁਤ੍ਤਂ ਨਾਮ ਅਕਂਸੁ। ਤਂ ਅਜਿਕਂ ਮੇਤ੍ਤਿਯਂ ਨਾਮ ਭਿਕ੍ਖੁਨਿਂ ਅਕਂਸੁ। ਤੇ ਭਿਕ੍ਖੂਨਂ ਆਰੋਚੇਸੁਂ – ‘‘ਪੁਬ੍ਬੇ ਮਯਂ, ਆવੁਸੋ, ਦਬ੍ਬਂ ਮਲ੍ਲਪੁਤ੍ਤਂ ਸੁਤੇਨ ਅવੋਚੁਮ੍ਹਾ। ਇਦਾਨਿ ਪਨ ਅਮ੍ਹੇਹਿ ਸਾਮਂ ਦਿਟ੍ਠੋ ਮੇਤ੍ਤਿਯਾਯ ਭਿਕ੍ਖੁਨਿਯਾ વਿਪ੍ਪਟਿਪਜ੍ਜਨ੍ਤੋ’’ਤਿ। ਭਿਕ੍ਖੂ ਏવਮਾਹਂਸੁ – ‘‘ਮਾવੁਸੋ, ਏવਂ ਅવਚੁਤ੍ਥ। ਨਾਯਸ੍ਮਾ ਦਬ੍ਬੋ ਮਲ੍ਲਪੁਤ੍ਤੋ ਏવਂ ਕਰਿਸ੍ਸਤੀ’’ਤਿ।
391. Tena samayena buddho bhagavā rājagahe viharati veḷuvane kalandakanivāpe. Tena kho pana samayena mettiyabhūmajakā bhikkhū gijjhakūṭā pabbatā orohantā addasaṃsu chagalakaṃ 2 ajikāya vippaṭipajjantaṃ. Disvāna evamāhaṃsu – ‘‘handa mayaṃ, āvuso, imaṃ chagalakaṃ dabbaṃ mallaputtaṃ nāma karoma. Imaṃ ajikaṃ mettiyaṃ nāma bhikkhuniṃ karoma. Evaṃ mayaṃ voharissāma. Pubbe mayaṃ, āvuso, dabbaṃ mallaputtaṃ sutena avocumhā. Idāni pana amhehi sāmaṃ diṭṭho mettiyāya bhikkhuniyā vippaṭipajjanto’’ti. Te taṃ chagalakaṃ dabbaṃ mallaputtaṃ nāma akaṃsu. Taṃ ajikaṃ mettiyaṃ nāma bhikkhuniṃ akaṃsu. Te bhikkhūnaṃ ārocesuṃ – ‘‘pubbe mayaṃ, āvuso, dabbaṃ mallaputtaṃ sutena avocumhā. Idāni pana amhehi sāmaṃ diṭṭho mettiyāya bhikkhuniyā vippaṭipajjanto’’ti. Bhikkhū evamāhaṃsu – ‘‘māvuso, evaṃ avacuttha. Nāyasmā dabbo mallaputto evaṃ karissatī’’ti.
ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍વਾ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਪਟਿਪੁਚ੍ਛਿ – ‘‘ਸਰਸਿ ਤ੍વਂ, ਦਬ੍ਬ, ਏવਰੂਪਂ ਕਤ੍ਤਾ ਯਥਯਿਮੇ ਭਿਕ੍ਖੂ ਆਹਂਸੂ’’ਤਿ? ‘‘ਯਥਾ ਮਂ, ਭਨ੍ਤੇ, ਭਗવਾ ਜਾਨਾਤੀ’’ਤਿ। ਦੁਤਿਯਮ੍ਪਿ ਖੋ ਭਗવਾ…ਪੇ॰… ਤਤਿਯਮ੍ਪਿ ਖੋ ਭਗવਾ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਏਤਦવੋਚ – ‘‘ਸਰਸਿ ਤ੍વਂ, ਦਬ੍ਬ, ਏવਰੂਪਂ ਕਤ੍ਤਾ ਯਥਯਿਮੇ ਭਿਕ੍ਖੂ ਆਹਂਸੂ’’ਤਿ? ‘‘ਯਥਾ ਮਂ, ਭਨ੍ਤੇ, ਭਗવਾ ਜਾਨਾਤੀ’’ਤਿ। ‘‘ਨ ਖੋ, ਦਬ੍ਬ, ਦਬ੍ਬਾ ਏવਂ ਨਿਬ੍ਬੇਠੇਨ੍ਤਿ। ਸਚੇ ਤਯਾ ਕਤਂ ਕਤਨ੍ਤਿ વਦੇਹਿ, ਸਚੇ ਤਯਾ ਅਕਤਂ ਅਕਤਨ੍ਤਿ વਦੇਹੀ’’ਤਿ। ‘‘ਯਤੋ ਅਹਂ, ਭਨ੍ਤੇ, ਜਾਤੋ ਨਾਭਿਜਾਨਾਮਿ ਸੁਪਿਨਨ੍ਤੇਨਪਿ ਮੇਥੁਨਧਮ੍ਮਂ ਪਟਿਸੇવਿਤਾ, ਪਗੇવ ਜਾਗਰੋ’’ਤਿ! ਅਥ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ – ‘‘ਤੇਨ ਹਿ, ਭਿਕ੍ਖੁવੇ, ਇਮੇ ਭਿਕ੍ਖੂ ਅਨੁਯੁਞ੍ਜਥਾ’’ਤਿ। ਇਦਂ વਤ੍વਾ ਭਗવਾ ਉਟ੍ਠਾਯਾਸਨਾ વਿਹਾਰਂ ਪਾવਿਸਿ।
Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ dabbaṃ mallaputtaṃ paṭipucchi – ‘‘sarasi tvaṃ, dabba, evarūpaṃ kattā yathayime bhikkhū āhaṃsū’’ti? ‘‘Yathā maṃ, bhante, bhagavā jānātī’’ti. Dutiyampi kho bhagavā…pe… tatiyampi kho bhagavā āyasmantaṃ dabbaṃ mallaputtaṃ etadavoca – ‘‘sarasi tvaṃ, dabba, evarūpaṃ kattā yathayime bhikkhū āhaṃsū’’ti? ‘‘Yathā maṃ, bhante, bhagavā jānātī’’ti. ‘‘Na kho, dabba, dabbā evaṃ nibbeṭhenti. Sace tayā kataṃ katanti vadehi, sace tayā akataṃ akatanti vadehī’’ti. ‘‘Yato ahaṃ, bhante, jāto nābhijānāmi supinantenapi methunadhammaṃ paṭisevitā, pageva jāgaro’’ti! Atha kho bhagavā bhikkhū āmantesi – ‘‘tena hi, bhikkhuve, ime bhikkhū anuyuñjathā’’ti. Idaṃ vatvā bhagavā uṭṭhāyāsanā vihāraṃ pāvisi.
ਅਥ ਖੋ ਤੇ ਭਿਕ੍ਖੂ ਮੇਤ੍ਤਿਯਭੂਮਜਕੇ ਭਿਕ੍ਖੂ ਅਨੁਯੁਞ੍ਜਿਂਸੁ। ਤੇ ਭਿਕ੍ਖੂਹਿ ਅਨੁਯੁਞ੍ਜੀਯਮਾਨਾ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸੁਂ – ‘‘ਕਿਂ ਪਨ ਤੁਮ੍ਹੇ, ਆવੁਸੋ, ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸ ਕਿਞ੍ਚਿਦੇਸਂ ਲੇਸਮਤ੍ਤਂ ਉਪਾਦਾਯ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਥਾ’’ਤਿ? ‘‘ਏવਮਾવੁਸੋ’’ਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਮੇਤ੍ਤਿਯਭੂਮਜਕਾ ਭਿਕ੍ਖੂ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸ ਕਿਞ੍ਚਿ ਦੇਸਂ ਲੇਸਮਤ੍ਤਂ ਉਪਾਦਾਯ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਮੇਤ੍ਤਿਯਭੂਮਜਕੇ ਭਿਕ੍ਖੂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖવੇ, ਦਬ੍ਬਂ ਮਲ੍ਲਪੁਤ੍ਤਂ ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸ ਕਿਞ੍ਚਿ ਦੇਸਂ ਲੇਸਮਤ੍ਤਂ ਉਪਾਦਾਯ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਥਾ’’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ‘‘ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਦਬ੍ਬਂ ਮਲ੍ਲਪੁਤ੍ਤਂ ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸ ਕਿਞ੍ਚਿ ਦੇਸਂ ਲੇਸਮਤ੍ਤਂ ਉਪਾਦਾਯ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
Atha kho te bhikkhū mettiyabhūmajake bhikkhū anuyuñjiṃsu. Te bhikkhūhi anuyuñjīyamānā bhikkhūnaṃ etamatthaṃ ārocesuṃ – ‘‘kiṃ pana tumhe, āvuso, āyasmantaṃ dabbaṃ mallaputtaṃ aññabhāgiyassa adhikaraṇassa kiñcidesaṃ lesamattaṃ upādāya pārājikena dhammena anuddhaṃsethā’’ti? ‘‘Evamāvuso’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma mettiyabhūmajakā bhikkhū āyasmantaṃ dabbaṃ mallaputtaṃ aññabhāgiyassa adhikaraṇassa kiñci desaṃ lesamattaṃ upādāya pārājikena dhammena anuddhaṃsessantī’’ti! Atha kho te bhikkhū mettiyabhūmajake bhikkhū anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tumhe, bhikkhave, dabbaṃ mallaputtaṃ aññabhāgiyassa adhikaraṇassa kiñci desaṃ lesamattaṃ upādāya pārājikena dhammena anuddhaṃsethā’’ti? ‘‘Saccaṃ, bhagavā’’ti. Vigarahi buddho bhagavā…pe… ‘‘kathañhi nāma tumhe, moghapurisā, dabbaṃ mallaputtaṃ aññabhāgiyassa adhikaraṇassa kiñci desaṃ lesamattaṃ upādāya pārājikena dhammena anuddhaṃsessatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੩੯੨. ‘‘ਯੋ ਪਨ ਭਿਕ੍ਖੁ ਭਿਕ੍ਖੁਂ ਦੁਟ੍ਠੋ ਦੋਸੋ ਅਪ੍ਪਤੀਤੋ ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸ ਕਿਞ੍ਚਿਦੇਸਂ ਲੇਸਮਤ੍ਤਂ ਉਪਾਦਾਯ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਯ੍ਯ – ‘ਅਪ੍ਪੇવ ਨਾਮ ਨਂ ਇਮਮ੍ਹਾ ਬ੍ਰਹ੍ਮਚਰਿਯਾ ਚਾવੇਯ੍ਯ’ਨ੍ਤਿ। ਤਤੋ ਅਪਰੇਨ ਸਮਯੇਨ ਸਮਨੁਗ੍ਗਾਹੀਯਮਾਨੋ વਾ ਅਸਮਨੁਗ੍ਗਾਹੀਯਮਾਨੋ વਾ ਅਞ੍ਞਭਾਗਿਯਞ੍ਚੇવ ਤਂ ਅਧਿਕਰਣਂ ਹੋਤਿ ਕੋਚਿਦੇਸੋ ਲੇਸਮਤ੍ਤੋ ਉਪਾਦਿਨ੍ਨੋ, ਭਿਕ੍ਖੁ ਚ ਦੋਸਂ ਪਤਿਟ੍ਠਾਤਿ, ਸਙ੍ਘਾਦਿਸੇਸੋ’’ਤਿ।
392.‘‘Yopana bhikkhu bhikkhuṃ duṭṭho doso appatīto aññabhāgiyassaadhikaraṇassa kiñcidesaṃ lesamattaṃ upādāya pārājikena dhammena anuddhaṃseyya – ‘appeva nāma naṃ imamhā brahmacariyā cāveyya’nti. Tato aparena samayena samanuggāhīyamāno vā asamanuggāhīyamāno vā aññabhāgiyañceva taṃ adhikaraṇaṃ hoti kocideso lesamatto upādinno, bhikkhu ca dosaṃ patiṭṭhāti, saṅghādiseso’’ti.
੩੯੩. ਯੋ ਪਨਾਤਿ ਯੋ ਯਾਦਿਸੋ…ਪੇ॰… ਭਿਕ੍ਖੂਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ।
393.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ਭਿਕ੍ਖੁਨ੍ਤਿ ਅਞ੍ਞਂ ਭਿਕ੍ਖੁਂ।
Bhikkhunti aññaṃ bhikkhuṃ.
ਦੁਟ੍ਠੋ ਦੋਸੋਤਿ ਕੁਪਿਤੋ ਅਨਤ੍ਤਮਨੋ ਅਨਭਿਰਦ੍ਧੋ ਆਹਤਚਿਤ੍ਤੋ ਖਿਲਜਾਤੋ।
Duṭṭho dosoti kupito anattamano anabhiraddho āhatacitto khilajāto.
ਅਪ੍ਪਤੀਤੋਤਿ ਤੇਨ ਚ ਕੋਪੇਨ, ਤੇਨ ਚ ਦੋਸੇਨ, ਤਾਯ ਚ ਅਨਤ੍ਤਮਨਤਾਯ, ਤਾਯ ਚ ਅਨਭਿਰਦ੍ਧਿਯਾ ਅਪ੍ਪਤੀਤੋ ਹੋਤਿ।
Appatītoti tena ca kopena, tena ca dosena, tāya ca anattamanatāya, tāya ca anabhiraddhiyā appatīto hoti.
ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸਾਤਿ ਆਪਤ੍ਤਞ੍ਞਭਾਗਿਯਂ વਾ ਹੋਤਿ ਅਧਿਕਰਣਞ੍ਞਭਾਗਿਯਂ વਾ। ਕਥਂ ਅਧਿਕਰਣਂ ਅਧਿਕਰਣਸ੍ਸ ਅਞ੍ਞਭਾਗਿਯਂ? વਿવਾਦਾਧਿਕਰਣਂ ਅਨੁવਾਦਾਧਿਕਰਣਸ੍ਸ ਆਪਤ੍ਤਾਧਿਕਰਣਸ੍ਸ ਕਿਚ੍ਚਾਧਿਕਰਣਸ੍ਸ ਅਞ੍ਞਭਾਗਿਯਂ। ਅਨੁવਾਦਾਧਿਕਰਣਂ ਆਪਤ੍ਤਾਧਿਕਰਣਸ੍ਸ ਕਿਚ੍ਚਾਧਿਕਰਣਸ੍ਸ વਿવਾਦਾਧਿਕਰਣਸ੍ਸ ਅਞ੍ਞਭਾਗਿਯਂ। ਆਪਤ੍ਤਾਧਿਕਰਣਂ ਕਿਚ੍ਚਾਧਿਕਰਣਸ੍ਸ વਿવਾਦਾਧਿਕਰਣਸ੍ਸ ਅਨੁવਾਦਾਧਿਕਰਣਸ੍ਸ ਅਞ੍ਞਭਾਗਿਯਂ। ਕਿਚ੍ਚਾਧਿਕਰਣਂ વਿવਾਦਾਧਿਕਰਣਸ੍ਸ ਅਨੁવਾਦਾਧਿਕਰਣਸ੍ਸ ਆਪਤ੍ਤਾਧਿਕਰਣਸ੍ਸ ਅਞ੍ਞਭਾਗਿਯਂ। ਏવਂ ਅਧਿਕਰਣਂ ਅਧਿਕਰਣਸ੍ਸ ਅਞ੍ਞਭਾਗਿਯਂ।
Aññabhāgiyassa adhikaraṇassāti āpattaññabhāgiyaṃ vā hoti adhikaraṇaññabhāgiyaṃ vā. Kathaṃ adhikaraṇaṃ adhikaraṇassa aññabhāgiyaṃ? Vivādādhikaraṇaṃ anuvādādhikaraṇassa āpattādhikaraṇassa kiccādhikaraṇassa aññabhāgiyaṃ. Anuvādādhikaraṇaṃ āpattādhikaraṇassa kiccādhikaraṇassa vivādādhikaraṇassa aññabhāgiyaṃ. Āpattādhikaraṇaṃ kiccādhikaraṇassa vivādādhikaraṇassa anuvādādhikaraṇassa aññabhāgiyaṃ. Kiccādhikaraṇaṃ vivādādhikaraṇassa anuvādādhikaraṇassa āpattādhikaraṇassa aññabhāgiyaṃ. Evaṃ adhikaraṇaṃ adhikaraṇassa aññabhāgiyaṃ.
ਕਥਂ ਅਧਿਕਰਣਂ ਅਧਿਕਰਣਸ੍ਸ ਤਬ੍ਭਾਗਿਯਂ? વਿવਾਦਾਧਿਕਰਣਂ વਿવਾਦਾਧਿਕਰਣਸ੍ਸ ਤਬ੍ਭਾਗਿਯਂ। ਅਨੁવਾਦਾਧਿਕਰਣਂ ਅਨੁવਾਦਾਧਿਕਰਣਸ੍ਸ ਤਬ੍ਭਾਗਿਯਂ। ਆਪਤ੍ਤਾਧਿਕਰਣਂ ਆਪਤ੍ਤਾਧਿਕਰਣਸ੍ਸ ਸਿਯਾ ਤਬ੍ਭਾਗਿਯਂ ਸਿਯਾ ਅਞ੍ਞਭਾਗਿਯਂ।
Kathaṃ adhikaraṇaṃ adhikaraṇassa tabbhāgiyaṃ? Vivādādhikaraṇaṃ vivādādhikaraṇassa tabbhāgiyaṃ. Anuvādādhikaraṇaṃ anuvādādhikaraṇassa tabbhāgiyaṃ. Āpattādhikaraṇaṃ āpattādhikaraṇassa siyā tabbhāgiyaṃ siyā aññabhāgiyaṃ.
ਕਥਂ ਆਪਤ੍ਤਾਧਿਕਰਣਂ ਆਪਤ੍ਤਾਧਿਕਰਣਸ੍ਸ ਅਞ੍ਞਭਾਗਿਯਂ? ਮੇਥੁਨਧਮ੍ਮਪਾਰਾਜਿਕਾਪਤ੍ਤਿ ਅਦਿਨ੍ਨਾਦਾਨਪਾਰਾਜਿਕਾਪਤ੍ਤਿਯਾ ਮਨੁਸ੍ਸવਿਗ੍ਗਹਪਾਰਾਜਿਕਾਪਤ੍ਤਿਯਾ ਉਤ੍ਤਰਿਮਨੁਸ੍ਸਧਮ੍ਮਪਾਰਾਜਿਕਾਪਤ੍ਤਿਯਾ ਅਞ੍ਞਭਾਗਿਯਾ। ਅਦਿਨ੍ਨਾਦਾਨਪਾਰਾਜਿਕਾਪਤ੍ਤਿ ਮਨੁਸ੍ਸવਿਗ੍ਗਹਪਾਰਾਜਿਕਾਪਤ੍ਤਿਯਾ ਉਤ੍ਤਰਿਮਨੁਸ੍ਸਧਮ੍ਮਪਾਰਾਜਿਕਾਪਤ੍ਤਿਯਾ ਮੇਥੁਨਧਮ੍ਮਪਾਰਾਜਿਕਾਪਤ੍ਤਿਯਾ ਅਞ੍ਞਭਾਗਿਯਾ। ਮਨੁਸ੍ਸવਿਗ੍ਗਹਪਾਰਾਜਿਕਾਪਤ੍ਤਿ ਉਤ੍ਤਰਿਮਨੁਸ੍ਸਧਮ੍ਮਪਾਰਾਜਿਕਾਪਤ੍ਤਿਯਾ ਮੇਥੁਨਧਮ੍ਮਪਾਰਾਜਿਕਾਪਤ੍ਤਿਯਾ ਅਦਿਨ੍ਨਾਦਾਨਪਾਰਾਜਿਕਾਪਤ੍ਤਿਯਾ ਅਞ੍ਞਭਾਗਿਯਾ। ਉਤ੍ਤਰਿਮਨੁਸ੍ਸਧਮ੍ਮਪਾਰਾਜਿਕਾਪਤ੍ਤਿ ਮੇਥੁਨਧਮ੍ਮਪਾਰਾਜਿਕਾਪਤ੍ਤਿਯਾ ਅਦਿਨ੍ਨਾਦਾਨਪਾਰਾਜਿਕਾਪਤ੍ਤਿਯਾ ਮਨੁਸ੍ਸવਿਗ੍ਗਹਪਾਰਾਜਿਕਾਪਤ੍ਤਿਯਾ ਅਞ੍ਞਭਾਗਿਯਾ। ਏવਂ ਆਪਤ੍ਤਾਧਿਕਰਣਂ ਆਪਤ੍ਤਾਧਿਕਰਣਸ੍ਸ ਅਞ੍ਞਭਾਗਿਯਂ।
Kathaṃ āpattādhikaraṇaṃ āpattādhikaraṇassa aññabhāgiyaṃ? Methunadhammapārājikāpatti adinnādānapārājikāpattiyā manussaviggahapārājikāpattiyā uttarimanussadhammapārājikāpattiyā aññabhāgiyā. Adinnādānapārājikāpatti manussaviggahapārājikāpattiyā uttarimanussadhammapārājikāpattiyā methunadhammapārājikāpattiyā aññabhāgiyā. Manussaviggahapārājikāpatti uttarimanussadhammapārājikāpattiyā methunadhammapārājikāpattiyā adinnādānapārājikāpattiyā aññabhāgiyā. Uttarimanussadhammapārājikāpatti methunadhammapārājikāpattiyā adinnādānapārājikāpattiyā manussaviggahapārājikāpattiyā aññabhāgiyā. Evaṃ āpattādhikaraṇaṃ āpattādhikaraṇassa aññabhāgiyaṃ.
ਕਥਂ ਆਪਤ੍ਤਾਧਿਕਰਣਂ ਆਪਤ੍ਤਾਧਿਕਰਣਸ੍ਸ ਤਬ੍ਭਾਗਿਯਂ? ਮੇਥੁਨਧਮ੍ਮਪਾਰਾਜਿਕਾਪਤ੍ਤਿ ਮੇਥੁਨਧਮ੍ਮਪਾਰਾਜਿਕਾਪਤ੍ਤਿਯਾ ਤਬ੍ਭਾਗਿਯਾ। ਅਦਿਨ੍ਨਾਦਾਨਪਾਰਾਜਿਕਾਪਤ੍ਤਿ ਅਦਿਨ੍ਨਾਦਾਨਪਾਰਾਜਿਕਾਪਤ੍ਤਿਯਾ ਤਬ੍ਭਾਗਿਯਾ। ਮਨੁਸ੍ਸવਿਗ੍ਗਹਪਾਰਾਜਿਕਾਪਤ੍ਤਿ ਮਨੁਸ੍ਸવਿਗ੍ਗਹਪਾਰਾਜਿਕਾਪਤ੍ਤਿਯਾ ਤਬ੍ਭਾਗਿਯਾ। ਉਤ੍ਤਰਿਮਨੁਸ੍ਸਧਮ੍ਮਪਾਰਾਜਿਕਾਪਤ੍ਤਿ ਉਤ੍ਤਰਿਮਨੁਸ੍ਸਧਮ੍ਮਪਾਰਾਜਿਕਾਪਤ੍ਤਿਯਾ ਤਬ੍ਭਾਗਿਯਾ। ਏવਂ ਆਪਤ੍ਤਾਧਿਕਰਣਂ ਆਪਤ੍ਤਾਧਿਕਰਣਸ੍ਸ ਤਬ੍ਭਾਗਿਯਂ।
Kathaṃ āpattādhikaraṇaṃ āpattādhikaraṇassa tabbhāgiyaṃ? Methunadhammapārājikāpatti methunadhammapārājikāpattiyā tabbhāgiyā. Adinnādānapārājikāpatti adinnādānapārājikāpattiyā tabbhāgiyā. Manussaviggahapārājikāpatti manussaviggahapārājikāpattiyā tabbhāgiyā. Uttarimanussadhammapārājikāpatti uttarimanussadhammapārājikāpattiyā tabbhāgiyā. Evaṃ āpattādhikaraṇaṃ āpattādhikaraṇassa tabbhāgiyaṃ.
ਕਿਚ੍ਚਾਧਿਕਰਣਂ ਕਿਚ੍ਚਾਧਿਕਰਣਸ੍ਸ ਤਬ੍ਭਾਗਿਯਂ। ਏવਂ ਅਧਿਕਰਣਂ ਅਧਿਕਰਣਸ੍ਸ ਤਬ੍ਭਾਗਿਯਂ।
Kiccādhikaraṇaṃ kiccādhikaraṇassa tabbhāgiyaṃ. Evaṃ adhikaraṇaṃ adhikaraṇassa tabbhāgiyaṃ.
੩੯੪. ਕਿਞ੍ਚਿ ਦੇਸਂ ਲੇਸਮਤ੍ਤਂ ਉਪਾਦਾਯਾਤਿ ਲੇਸੋ ਨਾਮ ਦਸ ਲੇਸਾ – ਜਾਤਿਲੇਸੋ , ਨਾਮਲੇਸੋ, ਗੋਤ੍ਤਲੇਸੋ, ਲਿਙ੍ਗਲੇਸੋ, ਆਪਤ੍ਤਿਲੇਸੋ, ਪਤ੍ਤਲੇਸੋ, ਚੀવਰਲੇਸੋ, ਉਪਜ੍ਝਾਯਲੇਸੋ, ਆਚਰਿਯਲੇਸੋ, ਸੇਨਾਸਨਲੇਸੋ।
394.Kiñci desaṃ lesamattaṃ upādāyāti leso nāma dasa lesā – jātileso , nāmaleso, gottaleso, liṅgaleso, āpattileso, pattaleso, cīvaraleso, upajjhāyaleso, ācariyaleso, senāsanaleso.
੩੯੫. ਜਾਤਿਲੇਸੋ ਨਾਮ ਖਤ੍ਤਿਯੋ ਦਿਟ੍ਠੋ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ। ਅਞ੍ਞਂ ਖਤ੍ਤਿਯਂ ਪਸ੍ਸਿਤ੍વਾ ਚੋਦੇਤਿ – ‘‘ਖਤ੍ਤਿਯੋ ਮਯਾ ਦਿਟ੍ਠੋ 3। ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ, ਨਤ੍ਥਿ ਤਯਾ ਸਦ੍ਧਿਂ ਉਪੋਸਥੋ વਾ ਪવਾਰਣਾ વਾ ਸਙ੍ਘਕਮ੍ਮਂ વਾ’’ਤਿ, ਆਪਤ੍ਤਿ વਾਚਾਯ, વਾਚਾਯ ਸਙ੍ਘਾਦਿਸੇਸਸ੍ਸ।
395.Jātileso nāma khattiyo diṭṭho hoti pārājikaṃ dhammaṃ ajjhāpajjanto. Aññaṃ khattiyaṃ passitvā codeti – ‘‘khattiyo mayā diṭṭho 4. Pārājikaṃ dhammaṃ ajjhāpannosi, assamaṇosi, asakyaputtiyosi, natthi tayā saddhiṃ uposatho vā pavāraṇā vā saṅghakammaṃ vā’’ti, āpatti vācāya, vācāya saṅghādisesassa.
ਬ੍ਰਾਹ੍ਮਣੋ ਦਿਟ੍ਠੋ ਹੋਤਿ…ਪੇ॰… વੇਸ੍ਸੋ ਦਿਟ੍ਠੋ ਹੋਤਿ…ਪੇ॰… ਸੁਦ੍ਦੋ ਦਿਟ੍ਠੋ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ। ਅਞ੍ਞਂ ਸੁਦ੍ਦਂ ਪਸ੍ਸਿਤ੍વਾ ਚੋਦੇਤਿ – ‘‘ਸੁਦ੍ਦੋ ਮਯਾ ਦਿਟ੍ਠੋ। ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ , ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ’’…ਪੇ॰… ਆਪਤ੍ਤਿ વਾਚਾਯ, વਾਚਾਯ ਸਙ੍ਘਾਦਿਸੇਸਸ੍ਸ।
Brāhmaṇo diṭṭho hoti…pe… vesso diṭṭho hoti…pe… suddo diṭṭho hoti pārājikaṃ dhammaṃ ajjhāpajjanto. Aññaṃ suddaṃ passitvā codeti – ‘‘suddo mayā diṭṭho. Pārājikaṃ dhammaṃ ajjhāpannosi , assamaṇosi, asakyaputtiyosi’’…pe… āpatti vācāya, vācāya saṅghādisesassa.
੩੯੬. ਨਾਮਲੇਸੋ ਨਾਮ ਬੁਦ੍ਧਰਕ੍ਖਿਤੋ ਦਿਟ੍ਠੋ ਹੋਤਿ…ਪੇ॰… ਧਮ੍ਮਰਕ੍ਖਿਤੋ ਦਿਟ੍ਠੋ ਹੋਤਿ…ਪੇ॰… ਸਙ੍ਘਰਕ੍ਖਿਤੋ ਦਿਟ੍ਠੋ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ । ਅਞ੍ਞਂ ਸਙ੍ਘਰਕ੍ਖਿਤਂ ਪਸ੍ਸਿਤ੍વਾ ਚੋਦੇਤਿ – ‘‘ਸਙ੍ਘਰਕ੍ਖਿਤੋ ਮਯਾ ਦਿਟ੍ਠੋ। ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ’’…ਪੇ॰… ਆਪਤ੍ਤਿ વਾਚਾਯ, વਾਚਾਯ ਸਙ੍ਘਾਦਿਸੇਸਸ੍ਸ।
396.Nāmaleso nāma buddharakkhito diṭṭho hoti…pe… dhammarakkhito diṭṭho hoti…pe… saṅgharakkhito diṭṭho hoti pārājikaṃ dhammaṃ ajjhāpajjanto . Aññaṃ saṅgharakkhitaṃ passitvā codeti – ‘‘saṅgharakkhito mayā diṭṭho. Pārājikaṃ dhammaṃ ajjhāpannosi, assamaṇosi, asakyaputtiyosi’’…pe… āpatti vācāya, vācāya saṅghādisesassa.
੩੯੭. ਗੋਤ੍ਤਲੇਸੋ ਨਾਮ ਗੋਤਮੋ ਦਿਟ੍ਠੋ ਹੋਤਿ…ਪੇ॰… ਮੋਗ੍ਗਲ੍ਲਾਨੋ ਦਿਟ੍ਠੋ ਹੋਤਿ…ਪੇ॰… ਕਚ੍ਚਾਯਨੋ ਦਿਟ੍ਠੋ ਹੋਤਿ…ਪੇ॰… વਾਸਿਟ੍ਠੋ ਦਿਟ੍ਠੋ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ। ਅਞ੍ਞਂ વਾਸਿਟ੍ਠਂ ਪਸ੍ਸਿਤ੍વਾ ਚੋਦੇਤਿ – ‘‘વਾਸਿਟ੍ਠੋ ਮਯਾ ਦਿਟ੍ਠੋ। ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ’’…ਪੇ॰… ਆਪਤ੍ਤਿ વਾਚਾਯ, વਾਚਾਯ ਸਙ੍ਘਾਦਿਸੇਸਸ੍ਸ।
397.Gottaleso nāma gotamo diṭṭho hoti…pe… moggallāno diṭṭho hoti…pe… kaccāyano diṭṭho hoti…pe… vāsiṭṭho diṭṭho hoti pārājikaṃ dhammaṃ ajjhāpajjanto. Aññaṃ vāsiṭṭhaṃ passitvā codeti – ‘‘vāsiṭṭho mayā diṭṭho. Pārājikaṃ dhammaṃ ajjhāpannosi, assamaṇosi, asakyaputtiyosi’’…pe… āpatti vācāya, vācāya saṅghādisesassa.
੩੯੮. ਲਿਙ੍ਗਲੇਸੋ ਨਾਮ ਦੀਘੋ ਦਿਟ੍ਠੋ ਹੋਤਿ…ਪੇ॰… ਰਸ੍ਸੋ ਦਿਟ੍ਠੋ ਹੋਤਿ…ਪੇ॰… ਕਣ੍ਹੋ ਦਿਟ੍ਠੋ ਹੋਤਿ…ਪੇ॰… ਓਦਾਤੋ ਦਿਟ੍ਠੋ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ। ਅਞ੍ਞਂ ਓਦਾਤਂ ਪਸ੍ਸਿਤ੍વਾ ਚੋਦੇਤਿ – ‘‘ਓਦਾਤੋ ਮਯਾ ਦਿਟ੍ਠੋ। ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ’’…ਪੇ॰… ਆਪਤ੍ਤਿ વਾਚਾਯ, વਾਚਾਯ ਸਙ੍ਘਾਦਿਸੇਸਸ੍ਸ।
398.Liṅgaleso nāma dīgho diṭṭho hoti…pe… rasso diṭṭho hoti…pe… kaṇho diṭṭho hoti…pe… odāto diṭṭho hoti pārājikaṃ dhammaṃ ajjhāpajjanto. Aññaṃ odātaṃ passitvā codeti – ‘‘odāto mayā diṭṭho. Pārājikaṃ dhammaṃ ajjhāpannosi, assamaṇosi, asakyaputtiyosi’’…pe… āpatti vācāya, vācāya saṅghādisesassa.
੩੯੯. ਆਪਤ੍ਤਿਲੇਸੋ ਨਾਮ ਲਹੁਕਂ ਆਪਤ੍ਤਿਂ ਆਪਜ੍ਜਨ੍ਤੋ ਦਿਟ੍ਠੋ ਹੋਤਿ। ਤਞ੍ਚੇ ਪਾਰਾਜਿਕੇਨ ਚੋਦੇਤਿ – ‘‘ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ…ਪੇ॰… ਆਪਤ੍ਤਿ વਾਚਾਯ, વਾਚਾਯ ਸਙ੍ਘਾਦਿਸੇਸਸ੍ਸ।
399.Āpattileso nāma lahukaṃ āpattiṃ āpajjanto diṭṭho hoti. Tañce pārājikena codeti – ‘‘assamaṇosi, asakyaputtiyosi…pe… āpatti vācāya, vācāya saṅghādisesassa.
੪੦੦. ਪਤ੍ਤਲੇਸੋ ਨਾਮ ਲੋਹਪਤ੍ਤਧਰੋ ਦਿਟ੍ਠੋ ਹੋਤਿ…ਪੇ॰… ਸਾਟਕਪਤ੍ਤਧਰੋ ਦਿਟ੍ਠੋ ਹੋਤਿ…ਪੇ॰… ਸੁਮ੍ਭਕਪਤ੍ਤਧਰੋ ਦਿਟ੍ਠੋ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ। ਅਞ੍ਞਂ ਸੁਮ੍ਭਕਪਤ੍ਤਧਰਂ ਪਸ੍ਸਿਤ੍વਾ ਚੋਦੇਤਿ – ‘‘ਸੁਮ੍ਭਕਪਤ੍ਤਧਰੋ ਮਯਾ ਦਿਟ੍ਠੋ। ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ’’…ਪੇ॰… ਆਪਤ੍ਤਿ વਾਚਾਯ, વਾਚਾਯ ਸਙ੍ਘਾਦਿਸੇਸਸ੍ਸ।
400.Pattaleso nāma lohapattadharo diṭṭho hoti…pe… sāṭakapattadharo diṭṭho hoti…pe… sumbhakapattadharo diṭṭho hoti pārājikaṃ dhammaṃ ajjhāpajjanto. Aññaṃ sumbhakapattadharaṃ passitvā codeti – ‘‘sumbhakapattadharo mayā diṭṭho. Pārājikaṃ dhammaṃ ajjhāpannosi, assamaṇosi, asakyaputtiyosi’’…pe… āpatti vācāya, vācāya saṅghādisesassa.
੪੦੧. ਚੀવਰਲੇਸੋ ਨਾਮ ਪਂਸੁਕੂਲਿਕੋ ਦਿਟ੍ਠੋ ਹੋਤਿ…ਪੇ॰… ਗਹਪਤਿਚੀવਰਧਰੋ ਦਿਟ੍ਠੋ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ। ਅਞ੍ਞਂ ਗਹਪਤਿਚੀવਰਧਰਂ ਪਸ੍ਸਿਤ੍વਾ ਚੋਦੇਤਿ – ‘‘ਗਹਪਤਿਚੀવਰਧਰੋ ਮਯਾ ਦਿਟ੍ਠੋ। ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ’’…ਪੇ॰… ਆਪਤ੍ਤਿ વਾਚਾਯ, વਾਚਾਯ ਸਙ੍ਘਾਦਿਸੇਸਸ੍ਸ।
401.Cīvaraleso nāma paṃsukūliko diṭṭho hoti…pe… gahapaticīvaradharo diṭṭho hoti pārājikaṃ dhammaṃ ajjhāpajjanto. Aññaṃ gahapaticīvaradharaṃ passitvā codeti – ‘‘gahapaticīvaradharo mayā diṭṭho. Pārājikaṃ dhammaṃ ajjhāpannosi, assamaṇosi, asakyaputtiyosi’’…pe… āpatti vācāya, vācāya saṅghādisesassa.
੪੦੨. ਉਪਜ੍ਝਾਯਲੇਸੋ ਨਾਮ ਇਤ੍ਥਨ੍ਨਾਮਸ੍ਸ ਸਦ੍ਧਿવਿਹਾਰਿਕੋ ਦਿਟ੍ਠੋ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ। ਅਞ੍ਞਂ ਇਤ੍ਥਨ੍ਨਾਮਸ੍ਸ ਸਦ੍ਧਿવਿਹਾਰਿਕਂ ਪਸ੍ਸਿਤ੍વਾ ਚੋਦੇਤਿ – ‘‘ਇਤ੍ਥਨ੍ਨਾਮਸ੍ਸ ਸਦ੍ਧਿવਿਹਾਰਿਕੋ ਮਯਾ ਦਿਟ੍ਠੋ। ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ’’…ਪੇ॰… ਆਪਤ੍ਤਿ વਾਚਾਯ, વਾਚਾਯ ਸਙ੍ਘਾਦਿਸੇਸਸ੍ਸ।
402.Upajjhāyaleso nāma itthannāmassa saddhivihāriko diṭṭho hoti pārājikaṃ dhammaṃ ajjhāpajjanto. Aññaṃ itthannāmassa saddhivihārikaṃ passitvā codeti – ‘‘itthannāmassa saddhivihāriko mayā diṭṭho. Pārājikaṃ dhammaṃ ajjhāpannosi, assamaṇosi, asakyaputtiyosi’’…pe… āpatti vācāya, vācāya saṅghādisesassa.
੪੦੩. ਆਚਰਿਯਲੇਸੋ ਨਾਮ ਇਤ੍ਥਨ੍ਨਾਮਸ੍ਸ ਅਨ੍ਤੇવਾਸਿਕੋ ਦਿਟ੍ਠੋ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ। ਅਞ੍ਞਂ ਇਤ੍ਥਨ੍ਨਾਮਸ੍ਸ ਅਨ੍ਤੇવਾਸਿਕਂ ਪਸ੍ਸਿਤ੍વਾ ਚੋਦੇਤਿ – ‘‘ਇਤ੍ਥਨ੍ਨਾਮਸ੍ਸ ਅਨ੍ਤੇવਾਸਿਕੋ ਮਯਾ ਦਿਟ੍ਠੋ। ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ’’…ਪੇ॰… ਆਪਤ੍ਤਿ વਾਚਾਯ, વਾਚਾਯ ਸਙ੍ਘਾਦਿਸੇਸਸ੍ਸ।
403.Ācariyaleso nāma itthannāmassa antevāsiko diṭṭho hoti pārājikaṃ dhammaṃ ajjhāpajjanto. Aññaṃ itthannāmassa antevāsikaṃ passitvā codeti – ‘‘itthannāmassa antevāsiko mayā diṭṭho. Pārājikaṃ dhammaṃ ajjhāpannosi, assamaṇosi, asakyaputtiyosi’’…pe… āpatti vācāya, vācāya saṅghādisesassa.
੪੦੪. ਸੇਨਾਸਨਲੇਸੋ ਨਾਮ ਇਤ੍ਥਨ੍ਨਾਮਸੇਨਾਸਨવਾਸਿਕੋ ਦਿਟ੍ਠੋ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ। ਅਞ੍ਞਂ ਇਤ੍ਥਨ੍ਨਾਮਸੇਨਾਸਨવਾਸਿਕਂ ਪਸ੍ਸਿਤ੍વਾ ਚੋਦੇਤਿ – ‘‘ਇਤ੍ਥਨ੍ਨਾਮਸੇਨਾਸਨવਾਸਿਕੋ ਮਯਾ ਦਿਟ੍ਠੋ। ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ, ਨਤ੍ਥਿ ਤਯਾ ਸਦ੍ਧਿਂ ਉਪੋਸਥੋ વਾ ਪવਾਰਣਾ વਾ ਸਙ੍ਘਕਮ੍ਮਂ વਾ’’ਤਿ, ਆਪਤ੍ਤਿ વਾਚਾਯ, વਾਚਾਯ ਸਙ੍ਘਾਦਿਸੇਸਸ੍ਸ।
404.Senāsanaleso nāma itthannāmasenāsanavāsiko diṭṭho hoti pārājikaṃ dhammaṃ ajjhāpajjanto. Aññaṃ itthannāmasenāsanavāsikaṃ passitvā codeti – ‘‘itthannāmasenāsanavāsiko mayā diṭṭho. Pārājikaṃ dhammaṃ ajjhāpannosi, assamaṇosi, asakyaputtiyosi, natthi tayā saddhiṃ uposatho vā pavāraṇā vā saṅghakammaṃ vā’’ti, āpatti vācāya, vācāya saṅghādisesassa.
੪੦੫. ਪਾਰਾਜਿਕੇਨ ਧਮ੍ਮੇਨਾਤਿ ਚਤੁਨ੍ਨਂ ਅਞ੍ਞਤਰੇਨ।
405.Pārājikena dhammenāti catunnaṃ aññatarena.
ਅਨੁਦ੍ਧਂਸੇਯ੍ਯਾਤਿ ਚੋਦੇਤਿ વਾ ਚੋਦਾਪੇਤਿ વਾ।
Anuddhaṃseyyāti codeti vā codāpeti vā.
ਅਪ੍ਪੇવ ਨਾਮ ਨਂ ਇਮਮ੍ਹਾ ਬ੍ਰਹ੍ਮਚਰਿਯਾਚਾવੇਯ੍ਯਨ੍ਤਿ ਭਿਕ੍ਖੁਭਾવਾ ਚਾવੇਯ੍ਯਂ, ਸਮਣਧਮ੍ਮਾ ਚਾવੇਯ੍ਯਂ, ਸੀਲਕ੍ਖਨ੍ਧਾ ਚਾવੇਯ੍ਯਂ, ਤਪੋਗੁਣਾ ਚਾવੇਯ੍ਯਂ।
Appeva nāma naṃ imamhā brahmacariyācāveyyanti bhikkhubhāvā cāveyyaṃ, samaṇadhammā cāveyyaṃ, sīlakkhandhā cāveyyaṃ, tapoguṇā cāveyyaṃ.
ਤਤੋ ਅਪਰੇਨ ਸਮਯੇਨਾਤਿ ਯਸ੍ਮਿਂ ਖਣੇ ਅਨੁਦ੍ਧਂਸਿਤੋ ਹੋਤਿ, ਤਂ ਖਣਂ ਤਂ ਲਯਂ ਤਂ ਮੁਹੁਤ੍ਤਂ વੀਤਿવਤ੍ਤੇ।
Tato aparena samayenāti yasmiṃ khaṇe anuddhaṃsito hoti, taṃ khaṇaṃ taṃ layaṃ taṃ muhuttaṃ vītivatte.
ਸਮਨੁਗ੍ਗਾਹੀਯਮਾਨੋਤਿ ਯੇਨ વਤ੍ਥੁਨਾ ਅਨੁਦ੍ਧਂਸਿਤੋ ਹੋਤਿ ਤਸ੍ਮਿਂ વਤ੍ਥੁਸ੍ਮਿਂ ਸਮਨੁਗ੍ਗਾਹੀਯਮਾਨੋ।
Samanuggāhīyamānoti yena vatthunā anuddhaṃsito hoti tasmiṃ vatthusmiṃ samanuggāhīyamāno.
ਅਸਮਨੁਗ੍ਗਾਹੀਯਮਾਨੋਤਿ ਨ ਕੇਨਚਿ વੁਚ੍ਚਮਾਨੋ।
Asamanuggāhīyamānoti na kenaci vuccamāno.
ਅਧਿਕਰਣਂ ਨਾਮ ਚਤ੍ਤਾਰਿ ਅਧਿਕਰਣਾਨਿ – વਿવਾਦਾਧਿਕਰਣਂ, ਅਨੁવਾਦਾਧਿਕਰਣਂ, ਆਪਤ੍ਤਾਧਿਕਰਣਂ, ਕਿਚ੍ਚਾਧਿਕਰਣਂ।
Adhikaraṇaṃ nāma cattāri adhikaraṇāni – vivādādhikaraṇaṃ, anuvādādhikaraṇaṃ, āpattādhikaraṇaṃ, kiccādhikaraṇaṃ.
ਕੋਚਿ ਦੇਸੋ ਲੇਸਮਤ੍ਤੋ ਉਪਾਦਿਨ੍ਨੋਤਿ ਤੇਸਂ ਦਸਨ੍ਨਂ ਲੇਸਾਨਂ ਅਞ੍ਞਤਰੋ ਲੇਸੋ ਉਪਾਦਿਨ੍ਨੋ ਹੋਤਿ।
Kocideso lesamatto upādinnoti tesaṃ dasannaṃ lesānaṃ aññataro leso upādinno hoti.
ਭਿਕ੍ਖੁ ਚ ਦੋਸਂ ਪਤਿਟ੍ਠਾਤੀਤਿ ਤੁਚ੍ਛਕਂ ਮਯਾ ਭਣਿਤਂ, ਮੁਸਾ ਮਯਾ ਭਣਿਤਂ, ਅਭੂਤਂ ਮਯਾ ਭਣਿਤਂ, ਅਜਾਨਨ੍ਤੇਨ ਮਯਾ ਭਣਿਤਂ।
Bhikkhu ca dosaṃ patiṭṭhātīti tucchakaṃ mayā bhaṇitaṃ, musā mayā bhaṇitaṃ, abhūtaṃ mayā bhaṇitaṃ, ajānantena mayā bhaṇitaṃ.
ਸਙ੍ਘਾਦਿਸੇਸੋਤਿ …ਪੇ॰… ਤੇਨਪਿ વੁਚ੍ਚਤਿ ਸਙ੍ਘਾਦਿਸੇਸੋਤਿ।
Saṅghādisesoti …pe… tenapi vuccati saṅghādisesoti.
੪੦੬. ਭਿਕ੍ਖੁ ਸਙ੍ਘਾਦਿਸੇਸਂ ਅਜ੍ਝਾਪਜ੍ਜਨ੍ਤੋ ਦਿਟ੍ਠੋ ਹੋਤਿ, ਸਙ੍ਘਾਦਿਸੇਸੇ ਸਙ੍ਘਾਦਿਸੇਸਦਿਟ੍ਠਿ ਹੋਤਿ। ਤਞ੍ਚੇ ਪਾਰਾਜਿਕੇਨ ਚੋਦੇਤਿ – ‘‘ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ, ਨਤ੍ਥਿ ਤਯਾ ਸਦ੍ਧਿਂ ਉਪੋਸਥੋ વਾ ਪવਾਰਣਾ વਾ ਸਙ੍ਘਕਮ੍ਮਂ વਾ’’ਤਿ, ਏવਮ੍ਪਿ ਆਪਤ੍ਤਞ੍ਞਭਾਗਿਯਂ ਹੋਤਿ ਲੇਸੋ ਚ ਉਪਾਦਿਨ੍ਨੋ, ਆਪਤ੍ਤਿ વਾਚਾਯ, વਾਚਾਯ ਸਙ੍ਘਾਦਿਸੇਸਸ੍ਸ।
406. Bhikkhu saṅghādisesaṃ ajjhāpajjanto diṭṭho hoti, saṅghādisese saṅghādisesadiṭṭhi hoti. Tañce pārājikena codeti – ‘‘assamaṇosi, asakyaputtiyosi, natthi tayā saddhiṃ uposatho vā pavāraṇā vā saṅghakammaṃ vā’’ti, evampi āpattaññabhāgiyaṃ hoti leso ca upādinno, āpatti vācāya, vācāya saṅghādisesassa.
ਭਿਕ੍ਖੁ ਸਙ੍ਘਾਦਿਸੇਸਂ ਅਜ੍ਝਾਪਜ੍ਜਨ੍ਤੋ ਦਿਟ੍ਠੋ ਹੋਤਿ, ਸਙ੍ਘਾਦਿਸੇਸੇ ਥੁਲ੍ਲਚ੍ਚਯਦਿਟ੍ਠਿ ਹੋਤਿ…ਪੇ॰… ਪਾਚਿਤ੍ਤਿਯਦਿਟ੍ਠਿ ਹੋਤਿ… ਪਾਟਿਦੇਸਨੀਯਦਿਟ੍ਠਿ ਹੋਤਿ… ਦੁਕ੍ਕਟਦਿਟ੍ਠਿ ਹੋਤਿ… ਦੁਬ੍ਭਾਸਿਤਦਿਟ੍ਠਿ ਹੋਤਿ। ਤਞ੍ਚੇ ਪਾਰਾਜਿਕੇਨ ਚੋਦੇਤਿ – ‘‘ਅਸ੍ਸਮਣੋਸਿ’’…ਪੇ॰… ਏવਮ੍ਪਿ ਆਪਤ੍ਤਞ੍ਞਭਾਗਿਯਂ ਹੋਤਿ ਲੇਸੋ ਚ ਉਪਾਦਿਨ੍ਨੋ, ਆਪਤ੍ਤਿ વਾਚਾਯ, વਾਚਾਯ ਸਙ੍ਘਾਦਿਸੇਸਸ੍ਸ।
Bhikkhu saṅghādisesaṃ ajjhāpajjanto diṭṭho hoti, saṅghādisese thullaccayadiṭṭhi hoti…pe… pācittiyadiṭṭhi hoti… pāṭidesanīyadiṭṭhi hoti… dukkaṭadiṭṭhi hoti… dubbhāsitadiṭṭhi hoti. Tañce pārājikena codeti – ‘‘assamaṇosi’’…pe… evampi āpattaññabhāgiyaṃ hoti leso ca upādinno, āpatti vācāya, vācāya saṅghādisesassa.
ਭਿਕ੍ਖੁ ਥੁਲ੍ਲਚ੍ਚਯਂ ਅਜ੍ਝਾਪਜ੍ਜਨ੍ਤੋ ਦਿਟ੍ਠੋ ਹੋਤਿ ਥੁਲ੍ਲਚ੍ਚਯੇ ਥੁਲ੍ਲਚ੍ਚਯਦਿਟ੍ਠਿ ਹੋਤਿ…ਪੇ॰… ਥੁਲ੍ਲਚ੍ਚਯੇ ਪਾਚਿਤ੍ਤਿਯਦਿਟ੍ਠਿ ਹੋਤਿ… ਪਾਟਿਦੇਸਨੀਯਦਿਟ੍ਠਿ ਹੋਤਿ… ਦੁਕ੍ਕਟਦਿਟ੍ਠਿ ਹੋਤਿ… ਦੁਬ੍ਭਾਸਿਤਦਿਟ੍ਠਿ ਹੋਤਿ… ਸਙ੍ਘਾਦਿਸੇਸਦਿਟ੍ਠਿ ਹੋਤਿ। ਤਞ੍ਚੇ ਪਾਰਾਜਿਕੇਨ ਚੋਦੇਤਿ – ‘‘ਅਸ੍ਸਮਣੋਸਿ’’ …ਪੇ॰… ਏવਮ੍ਪਿ ਆਪਤ੍ਤਞ੍ਞਭਾਗਿਯਂ ਹੋਤਿ ਲੇਸੋ ਚ ਉਪਾਦਿਨ੍ਨੋ, ਆਪਤ੍ਤਿ વਾਚਾਯ, વਾਚਾਯ ਸਙ੍ਘਾਦਿਸੇਸਸ੍ਸ।
Bhikkhu thullaccayaṃ ajjhāpajjanto diṭṭho hoti thullaccaye thullaccayadiṭṭhi hoti…pe… thullaccaye pācittiyadiṭṭhi hoti… pāṭidesanīyadiṭṭhi hoti… dukkaṭadiṭṭhi hoti… dubbhāsitadiṭṭhi hoti… saṅghādisesadiṭṭhi hoti. Tañce pārājikena codeti – ‘‘assamaṇosi’’ …pe… evampi āpattaññabhāgiyaṃ hoti leso ca upādinno, āpatti vācāya, vācāya saṅghādisesassa.
ਭਿਕ੍ਖੁ ਪਾਚਿਤ੍ਤਿਯਂ…ਪੇ॰… ਪਾਟਿਦੇਸਨੀਯਂ… ਦੁਕ੍ਕਟਂ… ਦੁਬ੍ਭਾਸਿਤਂ ਅਜ੍ਝਾਪਜ੍ਜਨ੍ਤੋ ਦਿਟ੍ਠੋ ਹੋਤਿ, ਦੁਬ੍ਭਾਸਿਤੇ ਦੁਬ੍ਭਾਸਿਤਦਿਟ੍ਠਿ ਹੋਤਿ…ਪੇ॰… ਦੁਬ੍ਭਾਸਿਤੇ ਸਙ੍ਘਾਦਿਸੇਸਦਿਟ੍ਠਿ ਹੋਤਿ… ਥੁਲ੍ਲਚ੍ਚਯਦਿਟ੍ਠਿ ਹੋਤਿ… ਪਾਚਿਤ੍ਤਿਯਦਿਟ੍ਠਿ ਹੋਤਿ… ਪਾਟਿਦੇਸਨੀਯਦਿਟ੍ਠਿ ਹੋਤਿ… ਦੁਕ੍ਕਟਦਿਟ੍ਠਿ ਹੋਤਿ। ਤਞ੍ਚੇ ਪਾਰਾਜਿਕੇਨ ਚੋਦੇਤਿ – ‘‘ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ, ਨਤ੍ਥਿ ਤਯਾ ਸਦ੍ਧਿਂ ਉਪੋਸਥੋ વਾ ਪવਾਰਣਾ વਾ ਸਙ੍ਘਕਮ੍ਮਂ વਾ’’ਤਿ, ਏવਮ੍ਪਿ ਆਪਤ੍ਤਞ੍ਞਭਾਗਿਯਂ ਹੋਤਿ ਲੇਸੋ ਚ ਉਪਾਦਿਨ੍ਨੋ, ਆਪਤ੍ਤਿ વਾਚਾਯ, વਾਚਾਯ ਸਙ੍ਘਾਦਿਸੇਸਸ੍ਸ।
Bhikkhu pācittiyaṃ…pe… pāṭidesanīyaṃ… dukkaṭaṃ… dubbhāsitaṃ ajjhāpajjanto diṭṭho hoti, dubbhāsite dubbhāsitadiṭṭhi hoti…pe… dubbhāsite saṅghādisesadiṭṭhi hoti… thullaccayadiṭṭhi hoti… pācittiyadiṭṭhi hoti… pāṭidesanīyadiṭṭhi hoti… dukkaṭadiṭṭhi hoti. Tañce pārājikena codeti – ‘‘assamaṇosi, asakyaputtiyosi, natthi tayā saddhiṃ uposatho vā pavāraṇā vā saṅghakammaṃ vā’’ti, evampi āpattaññabhāgiyaṃ hoti leso ca upādinno, āpatti vācāya, vācāya saṅghādisesassa.
ਏਕੇਕਂ ਮੂਲਂ ਕਾਤੁਨ ਚਕ੍ਕਂ ਬਨ੍ਧਿਤਬ੍ਬਂ।
Ekekaṃ mūlaṃ kātuna cakkaṃ bandhitabbaṃ.
੪੦੭. ਭਿਕ੍ਖੁ ਸਙ੍ਘਾਦਿਸੇਸਂ ਅਜ੍ਝਾਪਜ੍ਜਨ੍ਤੋ ਦਿਟ੍ਠੋ ਹੋਤਿ ਸਙ੍ਘਾਦਿਸੇਸੇ ਸਙ੍ਘਾਦਿਸੇਸਦਿਟ੍ਠਿ ਹੋਤਿ। ਤਞ੍ਚੇ ਪਾਰਾਜਿਕੇਨ ਚੋਦਾਪੇਤਿ – ‘‘ਅਸ੍ਸਮਣੋਸਿ’’…ਪੇ॰… ਏવਮ੍ਪਿ ਆਪਤ੍ਤਞ੍ਞਭਾਗਿਯਂ ਹੋਤਿ ਲੇਸੋ ਚ ਉਪਾਦਿਨ੍ਨੋ, ਆਪਤ੍ਤਿ વਾਚਾਯ, વਾਚਾਯ ਸਙ੍ਘਾਦਿਸੇਸਸ੍ਸ।
407. Bhikkhu saṅghādisesaṃ ajjhāpajjanto diṭṭho hoti saṅghādisese saṅghādisesadiṭṭhi hoti. Tañce pārājikena codāpeti – ‘‘assamaṇosi’’…pe… evampi āpattaññabhāgiyaṃ hoti leso ca upādinno, āpatti vācāya, vācāya saṅghādisesassa.
ਭਿਕ੍ਖੁ ਸਙ੍ਘਾਦਿਸੇਸਂ ਅਜ੍ਝਾਪਜ੍ਜਨ੍ਤੋ ਦਿਟ੍ਠੋ ਹੋਤਿ, ਸਙ੍ਘਾਦਿਸੇਸੇ ਥੁਲ੍ਲਚ੍ਚਯਦਿਟ੍ਠਿ ਹੋਤਿ…ਪੇ॰… ਪਾਚਿਤ੍ਤਿਯਦਿਟ੍ਠਿ ਹੋਤਿ… ਪਾਟਿਦੇਸਨੀਯਦਿਟ੍ਠਿ ਹੋਤਿ… ਦੁਕ੍ਕਟਦਿਟ੍ਠਿ ਹੋਤਿ… ਦੁਬ੍ਭਾਸਿਤਦਿਟ੍ਠਿ ਹੋਤਿ। ਤਞ੍ਚੇ ਪਾਰਾਜਿਕੇਨ ਚੋਦਾਪੇਤਿ – ‘‘ਅਸ੍ਸਮਣੋਸਿ’’…ਪੇ॰… ਏવਮ੍ਪਿ ਆਪਤ੍ਤਞ੍ਞਭਾਗਿਯਂ ਹੋਤਿ ਲੇਸੋ ਚ ਉਪਾਦਿਨ੍ਨੋ, ਆਪਤ੍ਤਿ વਾਚਾਯ, વਾਚਾਯ ਸਙ੍ਘਾਦਿਸੇਸਸ੍ਸ।
Bhikkhu saṅghādisesaṃ ajjhāpajjanto diṭṭho hoti, saṅghādisese thullaccayadiṭṭhi hoti…pe… pācittiyadiṭṭhi hoti… pāṭidesanīyadiṭṭhi hoti… dukkaṭadiṭṭhi hoti… dubbhāsitadiṭṭhi hoti. Tañce pārājikena codāpeti – ‘‘assamaṇosi’’…pe… evampi āpattaññabhāgiyaṃ hoti leso ca upādinno, āpatti vācāya, vācāya saṅghādisesassa.
ਭਿਕ੍ਖੁ ਥੁਲ੍ਲਚ੍ਚਯਂ ਅਜ੍ਝਾਪਜ੍ਜਨ੍ਤੋ ਦਿਟ੍ਠੋ ਹੋਤਿ ਥੁਲ੍ਲਚ੍ਚਯੇ ਥੁਲ੍ਲਚ੍ਚਯਦਿਟ੍ਠਿ ਹੋਤਿ…ਪੇ॰… ਥੁਲ੍ਲਚ੍ਚਯੇ ਪਾਚਿਤ੍ਤਿਯਦਿਟ੍ਠਿ ਹੋਤਿ… ਪਾਟਿਦੇਸਨੀਯਦਿਟ੍ਠਿ ਹੋਤਿ… ਦੁਕ੍ਕਟਦਿਟ੍ਠਿ ਹੋਤਿ… ਦੁਬ੍ਭਾਸਿਤਦਿਟ੍ਠਿ ਹੋਤਿ… ਸਙ੍ਘਾਦਿਸੇਸਦਿਟ੍ਠਿ ਹੋਤਿ। ਤਞ੍ਚੇ ਪਾਰਾਜਿਕੇਨ ਚੋਦਾਪੇਤਿ – ‘‘ਅਸ੍ਸਮਣੋਸਿ’’…ਪੇ॰… ਏવਮ੍ਪਿ ਆਪਤ੍ਤਞ੍ਞਭਾਗਿਯਂ ਹੋਤਿ ਲੇਸੋ ਚ ਉਪਾਦਿਨ੍ਨੋ, ਆਪਤ੍ਤਿ વਾਚਾਯ, વਾਚਾਯ ਸਙ੍ਘਾਦਿਸੇਸਸ੍ਸ।
Bhikkhu thullaccayaṃ ajjhāpajjanto diṭṭho hoti thullaccaye thullaccayadiṭṭhi hoti…pe… thullaccaye pācittiyadiṭṭhi hoti… pāṭidesanīyadiṭṭhi hoti… dukkaṭadiṭṭhi hoti… dubbhāsitadiṭṭhi hoti… saṅghādisesadiṭṭhi hoti. Tañce pārājikena codāpeti – ‘‘assamaṇosi’’…pe… evampi āpattaññabhāgiyaṃ hoti leso ca upādinno, āpatti vācāya, vācāya saṅghādisesassa.
ਭਿਕ੍ਖੁ ਪਾਚਿਤ੍ਤਿਯਂ…ਪੇ॰… ਪਾਟਿਦੇਸਨੀਯਂ… ਦੁਕ੍ਕਟਂ… ਦੁਬ੍ਭਾਸਿਤਂ ਅਜ੍ਝਾਪਜ੍ਜਨ੍ਤੋ ਦਿਟ੍ਠੋ ਹੋਤਿ ਦੁਬ੍ਭਾਸਿਤੇ ਦੁਬ੍ਭਾਸਿਤਦਿਟ੍ਠਿ ਹੋਤਿ…ਪੇ॰… ਦੁਬ੍ਭਾਸਿਤੇ ਸਙ੍ਘਾਦਿਸੇਸਦਿਟ੍ਠਿ ਹੋਤਿ… ਥੁਲ੍ਲਚ੍ਚਯਦਿਟ੍ਠਿ ਹੋਤਿ… ਪਾਚਿਤ੍ਤਿਯਦਿਟ੍ਠਿ ਹੋਤਿ… ਪਾਟਿਦੇਸਨੀਯਦਿਟ੍ਠਿ ਹੋਤਿ… ਦੁਕ੍ਕਟਦਿਟ੍ਠਿ ਹੋਤਿ। ਤਞ੍ਚੇ ਪਾਰਾਜਿਕੇਨ ਚੋਦਾਪੇਤਿ – ‘‘ਅਸ੍ਸਮਣੋਸਿ , ਅਸਕ੍ਯਪੁਤ੍ਤਿਯੋਸਿ, ਨਤ੍ਥਿ ਤਯਾ ਸਦ੍ਧਿਂ ਉਪੋਸਥੋ વਾ ਪવਾਰਣਾ વਾ ਸਙ੍ਘਕਮ੍ਮਂ વਾ’’ਤਿ, ਏવਮ੍ਪਿ ਆਪਤ੍ਤਞ੍ਞਭਾਗਿਯਂ ਹੋਤਿ ਲੇਸੋ ਚ ਉਪਾਦਿਨ੍ਨੋ, ਆਪਤ੍ਤਿ વਾਚਾਯ, વਾਚਾਯ ਸਙ੍ਘਾਦਿਸੇਸਸ੍ਸ।
Bhikkhu pācittiyaṃ…pe… pāṭidesanīyaṃ… dukkaṭaṃ… dubbhāsitaṃ ajjhāpajjanto diṭṭho hoti dubbhāsite dubbhāsitadiṭṭhi hoti…pe… dubbhāsite saṅghādisesadiṭṭhi hoti… thullaccayadiṭṭhi hoti… pācittiyadiṭṭhi hoti… pāṭidesanīyadiṭṭhi hoti… dukkaṭadiṭṭhi hoti. Tañce pārājikena codāpeti – ‘‘assamaṇosi , asakyaputtiyosi, natthi tayā saddhiṃ uposatho vā pavāraṇā vā saṅghakammaṃ vā’’ti, evampi āpattaññabhāgiyaṃ hoti leso ca upādinno, āpatti vācāya, vācāya saṅghādisesassa.
੪੦੮. ਅਨਾਪਤ੍ਤਿ ਤਥਾਸਞ੍ਞੀ ਚੋਦੇਤਿ વਾ ਚੋਦਾਪੇਤਿ વਾ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
408. Anāpatti tathāsaññī codeti vā codāpeti vā, ummattakassa, ādikammikassāti.
ਦੁਤਿਯਦੁਟ੍ਠਦੋਸਸਿਕ੍ਖਾਪਦਂ ਨਿਟ੍ਠਿਤਂ ਨવਮਂ।
Dutiyaduṭṭhadosasikkhāpadaṃ niṭṭhitaṃ navamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੯. ਦੁਤਿਯਦੁਟ੍ਠਦੋਸਸਿਕ੍ਖਾਪਦવਣ੍ਣਨਾ • 9. Dutiyaduṭṭhadosasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੯. ਦੁਤਿਯਦੁਟ੍ਠਦੋਸਸਿਕ੍ਖਾਪਦવਣ੍ਣਨਾ • 9. Dutiyaduṭṭhadosasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੯. ਦੁਤਿਯਦੁਟ੍ਠਦੋਸਸਿਕ੍ਖਾਪਦવਣ੍ਣਨਾ • 9. Dutiyaduṭṭhadosasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੯. ਦੁਤਿਯਦੁਟ੍ਠਦੋਸਸਿਕ੍ਖਾਪਦવਣ੍ਣਨਾ • 9. Dutiyaduṭṭhadosasikkhāpadavaṇṇanā
