| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
10. දුතියහත්‌ථපාදොපමසුත්‌තං
10. Dutiyahatthapādopamasuttaṃ
237. ‘‘හත්‌ථෙසු, භික්‌ඛවෙ, සති ආදානනික්‌ඛෙපනං හොති; පාදෙසු සති අභික්‌කමපටික්‌කමො හොති; පබ්‌බෙසු සති සමිඤ්‌ජනපසාරණං හොති; කුච්‌ඡිස්‌මිං සති ජිඝච්‌ඡා පිපාසා හොති. එවමෙව ඛො, භික්‌ඛවෙ, චක්‌ඛුස්‌මිං සති චක්‌ඛුසම්‌ඵස්‌සපච්‌චයා උප්‌පජ්‌ජති අජ්‌ඣත්‌තං සුඛං දුක්‌ඛං…පෙ.… ජිව්‌හාය සති…පෙ.… මනස්‌මිං සති මනොසම්‌ඵස්‌සපච්‌චයා උප්‌පජ්‌ජති අජ්‌ඣත්‌තං සුඛං දුක්‌ඛං…පෙ.….
237. ‘‘Hatthesu, bhikkhave, sati ādānanikkhepanaṃ hoti; pādesu sati abhikkamapaṭikkamo hoti; pabbesu sati samiñjanapasāraṇaṃ hoti; kucchismiṃ sati jighacchā pipāsā hoti. Evameva kho, bhikkhave, cakkhusmiṃ sati cakkhusamphassapaccayā uppajjati ajjhattaṃ sukhaṃ dukkhaṃ…pe… jivhāya sati…pe… manasmiṃ sati manosamphassapaccayā uppajjati ajjhattaṃ sukhaṃ dukkhaṃ…pe….
‘‘හත්‌ථෙසු, භික්‌ඛවෙ, අසති ආදානනික්‌ඛෙපනං න හොති; පාදෙසු අසති අභික්‌කමපටික්‌කමො න හොති; පබ්‌බෙසු අසති සමිඤ්‌ජනපසාරණං න හොති; කුච්‌ඡිස්‌මිං අසති ජිඝච්‌ඡා පිපාසා න හොති. එවමෙව ඛො, භික්‌ඛවෙ, චක්‌ඛුස්‌මිං අසති චක්‌ඛුසම්‌ඵස්‌සපච්‌චයා නුප්‌පජ්‌ජති අජ්‌ඣත්‌තං සුඛං දුක්‌ඛං…පෙ.… ජිව්‌හාය අසති ජිව්‌හාසම්‌ඵස්‌සපච්‌චයා නුප්‌පජ්‌ජති…පෙ.… මනස්‌මිං අසති මනොසම්‌ඵස්‌සපච්‌චයා නුප්‌පජ්‌ජති අජ්‌ඣත්‌තං සුඛං දුක්‌ඛ’’න්‌ති. දසමං.
‘‘Hatthesu, bhikkhave, asati ādānanikkhepanaṃ na hoti; pādesu asati abhikkamapaṭikkamo na hoti; pabbesu asati samiñjanapasāraṇaṃ na hoti; kucchismiṃ asati jighacchā pipāsā na hoti. Evameva kho, bhikkhave, cakkhusmiṃ asati cakkhusamphassapaccayā nuppajjati ajjhattaṃ sukhaṃ dukkhaṃ…pe… jivhāya asati jivhāsamphassapaccayā nuppajjati…pe… manasmiṃ asati manosamphassapaccayā nuppajjati ajjhattaṃ sukhaṃ dukkha’’nti. Dasamaṃ.
සමුද්‌දවග්‌ගො අට්‌ඨරසමො.
Samuddavaggo aṭṭharasamo.
තස්‌සුද්‌දානං –
Tassuddānaṃ –
ද්‌වෙ සමුද්‌දා බාළිසිකො, ඛීරරුක්‌ඛෙන කොට්‌ඨිකො;
Dve samuddā bāḷisiko, khīrarukkhena koṭṭhiko;
කාමභූ උදායී චෙව, ආදිත්‌තෙන ච අට්‌ඨමං;
Kāmabhū udāyī ceva, ādittena ca aṭṭhamaṃ;
හත්‌ථපාදූපමා ද්‌වෙති, වග්‌ගො තෙන පවුච්‌චතීති.
Hatthapādūpamā dveti, vaggo tena pavuccatīti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 9-10. පඨමහත්‌ථපාදොපමසුත්‌තාදිවණ්‌ණනා • 9-10. Paṭhamahatthapādopamasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 9-10. පඨමහත්‌ථපාදොපමසුත්‌තාදිවණ්‌ණනා • 9-10. Paṭhamahatthapādopamasuttādivaṇṇanā
