| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
2. д̣̇уд̇ияад̣̇взб̣раахман̣асуд̇д̇ам̣
2. Dutiyadvebrāhmaṇasuttaṃ
53. ат̇а ко д̣̇вз б̣раахман̣аа ж̇ин̣н̣аа вуд̣̇д̇хаа махаллагаа ад̣̇д̇хаг̇ад̇аа ваяоануббад̇д̇аа вийсавассасад̇игаа ж̇аад̇ияаа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з б̣раахман̣аа бхаг̇аванд̇ам̣ зд̇ад̣̇авожум̣ – ‘‘маяамассу, бхо г̇од̇ама, б̣раахман̣аа ж̇ин̣н̣аа вуд̣̇д̇хаа махаллагаа ад̣̇д̇хаг̇ад̇аа ваяоануббад̇д̇аа вийсавассасад̇игаа ж̇аад̇ияаа; д̇з жамхаа агад̇агаляаан̣аа агад̇агусалаа агад̇абхийруд̇д̇аан̣аа. овад̣̇ад̇у но бхавам̣ г̇од̇амо, анусаасад̇у но бхавам̣ г̇од̇амо яам̣ амхаагам̣ асса д̣̇ийгхарад̇д̇ам̣ хид̇ааяа сукааяаа’’д̇и.
53. Atha kho dve brāhmaṇā jiṇṇā vuddhā mahallakā addhagatā vayoanuppattā vīsavassasatikā jātiyā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te brāhmaṇā bhagavantaṃ etadavocuṃ – ‘‘mayamassu, bho gotama, brāhmaṇā jiṇṇā vuddhā mahallakā addhagatā vayoanuppattā vīsavassasatikā jātiyā; te camhā akatakalyāṇā akatakusalā akatabhīruttāṇā. Ovadatu no bhavaṃ gotamo, anusāsatu no bhavaṃ gotamo yaṃ amhākaṃ assa dīgharattaṃ hitāya sukhāyā’’ti.
‘‘д̇аг̇гха д̇умхз, б̣раахман̣аа, ж̇ин̣н̣аа вуд̣̇д̇хаа махаллагаа ад̣̇д̇хаг̇ад̇аа ваяоануббад̇д̇аа вийсавассасад̇игаа ж̇аад̇ияаа; д̇з жад̇т̇а агад̇агаляаан̣аа агад̇агусалаа агад̇абхийруд̇д̇аан̣аа. аад̣̇ид̇д̇о ко аяам̣, б̣раахман̣аа, лого ж̇арааяа б̣яаад̇хинаа маран̣зна. звам̣ аад̣̇ид̇д̇з ко, б̣раахман̣аа, логз ж̇арааяа б̣яаад̇хинаа маран̣зна, яо ид̇ха гааязна сам̣яамо ваажааяа сам̣яамо манасаа сам̣яамо, д̇ам̣ д̇асса бзд̇асса д̇аан̣ан̃жа лзн̣ан̃жа д̣̇ийбан̃жа саран̣ан̃жа барааяан̣ан̃жаа’’д̇и.
‘‘Taggha tumhe, brāhmaṇā, jiṇṇā vuddhā mahallakā addhagatā vayoanuppattā vīsavassasatikā jātiyā; te cattha akatakalyāṇā akatakusalā akatabhīruttāṇā. Āditto kho ayaṃ, brāhmaṇā, loko jarāya byādhinā maraṇena. Evaṃ āditte kho, brāhmaṇā, loke jarāya byādhinā maraṇena, yo idha kāyena saṃyamo vācāya saṃyamo manasā saṃyamo, taṃ tassa petassa tāṇañca leṇañca dīpañca saraṇañca parāyaṇañcā’’ti.
‘‘аад̣̇ид̇д̇асмим̣ аг̇аарасмим̣, яам̣ нийхарад̇и бхааж̇анам̣;
‘‘Ādittasmiṃ agārasmiṃ, yaṃ nīharati bhājanaṃ;
д̇ам̣ д̇асса ход̇и ад̇т̇ааяа, но жа яам̣ д̇ад̇т̇а д̣аяхад̇и.
Taṃ tassa hoti atthāya, no ca yaṃ tattha ḍayhati.
нийхарзт̇зва д̣̇аанзна, д̣̇иннам̣ ход̇и сунийхад̇ам̣ 3.
Nīharetheva dānena, dinnaṃ hoti sunīhataṃ 4.
‘‘яод̇ха гааязна сам̣яамо, ваажааяа уд̣̇а жзд̇асаа;
‘‘Yodha kāyena saṃyamo, vācāya uda cetasā;
д̇ам̣ д̇асса бзд̇асса сукааяа ход̇и,
Taṃ tassa petassa sukhāya hoti,
яам̣ ж̇ийвамаано багарод̇и бун̃н̃а’’нд̇и. д̣̇уд̇ияам̣;
Yaṃ jīvamāno pakaroti puñña’’nti. dutiyaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. д̣̇уд̇ияад̣̇взб̣раахман̣асуд̇д̇аван̣н̣анаа • 2. Dutiyadvebrāhmaṇasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2. д̣̇уд̇ияад̣̇взб̣раахман̣асуд̇д̇аван̣н̣анаа • 2. Dutiyadvebrāhmaṇasuttavaṇṇanā
