| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
9. දුතියගිඤ්‌ජකාවසථසුත්‌තං
9. Dutiyagiñjakāvasathasuttaṃ
1005. එකමන්‌තං නිසින්‌නො ඛො ආයස්‌මා ආනන්‌දො භගවන්‌තං එතදවොච – ‘‘අසොකො නාම, භන්‌තෙ, භික්‌ඛු කාලඞ්‌කතො; තස්‌ස කා ගති, කො අභිසම්‌පරායො? අසොකා නාම, භන්‌තෙ, භික්‌ඛුනී කාලඞ්‌කතා…පෙ.… අසොකො නාම, භන්‌තෙ, උපාසකො කාලඞ්‌කතො…පෙ.… අසොකා නාම, භන්‌තෙ, උපාසිකා කාලඞ්‌කතා; තස්‌සා කා ගති, කො අභිසම්‌පරායො’’ති?
1005. Ekamantaṃ nisinno kho āyasmā ānando bhagavantaṃ etadavoca – ‘‘asoko nāma, bhante, bhikkhu kālaṅkato; tassa kā gati, ko abhisamparāyo? Asokā nāma, bhante, bhikkhunī kālaṅkatā…pe… asoko nāma, bhante, upāsako kālaṅkato…pe… asokā nāma, bhante, upāsikā kālaṅkatā; tassā kā gati, ko abhisamparāyo’’ti?
‘‘අසොකො, ආනන්‌ද, භික්‌ඛු කාලඞ්‌කතො ආසවානං ඛයා අනාසවං චෙතොවිමුත්‌තිං පඤ්‌ඤාවිමුත්‌තිං දිට්‌ඨෙව ධම්‌මෙ සයං අභිඤ්‌ඤා සච්‌ඡිකත්‌වා උපසම්‌පජ්‌ජ විහාසි…පෙ.… (පුරිමවෙය්‍යාකරණෙන එකනිදානං).
‘‘Asoko, ānanda, bhikkhu kālaṅkato āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja vihāsi…pe… (purimaveyyākaraṇena ekanidānaṃ).
‘‘අයං ඛො සො, ආනන්‌ද, ධම්‌මාදාසො ධම්‌මපරියායො; යෙන සමන්‌නාගතො අරියසාවකො ආකඞ්‌ඛමානො අත්‌තනාව අත්‌තානං බ්‍යාකරෙය්‍ය – ‘ඛීණනිරයොම්‌හි ඛීණතිරච්‌ඡානයොනි ඛීණපෙත්‌තිවිසයො ඛීණාපායදුග්‌ගතිවිනිපාතො, සොතාපන්‌නොහමස්‌මි අවිනිපාතධම්‌මො නියතො සම්‌බොධිපරායණො’’’ති. නවමං.
‘‘Ayaṃ kho so, ānanda, dhammādāso dhammapariyāyo; yena samannāgato ariyasāvako ākaṅkhamāno attanāva attānaṃ byākareyya – ‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto, sotāpannohamasmi avinipātadhammo niyato sambodhiparāyaṇo’’’ti. Navamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 8-9. පඨමගිඤ්‌ජකාවසථසුත්‌තාදිවණ්‌ණනා • 8-9. Paṭhamagiñjakāvasathasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 8-9. පඨමගිඤ්‌ජකාවසථසුත්‌තාදිවණ්‌ණනා • 8-9. Paṭhamagiñjakāvasathasuttādivaṇṇanā
