| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
8. து³தியக³த்³து³லப³த்³த⁴ஸுத்தங்
8. Dutiyagaddulabaddhasuttaṃ
100. ஸாவத்தி²னிதா³னங் . ‘‘அனமதக்³கோ³யங், பி⁴க்க²வே, ஸங்ஸாரோ. புப்³பா³ கோடி ந பஞ்ஞாயதி அவிஜ்ஜானீவரணானங் ஸத்தானங் தண்ஹாஸங்யோஜனானங் ஸந்தா⁴வதங் ஸங்ஸரதங். ஸெய்யதா²பி, பி⁴க்க²வே, ஸா க³த்³து³லப³த்³தோ⁴ த³ள்ஹே கீ²லே வா த²ம்பே⁴ வா உபனிப³த்³தோ⁴. ஸோ க³ச்ச²தி சேபி தமேவ கீ²லங் வா த²ம்ப⁴ங் வா உபக³ச்ச²தி; திட்ட²தி சேபி தமேவ கீ²லங் வா த²ம்ப⁴ங் வா உபதிட்ட²தி; நிஸீத³தி சேபி தமேவ கீ²லங் வா த²ம்ப⁴ங் வா உபனிஸீத³தி; நிபஜ்ஜதி சேபி தமேவ கீ²லங் வா த²ம்ப⁴ங் வா உபனிபஜ்ஜதி. ஏவமேவ கோ², பி⁴க்க²வே, அஸ்ஸுதவா புது²ஜ்ஜனோ ரூபங் ‘ஏதங் மம, ஏஸோஹமஸ்மி, ஏஸோ மே அத்தா’தி ஸமனுபஸ்ஸதி. வேத³னங்… ஸஞ்ஞங்… ஸங்கா²ரே… விஞ்ஞாணங் ‘ஏதங் மம, ஏஸோஹமஸ்மி, ஏஸோ மே அத்தா’தி ஸமனுபஸ்ஸதி. ஸோ க³ச்ச²தி சேபி இமே பஞ்சுபாதா³னக்க²ந்தே⁴ உபக³ச்ச²தி; திட்ட²தி சேபி இமே பஞ்சுபாதா³னக்க²ந்தே⁴ உபதிட்ட²தி; நிஸீத³தி சேபி இமே பஞ்சுபாதா³னக்க²ந்தே⁴ உபனிஸீத³தி; நிபஜ்ஜதி சேபி இமே பஞ்சுபாதா³னக்க²ந்தே⁴ உபனிபஜ்ஜதி. தஸ்மாதிஹ, பி⁴க்க²வே, அபி⁴க்க²ணங் ஸகங் சித்தங் பச்சவெக்கி²தப்³ப³ங் – ‘தீ³க⁴ரத்தமித³ங் சித்தங் ஸங்கிலிட்ட²ங் ராகே³ன தோ³ஸேன மோஹேனா’தி. சித்தஸங்கிலேஸா, பி⁴க்க²வே, ஸத்தா ஸங்கிலிஸ்ஸந்தி; சித்தவோதா³னா ஸத்தா விஸுஜ்ஜ²ந்தி.
100. Sāvatthinidānaṃ . ‘‘Anamataggoyaṃ, bhikkhave, saṃsāro. Pubbā koṭi na paññāyati avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ. Seyyathāpi, bhikkhave, sā gaddulabaddho daḷhe khīle vā thambhe vā upanibaddho. So gacchati cepi tameva khīlaṃ vā thambhaṃ vā upagacchati; tiṭṭhati cepi tameva khīlaṃ vā thambhaṃ vā upatiṭṭhati; nisīdati cepi tameva khīlaṃ vā thambhaṃ vā upanisīdati; nipajjati cepi tameva khīlaṃ vā thambhaṃ vā upanipajjati. Evameva kho, bhikkhave, assutavā puthujjano rūpaṃ ‘etaṃ mama, esohamasmi, eso me attā’ti samanupassati. Vedanaṃ… saññaṃ… saṅkhāre… viññāṇaṃ ‘etaṃ mama, esohamasmi, eso me attā’ti samanupassati. So gacchati cepi ime pañcupādānakkhandhe upagacchati; tiṭṭhati cepi ime pañcupādānakkhandhe upatiṭṭhati; nisīdati cepi ime pañcupādānakkhandhe upanisīdati; nipajjati cepi ime pañcupādānakkhandhe upanipajjati. Tasmātiha, bhikkhave, abhikkhaṇaṃ sakaṃ cittaṃ paccavekkhitabbaṃ – ‘dīgharattamidaṃ cittaṃ saṃkiliṭṭhaṃ rāgena dosena mohenā’ti. Cittasaṃkilesā, bhikkhave, sattā saṃkilissanti; cittavodānā sattā visujjhanti.
‘‘தி³ட்ட²ங் வோ, பி⁴க்க²வே, சரணங் நாம சித்த’’ந்தி? ‘‘ஏவங், ப⁴ந்தே’’. ‘‘தம்பி கோ², பி⁴க்க²வே, சரணங் நாம சித்தங் சித்தேனேவ சித்திதங். தேனபி கோ², பி⁴க்க²வே, சரணேன சித்தேன சித்தஞ்ஞேவ சித்ததரங். தஸ்மாதிஹ, பி⁴க்க²வே, அபி⁴க்க²ணங் ஸகங் சித்தங் பச்சவெக்கி²தப்³ப³ங் – ‘தீ³க⁴ரத்தமித³ங் சித்தங் ஸங்கிலிட்ட²ங் ராகே³ன தோ³ஸேன மோஹேனா’தி. சித்தஸங்கிலேஸா, பி⁴க்க²வே, ஸத்தா ஸங்கிலிஸ்ஸந்தி; சித்தவோதா³னா ஸத்தா விஸுஜ்ஜ²ந்தி.
‘‘Diṭṭhaṃ vo, bhikkhave, caraṇaṃ nāma citta’’nti? ‘‘Evaṃ, bhante’’. ‘‘Tampi kho, bhikkhave, caraṇaṃ nāma cittaṃ citteneva cittitaṃ. Tenapi kho, bhikkhave, caraṇena cittena cittaññeva cittataraṃ. Tasmātiha, bhikkhave, abhikkhaṇaṃ sakaṃ cittaṃ paccavekkhitabbaṃ – ‘dīgharattamidaṃ cittaṃ saṃkiliṭṭhaṃ rāgena dosena mohenā’ti. Cittasaṃkilesā, bhikkhave, sattā saṃkilissanti; cittavodānā sattā visujjhanti.
‘‘நாஹங் , பி⁴க்க²வே, அஞ்ஞங் ஏகனிகாயம்பி ஸமனுபஸ்ஸாமி ஏவங் சித்தங். யத²யித³ங், பி⁴க்க²வே, திரச்சா²னக³தா பாணா, தேபி கோ², பி⁴க்க²வே, திரச்சா²னக³தா பாணா சித்தேனேவ சித்திதா, தேஹிபி கோ², பி⁴க்க²வே, திரச்சா²னக³தேஹி பாணேஹி சித்தஞ்ஞேவ சித்ததரங். தஸ்மாதிஹ, பி⁴க்க²வே, அபி⁴க்க²ணங் ஸகங் சித்தங் பச்சவெக்கி²தப்³ப³ங் – ‘தீ³க⁴ரத்தமித³ங் சித்தங் ஸங்கிலிட்ட²ங் ராகே³ன தோ³ஸேன மோஹேனா’தி. சித்தஸங்கிலேஸா, பி⁴க்க²வே, ஸத்தா ஸங்கிலிஸ்ஸந்தி; சித்தவோதா³னா ஸத்தா விஸுஜ்ஜ²ந்தி.
‘‘Nāhaṃ , bhikkhave, aññaṃ ekanikāyampi samanupassāmi evaṃ cittaṃ. Yathayidaṃ, bhikkhave, tiracchānagatā pāṇā, tepi kho, bhikkhave, tiracchānagatā pāṇā citteneva cittitā, tehipi kho, bhikkhave, tiracchānagatehi pāṇehi cittaññeva cittataraṃ. Tasmātiha, bhikkhave, abhikkhaṇaṃ sakaṃ cittaṃ paccavekkhitabbaṃ – ‘dīgharattamidaṃ cittaṃ saṃkiliṭṭhaṃ rāgena dosena mohenā’ti. Cittasaṃkilesā, bhikkhave, sattā saṃkilissanti; cittavodānā sattā visujjhanti.
‘‘ஸெய்யதா²பி , பி⁴க்க²வே, ரஜகோ வா சித்தகாரகோ வா ரஜனாய வா லாகா²ய வா ஹலித்³தி³யா வா நீலியா வா மஞ்ஜிட்டா²ய 1 வா ஸுபரிமட்டே² ப²லகே வா பி⁴த்தியா வா து³ஸ்ஸபட்டே வா இத்தி²ரூபங் வா புரிஸரூபங் வா அபி⁴னிம்மினெய்ய ஸப்³ப³ங்க³பச்சங்கி³ங்; ஏவமேவ கோ², பி⁴க்க²வே, அஸ்ஸுதவா புது²ஜ்ஜனோ ரூபஞ்ஞேவ அபி⁴னிப்³ப³த்தெந்தோ அபி⁴னிப்³ப³த்தேதி, வேத³னஞ்ஞேவ…பே॰… ஸஞ்ஞஞ்ஞேவ… ஸங்கா²ரே யேவ… விஞ்ஞாணஞ்ஞேவ அபி⁴னிப்³ப³த்தெந்தோ அபி⁴னிப்³ப³த்தேதி. தங் கிங் மஞ்ஞத², பி⁴க்க²வே, ரூபங் நிச்சங் வா அனிச்சங் வா’’தி? ‘‘அனிச்சங், ப⁴ந்தே’’. ‘‘வேத³னா… ஸஞ்ஞா… ஸங்கா²ரா… விஞ்ஞாணங்…பே॰… ‘‘தஸ்மாதிஹ, பி⁴க்க²வே, ஏவங் பஸ்ஸங்…பே॰… நாபரங் இத்த²த்தாயாதி பஜானாதீ’’தி. அட்ட²மங்.
‘‘Seyyathāpi , bhikkhave, rajako vā cittakārako vā rajanāya vā lākhāya vā haliddiyā vā nīliyā vā mañjiṭṭhāya 2 vā suparimaṭṭhe phalake vā bhittiyā vā dussapaṭṭe vā itthirūpaṃ vā purisarūpaṃ vā abhinimmineyya sabbaṅgapaccaṅgiṃ; evameva kho, bhikkhave, assutavā puthujjano rūpaññeva abhinibbattento abhinibbatteti, vedanaññeva…pe… saññaññeva… saṅkhāre yeva… viññāṇaññeva abhinibbattento abhinibbatteti. Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Vedanā… saññā… saṅkhārā… viññāṇaṃ…pe… ‘‘tasmātiha, bhikkhave, evaṃ passaṃ…pe… nāparaṃ itthattāyāti pajānātī’’ti. Aṭṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 8. து³தியக³த்³து³லப³த்³த⁴ஸுத்தவண்ணனா • 8. Dutiyagaddulabaddhasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8. து³தியக³த்³து³லப³த்³த⁴ஸுத்தவண்ணனா • 8. Dutiyagaddulabaddhasuttavaṇṇanā
