| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. д̣̇уд̇ияахад̇т̇агасуд̇д̇ам̣
4. Dutiyahatthakasuttaṃ
24. згам̣ самаяам̣ бхаг̇аваа аал̣авияам̣ вихарад̇и аг̇г̇аал̣авз жзд̇ияз. ат̇а ко хад̇т̇аго аал̣аваго бан̃жамад̇д̇зхи убаасагасад̇зхи баривуд̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко хад̇т̇агам̣ аал̣авагам̣ бхаг̇аваа зд̇ад̣̇авожа – ‘‘махад̇ий ко д̇яааяам̣, хад̇т̇ага, барисаа. гат̇ам̣ бана д̇вам̣, хад̇т̇ага, имам̣ махад̇им̣ барисам̣ сан̇г̇ан̣хаасий’’д̇и? ‘‘яаанимаани, бханд̇з, бхаг̇авад̇аа д̣̇зсид̇аани 1 жад̇д̇аари сан̇г̇ахавад̇т̇ууни, д̇зхаахам̣ 2 имам̣ махад̇им̣ барисам̣ сан̇г̇ан̣хаами. ахам̣, бханд̇з, яам̣ ж̇аанаами – ‘аяам̣ д̣̇аанзна сан̇г̇ахзд̇аб̣б̣о’д̇и, д̇ам̣ д̣̇аанзна сан̇г̇ан̣хаами; яам̣ ж̇аанаами – ‘аяам̣ бзяяаваж̇ж̇зна сан̇г̇ахзд̇аб̣б̣о’д̇и, д̇ам̣ бзяяаваж̇ж̇зна сан̇г̇ан̣хаами; яам̣ ж̇аанаами – ‘аяам̣ ад̇т̇ажарияааяа сан̇г̇ахзд̇аб̣б̣о’д̇и, д̇ам̣ ад̇т̇ажарияааяа сан̇г̇ан̣хаами; яам̣ ж̇аанаами – ‘аяам̣ самаанад̇д̇ад̇ааяа сан̇г̇ахзд̇аб̣б̣о’д̇и, д̇ам̣ самаанад̇д̇ад̇ааяа сан̇г̇ан̣хаами. сам̣виж̇ж̇анд̇и ко бана мз, бханд̇з, гулз бхог̇аа. д̣̇алид̣̇д̣̇асса ко но д̇ат̇аа сод̇аб̣б̣ам̣ ман̃н̃анд̇ий’’д̇и. ‘‘саад̇ху саад̇ху, хад̇т̇ага! яони ко д̇яааяам̣, хад̇т̇ага, махад̇им̣ барисам̣ сан̇г̇ахзд̇ум̣. яз хи гзжи, хад̇т̇ага, ад̇ийд̇амад̣̇д̇хаанам̣ махад̇им̣ барисам̣ сан̇г̇ахзсум̣, саб̣б̣з д̇з имзхзва жад̇уухи сан̇г̇ахавад̇т̇уухи махад̇им̣ барисам̣ сан̇г̇ахзсум̣. язби хи гзжи, хад̇т̇ага, анааг̇ад̇амад̣̇д̇хаанам̣ махад̇им̣ барисам̣ сан̇г̇ан̣хиссанд̇и , саб̣б̣з д̇з имзхзва жад̇уухи сан̇г̇ахавад̇т̇уухи махад̇им̣ барисам̣ сан̇г̇ан̣хиссанд̇и. язби хи гзжи, хад̇т̇ага, зд̇арахи махад̇им̣ барисам̣ сан̇г̇ан̣ханд̇и, саб̣б̣з д̇з имзхзва жад̇уухи сан̇г̇ахавад̇т̇уухи махад̇им̣ барисам̣ сан̇г̇ан̣ханд̇ий’’д̇и.
24. Ekaṃ samayaṃ bhagavā āḷaviyaṃ viharati aggāḷave cetiye. Atha kho hatthako āḷavako pañcamattehi upāsakasatehi parivuto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho hatthakaṃ āḷavakaṃ bhagavā etadavoca – ‘‘mahatī kho tyāyaṃ, hatthaka, parisā. Kathaṃ pana tvaṃ, hatthaka, imaṃ mahatiṃ parisaṃ saṅgaṇhāsī’’ti? ‘‘Yānimāni, bhante, bhagavatā desitāni 3 cattāri saṅgahavatthūni, tehāhaṃ 4 imaṃ mahatiṃ parisaṃ saṅgaṇhāmi. Ahaṃ, bhante, yaṃ jānāmi – ‘ayaṃ dānena saṅgahetabbo’ti, taṃ dānena saṅgaṇhāmi; yaṃ jānāmi – ‘ayaṃ peyyavajjena saṅgahetabbo’ti, taṃ peyyavajjena saṅgaṇhāmi; yaṃ jānāmi – ‘ayaṃ atthacariyāya saṅgahetabbo’ti, taṃ atthacariyāya saṅgaṇhāmi; yaṃ jānāmi – ‘ayaṃ samānattatāya saṅgahetabbo’ti, taṃ samānattatāya saṅgaṇhāmi. Saṃvijjanti kho pana me, bhante, kule bhogā. Daliddassa kho no tathā sotabbaṃ maññantī’’ti. ‘‘Sādhu sādhu, hatthaka! Yoni kho tyāyaṃ, hatthaka, mahatiṃ parisaṃ saṅgahetuṃ. Ye hi keci, hatthaka, atītamaddhānaṃ mahatiṃ parisaṃ saṅgahesuṃ, sabbe te imeheva catūhi saṅgahavatthūhi mahatiṃ parisaṃ saṅgahesuṃ. Yepi hi keci, hatthaka, anāgatamaddhānaṃ mahatiṃ parisaṃ saṅgaṇhissanti , sabbe te imeheva catūhi saṅgahavatthūhi mahatiṃ parisaṃ saṅgaṇhissanti. Yepi hi keci, hatthaka, etarahi mahatiṃ parisaṃ saṅgaṇhanti, sabbe te imeheva catūhi saṅgahavatthūhi mahatiṃ parisaṃ saṅgaṇhantī’’ti.
ат̇а ко хад̇т̇аго аал̣аваго бхаг̇авад̇аа д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами . ат̇а ко бхаг̇аваа ажирабагганд̇з хад̇т̇агз аал̣авагз бхигкуу ааманд̇зси – ‘‘адтахи, бхигкавз, ажчариязхи аб̣бхуд̇зхи д̇хаммзхи саманнааг̇ад̇ам̣ хад̇т̇агам̣ аал̣авагам̣ д̇хаарзт̇а. гад̇амзхи адтахи? сад̣̇д̇хо, бхигкавз, хад̇т̇аго аал̣аваго; сийлаваа, бхигкавз…бз… хириймаа… од̇д̇аббий… б̣ахуссуд̇о… жааг̇аваа… бан̃н̃аваа, бхигкавз, хад̇т̇аго аал̣аваго; аббижчо, бхигкавз, хад̇т̇аго аал̣аваго. имзхи ко, бхигкавз, адтахи ажчариязхи аб̣бхуд̇зхи д̇хаммзхи саманнааг̇ад̇ам̣ хад̇т̇агам̣ аал̣авагам̣ д̇хаарзт̇аа’’д̇и. жад̇уд̇т̇ам̣.
Atha kho hatthako āḷavako bhagavatā dhammiyā kathāya sandassito samādapito samuttejito sampahaṃsito uṭṭhāyāsanā bhagavantaṃ abhivādetvā padakkhiṇaṃ katvā pakkāmi . Atha kho bhagavā acirapakkante hatthake āḷavake bhikkhū āmantesi – ‘‘aṭṭhahi, bhikkhave, acchariyehi abbhutehi dhammehi samannāgataṃ hatthakaṃ āḷavakaṃ dhāretha. Katamehi aṭṭhahi? Saddho, bhikkhave, hatthako āḷavako; sīlavā, bhikkhave…pe… hirīmā… ottappī… bahussuto… cāgavā… paññavā, bhikkhave, hatthako āḷavako; appiccho, bhikkhave, hatthako āḷavako. Imehi kho, bhikkhave, aṭṭhahi acchariyehi abbhutehi dhammehi samannāgataṃ hatthakaṃ āḷavakaṃ dhārethā’’ti. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. д̣̇уд̇ияахад̇т̇агасуд̇д̇аван̣н̣анаа • 4. Dutiyahatthakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-7. батамауг̇г̇асуд̇д̇аад̣̇иван̣н̣анаа • 1-7. Paṭhamauggasuttādivaṇṇanā
