Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā)

੨. ਦੁਤਿਯਗਮਨਾਦਿવਗ੍ਗવਣ੍ਣਨਾ

2. Dutiyagamanādivaggavaṇṇanā

੨੨੪-੩੦੧. ਦੁਕ੍ਖવਸੇਨ વੁਤ੍ਤਨ੍ਤਿ ‘‘ਇਤਿ ਖੋ, ਭਿਕ੍ਖવੇ, ਦੁਕ੍ਖੇ ਸਤਿ ਦੁਕ੍ਖਂ ਉਪਾਦਾਯਾ’’ਤਿਆਦਿਦੁਕ੍ਖવਸੇਨ વੁਤ੍ਤਂ। ਤਾਦਿਸਮੇવ ਦੁਤਿਯਂ વੇਯ੍ਯਾਕਰਣਗਮਨਂ। ਤੇਨਾਹ ‘‘ਤਤ੍ਰਾਪਿ ਅਟ੍ਠਾਰਸੇવ વੇਯ੍ਯਾਕਰਣਾਨੀ’’ਤਿ। ਤੇਹੀਤਿ ‘‘ਰੂਪੀ ਅਤ੍ਤਾ ਹੋਤੀ’’ਤਿਆਦਿਨਯਪવਤ੍ਤੇਹਿ વੇਯ੍ਯਾਕਰਣੇਹਿ ਸਦ੍ਧਿਂ। ਤਨ੍ਤਿ ਦੁਤਿਯਂ ਗਮਨਂ।

224-301.Dukkhavasenavuttanti ‘‘iti kho, bhikkhave, dukkhe sati dukkhaṃ upādāyā’’tiādidukkhavasena vuttaṃ. Tādisameva dutiyaṃ veyyākaraṇagamanaṃ. Tenāha ‘‘tatrāpi aṭṭhāraseva veyyākaraṇānī’’ti. Tehīti ‘‘rūpī attā hotī’’tiādinayapavattehi veyyākaraṇehi saddhiṃ. Tanti dutiyaṃ gamanaṃ.

ਆਰਮ੍ਮਣਮੇવਾਤਿ ਕਸਿਣਸਙ੍ਖਾਤਂ ਆਰਮ੍ਮਣਮੇવ। ਤਕ੍ਕਿਸਦ੍ਦੇਨ ਸੁਦ੍ਧਤਕ੍ਕਿਕਾਨਂ ਗਹਣਂ ਦਟ੍ਠਬ੍ਬਂ।

Ārammaṇamevāti kasiṇasaṅkhātaṃ ārammaṇameva. Takkisaddena suddhatakkikānaṃ gahaṇaṃ daṭṭhabbaṃ.

ਅਨਿਚ੍ਚਦੁਕ੍ਖવਸੇਨਾਤਿ ‘‘ਯਦਨਿਚ੍ਚਂ, ਤਂ ਦੁਕ੍ਖਂ, ਤਸ੍ਮਿਂ ਸਤਿ ਤਦੁਪਾਦਾਯ ਏવਂ ਦਿਟ੍ਠਿ ਉਪ੍ਪਜ੍ਜਤੀ’’ਤਿ વੁਤ੍ਤਅਨਿਚ੍ਚਦੁਕ੍ਖવਸੇਨਾਤਿ। ਤੇਹਿਯੇવਾਤਿ ਦੁਤਿਯੇ ਪੇਯ੍ਯਾਲੇ વੁਤ੍ਤਪ੍ਪਕਾਰੇਹਿਯੇવ। ਤਿਪਰਿવਟ੍ਟવਸੇਨਾਤਿ ਤੇਹਿਯੇવ ਛਬ੍ਬੀਸਤਿਯਾ ਸੁਤ੍ਤੇਹਿ ਚਤੁਤ੍ਥਪੇਯ੍ਯਾਲੇ ਤਿਪਰਿવਟ੍ਟવਸੇਨ વੁਤ੍ਤੋਤਿ ਯੋਜਨਾ।

Aniccadukkhavasenāti ‘‘yadaniccaṃ, taṃ dukkhaṃ, tasmiṃ sati tadupādāya evaṃ diṭṭhi uppajjatī’’ti vuttaaniccadukkhavasenāti. Tehiyevāti dutiye peyyāle vuttappakārehiyeva. Tiparivaṭṭavasenāti tehiyeva chabbīsatiyā suttehi catutthapeyyāle tiparivaṭṭavasena vuttoti yojanā.

ਦੁਤਿਯਗਮਨਾਦਿવਗ੍ਗવਣ੍ਣਨਾ ਨਿਟ੍ਠਿਤਾ।

Dutiyagamanādivaggavaṇṇanā niṭṭhitā.

ਸਾਰਤ੍ਥਪ੍ਪਕਾਸਿਨਿਯਾ ਸਂਯੁਤ੍ਤਨਿਕਾਯ-ਅਟ੍ਠਕਥਾਯ

Sāratthappakāsiniyā saṃyuttanikāya-aṭṭhakathāya

ਦਿਟ੍ਠਿਸਂਯੁਤ੍ਤવਣ੍ਣਨਾਯ ਲੀਨਤ੍ਥਪ੍ਪਕਾਸਨਾ ਸਮਤ੍ਤਾ।

Diṭṭhisaṃyuttavaṇṇanāya līnatthappakāsanā samattā.

Next: ੪. ਓਕ੍ਕਨ੍ਤਸਂਯੁਤ੍ਤਂ • 4. Okkantasaṃyuttaṃ

ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਦੁਤਿਯਗਮਨਾਦਿવਗ੍ਗવਣ੍ਣਨਾ • 2. Dutiyagamanādivaggavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact