| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੮. ਦੁਤਿਯਏਜਾਸੁਤ੍ਤਂ
8. Dutiyaejāsuttaṃ
੯੧. ‘‘ਏਜਾ , ਭਿਕ੍ਖવੇ, ਰੋਗੋ, ਏਜਾ ਗਣ੍ਡੋ, ਏਜਾ ਸਲ੍ਲਂ। ਤਸ੍ਮਾਤਿਹ, ਭਿਕ੍ਖવੇ, ਤਥਾਗਤੋ ਅਨੇਜੋ વਿਹਰਤਿ વੀਤਸਲ੍ਲੋ। ਤਸ੍ਮਾਤਿਹ, ਭਿਕ੍ਖવੇ, ਭਿਕ੍ਖੁ ਚੇਪਿ ਆਕਙ੍ਖੇਯ੍ਯ ‘ਅਨੇਜੋ વਿਹਰੇਯ੍ਯਂ વੀਤਸਲ੍ਲੋ’ਤਿ, ਚਕ੍ਖੁਂ ਨ ਮਞ੍ਞੇਯ੍ਯ, ਚਕ੍ਖੁਸ੍ਮਿਂ ਨ ਮਞ੍ਞੇਯ੍ਯ, ਚਕ੍ਖੁਤੋ ਨ ਮਞ੍ਞੇਯ੍ਯ, ਚਕ੍ਖੁ ਮੇਤਿ ਨ ਮਞ੍ਞੇਯ੍ਯ; ਰੂਪੇ ਨ ਮਞ੍ਞੇਯ੍ਯ… ਚਕ੍ਖੁવਿਞ੍ਞਾਣਂ… ਚਕ੍ਖੁਸਮ੍ਫਸ੍ਸਂ… ਯਮ੍ਪਿਦਂ ਚਕ੍ਖੁਸਮ੍ਫਸ੍ਸਪਚ੍ਚਯਾ ਉਪ੍ਪਜ੍ਜਤਿ વੇਦਯਿਤਂ ਸੁਖਂ વਾ ਦੁਕ੍ਖਂ વਾ ਅਦੁਕ੍ਖਮਸੁਖਂ વਾ ਤਮ੍ਪਿ ਨ ਮਞ੍ਞੇਯ੍ਯ, ਤਸ੍ਮਿਮ੍ਪਿ ਨ ਮਞ੍ਞੇਯ੍ਯ, ਤਤੋਪਿ ਨ ਮਞ੍ਞੇਯ੍ਯ, ਤਂ ਮੇਤਿ ਨ ਮਞ੍ਞੇਯ੍ਯ। ਯਞ੍ਹਿ, ਭਿਕ੍ਖવੇ, ਮਞ੍ਞਤਿ, ਯਸ੍ਮਿਂ ਮਞ੍ਞਤਿ, ਯਤੋ ਮਞ੍ਞਤਿ, ਯਂ ਮੇਤਿ ਮਞ੍ਞਤਿ, ਤਤੋ ਤਂ ਹੋਤਿ ਅਞ੍ਞਥਾ। ਅਞ੍ਞਥਾਭਾવੀ ਭવਸਤ੍ਤੋ ਲੋਕੋ ਭવਮੇવ ਅਭਿਨਨ੍ਦਤਿ…ਪੇ॰…।
91. ‘‘Ejā , bhikkhave, rogo, ejā gaṇḍo, ejā sallaṃ. Tasmātiha, bhikkhave, tathāgato anejo viharati vītasallo. Tasmātiha, bhikkhave, bhikkhu cepi ākaṅkheyya ‘anejo vihareyyaṃ vītasallo’ti, cakkhuṃ na maññeyya, cakkhusmiṃ na maññeyya, cakkhuto na maññeyya, cakkhu meti na maññeyya; rūpe na maññeyya… cakkhuviññāṇaṃ… cakkhusamphassaṃ… yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi na maññeyya, tasmimpi na maññeyya, tatopi na maññeyya, taṃ meti na maññeyya. Yañhi, bhikkhave, maññati, yasmiṃ maññati, yato maññati, yaṃ meti maññati, tato taṃ hoti aññathā. Aññathābhāvī bhavasatto loko bhavameva abhinandati…pe….
‘‘ਜਿવ੍ਹਂ ਨ ਮਞ੍ਞੇਯ੍ਯ, ਜਿવ੍ਹਾਯ ਨ ਮਞ੍ਞੇਯ੍ਯ, ਜਿવ੍ਹਾਤੋ ਨ ਮਞ੍ਞੇਯ੍ਯ, ਜਿવ੍ਹਾ ਮੇਤਿ ਨ ਮਞ੍ਞੇਯ੍ਯ; ਰਸੇ ਨ ਮਞ੍ਞੇਯ੍ਯ… ਜਿવ੍ਹਾવਿਞ੍ਞਾਣਂ… ਜਿવ੍ਹਾਸਮ੍ਫਸ੍ਸਂ… ਯਮ੍ਪਿਦਂ ਜਿવ੍ਹਾਸਮ੍ਫਸ੍ਸਪਚ੍ਚਯਾ ਉਪ੍ਪਜ੍ਜਤਿ વੇਦਯਿਤਂ ਸੁਖਂ વਾ ਦੁਕ੍ਖਂ વਾ ਅਦੁਕ੍ਖਮਸੁਖਂ વਾ ਤਮ੍ਪਿ ਨ ਮਞ੍ਞੇਯ੍ਯ, ਤਸ੍ਮਿਮ੍ਪਿ ਨ ਮਞ੍ਞੇਯ੍ਯ, ਤਤੋਪਿ ਨ ਮਞ੍ਞੇਯ੍ਯ, ਤਂ ਮੇਤਿ ਨ ਮਞ੍ਞੇਯ੍ਯ। ਯਞ੍ਹਿ, ਭਿਕ੍ਖવੇ, ਮਞ੍ਞਤਿ, ਯਸ੍ਮਿਂ ਮਞ੍ਞਤਿ, ਯਤੋ ਮਞ੍ਞਤਿ, ਯਂ ਮੇਤਿ ਮਞ੍ਞਤਿ, ਤਤੋ ਤਂ ਹੋਤਿ ਅਞ੍ਞਥਾ। ਅਞ੍ਞਥਾਭਾવੀ ਭવਸਤ੍ਤੋ ਲੋਕੋ ਭવਮੇવ ਅਭਿਨਨ੍ਦਤਿ…ਪੇ॰…।
‘‘Jivhaṃ na maññeyya, jivhāya na maññeyya, jivhāto na maññeyya, jivhā meti na maññeyya; rase na maññeyya… jivhāviññāṇaṃ… jivhāsamphassaṃ… yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi na maññeyya, tasmimpi na maññeyya, tatopi na maññeyya, taṃ meti na maññeyya. Yañhi, bhikkhave, maññati, yasmiṃ maññati, yato maññati, yaṃ meti maññati, tato taṃ hoti aññathā. Aññathābhāvī bhavasatto loko bhavameva abhinandati…pe….
‘‘ਮਨਂ ਨ ਮਞ੍ਞੇਯ੍ਯ, ਮਨਸ੍ਮਿਂ ਨ ਮਞ੍ਞੇਯ੍ਯ, ਮਨਤੋ ਨ ਮਞ੍ਞੇਯ੍ਯ, ਮਨੋ ਮੇਤਿ ਨ ਮਞ੍ਞੇਯ੍ਯ… ਮਨੋવਿਞ੍ਞਾਣਂ… ਮਨੋਸਮ੍ਫਸ੍ਸਂ… ਯਮ੍ਪਿਦਂ ਮਨੋਸਮ੍ਫਸ੍ਸਪਚ੍ਚਯਾ ਉਪ੍ਪਜ੍ਜਤਿ વੇਦਯਿਤਂ ਸੁਖਂ વਾ ਦੁਕ੍ਖਂ વਾ ਅਦੁਕ੍ਖਮਸੁਖਂ વਾ ਤਮ੍ਪਿ ਨ ਮਞ੍ਞੇਯ੍ਯ, ਤਸ੍ਮਿਮ੍ਪਿ ਨ ਮਞ੍ਞੇਯ੍ਯ, ਤਤੋਪਿ ਨ ਮਞ੍ਞੇਯ੍ਯ, ਤਂ ਮੇਤਿ ਨ ਮਞ੍ਞੇਯ੍ਯ। ਯਞ੍ਹਿ, ਭਿਕ੍ਖવੇ, ਮਞ੍ਞਤਿ, ਯਸ੍ਮਿਂ ਮਞ੍ਞਤਿ , ਯਤੋ ਮਞ੍ਞਤਿ, ਯਂ ਮੇਤਿ ਮਞ੍ਞਤਿ, ਤਤੋ ਤਂ ਹੋਤਿ ਅਞ੍ਞਥਾ। ਅਞ੍ਞਥਾਭਾવੀ ਭવਸਤ੍ਤੋ ਲੋਕੋ ਭવਮੇવ ਅਭਿਨਨ੍ਦਤਿ।
‘‘Manaṃ na maññeyya, manasmiṃ na maññeyya, manato na maññeyya, mano meti na maññeyya… manoviññāṇaṃ… manosamphassaṃ… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi na maññeyya, tasmimpi na maññeyya, tatopi na maññeyya, taṃ meti na maññeyya. Yañhi, bhikkhave, maññati, yasmiṃ maññati , yato maññati, yaṃ meti maññati, tato taṃ hoti aññathā. Aññathābhāvī bhavasatto loko bhavameva abhinandati.
‘‘ਯਾવਤਾ, ਭਿਕ੍ਖવੇ, ਖਨ੍ਧਧਾਤੁਆਯਤਨਾ ਤਮ੍ਪਿ ਨ ਮਞ੍ਞੇਯ੍ਯ, ਤਸ੍ਮਿਮ੍ਪਿ ਨ ਮਞ੍ਞੇਯ੍ਯ, ਤਤੋਪਿ ਨ ਮਞ੍ਞੇਯ੍ਯ, ਤਂ ਮੇਤਿ ਨ ਮਞ੍ਞੇਯ੍ਯ। ਸੋ ਏવਂ ਅਮਞ੍ਞਮਾਨੋ ਨ ਕਿਞ੍ਚਿ ਲੋਕੇ ਉਪਾਦਿਯਤਿ। ਅਨੁਪਾਦਿਯਂ ਨ ਪਰਿਤਸ੍ਸਤਿ। ਅਪਰਿਤਸ੍ਸਂ ਪਚ੍ਚਤ੍ਤਞ੍ਞੇવ ਪਰਿਨਿਬ੍ਬਾਯਤਿ। ‘ਖੀਣਾ ਜਾਤਿ, વੁਸਿਤਂ ਬ੍ਰਹ੍ਮਚਰਿਯਂ, ਕਤਂ ਕਰਣੀਯਂ, ਨਾਪਰਂ ਇਤ੍ਥਤ੍ਤਾਯਾ’ਤਿ ਪਜਾਨਾਤੀ’’ਤਿ। ਅਟ੍ਠਮਂ।
‘‘Yāvatā, bhikkhave, khandhadhātuāyatanā tampi na maññeyya, tasmimpi na maññeyya, tatopi na maññeyya, taṃ meti na maññeyya. So evaṃ amaññamāno na kiñci loke upādiyati. Anupādiyaṃ na paritassati. Aparitassaṃ paccattaññeva parinibbāyati. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Aṭṭhamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭-੮. ਪਠਮਏਜਾਸੁਤ੍ਤਾਦਿવਣ੍ਣਨਾ • 7-8. Paṭhamaejāsuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭-੮. ਪਠਮਏਜਾਸੁਤ੍ਤਾਦਿવਣ੍ਣਨਾ • 7-8. Paṭhamaejāsuttādivaṇṇanā
