| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. து³தியகி³ஞ்ஜகாவஸத²ஸுத்தங்
9. Dutiyagiñjakāvasathasuttaṃ
1005. ஏகமந்தங் நிஸின்னோ கோ² ஆயஸ்மா ஆனந்தோ³ ப⁴க³வந்தங் ஏதத³வோச – ‘‘அஸோகோ நாம, ப⁴ந்தே, பி⁴க்கு² காலங்கதோ; தஸ்ஸ கா க³தி, கோ அபி⁴ஸம்பராயோ? அஸோகா நாம, ப⁴ந்தே, பி⁴க்கு²னீ காலங்கதா…பே॰… அஸோகோ நாம, ப⁴ந்தே, உபாஸகோ காலங்கதோ…பே॰… அஸோகா நாம, ப⁴ந்தே, உபாஸிகா காலங்கதா; தஸ்ஸா கா க³தி, கோ அபி⁴ஸம்பராயோ’’தி?
1005. Ekamantaṃ nisinno kho āyasmā ānando bhagavantaṃ etadavoca – ‘‘asoko nāma, bhante, bhikkhu kālaṅkato; tassa kā gati, ko abhisamparāyo? Asokā nāma, bhante, bhikkhunī kālaṅkatā…pe… asoko nāma, bhante, upāsako kālaṅkato…pe… asokā nāma, bhante, upāsikā kālaṅkatā; tassā kā gati, ko abhisamparāyo’’ti?
‘‘அஸோகோ, ஆனந்த³, பி⁴க்கு² காலங்கதோ ஆஸவானங் க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹாஸி…பே॰… (புரிமவெய்யாகரணேன ஏகனிதா³னங்).
‘‘Asoko, ānanda, bhikkhu kālaṅkato āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja vihāsi…pe… (purimaveyyākaraṇena ekanidānaṃ).
‘‘அயங் கோ² ஸோ, ஆனந்த³, த⁴ம்மாதா³ஸோ த⁴ம்மபரியாயோ; யேன ஸமன்னாக³தோ அரியஸாவகோ ஆகங்க²மானோ அத்தனாவ அத்தானங் ப்³யாகரெய்ய – ‘கீ²ணனிரயொம்ஹி கீ²ணதிரச்சா²னயோனி கீ²ணபெத்திவிஸயோ கீ²ணாபாயது³க்³க³திவினிபாதோ, ஸோதாபன்னோஹமஸ்மி அவினிபாதத⁴ம்மோ நியதோ ஸம்போ³தி⁴பராயணோ’’’தி. நவமங்.
‘‘Ayaṃ kho so, ānanda, dhammādāso dhammapariyāyo; yena samannāgato ariyasāvako ākaṅkhamāno attanāva attānaṃ byākareyya – ‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto, sotāpannohamasmi avinipātadhammo niyato sambodhiparāyaṇo’’’ti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 8-9. பட²மகி³ஞ்ஜகாவஸத²ஸுத்தாதி³வண்ணனா • 8-9. Paṭhamagiñjakāvasathasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8-9. பட²மகி³ஞ்ஜகாவஸத²ஸுத்தாதி³வண்ணனா • 8-9. Paṭhamagiñjakāvasathasuttādivaṇṇanā
