| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
9. д̣̇уд̇ияад̣̇удтад̣̇осасигкаабад̣̇аван̣н̣анаа
9. Dutiyaduṭṭhadosasikkhāpadavaṇṇanā
391. навамз д̣̇исваад̇и аж̇игааяа виббадибаж̇ж̇анд̇ам̣ чаг̇алагам̣ д̣̇исваа. мзд̇д̇ияам̣ бхигкунинд̇и д̇ассаа бхигкунигаалам̣ г̇ахзд̇ваа бхууд̇абуб̣б̣авохаарзна вохаранд̇и. взл̣уванзязваад̇и т̇зрасса бхигкаажааравзлам̣ аг̇г̇ахзд̇ваа д̇зхи вуд̇д̇абхад̇д̇уд̣̇д̣̇зсавзлам̣язва санд̇хааяа вуд̇д̇ам̣. гажжи нод̇и гажжи ну. зд̇амад̇т̇ам̣ аарожзсунд̇и ан̃н̃абхааг̇ияасса ад̇хигаран̣асса ган̃жид̣̇зсам̣ лзсамад̇д̇ам̣ убаад̣̇ааяа баарааж̇игзна д̇хаммзна ануд̣̇д̇хам̣сид̇абхаавам̣ аарожзсум̣.
391. Navame disvāti ajikāya vippaṭipajjantaṃ chagalakaṃ disvā. Mettiyaṃ bhikkhuninti tassā bhikkhunikālaṃ gahetvā bhūtapubbavohārena voharanti. Veḷuvaneyevāti therassa bhikkhācāravelaṃ aggahetvā tehi vuttabhattuddesavelaṃyeva sandhāya vuttaṃ. Kacci noti kacci nu. Etamatthaṃ ārocesunti aññabhāgiyassa adhikaraṇassa kañcidesaṃ lesamattaṃ upādāya pārājikena dhammena anuddhaṃsitabhāvaṃ ārocesuṃ.
ан̃н̃абхааг̇ассаад̇и ан̃н̃агодтаасасса, т̇зрасса мануссаж̇аад̇ибхигкубхаавад̇о ан̃н̃асса д̇иражчаанаж̇аад̇ичаг̇алагабхаавасан̇каад̇асса годтаасассаад̇и вуд̇д̇ам̣ ход̇и. ид̣̇анд̇и сааман̃н̃ад̇о набум̣саганид̣̇д̣̇зсзна чаг̇алагам̣ нид̣̇д̣̇исад̇и, ид̣̇ам̣ чаг̇алагаж̇аад̇анд̇и ад̇т̇о, аяам̣ чаг̇алагод̇и вуд̇д̇ам̣ ход̇и. ад̇хигаран̣асад̣̇д̣̇аабзгко ваа набум̣саганид̣̇д̣̇зсо, ид̣̇ам̣ чаг̇алагасан̇каад̇ам̣ ад̇хигаран̣анд̇и вуд̇д̇ам̣ ход̇и. ан̃н̃абхааг̇од̇и яат̇аавуд̇д̇ад̇иражчаанаж̇аад̇ичаг̇алагабхаавасан̇каад̇о ан̃н̃абхааг̇о, ан̃н̃агодтаасод̇и ад̇т̇о. ассаад̇и чаг̇алагасса. ‘‘ан̃н̃абхааг̇асамб̣анд̇хий ан̃н̃абхааг̇ияа’’нд̇и батамавиг̇г̇ахасса ад̇т̇о, ‘‘ан̃н̃абхааг̇аванд̇ам̣ ан̃н̃абхааг̇ияа’’нд̇и д̣̇уд̇ияавиг̇г̇ахасса. д̣̇вийхиби виг̇г̇ахзхи ан̃н̃абхааг̇ияанд̇и чаг̇алагова вуд̇д̇о. д̇иражчаанаж̇аад̇ичаг̇алагабхааван̃жа табзд̇ваа барамад̇т̇ад̇о висум̣ чаг̇алагз асад̇иби ‘‘бадимааяа сарийра’’нд̇иаад̣̇ийсу вияа абхзд̣̇зби бхзд̣̇агаббанааяа бавад̇д̇алогавохааравасзна ‘‘ан̃н̃абхааг̇асса ид̣̇ам̣, ан̃н̃абхааг̇о ваа асса ад̇т̇ий’’д̇и вуд̇д̇ам̣.
Aññabhāgassāti aññakoṭṭhāsassa, therassa manussajātibhikkhubhāvato aññassa tiracchānajātichagalakabhāvasaṅkhātassa koṭṭhāsassāti vuttaṃ hoti. Idanti sāmaññato napuṃsakaniddesena chagalakaṃ niddisati, idaṃ chagalakajātanti attho, ayaṃ chagalakoti vuttaṃ hoti. Adhikaraṇasaddāpekkho vā napuṃsakaniddeso, idaṃ chagalakasaṅkhātaṃ adhikaraṇanti vuttaṃ hoti. Aññabhāgoti yathāvuttatiracchānajātichagalakabhāvasaṅkhāto aññabhāgo, aññakoṭṭhāsoti attho. Assāti chagalakassa. ‘‘Aññabhāgasambandhī aññabhāgiya’’nti paṭhamaviggahassa attho, ‘‘aññabhāgavantaṃ aññabhāgiya’’nti dutiyaviggahassa. Dvīhipi viggahehi aññabhāgiyanti chagalakova vutto. Tiracchānajātichagalakabhāvañca ṭhapetvā paramatthato visuṃ chagalake asatipi ‘‘paṭimāya sarīra’’ntiādīsu viya abhedepi bhedakappanāya pavattalokavohāravasena ‘‘aññabhāgassa idaṃ, aññabhāgo vā assa atthī’’ti vuttaṃ.
ид̣̇аани д̣̇вийхиби виг̇г̇ахзхи вуд̇д̇амад̇т̇ам̣ вид̇т̇аарзд̇ваа д̣̇ассзнд̇о ‘‘яо хи со’’д̇иаад̣̇имааха. сод̇и со чаг̇алаго. д̇асса ‘‘ход̇ий’’д̇и иминаа самб̣анд̇хо. д̇ад̇од̇и д̇ад̇о мануссаж̇аад̇ид̇о бхигкубхаавад̇о жа. со ваа ан̃н̃абхааг̇од̇и яат̇аавуд̇д̇ад̇иражчаанаж̇аад̇ичаг̇алагабхаавасан̇каад̇о ан̃н̃абхааг̇о. ассаад̇и чаг̇алагасса. со чаг̇алаго ан̃н̃абхааг̇ияасан̇каад̇ам̣ лабхад̇ийд̇и яож̇зд̇аб̣б̣ам̣. ‘‘ад̇хигаран̣анд̇и аад̇хааро, вад̇т̇у ад̇хидтаана’’нд̇и хздтаа вуд̇д̇амад̇т̇ам̣ саруубад̇о д̣̇ассзд̇ум̣ ‘‘яасмаа жаа’’д̇иаад̣̇имааха. д̇зсанд̇и мзд̇д̇ияабхуумаж̇агаанам̣. иманд̇и чаг̇алагам̣. наамагаран̣асан̃н̃ааяаад̇и наамагаран̣асан̇каад̇ааяа сан̃н̃ааяа со чаг̇алаго ад̇хигаран̣анд̇и взд̣̇ид̇аб̣б̣од̇и яож̇зд̇аб̣б̣ам̣. д̇ан̃хи санд̇хааяаад̇и ‘‘авассам̣ д̇умхзхи лзсо од̣д̣ид̇о, гим̣ вад̣̇ат̇а, гим̣ бассид̇т̇аа’’д̇и ануяуд̇д̇зхи д̇зхи бхигкуухи ‘‘чаг̇алагасса виббадибад̇д̇им̣ д̣̇исваа д̣̇аб̣б̣асса наамам̣ д̇асса гаримхаа’’д̇и вуд̇д̇ад̇д̇аа д̇асса наамагаран̣асан̃н̃ааяа ад̇хидтаанабхууд̇ам̣ д̇ам̣ чаг̇алагам̣ санд̇хааяа. д̇з бхигкууд̇и д̇з ануяун̃ж̇агаа бхигкуу. аабад̇д̇илзсамби буг̇г̇аласмим̣язва ааробзд̇ваа вуд̇д̇ад̇д̇аа ‘‘буг̇г̇алаанам̣язва лзсаа’’д̇и вуд̇д̇ам̣. бад̣̇абхааж̇анз бана…бз… взд̣̇ид̇аб̣б̣анд̇и иминаа наамагаран̣асан̃н̃ааяа аад̇хаарабхууд̇асса чаг̇алагасан̇каад̇асса ад̇хигаран̣асса аважанз гааран̣ам̣ вуд̇д̇ам̣.
Idāni dvīhipi viggahehi vuttamatthaṃ vitthāretvā dassento ‘‘yo hi so’’tiādimāha. Soti so chagalako. Tassa ‘‘hotī’’ti iminā sambandho. Tatoti tato manussajātito bhikkhubhāvato ca. So vā aññabhāgoti yathāvuttatiracchānajātichagalakabhāvasaṅkhāto aññabhāgo. Assāti chagalakassa. So chagalako aññabhāgiyasaṅkhātaṃ labhatīti yojetabbaṃ. ‘‘Adhikaraṇanti ādhāro, vatthu adhiṭṭhāna’’nti heṭṭhā vuttamatthaṃ sarūpato dassetuṃ ‘‘yasmā cā’’tiādimāha. Tesanti mettiyabhūmajakānaṃ. Imanti chagalakaṃ. Nāmakaraṇasaññāyāti nāmakaraṇasaṅkhātāya saññāya so chagalako adhikaraṇanti veditabboti yojetabbaṃ. Tañhi sandhāyāti ‘‘avassaṃ tumhehi leso oḍḍito, kiṃ vadatha, kiṃ passitthā’’ti anuyuttehi tehi bhikkhūhi ‘‘chagalakassa vippaṭipattiṃ disvā dabbassa nāmaṃ tassa karimhā’’ti vuttattā tassa nāmakaraṇasaññāya adhiṭṭhānabhūtaṃ taṃ chagalakaṃ sandhāya. Te bhikkhūti te anuyuñjakā bhikkhū. Āpattilesampi puggalasmiṃyeva āropetvā vuttattā ‘‘puggalānaṃyeva lesā’’ti vuttaṃ. Padabhājane pana…pe… veditabbanti iminā nāmakaraṇasaññāya ādhārabhūtassa chagalakasaṅkhātassa adhikaraṇassa avacane kāraṇaṃ vuttaṃ.
393. ‘‘ан̃н̃абхааг̇ияасса ад̇хигаран̣ассаа’’д̇и зд̇т̇а баал̣иааг̇ад̇аад̇хигаран̣асад̣̇д̣̇абад̇ируубагам̣ ан̃н̃ам̣ ад̇хигаран̣асад̣̇д̣̇ам̣ баал̣иааг̇ад̇ад̇ад̣̇ан̃н̃асаад̇хааран̣ад̇ааяа убхаяабад̣̇ад̇т̇ам̣ уд̣̇д̇харид̇ваа ‘‘ад̇хигаран̣ам̣ наама жад̇д̇аари ад̇хигаран̣ааний’’д̇и вуд̇д̇ам̣. ад̇т̇уд̣̇д̇хааравасзна хи ад̇т̇ам̣ д̣̇ассзнд̇зна баал̣ияам̣ ааг̇ад̇асад̣̇д̣̇абад̇ируубаго ан̃н̃о сад̣̇д̣̇о убхаяабад̣̇ад̇т̇о уд̣̇д̇харид̇аб̣б̣о, на жа ан̃н̃ам̣ уд̣̇д̇харид̇ваа ан̃н̃асса ад̇т̇о вад̇д̇аб̣б̣о, д̇асмаа баал̣иааг̇ад̇аад̇хигаран̣асад̣̇д̣̇абад̇ируубаго ан̃н̃оязва убхаяабад̣̇ад̇т̇асаад̇хааран̣о ад̇хигаран̣асад̣̇д̣̇о уд̣̇д̇хадод̇и д̣̇адтаб̣б̣ам̣. д̇знзвааха ‘‘ад̇хигаран̣анд̇и важанасааман̃н̃ад̇о ад̇т̇уд̣̇д̇хааравасзна бавад̇д̇аани жад̇д̇аари ад̇хигаран̣ааний’’д̇и. яаа жа саа авасаанз…бз… жод̣̇анаа вуд̇д̇аад̇и бхигку сан̇гхаад̣̇исзсам̣ аж̇жхаабаж̇ж̇анд̇о д̣̇идто ход̇и, сан̇гхаад̣̇исзсз сан̇гхаад̣̇исзсад̣̇идтий ход̇и, д̇ан̃жз баарааж̇игзна жод̣̇зд̇ийд̇иаад̣̇ижод̣̇анам̣ санд̇хааяа вад̣̇ад̇и.
393. ‘‘Aññabhāgiyassa adhikaraṇassā’’ti ettha pāḷiāgataadhikaraṇasaddapatirūpakaṃ aññaṃ adhikaraṇasaddaṃ pāḷiāgatatadaññasādhāraṇatāya ubhayapadatthaṃ uddharitvā ‘‘adhikaraṇaṃ nāma cattāri adhikaraṇānī’’ti vuttaṃ. Atthuddhāravasena hi atthaṃ dassentena pāḷiyaṃ āgatasaddapatirūpako añño saddo ubhayapadattho uddharitabbo, na ca aññaṃ uddharitvā aññassa attho vattabbo, tasmā pāḷiāgataadhikaraṇasaddapatirūpako aññoyeva ubhayapadatthasādhāraṇo adhikaraṇasaddo uddhaṭoti daṭṭhabbaṃ. Tenevāha ‘‘adhikaraṇanti vacanasāmaññato atthuddhāravasena pavattāni cattāri adhikaraṇānī’’ti. Yā ca sā avasāne…pe… codanā vuttāti bhikkhu saṅghādisesaṃ ajjhāpajjanto diṭṭho hoti, saṅghādisese saṅghādisesadiṭṭhī hoti, tañce pārājikena codetītiādicodanaṃ sandhāya vadati.
мзт̇унавийд̇иггамаабад̇д̇ияо вад̇т̇уд̇о сабхааг̇аа, ид̇араасам̣ бана ад̣̇иннаад̣̇аанаад̣̇иаабад̇д̇ийнам̣ самаанзби баарааж̇игаабад̇д̇ибхаавз вад̇т̇уд̇о висабхааг̇аад̇и ааха ‘‘сабхааг̇ависабхааг̇авад̇т̇уд̇о’’д̇и. сабхаавасаригкаасаригкад̇од̇и сабхаавзна сад̣̇исаасад̣̇исабхаавад̇о. батамабаарааж̇иган̃хи батамабаарааж̇игаабад̇д̇ияаа мзт̇унарааг̇зна сабхаавад̇о сад̣̇исам̣, д̣̇осасамбаяуд̇д̇амануссавиг̇г̇ахзна асад̣̇исам̣. нану жа ‘‘аабад̇д̇аад̇хигаран̣ам̣ аабад̇д̇аад̇хигаран̣асса сияаа д̇аб̣бхааг̇ияам̣, сияаа ан̃н̃абхааг̇ияа’’нд̇и вуд̇д̇ад̇д̇аа уд̣̇д̣̇зсаануггамзна д̇аб̣бхааг̇ияад̇ам̣ анид̣̇д̣̇исид̇ваа ан̃н̃абхааг̇ияад̇аа батамам̣ гасмаа нид̣̇д̣̇идтаад̇и ааха ‘‘аад̣̇ид̇о бадтааяаа’’д̇иаад̣̇и. вуд̇д̇анаязнзваад̇и ‘‘сабхааг̇ависабхааг̇авад̇т̇уд̇о’’д̇иаад̣̇инаа вуд̇д̇анаязна.
Methunavītikkamāpattiyo vatthuto sabhāgā, itarāsaṃ pana adinnādānādiāpattīnaṃ samānepi pārājikāpattibhāve vatthuto visabhāgāti āha ‘‘sabhāgavisabhāgavatthuto’’ti. Sabhāvasarikkhāsarikkhatoti sabhāvena sadisāsadisabhāvato. Paṭhamapārājikañhi paṭhamapārājikāpattiyā methunarāgena sabhāvato sadisaṃ, dosasampayuttamanussaviggahena asadisaṃ. Nanu ca ‘‘āpattādhikaraṇaṃ āpattādhikaraṇassa siyā tabbhāgiyaṃ, siyā aññabhāgiya’’nti vuttattā uddesānukkamena tabbhāgiyataṃ aniddisitvā aññabhāgiyatā paṭhamaṃ kasmā niddiṭṭhāti āha ‘‘ādito paṭṭhāyā’’tiādi. Vuttanayenevāti ‘‘sabhāgavisabhāgavatthuto’’tiādinā vuttanayena.
‘‘сан̇гхагаммаани ниссааяа уббанна’’нд̇и вуд̇д̇ад̇д̇аа сан̇гхагаммад̇о гижжаад̇хигаран̣ам̣ висум̣ вияа д̣̇иссад̇ийд̇и ааха ‘‘гим̣ банаа’’д̇иаад̣̇и. ‘‘гижжамзва гижжаад̇хигаран̣а’’нд̇и вуд̇д̇ад̇д̇аа ‘‘сан̇гхагаммаанамзвзд̇ам̣ ад̇хиважана’’нд̇и вуд̇д̇ам̣. яад̣̇и звам̣ ‘‘сан̇гхагаммаани ниссааяа уббанна’’нд̇и гасмаа вуд̇д̇анд̇и ааха ‘‘звам̣ санд̇збий’’д̇иаад̣̇и. д̇асса д̇асса сан̇гхагаммасса бхаг̇авад̇аа вуд̇д̇ам̣ ид̇игад̇д̇аб̣б̣ад̇аалагкан̣ам̣язва д̇ад̇о сан̇гхагаммасса нибпаж̇ж̇анад̇о палуубажаарзна сан̇гхагамманд̇и вад̇д̇аб̣б̣ад̇ам̣ арахад̇ийд̇и ааха ‘‘яам̣ гаммалагкан̣ам̣ манаси гарод̇и, д̇ам̣ ниссааяа уббаж̇ж̇анад̇о’’д̇и. бариваасаад̣̇исан̇гхагаммам̣ ниссааяа маанад̇д̇аад̣̇ийнам̣ уббаж̇ж̇анад̇о угкзбанийяагаммасиймаасаммуд̇игаммаад̣̇ийни иссааяа осааран̣асиймаасамуухананаад̣̇игаммаанам̣ уббаж̇ж̇анад̇о жа ‘‘буримам̣ буримам̣ сан̇гхагамма’’нд̇иаад̣̇и вуд̇д̇ам̣.
‘‘Saṅghakammāni nissāya uppanna’’nti vuttattā saṅghakammato kiccādhikaraṇaṃ visuṃ viya dissatīti āha ‘‘kiṃ panā’’tiādi. ‘‘Kiccameva kiccādhikaraṇa’’nti vuttattā ‘‘saṅghakammānamevetaṃ adhivacana’’nti vuttaṃ. Yadi evaṃ ‘‘saṅghakammāni nissāya uppanna’’nti kasmā vuttanti āha ‘‘evaṃ santepī’’tiādi. Tassa tassa saṅghakammassa bhagavatā vuttaṃ itikattabbatālakkhaṇaṃyeva tato saṅghakammassa nipphajjanato phalūpacārena saṅghakammanti vattabbataṃ arahatīti āha ‘‘yaṃ kammalakkhaṇaṃ manasi karoti, taṃ nissāya uppajjanato’’ti. Parivāsādisaṅghakammaṃ nissāya mānattādīnaṃ uppajjanato ukkhepanīyakammasīmāsammutikammādīni issāya osāraṇasīmāsamūhananādikammānaṃ uppajjanato ca ‘‘purimaṃ purimaṃ saṅghakamma’’ntiādi vuttaṃ.
395-400. савад̇т̇угам̣ гад̇ваад̇и буг̇г̇алаад̇хидтаанам̣ гад̇ваа. д̣̇ийгхаад̣̇инод̇и д̣̇ийгхарассагаал̣аод̣̇аад̇аад̣̇ино. д̣̇идтаад̣̇инод̇и д̣̇идтасуд̇аад̣̇ино. лохабад̇д̇асад̣̇исод̇и аяобад̇д̇асад̣̇исо. ан̇г̇аани батамад̣̇удтад̣̇осз вуд̇д̇асад̣̇исаани, ид̇ха бана ган̃жид̣̇зсам̣ лзсамад̇д̇ам̣ убаад̣̇ияанаа ад̇хигаа.
395-400.Savatthukaṃ katvāti puggalādhiṭṭhānaṃ katvā. Dīghādinoti dīgharassakāḷaodātādino. Diṭṭhādinoti diṭṭhasutādino. Lohapattasadisoti ayopattasadiso. Aṅgāni paṭhamaduṭṭhadose vuttasadisāni, idha pana kañcidesaṃ lesamattaṃ upādiyanā adhikā.
д̣̇уд̇ияад̣̇удтад̣̇осасигкаабад̣̇аван̣н̣анаа нидтид̇аа.
Dutiyaduṭṭhadosasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 9. д̣̇уд̇ияад̣̇удтад̣̇осасигкаабад̣̇ам̣ • 9. Dutiyaduṭṭhadosasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 9. д̣̇уд̇ияад̣̇удтад̣̇осасигкаабад̣̇аван̣н̣анаа • 9. Dutiyaduṭṭhadosasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. д̣̇уд̇ияад̣̇удтад̣̇осасигкаабад̣̇аван̣н̣анаа • 9. Dutiyaduṭṭhadosasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. д̣̇уд̇ияад̣̇удтад̣̇осасигкаабад̣̇аван̣н̣анаа • 9. Dutiyaduṭṭhadosasikkhāpadavaṇṇanā
