Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā)

២. ទុតិយគមនាទិវគ្គវណ្ណនា

2. Dutiyagamanādivaggavaṇṇanā

២២៤-៣០១. ទុក្ខវសេន វុត្តន្តិ ‘‘ឥតិ ខោ, ភិក្ខវេ, ទុក្ខេ សតិ ទុក្ខំ ឧបាទាយា’’តិអាទិទុក្ខវសេន វុត្តំ។ តាទិសមេវ ទុតិយំ វេយ្យាករណគមនំ។ តេនាហ ‘‘តត្រាបិ អដ្ឋារសេវ វេយ្យាករណានី’’តិ។ តេហីតិ ‘‘រូបី អត្តា ហោតី’’តិអាទិនយបវត្តេហិ វេយ្យាករណេហិ សទ្ធិំ។ តន្តិ ទុតិយំ គមនំ។

224-301.Dukkhavasenavuttanti ‘‘iti kho, bhikkhave, dukkhe sati dukkhaṃ upādāyā’’tiādidukkhavasena vuttaṃ. Tādisameva dutiyaṃ veyyākaraṇagamanaṃ. Tenāha ‘‘tatrāpi aṭṭhāraseva veyyākaraṇānī’’ti. Tehīti ‘‘rūpī attā hotī’’tiādinayapavattehi veyyākaraṇehi saddhiṃ. Tanti dutiyaṃ gamanaṃ.

អារម្មណមេវាតិ កសិណសង្ខាតំ អារម្មណមេវ។ តក្កិសទ្ទេន សុទ្ធតក្កិកានំ គហណំ ទដ្ឋព្ពំ។

Ārammaṇamevāti kasiṇasaṅkhātaṃ ārammaṇameva. Takkisaddena suddhatakkikānaṃ gahaṇaṃ daṭṭhabbaṃ.

អនិច្ចទុក្ខវសេនាតិ ‘‘យទនិច្ចំ, តំ ទុក្ខំ, តស្មិំ សតិ តទុបាទាយ ឯវំ ទិដ្ឋិ ឧប្បជ្ជតី’’តិ វុត្តអនិច្ចទុក្ខវសេនាតិ។ តេហិយេវាតិ ទុតិយេ បេយ្យាលេ វុត្តប្បការេហិយេវ។ តិបរិវដ្ដវសេនាតិ តេហិយេវ ឆព្ពីសតិយា សុត្តេហិ ចតុត្ថបេយ្យាលេ តិបរិវដ្ដវសេន វុត្តោតិ យោជនា។

Aniccadukkhavasenāti ‘‘yadaniccaṃ, taṃ dukkhaṃ, tasmiṃ sati tadupādāya evaṃ diṭṭhi uppajjatī’’ti vuttaaniccadukkhavasenāti. Tehiyevāti dutiye peyyāle vuttappakārehiyeva. Tiparivaṭṭavasenāti tehiyeva chabbīsatiyā suttehi catutthapeyyāle tiparivaṭṭavasena vuttoti yojanā.

ទុតិយគមនាទិវគ្គវណ្ណនា និដ្ឋិតា។

Dutiyagamanādivaggavaṇṇanā niṭṭhitā.

សារត្ថប្បកាសិនិយា សំយុត្តនិកាយ-អដ្ឋកថាយ

Sāratthappakāsiniyā saṃyuttanikāya-aṭṭhakathāya

ទិដ្ឋិសំយុត្តវណ្ណនាយ លីនត្ថប្បកាសនា សមត្តា។

Diṭṭhisaṃyuttavaṇṇanāya līnatthappakāsanā samattā.

Next: ៤. ឱក្កន្តសំយុត្តំ • 4. Okkantasaṃyuttaṃ

អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ២. ទុតិយគមនាទិវគ្គវណ្ណនា • 2. Dutiyagamanādivaggavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact