| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
9. д̣̇уд̇ияад̣̇удтад̣̇осасигкаабад̣̇аван̣н̣анаа
9. Dutiyaduṭṭhadosasikkhāpadavaṇṇanā
391. взл̣уванзязваад̇и ид̣̇ам̣ д̇зхи вуд̇д̇авзлам̣ санд̇хааяа вуд̇д̇ам̣. ‘‘буб̣б̣з маяам̣ аавусо суд̇зна авожумхаа’’д̇и ‘‘амхзхи саа уссаахид̇аа губид̇зхи анад̇д̇аманзхий’’д̇иаад̣̇иважанам̣ санд̇хааяа вуд̇д̇ам̣, ан̃н̃абхааг̇асса ид̣̇анд̇и мануссабхигкубхаавад̇о ан̃н̃абхааг̇асса д̇иражчааначаг̇алагабхааг̇асса ид̣̇ам̣ чаг̇алагаж̇аад̇ам̣ ад̇хигаран̣ам̣. ан̃н̃абхааг̇о ваа асса ад̇т̇ийд̇и со д̇иражчааначаг̇алагабхаавасан̇каад̇о ан̃н̃абхааг̇о асса чаг̇алагасса ад̇т̇ийд̇и свааяам̣ чаг̇алаго ан̃н̃абхааг̇ияам̣ ад̇хигаран̣ам̣ наама.
391.Veḷuvaneyevāti idaṃ tehi vuttavelaṃ sandhāya vuttaṃ. ‘‘Pubbe mayaṃ āvuso sutena avocumhā’’ti ‘‘amhehi sā ussāhitā kupitehi anattamanehī’’tiādivacanaṃ sandhāya vuttaṃ, aññabhāgassa idanti manussabhikkhubhāvato aññabhāgassa tiracchānachagalakabhāgassa idaṃ chagalakajātaṃ adhikaraṇaṃ. Aññabhāgo vā assa atthīti so tiracchānachagalakabhāvasaṅkhāto aññabhāgo assa chagalakassa atthīti svāyaṃ chagalako aññabhāgiyaṃ adhikaraṇaṃ nāma.
д̇ад̇т̇а бадимааяа сарийрам̣, силаабуд̇д̇агасса сарийранд̇и нид̣̇ассанам̣, батамам̣ банзд̇т̇а ниб̣б̣ажанам̣ ж̇аад̇ибад̣̇ад̇т̇од̇иваад̣̇ийнам̣ мад̇зна вуд̇д̇ам̣. саа хи саамибхаавзна, нижжабхаавзна жа бад̇хаанад̇д̇аа сад̇д̇исабхаавз тид̇аа. д̇аб̣б̣ибарийд̇агад̇д̇аа б̣яад̇д̇аагад̇и ж̇аад̇ияо д̇у бад̣̇ад̇т̇о ид̇и имасса суд̇д̇асса васзна д̣̇уд̇ияам̣ ниб̣б̣ажанам̣ вуд̇д̇анд̇и взд̣̇ид̇аб̣б̣ам̣. наамагаран̣асан̃н̃ааяа аад̇хаарод̇и зд̇т̇а наамамзва наамагаран̣ам̣. наамам̣ гаронд̇аанам̣ сан̃н̃аа наамагаран̣асан̃н̃аа, д̇ассаа. мануссаж̇аад̇иго чаг̇алагаж̇аад̇иаад̇хааро наама. на хи д̇ам̣ наамам̣ гажчабаломам̣ вияа анаад̇хааранд̇и ад̇хиббааяо. д̇ам̣ бана чаг̇алагасса д̣̇аб̣б̣од̇и д̣̇иннанаамам̣ ‘‘д̣̇зсо’’д̇и вужжад̇и. д̇асмаа т̇зрам̣ амуулагзнаад̇иаад̣̇инаа ан̃н̃амби вад̇т̇ум̣ т̇зрасса лиссад̇и силиссад̇и вохаарамад̇д̇знзва, на ад̇т̇ад̇о, ийсагам̣ аллийяад̇ийд̇и лзсод̇и ад̇хиббааяо. яасмаа д̣̇зсалзсаа ад̇т̇ад̇о ниннаанаагаран̣аа, д̇асмаа ‘‘ган̃жид̣̇зсам̣ лзсамад̇д̇ам̣ убаад̣̇ааяаа’’д̇и уд̣̇д̇харид̇ваа ‘‘д̣̇аса лзсаа ж̇аад̇илзсо’’д̇иаад̣̇и вуд̇д̇анд̇и взд̣̇ид̇аб̣б̣ам̣. яат̇аа нид̣̇аанз , звам̣ сигкаабад̣̇абан̃н̃ад̇д̇ияамби маад̇игааяамби аяамзвад̇т̇о. яасмаа ан̃н̃абхааг̇ияасса ад̇хигаран̣ассаад̇и чаг̇алагасса. ган̃жид̣̇зсам̣ лзсамад̇д̇ам̣ убаад̣̇ааяаад̇и д̣̇аб̣б̣од̇и наамам̣ убаад̣̇ааяаад̇и аяамад̇т̇о адтуббад̇д̇ивасзнзва аавибхууд̇о, д̇асмаа на вибхад̇д̇о. гин̃жа бхияяо анияамад̇д̇аа. на хи мзд̇д̇ияабхуумаж̇агаанам̣ вияа саб̣б̣зсамби чаг̇алагамзва ан̃н̃абхааг̇ияам̣ ад̇хигаран̣ам̣ ход̇и. ан̃н̃ам̣ г̇омахим̣ саад̣̇игамби ход̇и, на жа мзд̇д̇ияабхуумаж̇агаа вияа саб̣б̣зби наамалзсамад̇д̇амзва убаад̣̇ияанд̇и. ан̃н̃амби ж̇аад̇илзсаад̣̇им̣ убаад̣̇ияанд̇и, д̇асмаа анияамад̇д̇аа жа яат̇аавуд̇д̇анаязна на вибхад̇д̇ам̣. гин̃жа бхияяо д̇ат̇аа вуд̇д̇з чаг̇алагассзва ан̃н̃абхааг̇ияад̇аа самбхавад̇и, на ан̃н̃асса, язна сова д̣̇ассид̇о. лзсо жа наама лзсова, на ж̇аад̇иаад̣̇и, язна сова д̣̇ассид̇од̇и звам̣ мижчааг̇аахаббасан̇г̇ад̇о жа д̇ат̇аа на вибхад̇д̇о.
Tattha paṭimāya sarīraṃ, silāputtakassa sarīranti nidassanaṃ, paṭhamaṃ panettha nibbacanaṃ jātipadatthotivādīnaṃ matena vuttaṃ. Sā hi sāmibhāvena, niccabhāvena ca padhānattā sattisabhāve ṭhitā. Tabbiparītakattā byattākati jātiyo tu padattho iti imassa suttassa vasena dutiyaṃ nibbacanaṃ vuttanti veditabbaṃ. Nāmakaraṇasaññāya ādhāroti ettha nāmameva nāmakaraṇaṃ. Nāmaṃ karontānaṃ saññā nāmakaraṇasaññā, tassā. Manussajātiko chagalakajātiādhāro nāma. Na hi taṃ nāmaṃ kacchapalomaṃ viya anādhāranti adhippāyo. Taṃ pana chagalakassa dabboti dinnanāmaṃ ‘‘deso’’ti vuccati. Tasmā theraṃ amūlakenātiādinā aññampi vatthuṃ therassa lissati silissati vohāramatteneva, na atthato, īsakaṃ allīyatīti lesoti adhippāyo. Yasmā desalesā atthato ninnānākaraṇā, tasmā ‘‘kañcidesaṃ lesamattaṃ upādāyā’’ti uddharitvā ‘‘dasa lesā jātileso’’tiādi vuttanti veditabbaṃ. Yathā nidāne , evaṃ sikkhāpadapaññattiyampi mātikāyampi ayamevattho. Yasmā aññabhāgiyassa adhikaraṇassāti chagalakassa. Kañcidesaṃ lesamattaṃ upādāyāti dabboti nāmaṃ upādāyāti ayamattho aṭṭhuppattivaseneva āvibhūto, tasmā na vibhatto. Kiñca bhiyyo aniyamattā. Na hi mettiyabhūmajakānaṃ viya sabbesampi chagalakameva aññabhāgiyaṃ adhikaraṇaṃ hoti. Aññaṃ gomahiṃ sādikampi hoti, na ca mettiyabhūmajakā viya sabbepi nāmalesamattameva upādiyanti. Aññampi jātilesādiṃ upādiyanti, tasmā aniyamattā ca yathāvuttanayena na vibhattaṃ. Kiñca bhiyyo tathā vutte chagalakasseva aññabhāgiyatā sambhavati, na aññassa, yena sova dassito. Leso ca nāma lesova, na jātiādi, yena sova dassitoti evaṃ micchāgāhappasaṅgato ca tathā na vibhatto.
393. ан̃н̃абхааг̇ияассаад̇и жуд̣̇ид̇агад̇о ан̃н̃асса. ад̇хигаран̣ассаад̇и мануссасса ваа амануссасса ваа д̇иражчаанаг̇ад̇асса ваад̇и звам̣ вад̇д̇аб̣б̣ам̣. зван̃хи вуд̇д̇з мануссаад̣̇ийнам̣язва ж̇аад̇илзсаад̣̇аяо вуд̇д̇аа хонд̇и, ан̃н̃ат̇аа жад̇уннам̣ ад̇хигаран̣аанам̣ д̇з аабаж̇ж̇анд̇и ‘‘ад̇хигаран̣асса ган̃жи д̣̇зсам̣ лзсамад̇д̇а’’нд̇и саамиважанам̣ буб̣б̣ан̇г̇амам̣ уд̣̇д̣̇идтад̇д̇аад̇и жз? на, наамасса вияа ж̇аад̇иаад̣̇ийнам̣ мануссаад̣̇ийнам̣ аад̇хаарабхааванияамасамбхавад̇о, ад̇хигаран̣абхааваанияамад̇од̇и вуд̇д̇ам̣ ход̇и. нияамз жа сад̇и ж̇аад̇ияаа аад̇хааро ж̇аад̇и, лин̇г̇асса жа лин̇г̇ам̣, аабад̇д̇ияаа жа аабанно аад̇хааро, вируд̣̇д̇хаанамби асамаад̣̇иннаанамби бад̇д̇ажийвараанам̣ саамиго аад̇хааро, язна ад̇хигаран̣асан̇кяам̣ г̇ажчзяяаад̇и аабаж̇ж̇ад̇ийд̇и ад̇хигаран̣ассаад̇и бад̣̇ам̣ абхааж̇зд̇аб̣б̣амзва бхавзяяаад̇и на уд̣̇д̇харид̇аб̣б̣ам̣ сияаа, уд̣̇д̇харид̇аб̣б̣ам̣. д̇асмаа ‘‘ад̇хигаран̣анд̇и важанасааман̃н̃ад̇о’’д̇иаад̣̇и саб̣б̣ам̣ вад̇д̇аб̣б̣ам̣. абаагадаа ид̇о ан̃н̃ад̇ра д̣̇ассид̇адтаанаабхаавад̇о. ж̇аанид̇аб̣б̣аа жа винаяад̇харзхи яасмаа ан̃н̃ат̇аа бариваарз ‘‘виваад̣̇аад̇хигаран̣ам̣ жад̇уннам̣ ад̇хигаран̣аанам̣ виваад̣̇аад̇хигаран̣ам̣ бхаж̇ад̇ий’’д̇иаад̣̇инаа наязна анааг̇ад̇адтаанз ‘‘гасмаа’’д̇и вуд̇д̇з гааран̣ам̣ на бан̃н̃ааязяяа, д̇асмаа д̇зсам̣ д̇аб̣бхааг̇ияад̇аа жа ан̃н̃абхааг̇ияад̇аа жа ж̇аанид̇аб̣б̣аа винаяад̇харзхи. д̇аасу хи вин̃н̃аад̇аасу виваад̣̇аад̇хигаран̣ам̣ виваад̣̇аад̇хигаран̣ам̣ бхаж̇ад̇и. гасмаа? д̇аб̣бхааг̇ияад̇д̇аа. ид̇арам̣ на бхаж̇ад̇и ан̃н̃абхааг̇ияад̇д̇аад̇и сукагааран̣ад̇о бан̃н̃ааяанд̇и, д̇асмаа важанасааман̃н̃ад̇о лад̣̇д̇хам̣ ад̇хигаран̣ам̣ ниссааяаад̇иаад̣̇и. д̇ад̇т̇а яасмаа аабад̇д̇ан̃н̃абхааг̇ияам̣ махаависаяам̣, ид̇арзхи асад̣̇исанид̣̇д̣̇зсан̃жа, д̇асмаа д̇ам̣ ад̇хигаран̣абарияаабаннамби самаанам̣ висум̣ вуд̇д̇ам̣ ‘‘аабад̇д̇ан̃н̃абхааг̇ияам̣ ваа ход̇ий’’д̇и. ад̇хигаран̣абарияаабаннад̇д̇аа жа ‘‘ад̇хигаран̣ан̃н̃абхааг̇ияам̣ ваа’’д̇и зд̇т̇а вуд̇д̇анд̇и взд̣̇ид̇аб̣б̣ам̣. д̇ад̇т̇ааби махаависаяад̇д̇аа, маад̇игааяам̣ ааг̇ад̇ад̇д̇аа жа батамам̣ ан̃н̃абхааг̇ияад̇аа вуд̇д̇аа, бажчаа д̇аб̣бхааг̇ияад̇аад̇и взд̣̇ид̇аб̣б̣аа. д̇ад̇т̇а яасмаа ад̇хигаран̣ан̃н̃абхааг̇ияаважанзна ад̇т̇аабад̇д̇инаязна сид̣̇д̇хам̣. ад̇хигаран̣ам̣ д̇аб̣бхааг̇ияам̣, д̇асмаа ‘‘ад̇хигаран̣ам̣ д̇аб̣бхааг̇ияам̣ ход̇ий’’д̇и звам̣ уд̣̇д̣̇зсам̣ агад̇ваа ‘‘гат̇ам̣ ад̇хигаран̣ам̣ ад̇хигаран̣асса д̇аб̣бхааг̇ияам̣ ход̇ий’’д̇и бужчаабуб̣б̣ан̇г̇аманид̣̇д̣̇зсо гад̇о. д̇ад̇т̇ааби аабад̇д̇аад̇хигаран̣асса ан̃н̃абхааг̇ияад̇аа гин̃жааби баарааж̇игзна ануд̣̇д̇хам̣сибхаад̇хигаарад̇д̇аа баарааж̇игаанам̣язва васзна вуд̇д̇аа, ат̇а ко сзсаабад̇д̇игканд̇хавасзнааби взд̣̇ид̇аб̣б̣аа. яаа жа саа жод̣̇анаа ‘‘асуго наама бхигку сан̇гхаад̣̇исзсам̣ аж̇жхаабаж̇ж̇анд̇о д̣̇идто ход̇ий’’д̇иаад̣̇игаа, д̇ад̇т̇а ‘‘сан̇гхаад̣̇исзсз т̇уллажжаяад̣̇идти ход̇и, д̣̇уб̣бхаасид̇з сан̇гхаад̣̇исзсад̣̇идти ход̇ий’’д̇и звамаад̣̇игаа винаяз абагад̇ан̃н̃уд̇ааяа, д̇ам̣д̇ам̣вад̇т̇усаригкад̇ааяа ваа вуд̇д̇аад̇и взд̣̇ид̇аб̣б̣аа. саб̣б̣ад̇т̇ааби ‘‘баарааж̇игад̣̇идти ход̇ий’’д̇и на вуд̇д̇ам̣. д̇ат̇аасан̃н̃ино анаабад̇д̇ид̇о. ‘‘д̇аб̣бхааг̇ияавижааран̣ааяа’’нд̇и д̇аб̣бхааг̇ияабад̣̇анид̣̇д̣̇зсз ан̃н̃абхааг̇ияад̇ааяаби нид̣̇д̣̇идтад̇д̇аа вуд̇д̇ам̣.
393.Aññabhāgiyassāti cuditakato aññassa. Adhikaraṇassāti manussassa vā amanussassa vā tiracchānagatassa vāti evaṃ vattabbaṃ. Evañhi vutte manussādīnaṃyeva jātilesādayo vuttā honti, aññathā catunnaṃ adhikaraṇānaṃ te āpajjanti ‘‘adhikaraṇassa kañci desaṃ lesamatta’’nti sāmivacanaṃ pubbaṅgamaṃ uddiṭṭhattāti ce? Na, nāmassa viya jātiādīnaṃ manussādīnaṃ ādhārabhāvaniyamasambhavato, adhikaraṇabhāvāniyamatoti vuttaṃ hoti. Niyame ca sati jātiyā ādhāro jāti, liṅgassa ca liṅgaṃ, āpattiyā ca āpanno ādhāro, viruddhānampi asamādinnānampi pattacīvarānaṃ sāmiko ādhāro, yena adhikaraṇasaṅkhyaṃ gaccheyyāti āpajjatīti adhikaraṇassāti padaṃ abhājetabbameva bhaveyyāti na uddharitabbaṃ siyā, uddharitabbaṃ. Tasmā ‘‘adhikaraṇanti vacanasāmaññato’’tiādi sabbaṃ vattabbaṃ. Apākaṭā ito aññatra dassitaṭṭhānābhāvato. Jānitabbā ca vinayadharehi yasmā aññathā parivāre ‘‘vivādādhikaraṇaṃ catunnaṃ adhikaraṇānaṃ vivādādhikaraṇaṃ bhajatī’’tiādinā nayena anāgataṭṭhāne ‘‘kasmā’’ti vutte kāraṇaṃ na paññāyeyya, tasmā tesaṃ tabbhāgiyatā ca aññabhāgiyatā ca jānitabbā vinayadharehi. Tāsu hi viññātāsu vivādādhikaraṇaṃ vivādādhikaraṇaṃ bhajati. Kasmā? Tabbhāgiyattā. Itaraṃ na bhajati aññabhāgiyattāti sukhakāraṇato paññāyanti, tasmā vacanasāmaññato laddhaṃ adhikaraṇaṃ nissāyātiādi. Tattha yasmā āpattaññabhāgiyaṃ mahāvisayaṃ, itarehi asadisaniddesañca, tasmā taṃ adhikaraṇapariyāpannampi samānaṃ visuṃ vuttaṃ ‘‘āpattaññabhāgiyaṃ vā hotī’’ti. Adhikaraṇapariyāpannattā ca ‘‘adhikaraṇaññabhāgiyaṃ vā’’ti ettha vuttanti veditabbaṃ. Tatthāpi mahāvisayattā, mātikāyaṃ āgatattā ca paṭhamaṃ aññabhāgiyatā vuttā, pacchā tabbhāgiyatāti veditabbā. Tattha yasmā adhikaraṇaññabhāgiyavacanena atthāpattinayena siddhaṃ. Adhikaraṇaṃ tabbhāgiyaṃ, tasmā ‘‘adhikaraṇaṃ tabbhāgiyaṃ hotī’’ti evaṃ uddesaṃ akatvā ‘‘kathaṃ adhikaraṇaṃ adhikaraṇassa tabbhāgiyaṃ hotī’’ti pucchāpubbaṅgamaniddeso kato. Tatthāpi āpattādhikaraṇassa aññabhāgiyatā kiñcāpi pārājikena anuddhaṃsibhādhikārattā pārājikānaṃyeva vasena vuttā, atha kho sesāpattikkhandhavasenāpi veditabbā. Yā ca sā codanā ‘‘asuko nāma bhikkhu saṅghādisesaṃ ajjhāpajjanto diṭṭho hotī’’tiādikā, tattha ‘‘saṅghādisese thullaccayadiṭṭhi hoti, dubbhāsite saṅghādisesadiṭṭhi hotī’’ti evamādikā vinaye apakataññutāya, taṃtaṃvatthusarikkhatāya vā vuttāti veditabbā. Sabbatthāpi ‘‘pārājikadiṭṭhi hotī’’ti na vuttaṃ. Tathāsaññino anāpattito. ‘‘Tabbhāgiyavicāraṇāya’’nti tabbhāgiyapadaniddese aññabhāgiyatāyapi niddiṭṭhattā vuttaṃ.
вад̇т̇усабхааг̇ад̇ааяаад̇и ануваад̣̇авад̇т̇усабхааг̇ад̇ааяаад̇и ад̇т̇о. ан̃н̃ат̇аа ‘‘жад̇ассо вибад̇д̇ияо’’д̇и важанам̣ вируж̇жхзяяа. сабхаавасаригкаасаригкад̇о жаад̇и сабхаавзна сад̣̇исаасад̣̇исад̇о. д̇ад̇т̇а жхаанаад̣̇ивад̇т̇увисабхааг̇ад̇ааяаби сабхаавасаригкад̇ааяа уд̇д̇аримануссад̇хаммабаарааж̇игаабад̇д̇и д̇ассзва д̇аб̣бхааг̇ияаава ход̇и. д̇ат̇аа вад̇т̇увасзна ануваад̣̇аад̇хигаран̣ам̣, гижжаад̇хигаран̣ан̃жа баадзггам̣ жад̇уб̣б̣ид̇хамби вуд̇д̇ан̃н̃абхааг̇ияам̣ на ж̇аад̇ам̣, д̇асмаа д̇ад̣̇ан̃н̃абхааг̇ияад̇ааяа вид̣̇ид̇ааяа д̇аб̣бхааг̇ияад̇аа баариязсаяуд̇д̇ияаа авуд̇д̇ааби сиж̇жхад̇ийд̇и гад̇ваа ‘‘ан̃н̃абхааг̇ияамзва батамам̣ нид̣̇д̣̇идта’’нд̇иби вад̇д̇ум̣ яуж̇ж̇ад̇и. згам̣сзна д̇аб̣бхааг̇ияам̣ на ход̇ийд̇и саригкавасзна арахад̇д̇ам̣ аабад̇д̇и анаабад̇д̇ийд̇и виваад̣̇асаб̣бхаавад̇о аб̣яаагад̇абхаавзна виваад̣̇аад̇хигаран̣ассаби ан̃н̃абхааг̇ияам̣ сияаа, баал̣ияам̣ аабад̇д̇аад̇хигаран̣асса вуд̇д̇ад̇д̇аа звам̣ вуд̇д̇ам̣, аад̣̇ид̇о бадтааяаад̇и ‘‘ан̃н̃абхааг̇ияасса ад̇хигаран̣ассаа’’д̇и ид̇о бадтааяа. ‘‘мзт̇унарааг̇зна мануссавиг̇г̇ахо д̣̇осзнаад̇иаад̣̇инаа саригкад̇о жаа’’д̇и ликид̇ам̣. д̇ам̣ вад̇т̇увисабхааг̇ад̇ааяа зва сид̣̇д̇хам̣. аяам̣ бана вад̇т̇усабхааг̇ад̇ааяаби сад̇и аабад̇д̇исабхааг̇ад̇аа саригкад̇од̇и но д̇аггод̇и жа, згасмимби хи вад̇т̇усмим̣ аабад̇д̇ибхзд̣̇о ход̇ийд̇и аажарияо. барад̇о вуд̇д̇анаязна взд̣̇ид̇аб̣б̣анд̇и самб̣анд̇хо.
Vatthusabhāgatāyāti anuvādavatthusabhāgatāyāti attho. Aññathā ‘‘catasso vipattiyo’’ti vacanaṃ virujjheyya. Sabhāvasarikkhāsarikkhato cāti sabhāvena sadisāsadisato. Tattha jhānādivatthuvisabhāgatāyapi sabhāvasarikkhatāya uttarimanussadhammapārājikāpatti tasseva tabbhāgiyāva hoti. Tathā vatthuvasena anuvādādhikaraṇaṃ, kiccādhikaraṇañca pāṭekkaṃ catubbidhampi vuttaññabhāgiyaṃ na jātaṃ, tasmā tadaññabhāgiyatāya viditāya tabbhāgiyatā pāriyesayuttiyā avuttāpi sijjhatīti katvā ‘‘aññabhāgiyameva paṭhamaṃ niddiṭṭha’’ntipi vattuṃ yujjati. Ekaṃsena tabbhāgiyaṃ na hotīti sarikkhavasena arahattaṃ āpatti anāpattīti vivādasabbhāvato abyākatabhāvena vivādādhikaraṇassapi aññabhāgiyaṃ siyā, pāḷiyaṃ āpattādhikaraṇassa vuttattā evaṃ vuttaṃ, ādito paṭṭhāyāti ‘‘aññabhāgiyassa adhikaraṇassā’’ti ito paṭṭhāya. ‘‘Methunarāgena manussaviggaho dosenātiādinā sarikkhato cā’’ti likhitaṃ. Taṃ vatthuvisabhāgatāya eva siddhaṃ. Ayaṃ pana vatthusabhāgatāyapi sati āpattisabhāgatā sarikkhatoti no takkoti ca, ekasmimpi hi vatthusmiṃ āpattibhedo hotīti ācariyo. Parato vuttanayena veditabbanti sambandho.
‘‘гижжамзва гижжаад̇хигаран̣а’’нд̇и вуд̇д̇ад̇д̇аа сан̇гхагаммаанамзд̇ам̣ ад̇хиважанам̣. гаммалагкан̣анд̇и гаммаанам̣ сабхаавам̣. д̇ам̣ ниссааяаад̇и буб̣б̣зва хи сам̣вид̇хааяа сан̇гхо гаммам̣ гарод̇и. ат̇а ваа буримам̣ буриманд̇и бариваасаугкзбанияаад̣̇ийни сан̇гхагаммаани ниссааяа аб̣бхаанаосааран̣аад̣̇и уббаннанд̇и гад̇ваа вуд̇д̇ам̣. д̇асмаа гин̃жааби сан̇гхагаммамзва гижжаад̇хигаран̣ам̣, д̇ат̇ааби сзсависзсо лаб̣бхад̇ийд̇и д̣̇ассзд̇и.
‘‘Kiccameva kiccādhikaraṇa’’nti vuttattā saṅghakammānametaṃ adhivacanaṃ. Kammalakkhaṇanti kammānaṃ sabhāvaṃ. Taṃ nissāyāti pubbeva hi saṃvidhāya saṅgho kammaṃ karoti. Atha vā purimaṃ purimanti parivāsaukkhepaniyādīni saṅghakammāni nissāya abbhānaosāraṇādi uppannanti katvā vuttaṃ. Tasmā kiñcāpi saṅghakammameva kiccādhikaraṇaṃ, tathāpi sesaviseso labbhatīti dasseti.
394. ад̇т̇ад̇о згам̣, д̇асмаа д̣̇зсасса ад̇т̇амавад̇ваа ‘‘лзсо’’д̇иаад̣̇и вуд̇д̇ам̣ гира.
394. Atthato ekaṃ, tasmā desassa atthamavatvā ‘‘leso’’tiādi vuttaṃ kira.
395. савад̇т̇угам̣ гад̇ваад̇и буг̇г̇аласса убари ааробзд̇ваа кад̇д̇ияаад̣̇ибхаавзна згаж̇аад̇игоби д̣̇ийгхарассагаал̣агод̣̇аад̇аад̣̇ийнам̣ д̣̇идтасуд̇абарисан̇гид̇аанам̣ васзна ан̃н̃абхааг̇ияад̇аа, д̣̇ийгхам̣ кад̇д̇ияам̣ аж̇жхаажаранд̇ам̣ д̣̇исваа рассаад̣̇икад̇д̇ияабан̃н̃ад̇д̇ияаа аад̇хаарабхаавад̇о ж̇аад̇илзсзна жод̣̇зд̇и, згам̣ ваа кад̇д̇ияам̣ аж̇жхаажаранд̇ам̣ д̣̇исваа д̇ад̇о висидтан̃н̃абхааг̇абхууд̇ам̣ кад̇д̇ияам̣ ж̇аад̇илзсам̣ г̇ахзд̇ваа ‘‘кад̇д̇ияо д̣̇идто д̇вам̣ кад̇д̇ияосий’’д̇и жод̣̇зд̇и д̣̇идтаад̣̇иан̃н̃абхааг̇зна. зд̇т̇а жа ‘‘д̣̇ийгхаад̣̇аяо, д̣̇идтаад̣̇аяо жа ж̇аад̇инаамаад̣̇ийнам̣ вад̇т̇убхууд̇ад̇д̇аа ад̇хигаран̣а’’нд̇и ликид̇ам̣. д̇ам̣ ‘‘ад̇хигаран̣абхааваанияамад̇о’’д̇и вуд̇д̇ад̣̇осам̣ наад̇иггамад̇и, адтагат̇ааяам̣ ‘‘кад̇д̇ияаж̇аад̇ибан̃н̃ад̇д̇ияаа аад̇хааравасзна ад̇хигаран̣ад̇аа жа взд̣̇ид̇аб̣б̣аа’’д̇и вуд̇д̇ам̣. д̇амби наамаг̇од̇д̇ад̇о ан̃н̃иссаа наамаг̇од̇д̇абан̃н̃ад̇д̇ияаа наама гассажи абхаавад̇о на саб̣б̣асаад̇хааран̣ам̣, д̇асмаа ‘‘ад̇хигаран̣ассаа’’д̇и бад̣̇уд̣̇д̇хааран̣ам̣ ад̇хигаран̣ажад̇уггад̣̇ассанад̇т̇ам̣, д̇ам̣ самаанаважанад̣̇ассанад̇т̇анд̇и но д̇аггод̇и. д̇ад̇т̇а д̣̇ийгхаад̣̇ино ваа д̣̇идтаад̣̇ино ваад̇и зд̇т̇а д̣̇ийгхаад̣̇ид̇аа, д̣̇идтаад̣̇ид̇аа жа ан̃н̃абхааг̇о, яо жуд̣̇ид̇аго ид̇арасса висзсо яад̇о ан̃н̃од̇и вужжад̇и.
395.Savatthukaṃ katvāti puggalassa upari āropetvā khattiyādibhāvena ekajātikopi dīgharassakāḷakodātādīnaṃ diṭṭhasutaparisaṅkitānaṃ vasena aññabhāgiyatā, dīghaṃ khattiyaṃ ajjhācarantaṃ disvā rassādikhattiyapaññattiyā ādhārabhāvato jātilesena codeti, ekaṃ vā khattiyaṃ ajjhācarantaṃ disvā tato visiṭṭhaññabhāgabhūtaṃ khattiyaṃ jātilesaṃ gahetvā ‘‘khattiyo diṭṭho tvaṃ khattiyosī’’ti codeti diṭṭhādiaññabhāgena. Ettha ca ‘‘dīghādayo, diṭṭhādayo ca jātināmādīnaṃ vatthubhūtattā adhikaraṇa’’nti likhitaṃ. Taṃ ‘‘adhikaraṇabhāvāniyamato’’ti vuttadosaṃ nātikkamati, aṭṭhakathāyaṃ ‘‘khattiyajātipaññattiyā ādhāravasena adhikaraṇatā ca veditabbā’’ti vuttaṃ. Tampi nāmagottato aññissā nāmagottapaññattiyā nāma kassaci abhāvato na sabbasādhāraṇaṃ, tasmā ‘‘adhikaraṇassā’’ti paduddhāraṇaṃ adhikaraṇacatukkadassanatthaṃ, taṃ samānavacanadassanatthanti no takkoti. Tattha dīghādino vā diṭṭhādino vāti ettha dīghāditā, diṭṭhāditā ca aññabhāgo, yo cuditako itarassa viseso yato aññoti vuccati.
399. лахугам̣ аабад̇д̇инд̇и баарааж̇игад̇о лахугаабад̇д̇и сан̇гхаад̣̇исзсаад̣̇и. д̇знзва анд̇з д̇ам̣ д̣̇ассзнд̇зна ‘‘бхигку сан̇гхаад̣̇исзсам̣ аж̇жхаабаж̇ж̇анд̇о д̣̇идто ход̇ий’’д̇иаад̣̇и вуд̇д̇ам̣. аабад̇д̇илзсоби гимад̇т̇ам̣ ж̇аад̇илзсаад̣̇аяо вияа на вид̇т̇аарид̇од̇и жз? д̇ат̇аа асамбхавад̇од̇и взд̣̇ид̇аб̣б̣ам̣.
399.Lahukaṃ āpattinti pārājikato lahukāpatti saṅghādisesādi. Teneva ante taṃ dassentena ‘‘bhikkhu saṅghādisesaṃ ajjhāpajjanto diṭṭho hotī’’tiādi vuttaṃ. Āpattilesopi kimatthaṃ jātilesādayo viya na vitthāritoti ce? Tathā asambhavatoti veditabbaṃ.
400. саадагабад̇д̇о сарийрадтабад̇д̇о. аабад̇д̇ияаад̇и баарааж̇игаабад̇д̇ияаа ан̃н̃абхааг̇ияам̣ сан̇гхаад̣̇исзсаад̣̇и, ад̇хигаран̣ан̃жа аабад̇д̇ибан̃н̃ад̇д̇ияаа. ‘‘лзсо наама аабад̇д̇ибхааг̇о’’д̇и вуд̇д̇ад̇д̇аа аабад̇д̇ибхаавалзсо вуд̇д̇од̇и взд̣̇ид̇аб̣б̣о, д̇асмаа баарааж̇игаабад̇д̇ид̇о ан̃н̃абхааг̇ияасса аабад̇д̇ибан̃н̃ад̇д̇ияаа аад̇хааран̣адтзна ‘‘ад̇хигаран̣а’’нд̇и сан̇кяам̣ г̇ад̇асса сан̇гхаад̣̇исзсаад̣̇ино аабад̇д̇инигааяасса аабад̇д̇ибхаавалзсам̣ г̇ахзд̇ваа жод̣̇анаа аабад̇д̇илзсажод̣̇анаад̇и взд̣̇ид̇аб̣б̣аа.
400.Sāṭakapatto sarīraṭṭhapatto. Āpattiyāti pārājikāpattiyā aññabhāgiyaṃ saṅghādisesādi, adhikaraṇañca āpattipaññattiyā. ‘‘Leso nāma āpattibhāgo’’ti vuttattā āpattibhāvaleso vuttoti veditabbo, tasmā pārājikāpattito aññabhāgiyassa āpattipaññattiyā ādhāraṇaṭṭhena ‘‘adhikaraṇa’’nti saṅkhyaṃ gatassa saṅghādisesādino āpattinikāyassa āpattibhāvalesaṃ gahetvā codanā āpattilesacodanāti veditabbā.
408. анаабад̇д̇и д̇ат̇аасан̃н̃ий жод̣̇зд̇и ваа жод̣̇аабзд̇и ваад̇и аабад̇д̇ан̃н̃абхааг̇ияажод̣̇анааяамзва, на ан̃н̃ад̇т̇а. зд̇д̇аавад̇аа батамад̣̇удтад̣̇осз вуд̇д̇авижаран̣ааяа сам̣санд̣̇ид̇ам̣ ход̇и, д̇ам̣ ид̇ха гат̇ам̣ бан̃н̃ааяад̇ийд̇и жз? ган̇каавид̇аран̣ияаа важанад̇о. вуд̇д̇ан̃хи ‘‘д̇ад̇т̇а ид̇ха жа аабад̇д̇ан̃н̃абхааг̇ияажод̣̇анааяа д̇ат̇аасан̃н̃иноби анаабад̇д̇ий’’д̇и.
408.Anāpatti tathāsaññī codeti vā codāpeti vāti āpattaññabhāgiyacodanāyameva, na aññattha. Ettāvatā paṭhamaduṭṭhadose vuttavicaraṇāya saṃsanditaṃ hoti, taṃ idha kathaṃ paññāyatīti ce? Kaṅkhāvitaraṇiyā vacanato. Vuttañhi ‘‘tattha idha ca āpattaññabhāgiyacodanāya tathāsaññinopi anāpattī’’ti.
ан̃н̃аабхааг̇ияасигкам̣ яо, нзва сигкад̇и яуд̇д̇ид̇о. г̇ажчз винаяавин̃н̃уухи, ан̃н̃абхааг̇ияад̇ан̃жа
Aññābhāgiyasikkhaṃ yo, neva sikkhati yuttito. Gacche vinayaviññūhi, aññabhāgiyatañca
сод̇и.
Soti.
д̣̇уд̇ияад̣̇удтад̣̇осасигкаабад̣̇аван̣н̣анаа нидтид̇аа.
Dutiyaduṭṭhadosasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 9. д̣̇уд̇ияад̣̇удтад̣̇осасигкаабад̣̇ам̣ • 9. Dutiyaduṭṭhadosasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 9. д̣̇уд̇ияад̣̇удтад̣̇осасигкаабад̣̇аван̣н̣анаа • 9. Dutiyaduṭṭhadosasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 9. д̣̇уд̇ияад̣̇удтад̣̇осасигкаабад̣̇аван̣н̣анаа • 9. Dutiyaduṭṭhadosasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. д̣̇уд̇ияад̣̇удтад̣̇осасигкаабад̣̇аван̣н̣анаа • 9. Dutiyaduṭṭhadosasikkhāpadavaṇṇanā
