| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੪. ਦੁਤਿਯਹਤ੍ਥਕਸੁਤ੍ਤવਣ੍ਣਨਾ
4. Dutiyahatthakasuttavaṇṇanā
੨੪. ਚਤੁਤ੍ਥੇ ਪਞ੍ਚਮਤ੍ਤੇਹਿ ਉਪਾਸਕਸਤੇਹੀਤਿ ਸੋਤਾਪਨ੍ਨਸਕਦਾਗਾਮੀਨਂਯੇવ ਅਰਿਯਸਾવਕਉਪਾਸਕਾਨਂ ਪਞ੍ਚਹਿ ਸਤੇਹਿ ਪਰਿવੁਤੋ ਭੁਤ੍ਤਪਾਤਰਾਸੋ ਗਨ੍ਧਮਾਲવਿਲੇਪੇਨਚੁਣ੍ਣਾਨਿ ਗਹੇਤ੍વਾ ਯੇਨ ਭਗવਾ ਤੇਨੁਪਸਙ੍ਕਮਿ। ਸਙ੍ਗਹવਤ੍ਥੂਨੀਤਿ ਸਙ੍ਗਣ੍ਹਨਕਾਰਣਾਨਿ। ਤੇਹਾਹਨ੍ਤਿ ਤੇਹਿ ਅਹਂ। ਤਂ ਦਾਨੇਨ ਸਙ੍ਗਣ੍ਹਾਮੀਤਿ ਨਙ੍ਗਲਬਲਿਬਦ੍ਦਭਤ੍ਤਬੀਜਾਦੀਨਿ ਚੇવ ਗਨ੍ਧਮਾਲਮੂਲਾਦੀਨਿ ਚ ਦਤ੍વਾ ਸਙ੍ਗਣ੍ਹਾਮਿ। ਪੇਯ੍ਯવਜ੍ਜੇਨਾਤਿ ਅਮ੍ਮ, ਤਾਤ, ਭਾਤਰ, ਭਗਿਨੀਤਿਆਦਿਕੇਨ ਕਣ੍ਣਸੁਖੇਨ ਮੁਦੁਕੇਨ ਪਿਯવਚਨੇਨ ਸਙ੍ਗਣ੍ਹਾਮਿ। ਅਤ੍ਥਚਰਿਯਾਯਾਤਿ ‘‘ਇਮਸ੍ਸ ਦਾਨੇਨ વਾ ਪਿਯવਚਨੇਨ વਾ ਕਿਚ੍ਚਂ ਨਤ੍ਥਿ, ਅਤ੍ਥਚਰਿਯਾਯ ਸਙ੍ਗਣ੍ਹਿਤਬ੍ਬਯੁਤ੍ਤਕੋ ਅਯ’’ਨ੍ਤਿ ਞਤ੍વਾ ਉਪ੍ਪਨ੍ਨਕਿਚ੍ਚਨਿਤ੍ਥਰਣਸਙ੍ਖਾਤਾਯ ਅਤ੍ਥਚਰਿਯਾਯ ਸਙ੍ਗਣ੍ਹਾਮਿ। ਸਮਾਨਤ੍ਤਤਾਯਾਤਿ ‘‘ਇਮਸ੍ਸ ਦਾਨਾਦੀਹਿ ਕਿਚ੍ਚਂ ਨਤ੍ਥਿ, ਸਮਾਨਤ੍ਤਤਾਯ ਸਙ੍ਗਣ੍ਹਿਤਬ੍ਬੋ ਅਯ’’ਨ੍ਤਿ ਏਕਤੋ ਖਾਦਨਪਿવਨਨਿਸਜ੍ਜਾਦੀਹਿ ਅਤ੍ਤਨਾ ਸਮਾਨਂ ਕਤ੍વਾ ਸਙ੍ਗਣ੍ਹਾਮਿ। ਦਲਿਦ੍ਦਸ੍ਸ ਖੋ ਨੋ ਤਥਾ ਸੋਤਬ੍ਬਂ ਮਞ੍ਞਨ੍ਤੀਤਿ ਦਲਿਦ੍ਦਸ੍ਸ ਕਿਞ੍ਚਿ ਦਾਤੁਂ વਾ ਕਾਤੁਂ વਾ ਅਸਕ੍ਕੋਨ੍ਤਸ੍ਸ, ਯਥਾ ਦਲਿਦ੍ਦਸ੍ਸ ਨੋ ਤਥਾ ਸੋਤਬ੍ਬਂ ਮਞ੍ਞਨ੍ਤਿ, ਮਮ ਪਨ ਸੋਤਬ੍ਬਂ ਮਞ੍ਞਨ੍ਤਿ, ਦਿਨ੍ਨੋવਾਦੇ ਤਿਟ੍ਠਨ੍ਤਿ, ਨ ਮੇ ਅਨੁਸਾਸਨਿਂ ਅਤਿਕ੍ਕਮਿਤਬ੍ਬਂ ਮਞ੍ਞਨ੍ਤਿ। ਯੋਨਿ ਖੋ ਤ੍ਯਾਯਨ੍ਤਿ ਉਪਾਯੋ ਖੋ ਤੇ ਅਯਂ। ਇਮੇਸੁ ਪਨ ਦ੍વੀਸੁਪਿ ਸੁਤ੍ਤੇਸੁ ਸਤ੍ਥਾਰਾ ਸੀਲਚਾਗਪਞ੍ਞਾ ਮਿਸ੍ਸਕਾ ਕਥਿਤਾਤਿ વੇਦਿਤਬ੍ਬਾ।
24. Catutthe pañcamattehi upāsakasatehīti sotāpannasakadāgāmīnaṃyeva ariyasāvakaupāsakānaṃ pañcahi satehi parivuto bhuttapātarāso gandhamālavilepenacuṇṇāni gahetvā yena bhagavā tenupasaṅkami. Saṅgahavatthūnīti saṅgaṇhanakāraṇāni. Tehāhanti tehi ahaṃ. Taṃ dānena saṅgaṇhāmīti naṅgalabalibaddabhattabījādīni ceva gandhamālamūlādīni ca datvā saṅgaṇhāmi. Peyyavajjenāti amma, tāta, bhātara, bhaginītiādikena kaṇṇasukhena mudukena piyavacanena saṅgaṇhāmi. Atthacariyāyāti ‘‘imassa dānena vā piyavacanena vā kiccaṃ natthi, atthacariyāya saṅgaṇhitabbayuttako aya’’nti ñatvā uppannakiccanittharaṇasaṅkhātāya atthacariyāya saṅgaṇhāmi. Samānattatāyāti ‘‘imassa dānādīhi kiccaṃ natthi, samānattatāya saṅgaṇhitabbo aya’’nti ekato khādanapivananisajjādīhi attanā samānaṃ katvā saṅgaṇhāmi. Daliddassa kho no tathā sotabbaṃ maññantīti daliddassa kiñci dātuṃ vā kātuṃ vā asakkontassa, yathā daliddassa no tathā sotabbaṃ maññanti, mama pana sotabbaṃ maññanti, dinnovāde tiṭṭhanti, na me anusāsaniṃ atikkamitabbaṃ maññanti. Yoni kho tyāyanti upāyo kho te ayaṃ. Imesu pana dvīsupi suttesu satthārā sīlacāgapaññā missakā kathitāti veditabbā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਦੁਤਿਯਹਤ੍ਥਕਸੁਤ੍ਤਂ • 4. Dutiyahatthakasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੭. ਪਠਮਉਗ੍ਗਸੁਤ੍ਤਾਦਿવਣ੍ਣਨਾ • 1-7. Paṭhamauggasuttādivaṇṇanā
