Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੪. ਦੁਤਿਯਹਤ੍ਥਕਸੁਤ੍ਤਂ
4. Dutiyahatthakasuttaṃ
੨੪. ਏਕਂ ਸਮਯਂ ਭਗવਾ ਆਲ਼વਿਯਂ વਿਹਰਤਿ ਅਗ੍ਗਾਲ਼વੇ ਚੇਤਿਯੇ। ਅਥ ਖੋ ਹਤ੍ਥਕੋ ਆਲ਼વਕੋ ਪਞ੍ਚਮਤ੍ਤੇਹਿ ਉਪਾਸਕਸਤੇਹਿ ਪਰਿવੁਤੋ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨਂ ਖੋ ਹਤ੍ਥਕਂ ਆਲ਼વਕਂ ਭਗવਾ ਏਤਦવੋਚ – ‘‘ਮਹਤੀ ਖੋ ਤ੍ਯਾਯਂ, ਹਤ੍ਥਕ, ਪਰਿਸਾ। ਕਥਂ ਪਨ ਤ੍વਂ, ਹਤ੍ਥਕ, ਇਮਂ ਮਹਤਿਂ ਪਰਿਸਂ ਸਙ੍ਗਣ੍ਹਾਸੀ’’ਤਿ? ‘‘ਯਾਨਿਮਾਨਿ, ਭਨ੍ਤੇ, ਭਗવਤਾ ਦੇਸਿਤਾਨਿ 1 ਚਤ੍ਤਾਰਿ ਸਙ੍ਗਹવਤ੍ਥੂਨਿ, ਤੇਹਾਹਂ 2 ਇਮਂ ਮਹਤਿਂ ਪਰਿਸਂ ਸਙ੍ਗਣ੍ਹਾਮਿ। ਅਹਂ, ਭਨ੍ਤੇ, ਯਂ ਜਾਨਾਮਿ – ‘ਅਯਂ ਦਾਨੇਨ ਸਙ੍ਗਹੇਤਬ੍ਬੋ’ਤਿ, ਤਂ ਦਾਨੇਨ ਸਙ੍ਗਣ੍ਹਾਮਿ; ਯਂ ਜਾਨਾਮਿ – ‘ਅਯਂ ਪੇਯ੍ਯવਜ੍ਜੇਨ ਸਙ੍ਗਹੇਤਬ੍ਬੋ’ਤਿ, ਤਂ ਪੇਯ੍ਯવਜ੍ਜੇਨ ਸਙ੍ਗਣ੍ਹਾਮਿ; ਯਂ ਜਾਨਾਮਿ – ‘ਅਯਂ ਅਤ੍ਥਚਰਿਯਾਯ ਸਙ੍ਗਹੇਤਬ੍ਬੋ’ਤਿ, ਤਂ ਅਤ੍ਥਚਰਿਯਾਯ ਸਙ੍ਗਣ੍ਹਾਮਿ; ਯਂ ਜਾਨਾਮਿ – ‘ਅਯਂ ਸਮਾਨਤ੍ਤਤਾਯ ਸਙ੍ਗਹੇਤਬ੍ਬੋ’ਤਿ, ਤਂ ਸਮਾਨਤ੍ਤਤਾਯ ਸਙ੍ਗਣ੍ਹਾਮਿ। ਸਂવਿਜ੍ਜਨ੍ਤਿ ਖੋ ਪਨ ਮੇ, ਭਨ੍ਤੇ, ਕੁਲੇ ਭੋਗਾ। ਦਲਿਦ੍ਦਸ੍ਸ ਖੋ ਨੋ ਤਥਾ ਸੋਤਬ੍ਬਂ ਮਞ੍ਞਨ੍ਤੀ’’ਤਿ। ‘‘ਸਾਧੁ ਸਾਧੁ, ਹਤ੍ਥਕ! ਯੋਨਿ ਖੋ ਤ੍ਯਾਯਂ, ਹਤ੍ਥਕ, ਮਹਤਿਂ ਪਰਿਸਂ ਸਙ੍ਗਹੇਤੁਂ। ਯੇ ਹਿ ਕੇਚਿ, ਹਤ੍ਥਕ, ਅਤੀਤਮਦ੍ਧਾਨਂ ਮਹਤਿਂ ਪਰਿਸਂ ਸਙ੍ਗਹੇਸੁਂ, ਸਬ੍ਬੇ ਤੇ ਇਮੇਹੇવ ਚਤੂਹਿ ਸਙ੍ਗਹવਤ੍ਥੂਹਿ ਮਹਤਿਂ ਪਰਿਸਂ ਸਙ੍ਗਹੇਸੁਂ। ਯੇਪਿ ਹਿ ਕੇਚਿ, ਹਤ੍ਥਕ, ਅਨਾਗਤਮਦ੍ਧਾਨਂ ਮਹਤਿਂ ਪਰਿਸਂ ਸਙ੍ਗਣ੍ਹਿਸ੍ਸਨ੍ਤਿ , ਸਬ੍ਬੇ ਤੇ ਇਮੇਹੇવ ਚਤੂਹਿ ਸਙ੍ਗਹવਤ੍ਥੂਹਿ ਮਹਤਿਂ ਪਰਿਸਂ ਸਙ੍ਗਣ੍ਹਿਸ੍ਸਨ੍ਤਿ। ਯੇਪਿ ਹਿ ਕੇਚਿ, ਹਤ੍ਥਕ, ਏਤਰਹਿ ਮਹਤਿਂ ਪਰਿਸਂ ਸਙ੍ਗਣ੍ਹਨ੍ਤਿ, ਸਬ੍ਬੇ ਤੇ ਇਮੇਹੇવ ਚਤੂਹਿ ਸਙ੍ਗਹવਤ੍ਥੂਹਿ ਮਹਤਿਂ ਪਰਿਸਂ ਸਙ੍ਗਣ੍ਹਨ੍ਤੀ’’ਤਿ।
24. Ekaṃ samayaṃ bhagavā āḷaviyaṃ viharati aggāḷave cetiye. Atha kho hatthako āḷavako pañcamattehi upāsakasatehi parivuto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho hatthakaṃ āḷavakaṃ bhagavā etadavoca – ‘‘mahatī kho tyāyaṃ, hatthaka, parisā. Kathaṃ pana tvaṃ, hatthaka, imaṃ mahatiṃ parisaṃ saṅgaṇhāsī’’ti? ‘‘Yānimāni, bhante, bhagavatā desitāni 3 cattāri saṅgahavatthūni, tehāhaṃ 4 imaṃ mahatiṃ parisaṃ saṅgaṇhāmi. Ahaṃ, bhante, yaṃ jānāmi – ‘ayaṃ dānena saṅgahetabbo’ti, taṃ dānena saṅgaṇhāmi; yaṃ jānāmi – ‘ayaṃ peyyavajjena saṅgahetabbo’ti, taṃ peyyavajjena saṅgaṇhāmi; yaṃ jānāmi – ‘ayaṃ atthacariyāya saṅgahetabbo’ti, taṃ atthacariyāya saṅgaṇhāmi; yaṃ jānāmi – ‘ayaṃ samānattatāya saṅgahetabbo’ti, taṃ samānattatāya saṅgaṇhāmi. Saṃvijjanti kho pana me, bhante, kule bhogā. Daliddassa kho no tathā sotabbaṃ maññantī’’ti. ‘‘Sādhu sādhu, hatthaka! Yoni kho tyāyaṃ, hatthaka, mahatiṃ parisaṃ saṅgahetuṃ. Ye hi keci, hatthaka, atītamaddhānaṃ mahatiṃ parisaṃ saṅgahesuṃ, sabbe te imeheva catūhi saṅgahavatthūhi mahatiṃ parisaṃ saṅgahesuṃ. Yepi hi keci, hatthaka, anāgatamaddhānaṃ mahatiṃ parisaṃ saṅgaṇhissanti , sabbe te imeheva catūhi saṅgahavatthūhi mahatiṃ parisaṃ saṅgaṇhissanti. Yepi hi keci, hatthaka, etarahi mahatiṃ parisaṃ saṅgaṇhanti, sabbe te imeheva catūhi saṅgahavatthūhi mahatiṃ parisaṃ saṅgaṇhantī’’ti.
ਅਥ ਖੋ ਹਤ੍ਥਕੋ ਆਲ਼વਕੋ ਭਗવਤਾ ਧਮ੍ਮਿਯਾ ਕਥਾਯ ਸਨ੍ਦਸ੍ਸਿਤੋ ਸਮਾਦਪਿਤੋ ਸਮੁਤ੍ਤੇਜਿਤੋ ਸਮ੍ਪਹਂਸਿਤੋ ਉਟ੍ਠਾਯਾਸਨਾ ਭਗવਨ੍ਤਂ ਅਭਿવਾਦੇਤ੍વਾ ਪਦਕ੍ਖਿਣਂ ਕਤ੍વਾ ਪਕ੍ਕਾਮਿ । ਅਥ ਖੋ ਭਗવਾ ਅਚਿਰਪਕ੍ਕਨ੍ਤੇ ਹਤ੍ਥਕੇ ਆਲ਼વਕੇ ਭਿਕ੍ਖੂ ਆਮਨ੍ਤੇਸਿ – ‘‘ਅਟ੍ਠਹਿ, ਭਿਕ੍ਖવੇ, ਅਚ੍ਛਰਿਯੇਹਿ ਅਬ੍ਭੁਤੇਹਿ ਧਮ੍ਮੇਹਿ ਸਮਨ੍ਨਾਗਤਂ ਹਤ੍ਥਕਂ ਆਲ਼વਕਂ ਧਾਰੇਥ। ਕਤਮੇਹਿ ਅਟ੍ਠਹਿ? ਸਦ੍ਧੋ, ਭਿਕ੍ਖવੇ, ਹਤ੍ਥਕੋ ਆਲ਼વਕੋ; ਸੀਲવਾ, ਭਿਕ੍ਖવੇ…ਪੇ॰… ਹਿਰੀਮਾ… ਓਤ੍ਤਪ੍ਪੀ… ਬਹੁਸ੍ਸੁਤੋ… ਚਾਗવਾ… ਪਞ੍ਞવਾ, ਭਿਕ੍ਖવੇ, ਹਤ੍ਥਕੋ ਆਲ਼વਕੋ; ਅਪ੍ਪਿਚ੍ਛੋ, ਭਿਕ੍ਖવੇ, ਹਤ੍ਥਕੋ ਆਲ਼વਕੋ। ਇਮੇਹਿ ਖੋ, ਭਿਕ੍ਖવੇ, ਅਟ੍ਠਹਿ ਅਚ੍ਛਰਿਯੇਹਿ ਅਬ੍ਭੁਤੇਹਿ ਧਮ੍ਮੇਹਿ ਸਮਨ੍ਨਾਗਤਂ ਹਤ੍ਥਕਂ ਆਲ਼વਕਂ ਧਾਰੇਥਾ’’ਤਿ। ਚਤੁਤ੍ਥਂ।
Atha kho hatthako āḷavako bhagavatā dhammiyā kathāya sandassito samādapito samuttejito sampahaṃsito uṭṭhāyāsanā bhagavantaṃ abhivādetvā padakkhiṇaṃ katvā pakkāmi . Atha kho bhagavā acirapakkante hatthake āḷavake bhikkhū āmantesi – ‘‘aṭṭhahi, bhikkhave, acchariyehi abbhutehi dhammehi samannāgataṃ hatthakaṃ āḷavakaṃ dhāretha. Katamehi aṭṭhahi? Saddho, bhikkhave, hatthako āḷavako; sīlavā, bhikkhave…pe… hirīmā… ottappī… bahussuto… cāgavā… paññavā, bhikkhave, hatthako āḷavako; appiccho, bhikkhave, hatthako āḷavako. Imehi kho, bhikkhave, aṭṭhahi acchariyehi abbhutehi dhammehi samannāgataṃ hatthakaṃ āḷavakaṃ dhārethā’’ti. Catutthaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੪. ਦੁਤਿਯਹਤ੍ਥਕਸੁਤ੍ਤવਣ੍ਣਨਾ • 4. Dutiyahatthakasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੭. ਪਠਮਉਗ੍ਗਸੁਤ੍ਤਾਦਿવਣ੍ਣਨਾ • 1-7. Paṭhamauggasuttādivaṇṇanā