| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. д̣̇уд̇ияаг̇илаанасуд̇д̇ам̣
2. Dutiyagilānasuttaṃ
75. ат̇а ко ан̃н̃ад̇аро бхигку…бз… бхаг̇аванд̇ам̣ зд̇ад̣̇авожа – ‘‘амугасмим̣, бханд̇з, вихаарз ан̃н̃ад̇аро бхигку наво аббан̃н̃аад̇о ааб̣аад̇хиго д̣̇угкид̇о б̣аал̣хаг̇илаано. саад̇ху, бханд̇з, бхаг̇аваа язна со бхигку д̇знубасан̇гамад̇у анугамбам̣ убаад̣̇ааяаа’’д̇и.
75. Atha kho aññataro bhikkhu…pe… bhagavantaṃ etadavoca – ‘‘amukasmiṃ, bhante, vihāre aññataro bhikkhu navo appaññāto ābādhiko dukkhito bāḷhagilāno. Sādhu, bhante, bhagavā yena so bhikkhu tenupasaṅkamatu anukampaṃ upādāyā’’ti.
ат̇а ко бхаг̇аваа нававаад̣̇ан̃жа суд̇ваа г̇илаанаваад̣̇ан̃жа, ‘‘аббан̃н̃аад̇о бхигкуу’’д̇и ид̇и вид̣̇ид̇ваа язна со бхигку д̇знубасан̇гами. ад̣̇д̣̇асаа ко со бхигку бхаг̇аванд̇ам̣ д̣̇уурад̇ова ааг̇ажчанд̇ам̣. д̣̇исваана ман̃жагз самад̇хоси. ат̇а ко бхаг̇аваа д̇ам̣ бхигкум̣ зд̇ад̣̇авожа – ‘‘алам̣, бхигку, маа д̇вам̣ ман̃жагз самад̇хоси. санд̇имаани аасанаани бан̃н̃ад̇д̇аани, д̇ад̇т̇аахам̣ нисийд̣̇иссаамий’’д̇и. нисийд̣̇и бхаг̇аваа бан̃н̃ад̇д̇з аасанз. нисаж̇ж̇а ко бхаг̇аваа д̇ам̣ бхигкум̣ зд̇ад̣̇авожа – ‘‘гажжи д̇з, бхигку, каманийяам̣, гажжи яаабанийяам̣, гажжи д̣̇угкаа взд̣̇анаа бадиггаманд̇и но абхиггаманд̇и, бадиггамосаанам̣ бан̃н̃ааяад̇и но абхиггамо’’д̇и?
Atha kho bhagavā navavādañca sutvā gilānavādañca, ‘‘appaññāto bhikkhū’’ti iti viditvā yena so bhikkhu tenupasaṅkami. Addasā kho so bhikkhu bhagavantaṃ dūratova āgacchantaṃ. Disvāna mañcake samadhosi. Atha kho bhagavā taṃ bhikkhuṃ etadavoca – ‘‘alaṃ, bhikkhu, mā tvaṃ mañcake samadhosi. Santimāni āsanāni paññattāni, tatthāhaṃ nisīdissāmī’’ti. Nisīdi bhagavā paññatte āsane. Nisajja kho bhagavā taṃ bhikkhuṃ etadavoca – ‘‘kacci te, bhikkhu, khamanīyaṃ, kacci yāpanīyaṃ, kacci dukkhā vedanā paṭikkamanti no abhikkamanti, paṭikkamosānaṃ paññāyati no abhikkamo’’ti?
‘‘на мз, бханд̇з, каманийяам̣, на яаабанийяам̣…бз… на ко мам̣ 1, бханд̇з, ад̇д̇аа сийлад̇о убавад̣̇ад̇ий’’д̇и.
‘‘Na me, bhante, khamanīyaṃ, na yāpanīyaṃ…pe… na kho maṃ 2, bhante, attā sīlato upavadatī’’ti.
‘‘но жз гира д̇з, бхигку, ад̇д̇аа сийлад̇о убавад̣̇ад̇и, ат̇а гин̃жа д̇з гуггужжам̣ го жа виббадисааро’’д̇и?
‘‘No ce kira te, bhikkhu, attā sīlato upavadati, atha kiñca te kukkuccaṃ ko ca vippaṭisāro’’ti?
‘‘на кваахам̣, бханд̇з, сийлависуд̣̇д̇хад̇т̇ам̣ бхаг̇авад̇аа д̇хаммам̣ д̣̇зсид̇ам̣ ааж̇аанаамий’’д̇и.
‘‘Na khvāhaṃ, bhante, sīlavisuddhatthaṃ bhagavatā dhammaṃ desitaṃ ājānāmī’’ti.
‘‘но жз гира д̇вам̣, бхигку, сийлависуд̣̇д̇хад̇т̇ам̣ маяаа д̇хаммам̣ д̣̇зсид̇ам̣ ааж̇аанааси, ат̇а гимад̇т̇ам̣ жарахи д̇вам̣, бхигку, маяаа д̇хаммам̣ д̣̇зсид̇ам̣ ааж̇аанаасий’’д̇и?
‘‘No ce kira tvaṃ, bhikkhu, sīlavisuddhatthaṃ mayā dhammaṃ desitaṃ ājānāsi, atha kimatthaṃ carahi tvaṃ, bhikkhu, mayā dhammaṃ desitaṃ ājānāsī’’ti?
‘‘анубаад̣̇аабариниб̣б̣аанад̇т̇ам̣ кваахам̣, бханд̇з, бхаг̇авад̇аа д̇хаммам̣ д̣̇зсид̇ам̣ ааж̇аанаамий’’д̇и.
‘‘Anupādāparinibbānatthaṃ khvāhaṃ, bhante, bhagavatā dhammaṃ desitaṃ ājānāmī’’ti.
‘‘саад̇ху саад̇ху, бхигку! саад̇ху ко д̇вам̣, бхигку, анубаад̣̇аабариниб̣б̣аанад̇т̇ам̣ маяаа д̇хаммам̣ д̣̇зсид̇ам̣ ааж̇аанааси. анубаад̣̇аабариниб̣б̣аанад̇т̇о хи, бхигку, маяаа д̇хаммо д̣̇зсид̇о.
‘‘Sādhu sādhu, bhikkhu! Sādhu kho tvaṃ, bhikkhu, anupādāparinibbānatthaṃ mayā dhammaṃ desitaṃ ājānāsi. Anupādāparinibbānattho hi, bhikkhu, mayā dhammo desito.
‘‘д̇ам̣ гим̣ ман̃н̃аси, бхигку, жагку нижжам̣ ваа анижжам̣ ваа’’д̇и?
‘‘Taṃ kiṃ maññasi, bhikkhu, cakkhu niccaṃ vā aniccaṃ vā’’ti?
‘‘анижжам̣ , бханд̇з’’.
‘‘Aniccaṃ , bhante’’.
‘‘яам̣…бз… сод̇ам̣… гхаанам̣… ж̇ивхаа… гааяо… мано… мановин̃н̃аан̣ам̣… маносампассо… яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби нижжам̣ ваа анижжам̣ ваа’’д̇и?
‘‘Yaṃ…pe… sotaṃ… ghānaṃ… jivhā… kāyo… mano… manoviññāṇaṃ… manosamphasso… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi niccaṃ vā aniccaṃ vā’’ti?
‘‘анижжам̣, бханд̇з’’.
‘‘Aniccaṃ, bhante’’.
‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и?
‘‘Yaṃ panāniccaṃ dukkhaṃ vā taṃ sukhaṃ vā’’ti?
‘‘д̣̇угкам̣, бханд̇з’’.
‘‘Dukkhaṃ, bhante’’.
‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и?
‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘звам̣ бассам̣, бхигку, суд̇аваа арияасааваго жагкусмимби ниб̣б̣инд̣̇ад̇и…бз… манасмимби… мановин̃н̃аан̣зби… маносампассзби ниб̣б̣инд̣̇ад̇и. яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇асмимби ниб̣б̣инд̣̇ад̇и. ниб̣б̣инд̣̇ам̣ вираж̇ж̇ад̇и; вирааг̇аа вимужжад̇и; вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇ий’’д̇и.
‘‘Evaṃ passaṃ, bhikkhu, sutavā ariyasāvako cakkhusmimpi nibbindati…pe… manasmimpi… manoviññāṇepi… manosamphassepi nibbindati. Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tasmimpi nibbindati. Nibbindaṃ virajjati; virāgā vimuccati; vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti.
ид̣̇амавожа бхаг̇аваа. ад̇д̇амано со бхигку бхаг̇авад̇о бхаасид̇ам̣ абхинанд̣̇и. имасмин̃жа бана взяяаагаран̣асмим̣ бхан̃н̃амаанз д̇асса бхигкусса анубаад̣̇ааяа аасавзхи жид̇д̇ам̣ вимужжийд̇и 3. д̣̇уд̇ияам̣.
Idamavoca bhagavā. Attamano so bhikkhu bhagavato bhāsitaṃ abhinandi. Imasmiñca pana veyyākaraṇasmiṃ bhaññamāne tassa bhikkhussa anupādāya āsavehi cittaṃ vimuccīti 4. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-5. батамаг̇илаанасуд̇д̇аад̣̇иван̣н̣анаа • 1-5. Paṭhamagilānasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-5. батамаг̇илаанасуд̇д̇аад̣̇иван̣н̣анаа • 1-5. Paṭhamagilānasuttādivaṇṇanā
