| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๐. ทุติยหตฺถปาโทปมสุตฺตํ
10. Dutiyahatthapādopamasuttaṃ
๒๓๗. ‘‘หเตฺถสุ, ภิกฺขเว, สติ อาทานนิเกฺขปนํ โหติ; ปาเทสุ สติ อภิกฺกมปฎิกฺกโม โหติ; ปเพฺพสุ สติ สมิญฺชนปสารณํ โหติ; กุจฺฉิสฺมิํ สติ ชิฆจฺฉา ปิปาสา โหติฯ เอวเมว โข, ภิกฺขเว, จกฺขุสฺมิํ สติ จกฺขุสมฺผสฺสปจฺจยา อุปฺปชฺชติ อชฺฌตฺตํ สุขํ ทุกฺขํ…เป.… ชิวฺหาย สติ…เป.… มนสฺมิํ สติ มโนสมฺผสฺสปจฺจยา อุปฺปชฺชติ อชฺฌตฺตํ สุขํ ทุกฺขํ…เป.…ฯ
237. ‘‘Hatthesu, bhikkhave, sati ādānanikkhepanaṃ hoti; pādesu sati abhikkamapaṭikkamo hoti; pabbesu sati samiñjanapasāraṇaṃ hoti; kucchismiṃ sati jighacchā pipāsā hoti. Evameva kho, bhikkhave, cakkhusmiṃ sati cakkhusamphassapaccayā uppajjati ajjhattaṃ sukhaṃ dukkhaṃ…pe… jivhāya sati…pe… manasmiṃ sati manosamphassapaccayā uppajjati ajjhattaṃ sukhaṃ dukkhaṃ…pe….
‘‘หเตฺถสุ, ภิกฺขเว, อสติ อาทานนิเกฺขปนํ น โหติ; ปาเทสุ อสติ อภิกฺกมปฎิกฺกโม น โหติ; ปเพฺพสุ อสติ สมิญฺชนปสารณํ น โหติ; กุจฺฉิสฺมิํ อสติ ชิฆจฺฉา ปิปาสา น โหติฯ เอวเมว โข, ภิกฺขเว, จกฺขุสฺมิํ อสติ จกฺขุสมฺผสฺสปจฺจยา นุปฺปชฺชติ อชฺฌตฺตํ สุขํ ทุกฺขํ…เป.… ชิวฺหาย อสติ ชิวฺหาสมฺผสฺสปจฺจยา นุปฺปชฺชติ…เป.… มนสฺมิํ อสติ มโนสมฺผสฺสปจฺจยา นุปฺปชฺชติ อชฺฌตฺตํ สุขํ ทุกฺข’’นฺติฯ ทสมํฯ
‘‘Hatthesu, bhikkhave, asati ādānanikkhepanaṃ na hoti; pādesu asati abhikkamapaṭikkamo na hoti; pabbesu asati samiñjanapasāraṇaṃ na hoti; kucchismiṃ asati jighacchā pipāsā na hoti. Evameva kho, bhikkhave, cakkhusmiṃ asati cakkhusamphassapaccayā nuppajjati ajjhattaṃ sukhaṃ dukkhaṃ…pe… jivhāya asati jivhāsamphassapaccayā nuppajjati…pe… manasmiṃ asati manosamphassapaccayā nuppajjati ajjhattaṃ sukhaṃ dukkha’’nti. Dasamaṃ.
สมุทฺทวโคฺค อฎฺฐรสโมฯ
Samuddavaggo aṭṭharasamo.
ตสฺสุทฺทานํ –
Tassuddānaṃ –
เทฺว สมุทฺทา พาฬิสิโก, ขีรรุเกฺขน โกฎฺฐิโก;
Dve samuddā bāḷisiko, khīrarukkhena koṭṭhiko;
กามภู อุทายี เจว, อาทิเตฺตน จ อฎฺฐมํ;
Kāmabhū udāyī ceva, ādittena ca aṭṭhamaṃ;
หตฺถปาทูปมา เทฺวติ, วโคฺค เตน ปวุจฺจตีติฯ
Hatthapādūpamā dveti, vaggo tena pavuccatīti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๙-๑๐. ปฐมหตฺถปาโทปมสุตฺตาทิวณฺณนา • 9-10. Paṭhamahatthapādopamasuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๙-๑๐. ปฐมหตฺถปาโทปมสุตฺตาทิวณฺณนา • 9-10. Paṭhamahatthapādopamasuttādivaṇṇanā
