| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. д̣̇уд̇ияаг̇ад̣̇д̣̇улаб̣ад̣̇д̇хасуд̇д̇ам̣
8. Dutiyagaddulabaddhasuttaṃ
100. саавад̇т̇инид̣̇аанам̣ . ‘‘анамад̇аг̇г̇ояам̣, бхигкавз, сам̣сааро. буб̣б̣аа годи на бан̃н̃ааяад̇и авиж̇ж̇аанийваран̣аанам̣ сад̇д̇аанам̣ д̇ан̣хаасам̣яож̇анаанам̣ санд̇хаавад̇ам̣ сам̣сарад̇ам̣. сзяяат̇ааби, бхигкавз, саа г̇ад̣̇д̣̇улаб̣ад̣̇д̇хо д̣̇ал̣хз кийлз ваа т̇амбхз ваа убаниб̣ад̣̇д̇хо. со г̇ажчад̇и жзби д̇амзва кийлам̣ ваа т̇амбхам̣ ваа убаг̇ажчад̇и; д̇идтад̇и жзби д̇амзва кийлам̣ ваа т̇амбхам̣ ваа убад̇идтад̇и; нисийд̣̇ад̇и жзби д̇амзва кийлам̣ ваа т̇амбхам̣ ваа убанисийд̣̇ад̇и; нибаж̇ж̇ад̇и жзби д̇амзва кийлам̣ ваа т̇амбхам̣ ваа убанибаж̇ж̇ад̇и. звамзва ко, бхигкавз, ассуд̇аваа бут̇уж̇ж̇ано руубам̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и. взд̣̇анам̣… сан̃н̃ам̣… сан̇каарз… вин̃н̃аан̣ам̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и. со г̇ажчад̇и жзби имз бан̃жубаад̣̇аанагканд̇хз убаг̇ажчад̇и; д̇идтад̇и жзби имз бан̃жубаад̣̇аанагканд̇хз убад̇идтад̇и; нисийд̣̇ад̇и жзби имз бан̃жубаад̣̇аанагканд̇хз убанисийд̣̇ад̇и; нибаж̇ж̇ад̇и жзби имз бан̃жубаад̣̇аанагканд̇хз убанибаж̇ж̇ад̇и. д̇асмаад̇иха, бхигкавз, абхигкан̣ам̣ сагам̣ жид̇д̇ам̣ бажжавзгкид̇аб̣б̣ам̣ – ‘д̣̇ийгхарад̇д̇амид̣̇ам̣ жид̇д̇ам̣ сам̣гилидтам̣ рааг̇зна д̣̇осзна мохзнаа’д̇и. жид̇д̇асам̣гилзсаа, бхигкавз, сад̇д̇аа сам̣гилиссанд̇и; жид̇д̇авод̣̇аанаа сад̇д̇аа висуж̇жханд̇и.
100. Sāvatthinidānaṃ . ‘‘Anamataggoyaṃ, bhikkhave, saṃsāro. Pubbā koṭi na paññāyati avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ. Seyyathāpi, bhikkhave, sā gaddulabaddho daḷhe khīle vā thambhe vā upanibaddho. So gacchati cepi tameva khīlaṃ vā thambhaṃ vā upagacchati; tiṭṭhati cepi tameva khīlaṃ vā thambhaṃ vā upatiṭṭhati; nisīdati cepi tameva khīlaṃ vā thambhaṃ vā upanisīdati; nipajjati cepi tameva khīlaṃ vā thambhaṃ vā upanipajjati. Evameva kho, bhikkhave, assutavā puthujjano rūpaṃ ‘etaṃ mama, esohamasmi, eso me attā’ti samanupassati. Vedanaṃ… saññaṃ… saṅkhāre… viññāṇaṃ ‘etaṃ mama, esohamasmi, eso me attā’ti samanupassati. So gacchati cepi ime pañcupādānakkhandhe upagacchati; tiṭṭhati cepi ime pañcupādānakkhandhe upatiṭṭhati; nisīdati cepi ime pañcupādānakkhandhe upanisīdati; nipajjati cepi ime pañcupādānakkhandhe upanipajjati. Tasmātiha, bhikkhave, abhikkhaṇaṃ sakaṃ cittaṃ paccavekkhitabbaṃ – ‘dīgharattamidaṃ cittaṃ saṃkiliṭṭhaṃ rāgena dosena mohenā’ti. Cittasaṃkilesā, bhikkhave, sattā saṃkilissanti; cittavodānā sattā visujjhanti.
‘‘д̣̇идтам̣ во, бхигкавз, жаран̣ам̣ наама жид̇д̇а’’нд̇и? ‘‘звам̣, бханд̇з’’. ‘‘д̇амби ко, бхигкавз, жаран̣ам̣ наама жид̇д̇ам̣ жид̇д̇знзва жид̇д̇ид̇ам̣. д̇знаби ко, бхигкавз, жаран̣зна жид̇д̇зна жид̇д̇ан̃н̃зва жид̇д̇ад̇арам̣. д̇асмаад̇иха, бхигкавз, абхигкан̣ам̣ сагам̣ жид̇д̇ам̣ бажжавзгкид̇аб̣б̣ам̣ – ‘д̣̇ийгхарад̇д̇амид̣̇ам̣ жид̇д̇ам̣ сам̣гилидтам̣ рааг̇зна д̣̇осзна мохзнаа’д̇и. жид̇д̇асам̣гилзсаа, бхигкавз, сад̇д̇аа сам̣гилиссанд̇и; жид̇д̇авод̣̇аанаа сад̇д̇аа висуж̇жханд̇и.
‘‘Diṭṭhaṃ vo, bhikkhave, caraṇaṃ nāma citta’’nti? ‘‘Evaṃ, bhante’’. ‘‘Tampi kho, bhikkhave, caraṇaṃ nāma cittaṃ citteneva cittitaṃ. Tenapi kho, bhikkhave, caraṇena cittena cittaññeva cittataraṃ. Tasmātiha, bhikkhave, abhikkhaṇaṃ sakaṃ cittaṃ paccavekkhitabbaṃ – ‘dīgharattamidaṃ cittaṃ saṃkiliṭṭhaṃ rāgena dosena mohenā’ti. Cittasaṃkilesā, bhikkhave, sattā saṃkilissanti; cittavodānā sattā visujjhanti.
‘‘наахам̣ , бхигкавз, ан̃н̃ам̣ зганигааяамби саманубассаами звам̣ жид̇д̇ам̣. яат̇аяид̣̇ам̣, бхигкавз, д̇иражчаанаг̇ад̇аа баан̣аа, д̇зби ко, бхигкавз, д̇иражчаанаг̇ад̇аа баан̣аа жид̇д̇знзва жид̇д̇ид̇аа, д̇зхиби ко, бхигкавз, д̇иражчаанаг̇ад̇зхи баан̣зхи жид̇д̇ан̃н̃зва жид̇д̇ад̇арам̣. д̇асмаад̇иха, бхигкавз, абхигкан̣ам̣ сагам̣ жид̇д̇ам̣ бажжавзгкид̇аб̣б̣ам̣ – ‘д̣̇ийгхарад̇д̇амид̣̇ам̣ жид̇д̇ам̣ сам̣гилидтам̣ рааг̇зна д̣̇осзна мохзнаа’д̇и. жид̇д̇асам̣гилзсаа, бхигкавз, сад̇д̇аа сам̣гилиссанд̇и; жид̇д̇авод̣̇аанаа сад̇д̇аа висуж̇жханд̇и.
‘‘Nāhaṃ , bhikkhave, aññaṃ ekanikāyampi samanupassāmi evaṃ cittaṃ. Yathayidaṃ, bhikkhave, tiracchānagatā pāṇā, tepi kho, bhikkhave, tiracchānagatā pāṇā citteneva cittitā, tehipi kho, bhikkhave, tiracchānagatehi pāṇehi cittaññeva cittataraṃ. Tasmātiha, bhikkhave, abhikkhaṇaṃ sakaṃ cittaṃ paccavekkhitabbaṃ – ‘dīgharattamidaṃ cittaṃ saṃkiliṭṭhaṃ rāgena dosena mohenā’ti. Cittasaṃkilesā, bhikkhave, sattā saṃkilissanti; cittavodānā sattā visujjhanti.
‘‘сзяяат̇ааби , бхигкавз, раж̇аго ваа жид̇д̇агаараго ваа раж̇анааяа ваа лаакааяа ваа халид̣̇д̣̇ияаа ваа нийлияаа ваа ман̃ж̇идтааяа 1 ваа субаримадтз палагз ваа бхид̇д̇ияаа ваа д̣̇уссабаддз ваа ид̇т̇ируубам̣ ваа бурисаруубам̣ ваа абхинимминзяяа саб̣б̣ан̇г̇абажжан̇г̇им̣; звамзва ко, бхигкавз, ассуд̇аваа бут̇уж̇ж̇ано руубан̃н̃зва абхиниб̣б̣ад̇д̇знд̇о абхиниб̣б̣ад̇д̇зд̇и, взд̣̇анан̃н̃зва…бз… сан̃н̃ан̃н̃зва… сан̇каарз язва… вин̃н̃аан̣ан̃н̃зва абхиниб̣б̣ад̇д̇знд̇о абхиниб̣б̣ад̇д̇зд̇и. д̇ам̣ гим̣ ман̃н̃ат̇а, бхигкавз, руубам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘взд̣̇анаа… сан̃н̃аа… сан̇каараа… вин̃н̃аан̣ам̣…бз… ‘‘д̇асмаад̇иха, бхигкавз, звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и. адтамам̣.
‘‘Seyyathāpi , bhikkhave, rajako vā cittakārako vā rajanāya vā lākhāya vā haliddiyā vā nīliyā vā mañjiṭṭhāya 2 vā suparimaṭṭhe phalake vā bhittiyā vā dussapaṭṭe vā itthirūpaṃ vā purisarūpaṃ vā abhinimmineyya sabbaṅgapaccaṅgiṃ; evameva kho, bhikkhave, assutavā puthujjano rūpaññeva abhinibbattento abhinibbatteti, vedanaññeva…pe… saññaññeva… saṅkhāre yeva… viññāṇaññeva abhinibbattento abhinibbatteti. Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Vedanā… saññā… saṅkhārā… viññāṇaṃ…pe… ‘‘tasmātiha, bhikkhave, evaṃ passaṃ…pe… nāparaṃ itthattāyāti pajānātī’’ti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. д̣̇уд̇ияаг̇ад̣̇д̣̇улаб̣ад̣̇д̇хасуд̇д̇аван̣н̣анаа • 8. Dutiyagaddulabaddhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. д̣̇уд̇ияаг̇ад̣̇д̣̇улаб̣ад̣̇д̇хасуд̇д̇аван̣н̣анаа • 8. Dutiyagaddulabaddhasuttavaṇṇanā
