| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. д̣̇уд̇ияаг̇ад̣̇д̣̇улаб̣ад̣̇д̇хасуд̇д̇аван̣н̣анаа
8. Dutiyagaddulabaddhasuttavaṇṇanā
100. д̣̇идтиг̇ад̣̇д̣̇уланиссид̇ааяаад̇и сахаж̇аад̇аад̣̇ибажжаяавасзна д̣̇идтиг̇ад̣̇д̣̇уланиссид̇ааяа ниссааязва бавад̇д̇ад̇и д̇ад̇о ад̇д̇аанам̣ вивзжзд̇ум̣ асаггун̣зяяад̇д̇аа. жид̇д̇асам̣гилзсзнзваад̇и д̣̇асавид̇хагилзсавад̇т̇увасзна жид̇д̇асса сам̣гилидтабхаавзна. арияамаг̇г̇аад̇хиг̇аманзна жид̇д̇асса вод̣̇аанад̇д̇аа вод̣̇ааяанд̇и висуж̇жханд̇и.
100.Diṭṭhigaddulanissitāyāti sahajātādipaccayavasena diṭṭhigaddulanissitāya nissāyeva pavattati tato attānaṃ vivecetuṃ asakkuṇeyyattā. Cittasaṃkilesenevāti dasavidhakilesavatthuvasena cittassa saṃkiliṭṭhabhāvena. Ariyamaggādhigamanena cittassa vodānattā vodāyanti visujjhanti.
вижаран̣ажид̇д̇анд̇и г̇ахзд̇ваа вижаран̣авасзна вижаран̣ажид̇д̇ам̣. сан̇каанаамаад̇и звам̣наамагаа. б̣раахман̣абаасан̣д̣игаад̇и ж̇аад̇ияаа б̣раахман̣аа, чаннавуд̇ияаа баасан̣д̣зсу д̇ам̣ сан̇каасан̃н̃ид̇ам̣ баасан̣д̣ам̣ баг̇г̇аяха вижаран̣агаа. бадагодтаганд̇и д̣̇уссаабан̣агам̣. д̣̇ассзнд̇аад̇и яат̇ааг̇ад̇игаммавибаагажид̇д̇ад̇ам̣ д̣̇ассзнд̇аа . д̇ам̣ жид̇д̇анд̇и д̇ам̣ бадагодтагажид̇д̇ам̣ г̇ахзд̇ваа вижаранд̇и. жинд̇зд̇ваа гад̇ад̇д̇аад̇и ‘‘имасса руубасса звам̣ хад̇т̇абаад̣̇аа, звам̣ мукам̣ ликид̇аб̣б̣ам̣, звам̣ аагааравад̇т̇аг̇г̇ахан̣аани, звам̣ гирияаависзсаа, звам̣ гирияаавибхааг̇ам̣, сад̇д̇ависзсаанам̣ вибхааг̇ам̣ гаад̇аб̣б̣а’’нд̇и д̇асса уб̣б̣ад̇д̇анакибанабавад̇д̇анаад̣̇ибаяож̇анан̃жаад̇и саб̣б̣амзд̇ам̣ д̇ат̇аа жинд̇зд̇ваа гад̇ад̇д̇аа жид̇д̇зна манасаа жинд̇ид̇ам̣ наама. убааяабариязсанажид̇д̇анд̇и ‘‘хад̇т̇абаад̣̇аа звам̣ ликид̇аб̣б̣аа’’д̇иаад̣̇инаа яат̇аавуд̇д̇аубааяасса жзва буб̣б̣з бавад̇д̇асса бхуумибаригаммаван̣н̣ад̇хаад̇усаммааяож̇анубааяасса жа васзна бавад̇д̇ам̣ жид̇д̇ам̣. д̇ад̇оби жид̇д̇ад̇аранд̇и д̇ад̇о жид̇д̇агаммад̇оби жид̇д̇ад̇арам̣ жид̇д̇агаарзна жинд̇ид̇аббагаараанам̣ саб̣б̣зсам̣язва жид̇д̇агаммз анибпаж̇ж̇анад̇о. гаммажид̇д̇знаад̇и гаммавин̃н̃аан̣зна. гаммажид̇д̇знаад̇и ваа гаммасса жид̇д̇абхаавзна. со гаммасса вижид̇д̇абхааво д̇ан̣хаавасзна ж̇ааяад̇ийд̇и взд̣̇ид̇аб̣б̣о. свааяамад̇т̇о адтасаалинийдийгааяам̣ вибхаавид̇о. звам̣ жид̇д̇аад̇и звам̣ жид̇д̇аруубависзсаа. яоним̣ убанзд̇ийд̇и д̇ам̣ д̇ам̣ ан̣д̣аж̇аад̣̇ибхзд̣̇ам̣ яонивисзсам̣ баабзд̇и ван̣н̣ависзсо вияа палигаман̣игам̣. на хи висзсаа хид̇авижид̇д̇асаамад̇т̇ияагаммам̣ яоним̣ убанзд̇и, д̇асса д̇асса вибаагуббад̇д̇ияаа бажжаяо ход̇и. яонимуулаго д̇зсам̣ жид̇д̇абхаавод̇и яам̣ яам̣ яоним̣ гаммам̣ сад̇д̇з убанзд̇и, д̇ам̣д̇ам̣яонимуулаго д̇зсам̣ сад̇д̇аанам̣ жид̇д̇авижид̇д̇абхааво. д̇знааха ‘‘яониубаг̇ад̇аа’’д̇иаад̣̇и. сад̣̇исажид̇д̇аава сад̣̇исажид̇д̇абхааваа зва. ид̇ийд̇иаад̣̇и вуд̇д̇ассзва ад̇т̇асса уббадибаадияаа ниг̇аманам̣.
Vicaraṇacittanti gahetvā vicaraṇavasena vicaraṇacittaṃ. Saṅkhānāmāti evaṃnāmakā. Brāhmaṇapāsaṇḍikāti jātiyā brāhmaṇā, channavutiyā pāsaṇḍesu taṃ saṅkhāsaññitaṃ pāsaṇḍaṃ paggayha vicaraṇakā. Paṭakoṭṭhakanti dussāpaṇakaṃ. Dassentāti yathāgatikammavipākacittataṃ dassentā . Taṃ cittanti taṃ paṭakoṭṭhakacittaṃ gahetvā vicaranti. Cintetvā katattāti ‘‘imassa rūpassa evaṃ hatthapādā, evaṃ mukhaṃ likhitabbaṃ, evaṃ ākāravatthaggahaṇāni, evaṃ kiriyāvisesā, evaṃ kiriyāvibhāgaṃ, sattavisesānaṃ vibhāgaṃ kātabba’’nti tassa ubbattanakhipanapavattanādipayojanañcāti sabbametaṃ tathā cintetvā katattā cittena manasā cintitaṃ nāma. Upāyapariyesanacittanti ‘‘hatthapādā evaṃ likhitabbā’’tiādinā yathāvuttaupāyassa ceva pubbe pavattassa bhūmiparikammavaṇṇadhātusammāyojanupāyassa ca vasena pavattaṃ cittaṃ. Tatopi cittataranti tato cittakammatopi cittataraṃ cittakārena cintitappakārānaṃ sabbesaṃyeva cittakamme anipphajjanato. Kammacittenāti kammaviññāṇena. Kammacittenāti vā kammassa cittabhāvena. So kammassa vicittabhāvo taṇhāvasena jāyatīti veditabbo. Svāyamattho aṭṭhasālinīṭīkāyaṃ vibhāvito. Evaṃ cittāti evaṃ cittarūpavisesā. Yoniṃ upanetīti taṃ taṃ aṇḍajādibhedaṃ yonivisesaṃ pāpeti vaṇṇaviseso viya phalikamaṇikaṃ. Na hi visesā hitavicittasāmatthiyakammaṃ yoniṃ upaneti, tassa tassa vipākuppattiyā paccayo hoti. Yonimūlako tesaṃ cittabhāvoti yaṃ yaṃ yoniṃ kammaṃ satte upaneti, taṃtaṃyonimūlako tesaṃ sattānaṃ cittavicittabhāvo. Tenāha ‘‘yoniupagatā’’tiādi. Sadisacittāva sadisacittabhāvā eva. Itītiādi vuttasseva atthassa uppaṭipāṭiyā nigamanaṃ.
д̇иражчаанаг̇ад̇ажид̇д̇абхаавад̇о жид̇д̇ассзва сависзсам̣ жид̇д̇абхаавагаран̣ам̣ д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣. д̇ад̇т̇а жид̇д̇ам̣ наамзд̇ам̣ жид̇д̇ад̇арамзва взд̣̇ид̇аб̣б̣анд̇и самб̣анд̇хо. сахаж̇аад̇ад̇хаммажид̇д̇ад̇ааяаад̇и рааг̇аад̣̇исад̣̇д̇хаад̣̇ид̇хаммавижид̇д̇абхаавзна. бхуумижид̇д̇ад̇ааяаад̇и ад̇хидтаанажид̇д̇ад̇ааяа. гамманаанад̇д̇ам̣ муулам̣ гааран̣ам̣ зд̇зсанд̇и гамманаанад̇д̇амуулагаа, д̇зсам̣. лин̇г̇анаанад̇д̇ам̣ ид̇т̇илин̇г̇аад̣̇инаанад̇д̇авасзна жзва д̇ам̣д̇ам̣сан̣таананаанад̇д̇авасзна жа взд̣̇ид̇аб̣б̣ам̣. сан̃н̃аанаанад̇д̇ам̣ ид̇т̇ибурисад̣̇звамануссаад̣̇исан̃н̃аанаанад̇д̇авасзна . вохааранаанад̇д̇ам̣ д̇иссод̇иаад̣̇ивохааранаанад̇д̇авасзна. жид̇д̇аанам̣ вижид̇д̇аанам̣. д̇ам̣д̇ам̣вохааранаанад̇д̇амби жид̇д̇знзва бан̃н̃абийяад̇и. ран̇г̇аж̇аад̇аруубасамудтаабанаад̣̇инаа вад̇т̇ам̣ ран̃ж̇аяад̇ийд̇и раж̇аго, ван̣н̣агааро. бут̇уж̇ж̇анасса ад̇д̇абхаавасан̃н̃ид̇аруубасамудтаабанад̇аа нияад̇аа зганд̇игаад̇и бут̇уж̇ж̇анаг̇г̇ахан̣ам̣. ‘‘абхируубам̣ руубам̣ самудтаабзд̇ий’’д̇и аанзд̇ваа самб̣анд̇хо.
Tiracchānagatacittabhāvato cittasseva savisesaṃ cittabhāvakaraṇaṃ dassetuṃ ‘‘apicā’’tiādi vuttaṃ. Tattha cittaṃ nāmetaṃ cittatarameva veditabbanti sambandho. Sahajātadhammacittatāyāti rāgādisaddhādidhammavicittabhāvena. Bhūmicittatāyāti adhiṭṭhānacittatāya. Kammanānattaṃ mūlaṃ kāraṇaṃ etesanti kammanānattamūlakā, tesaṃ. Liṅganānattaṃ itthiliṅgādinānattavasena ceva taṃtaṃsaṇṭhānanānattavasena ca veditabbaṃ. Saññānānattaṃ itthipurisadevamanussādisaññānānattavasena . Vohāranānattaṃ tissotiādivohāranānattavasena. Cittānaṃ vicittānaṃ. Taṃtaṃvohāranānattampi citteneva paññapīyati. Raṅgajātarūpasamuṭṭhāpanādinā vatthaṃ rañjayatīti rajako, vaṇṇakāro. Puthujjanassa attabhāvasaññitarūpasamuṭṭhāpanatā niyatā ekantikāti puthujjanaggahaṇaṃ. ‘‘Abhirūpaṃ rūpaṃ samuṭṭhāpetī’’ti ānetvā sambandho.
д̣̇уд̇ияаг̇ад̣̇д̣̇улаб̣ад̣̇д̇хасуд̇д̇аван̣н̣анаа нидтид̇аа.
Dutiyagaddulabaddhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. д̣̇уд̇ияаг̇ад̣̇д̣̇улаб̣ад̣̇д̇хасуд̇д̇ам̣ • 8. Dutiyagaddulabaddhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. д̣̇уд̇ияаг̇ад̣̇д̣̇улаб̣ад̣̇д̇хасуд̇д̇аван̣н̣анаа • 8. Dutiyagaddulabaddhasuttavaṇṇanā
