| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
д̣̇уд̇ияаж̇жхаанагат̇аа
Dutiyajjhānakathā
вуубасамаад̇и вуубасамахзд̇у. вуубасамод̇и жзд̇т̇а бахаанам̣ ад̇хиббзд̇ам̣, д̇ан̃жа вид̇аггавижаараанам̣ ад̇иггамо ад̇т̇ад̇о д̣̇уд̇ияаж̇жхаанагкан̣з ануббаад̣̇од̇и ааха ‘‘самад̇иггамаа’’д̇иаад̣̇и. гад̇амзсам̣ банзд̇т̇а вид̇аггавижаараанам̣ вуубасамо ад̇хиббзд̇о, гим̣ батамаж̇жхаанигаанам̣, уд̣̇ааху д̣̇уд̇ияаж̇жхаанигаананд̇и, гин̃жзд̇т̇а – яад̣̇и батамаж̇жхаанигаанам̣, над̇т̇и д̇зсам̣ вуубасамо. на хи гад̣̇аажи батамаж̇жхаанам̣ вид̇аггавижаарарахид̇ам̣ ад̇т̇и. ат̇а д̣̇уд̇ияаж̇жхаанигаанам̣, звамби над̇т̇зва вуубасамо саб̣б̣зна саб̣б̣ам̣ д̇зсам̣ д̇ад̇т̇а абхаавад̇од̇и имам̣ ануяог̇ам̣ санд̇хааяааха ‘‘д̇ад̇т̇а гин̃жаабий’’д̇иаад̣̇и. яасмаа д̣̇идтаад̣̇ийнавасса д̇ам̣д̇ам̣жхаанагкан̣з ануббад̇д̇ид̇хаммад̇аабаад̣̇анам̣ вуубасаманам̣ ад̇хиббзд̇ам̣, вид̇аггаад̣̇аяо зва жа жхаанан̇г̇абхууд̇аа д̇ат̇аа гарийяанд̇и, на д̇ам̣самбаяуд̇д̇аа пассаад̣̇аяо, д̇асмаа вид̇аггаад̣̇ийнам̣язва вуубасамаад̇хиважанам̣ жхаанз ааг̇ад̇ам̣. яасмаа бана вид̇аггаад̣̇ийнам̣ вияа д̇ам̣самбаяуд̇д̇ад̇хаммаанамби ‘‘зд̇зна зд̇ам̣ ол̣аарига’’нд̇и аад̣̇ийнавад̣̇ассанам̣ суд̇д̇з ааг̇ад̇ам̣, д̇асмаа ависзсзна вид̇аггаад̣̇ийнам̣ д̇ам̣сахаг̇ад̇аанан̃жа вуубасамаад̣̇игз вад̇д̇аб̣б̣з вид̇аггаад̣̇ийнам̣язва вуубасамо вужжамаано ад̇хигаважанам̣ ан̃н̃амад̇т̇ам̣ б̣од̇хзд̇ийд̇и гад̇ваа ган̃жи висзсам̣ д̣̇ийбзд̇ийд̇и д̣̇ассзнд̇о ‘‘ол̣ааригасса банаа’’д̇иаад̣̇имааха. аяан̃хзд̇т̇а ад̇хиббааяо – язхи вид̇аггавижаарзхи батамаж̇жхаанасса ол̣ааригад̇аа, д̇зсам̣ самад̇иггамаа д̣̇уд̇ияаж̇жхаанасса самад̇хиг̇амо, на сабхаавад̇о анол̣ааригаанам̣ пассаад̣̇ийнам̣ самад̇иггамаад̇и аяамад̇т̇о ‘‘вид̇аггавижаараанам̣ вуубасамаа’’д̇и зд̇зна д̣̇ийбид̇о , д̇асмаа ‘‘гим̣ батамаж̇жхаанигаанам̣ вид̇аггавижаараанам̣ вуубасамо ид̇хаад̇хиббзд̇о, уд̣̇ааху д̣̇уд̇ияаж̇жхаанигаана’’нд̇и зд̣̇исий жод̣̇анаа аногаасаава. ‘‘бийд̇ияаа жа вирааг̇аа’’д̇иаад̣̇ийсуби зсзва наяо. д̇асмаа вид̇аггавижаарабийд̇исукасамад̇иггамаважанаани ол̣ааригол̣аариган̇г̇асамад̇иггамаа д̣̇уд̇ияаад̣̇иад̇хиг̇амад̣̇ийбагаанийд̇и д̇зсам̣ згад̣̇зсабхууд̇ам̣ вид̇аггавижаарасамад̇иггамаважанам̣ аваяавзна самуд̣̇ааяобалагкан̣анаязна д̇ам̣ д̣̇ийбагам̣ вуд̇д̇ам̣. висум̣ висум̣ тид̇зби хи вид̇аггавижаарасамад̇иггамаважанаад̣̇игз бахзяяан̇г̇анид̣̇д̣̇зсад̇аасааман̃н̃зна жид̇д̇зна самуухад̇о г̇ахид̇з вид̇аггавижааравуубасамаважанасса д̇ад̣̇згад̣̇зсад̇аа ход̇ийд̇и. ат̇а ваа вид̇аггавижааравуубасамаважанзнзва д̇ам̣самад̇иггамаа д̣̇уд̇ияаад̣̇иад̇хиг̇амад̣̇ийбагзна бийд̇ивирааг̇аад̣̇иважанаанам̣ бийд̇иаад̣̇исамад̇иггамаа д̇ад̇ияаад̣̇иад̇хиг̇амад̣̇ийбагад̇аа д̣̇ийбид̇аа ход̇ийд̇и д̇асса д̇ам̣д̣̇ийбагад̇аа вуд̇д̇аа. зван̃хи аваяавзна самуд̣̇ааяобалагкан̣ам̣ винаа вид̇аггавижааравуубасамаважанзна бийд̇ивирааг̇аад̣̇иважанаанам̣ сависаяз самаанаб̣яаабаарад̇аа д̣̇ассид̇аа ход̇и.
Vūpasamāti vūpasamahetu. Vūpasamoti cettha pahānaṃ adhippetaṃ, tañca vitakkavicārānaṃ atikkamo atthato dutiyajjhānakkhaṇe anuppādoti āha ‘‘samatikkamā’’tiādi. Katamesaṃ panettha vitakkavicārānaṃ vūpasamo adhippeto, kiṃ paṭhamajjhānikānaṃ, udāhu dutiyajjhānikānanti, kiñcettha – yadi paṭhamajjhānikānaṃ, natthi tesaṃ vūpasamo. Na hi kadāci paṭhamajjhānaṃ vitakkavicārarahitaṃ atthi. Atha dutiyajjhānikānaṃ, evampi nattheva vūpasamo sabbena sabbaṃ tesaṃ tattha abhāvatoti imaṃ anuyogaṃ sandhāyāha ‘‘tattha kiñcāpī’’tiādi. Yasmā diṭṭhādīnavassa taṃtaṃjhānakkhaṇe anuppattidhammatāpādanaṃ vūpasamanaṃ adhippetaṃ, vitakkādayo eva ca jhānaṅgabhūtā tathā karīyanti, na taṃsampayuttā phassādayo, tasmā vitakkādīnaṃyeva vūpasamādhivacanaṃ jhāne āgataṃ. Yasmā pana vitakkādīnaṃ viya taṃsampayuttadhammānampi ‘‘etena etaṃ oḷārika’’nti ādīnavadassanaṃ sutte āgataṃ, tasmā avisesena vitakkādīnaṃ taṃsahagatānañca vūpasamādike vattabbe vitakkādīnaṃyeva vūpasamo vuccamāno adhikavacanaṃ aññamatthaṃ bodhetīti katvā kañci visesaṃ dīpetīti dassento ‘‘oḷārikassa panā’’tiādimāha. Ayañhettha adhippāyo – yehi vitakkavicārehi paṭhamajjhānassa oḷārikatā, tesaṃ samatikkamā dutiyajjhānassa samadhigamo, na sabhāvato anoḷārikānaṃ phassādīnaṃ samatikkamāti ayamattho ‘‘vitakkavicārānaṃ vūpasamā’’ti etena dīpito , tasmā ‘‘kiṃ paṭhamajjhānikānaṃ vitakkavicārānaṃ vūpasamo idhādhippeto, udāhu dutiyajjhānikāna’’nti edisī codanā anokāsāva. ‘‘Pītiyā ca virāgā’’tiādīsupi eseva nayo. Tasmā vitakkavicārapītisukhasamatikkamavacanāni oḷārikoḷārikaṅgasamatikkamā dutiyādiadhigamadīpakānīti tesaṃ ekadesabhūtaṃ vitakkavicārasamatikkamavacanaṃ avayavena samudāyopalakkhaṇanayena taṃ dīpakaṃ vuttaṃ. Visuṃ visuṃ ṭhitepi hi vitakkavicārasamatikkamavacanādike paheyyaṅganiddesatāsāmaññena cittena samūhato gahite vitakkavicāravūpasamavacanassa tadekadesatā hotīti. Atha vā vitakkavicāravūpasamavacaneneva taṃsamatikkamā dutiyādiadhigamadīpakena pītivirāgādivacanānaṃ pītiādisamatikkamā tatiyādiadhigamadīpakatā dīpitā hotīti tassa taṃdīpakatā vuttā. Evañhi avayavena samudāyopalakkhaṇaṃ vinā vitakkavicāravūpasamavacanena pītivirāgādivacanānaṃ savisaye samānabyāpāratā dassitā hoti.
аж̇жхад̇д̇анд̇и нияагаж̇жхад̇д̇ам̣ ад̇хиббзд̇ам̣, на аж̇жхад̇д̇аж̇жхад̇д̇аад̣̇ийд̇и д̣̇ассзнд̇о ааха ‘‘аж̇жхад̇д̇анд̇и нияагаж̇жхад̇д̇ам̣ ад̇хиббзд̇а’’нд̇и. д̇ад̇т̇а гааран̣амааха ‘‘вибхан̇г̇з банаа’’д̇иаад̣̇и. бана-сад̣̇д̣̇оби абисад̣̇д̣̇ад̇т̇о, вибхан̇г̇збийд̇и ад̇т̇о. аяамзва ваа баато.
Ajjhattanti niyakajjhattaṃ adhippetaṃ, na ajjhattajjhattādīti dassento āha ‘‘ajjhattanti niyakajjhattaṃ adhippeta’’nti. Tattha kāraṇamāha ‘‘vibhaṅgepanā’’tiādi. Pana-saddopi apisaddattho, vibhaṅgepīti attho. Ayameva vā pāṭho.
нийлаван̣н̣аяог̇ад̇о нийлавад̇т̇ам̣ вияаад̇и нийлаяог̇ад̇о вад̇т̇ам̣ нийлам̣ вияаад̇и ад̇хиббааяо. имасмин̃жа ад̇т̇авигаббзд̇и ‘‘жзд̇о самбасаад̣̇аяад̇ий’’д̇и зд̇асмим̣ багкз. жзд̇асод̇и жа убаяог̇ад̇т̇з саамиважанам̣. буримасминд̇и ‘‘самбасаад̣̇анаяог̇ад̇о жхаанамби самбасаад̣̇ана’’нд̇и вуд̇д̇абагкз. жзд̇асод̇и самб̣анд̇хз саамиважанам̣. ‘‘яаава на барз згаг̇ад̇з гаромий’’д̇иаад̣̇ийсу сздтаважаноби згасад̣̇д̣̇о логз д̣̇иссад̇ийд̇и ааха ‘‘сздтоби хи логз згод̇и вужжад̇ий’’д̇и. ‘‘згаагийхи куд̣̇д̣̇агзхи ж̇ид̇а’’нд̇иаад̣̇ийсу асахааяад̇т̇оби згасад̣̇д̣̇о д̣̇идтод̇и ааха ‘‘зго асахааяо худ̇ваа’’д̇и. сад̣̇д̇хаад̣̇аяоби гаамам̣ самбаяуд̇д̇ад̇хаммаанам̣ саад̇хааран̣ад̇о жа асаад̇хааран̣ад̇о жа бажжаяаа хонд̇иязва, самаад̇хи бана жхаанагкан̣з самбаяуд̇д̇ад̇хаммаанам̣ авигкзбалагкан̣з инд̣̇адтагаран̣зна саад̇исаяам̣ бажжаяо ход̇ийд̇и д̣̇ассзнд̇о ‘‘самбаяуд̇д̇ад̇хаммз…бз… ад̇хиважана’’нд̇и ааха.
Nīlavaṇṇayogato nīlavatthaṃ viyāti nīlayogato vatthaṃ nīlaṃ viyāti adhippāyo. Imasmiñca atthavikappeti ‘‘ceto sampasādayatī’’ti etasmiṃ pakkhe. Cetasoti ca upayogatthe sāmivacanaṃ. Purimasminti ‘‘sampasādanayogato jhānampi sampasādana’’nti vuttapakkhe. Cetasoti sambandhe sāmivacanaṃ. ‘‘Yāva na pare ekagate karomī’’tiādīsu seṭṭhavacanopi ekasaddo loke dissatīti āha ‘‘seṭṭhopi hi loke ekoti vuccatī’’ti. ‘‘Ekākīhi khuddakehi jita’’ntiādīsu asahāyatthopi ekasaddo diṭṭhoti āha ‘‘eko asahāyo hutvā’’ti. Saddhādayopi kāmaṃ sampayuttadhammānaṃ sādhāraṇato ca asādhāraṇato ca paccayā hontiyeva, samādhi pana jhānakkhaṇe sampayuttadhammānaṃ avikkhepalakkhaṇe indaṭṭhakaraṇena sātisayaṃ paccayo hotīti dassento ‘‘sampayuttadhamme…pe… adhivacana’’nti āha.
‘‘самбасаад̣̇анам̣ жзд̇асо згод̣̇ибхаава’’нд̇и висзсанад̣̇ваяам̣ жхаанасса ад̇исаяаважанижчаавасзна г̇ахид̇ам̣. свааяамад̇исаяо яат̇аа имасмим̣ жхаанз лаб̣бхад̇и, на д̇ат̇аа батамаж̇жхаанзд̇и имам̣ висзсам̣ д̣̇ассзд̇ум̣ ‘‘нану жаа’’д̇иаад̣̇и вуд̇д̇ам̣. аарамман̣з аахананабарияаахананавасзна анумаж̇ж̇анаануяуж̇ж̇анавасзна жа бавад̇д̇амаанаа д̇хаммаа сад̇иби нийваран̣аббахаанзна гилзсагаалуссияаабаг̇амз самбаяуд̇д̇аанам̣ гин̃жи кобхам̣ гаронд̇аа вияа д̇зхи жа д̇з на саннисиннаа хонд̇ийд̇и вуд̇д̇ам̣ ‘‘вид̇аггавижаарагкобхзна…бз… на суббасанна’’нд̇и. д̇ад̇т̇а куд̣̇д̣̇игаа уумияо вийжияо, махад̇ияо д̇аран̇г̇аа. самаад̇хиби на судту баагадод̇и сад̇иби инд̣̇рияасамад̇д̇з вийрияасамад̇ааяа жа д̇знзва код̇зна самбасаад̣̇аабхаавзна жа б̣ахалз вияа ж̇алз мажчо самаад̇хиби на судту баагадо. вид̇аггавижаарабалиб̣од̇хаабхаавзнаад̇и зд̇т̇а яат̇аавуд̇д̇акобхо зва балиб̣од̇хо. звам̣ вуд̇д̇знаад̇и яассаа сад̣̇д̇хааяа васзна самбасаад̣̇анам̣, яассаа жа жид̇д̇згаг̇г̇ад̇ааяа васзна згод̣̇ибхааванд̇и жа жхаанам̣ вуд̇д̇ам̣, д̇аасам̣ зва ‘‘сад̣̇д̣̇аханаа’’д̇иаад̣̇инаа (вибха. 574) бавад̇д̇иаагаарависзсавибхааванавасзна вуд̇д̇зна д̇зна вибхан̇г̇абаатзна. аяам̣ ад̇т̇аван̣н̣анаад̇и ‘‘самбасаад̣̇анаяог̇ад̇о, самбасаад̣̇анад̇о ваа самбасаад̣̇анам̣. згод̣̇им̣ бхаавзд̇ийд̇и згод̣̇ибхааванд̇и жхаанам̣ вуд̇д̇а’’нд̇и звам̣ бавад̇д̇аа аяам̣ ад̇т̇аван̣н̣анаа. ан̃н̃ад̣̇ад̇т̇у сам̣санд̣̇ад̇и жзва самзд̇и жа, звам̣ взд̣̇ид̇аб̣б̣аад̇и гат̇ам̣ банааяам̣ ад̇т̇аван̣н̣анаа д̇зна вибхан̇г̇абаатзна сад̣̇д̇хим̣ сам̣санд̣̇ад̇и самзд̇и, нану жхаанавибхан̇г̇з ‘‘самбасаад̣̇ана’’нд̇и бад̣̇ам̣ уд̣̇д̇харид̇ваа ‘‘яаа сад̣̇д̇хаа сад̣̇д̣̇аханаа’’д̇иаад̣̇инаа (вибха. 574) сад̣̇д̇хааязва вуд̇д̇аа, ‘‘жзд̇асо згод̣̇ибхаава’’нд̇и жа бад̣̇ам̣ уд̣̇д̇харид̇ваа ‘‘яаа жид̇д̇асса тид̇и сан̣тид̇и авадтид̇ий’’д̇иаад̣̇инаа самаад̇хиссзва нид̣̇д̣̇зсо гад̇о, адтагат̇ааяам̣ бана ‘‘самбасаад̣̇анам̣ згод̣̇ибхаава’’нд̇и жхаанамзва вуд̇д̇анд̇и адтагат̇ааяа вибхан̇г̇абаатзна сад̣̇д̇хим̣ вирод̇хо аабаж̇ж̇ад̇ийд̇и? наабаж̇ж̇ад̇и вибхан̇г̇зби иминаава ад̇хиббааязна нид̣̇д̣̇зсасса гад̇ад̇д̇аа. д̇ат̇аа хи язна самбасаад̣̇анзна яог̇аа жхаанам̣ ‘‘самбасаад̣̇ана’’нд̇и вужжад̇и, д̇асмим̣ ‘‘яаа сад̣̇д̇хаа сад̣̇д̣̇аханаа’’д̇иаад̣̇инаа д̣̇ассид̇з самбасаад̣̇анам̣ жхаананд̇и самаанаад̇хигаран̣анид̣̇д̣̇зсзнзва д̇ам̣яог̇аа жхаанз д̇ам̣сад̣̇д̣̇аббавад̇д̇и д̣̇ассид̇аа ход̇и. ‘‘згод̣̇ибхаава’’нд̇и жа бад̣̇ам̣ уд̣̇д̇харид̇ваа згод̣̇имхи д̣̇ассид̇з згод̣̇ибхаавам̣ жхаананд̇и самаанаад̇хигаран̣анид̣̇д̣̇зсзнзва жхаанасса згод̣̇ивад̣дханад̇аа вуд̇д̇аава ход̇ийд̇и иминаа ад̇хиббааязна б̣яан̃ж̇анавижаарам̣ агад̇ваа д̇хаммамад̇д̇амзва нид̣̇д̣̇идтанд̇и авирод̇хо яуд̇д̇о.
‘‘Sampasādanaṃ cetaso ekodibhāva’’nti visesanadvayaṃ jhānassa atisayavacanicchāvasena gahitaṃ. Svāyamatisayo yathā imasmiṃ jhāne labbhati, na tathā paṭhamajjhāneti imaṃ visesaṃ dassetuṃ ‘‘nanu cā’’tiādi vuttaṃ. Ārammaṇe āhananapariyāhananavasena anumajjanaanuyujjanavasena ca pavattamānā dhammā satipi nīvaraṇappahānena kilesakālussiyāpagame sampayuttānaṃ kiñci khobhaṃ karontā viya tehi ca te na sannisinnā hontīti vuttaṃ ‘‘vitakkavicārakkhobhena…pe… na suppasanna’’nti. Tattha khuddikā ūmiyo vīciyo, mahatiyo taraṅgā. Samādhipi na suṭṭhu pākaṭoti satipi indriyasamatte vīriyasamatāya ca teneva khotena sampasādābhāvena ca bahale viya jale maccho samādhipi na suṭṭhu pākaṭo. Vitakkavicārapalibodhābhāvenāti ettha yathāvuttakhobho eva palibodho. Evaṃ vuttenāti yassā saddhāya vasena sampasādanaṃ, yassā ca cittekaggatāya vasena ekodibhāvanti ca jhānaṃ vuttaṃ, tāsaṃ eva ‘‘saddahanā’’tiādinā (vibha. 574) pavattiākāravisesavibhāvanavasena vuttena tena vibhaṅgapāṭhena. Ayaṃ atthavaṇṇanāti ‘‘sampasādanayogato, sampasādanato vā sampasādanaṃ. Ekodiṃ bhāvetīti ekodibhāvanti jhānaṃ vutta’’nti evaṃ pavattā ayaṃ atthavaṇṇanā. Aññadatthu saṃsandati ceva sameti ca, evaṃ veditabbāti kathaṃ panāyaṃ atthavaṇṇanā tena vibhaṅgapāṭhena saddhiṃ saṃsandati sameti, nanu jhānavibhaṅge ‘‘sampasādana’’nti padaṃ uddharitvā ‘‘yā saddhā saddahanā’’tiādinā (vibha. 574) saddhāyeva vuttā, ‘‘cetaso ekodibhāva’’nti ca padaṃ uddharitvā ‘‘yā cittassa ṭhiti saṇṭhiti avaṭṭhitī’’tiādinā samādhisseva niddeso kato, aṭṭhakathāyaṃ pana ‘‘sampasādanaṃ ekodibhāva’’nti jhānameva vuttanti aṭṭhakathāya vibhaṅgapāṭhena saddhiṃ virodho āpajjatīti? Nāpajjati vibhaṅgepi imināva adhippāyena niddesassa katattā. Tathā hi yena sampasādanena yogā jhānaṃ ‘‘sampasādana’’nti vuccati, tasmiṃ ‘‘yā saddhā saddahanā’’tiādinā dassite sampasādanaṃ jhānanti samānādhikaraṇaniddeseneva taṃyogā jhāne taṃsaddappavatti dassitā hoti. ‘‘Ekodibhāva’’nti ca padaṃ uddharitvā ekodimhi dassite ekodibhāvaṃ jhānanti samānādhikaraṇaniddeseneva jhānassa ekodivaḍḍhanatā vuttāva hotīti iminā adhippāyena byañjanavicāraṃ akatvā dhammamattameva niddiṭṭhanti avirodho yutto.
яам̣ бана вуд̇д̇ам̣ дийгаагаарзхи аажарияад̇хаммабаалад̇т̇зраад̣̇ийхи ‘‘яад̣̇и згод̣̇ийд̇и самаад̇хисса г̇ахан̣ам̣ ад̇хиббзд̇ам̣, д̇ад̣̇аа ‘згод̣̇ибхаава’нд̇и бад̣̇ам̣ уд̣̇д̇харид̇ваа самаад̇хисса нид̣̇д̣̇зсо на гад̇д̇аб̣б̣о сияаа. д̇асмаа згод̣̇ибхаавасад̣̇д̣̇о зва самаад̇химхи бавад̇д̇о самбасаад̣̇анасад̣̇д̣̇о вияа жхаанз бавад̇д̇ад̇ийд̇и яуд̇д̇а’’нд̇и, д̇ам̣ адтагат̇ааяа вируж̇жхад̇и. д̇асмаа со адтагат̇аанирабзгко висум̣язвзго ад̇т̇авигаббод̇и г̇ахзд̇аб̣б̣ам̣. аяан̃хи нзсам̣ ад̇хиббааяо – вид̇аггавижаарзхи анаж̇жхаарул̣хад̇д̇аа згам̣ уд̣̇зд̇ийд̇и згод̣̇ийд̇и д̇ат̇аавид̇хасамаад̇хияуд̇д̇ам̣ жхаанажид̇д̇амзва г̇ахзд̇ваа згод̣̇исса бхааво згод̣̇ибхаавод̇и самаад̇хисса г̇ахан̣ам̣ саггаа вад̇д̇унд̇и. яо банааяам̣ д̇зсамабхинивзсо ‘‘згод̣̇ийд̇и самаад̇хисса г̇ахан̣з сад̇и ‘згод̣̇ибхаава’нд̇и бад̣̇ам̣ уд̣̇д̇харид̇ваа самаад̇хисса нид̣̇д̣̇зсо на гад̇д̇аб̣б̣о сияаа’’д̇и , со анзганд̇игад̇д̇аа аяуд̇д̇о. ан̃н̃ад̇т̇аби хи б̣яан̃ж̇анавижаарам̣ агад̇ваа ад̇т̇амад̇д̇ассзва б̣аахуллзна вибхан̇г̇з нид̣̇д̣̇зсо д̣̇иссад̇и.
Yaṃ pana vuttaṃ ṭīkākārehi ācariyadhammapālattherādīhi ‘‘yadi ekodīti samādhissa gahaṇaṃ adhippetaṃ, tadā ‘ekodibhāva’nti padaṃ uddharitvā samādhissa niddeso na kattabbo siyā. Tasmā ekodibhāvasaddo eva samādhimhi pavatto sampasādanasaddo viya jhāne pavattatīti yutta’’nti, taṃ aṭṭhakathāya virujjhati. Tasmā so aṭṭhakathānirapekkho visuṃyeveko atthavikappoti gahetabbaṃ. Ayañhi nesaṃ adhippāyo – vitakkavicārehi anajjhāruḷhattā ekaṃ udetīti ekodīti tathāvidhasamādhiyuttaṃ jhānacittameva gahetvā ekodissa bhāvo ekodibhāvoti samādhissa gahaṇaṃ sakkā vattunti. Yo panāyaṃ tesamabhiniveso ‘‘ekodīti samādhissa gahaṇe sati ‘ekodibhāva’nti padaṃ uddharitvā samādhissa niddeso na kattabbo siyā’’ti , so anekantikattā ayutto. Aññatthapi hi byañjanavicāraṃ akatvā atthamattasseva bāhullena vibhaṅge niddeso dissati.
санд̇аад̇и самам̣ нирод̇хам̣ г̇ад̇аа. самид̇аад̇и бхааванааяа самам̣ г̇амид̇аа нирод̇хид̇аа. вуубасанд̇аад̇и д̇ад̇о зва судту убасанд̇аа. ад̇т̇ан̇г̇ад̇аад̇и ад̇т̇ам̣ винаасам̣ г̇ад̇аа. аб̣бхад̇т̇ан̇г̇ад̇аад̇и убасаг̇г̇зна бад̣̇ам̣ вад̣дхзд̇ваа вуд̇д̇ам̣. аббид̇аад̇и г̇амид̇аа винаасам̣ г̇ад̇аа. сосид̇аад̇и бавад̇д̇исан̇каад̇асса санд̇аанасса абхаавзна сосам̣ сугкабхаавам̣ г̇ад̇аа. б̣яанд̇ийгад̇аад̇и виг̇ад̇анд̇аа гад̇аа.
Santāti samaṃ nirodhaṃ gatā. Samitāti bhāvanāya samaṃ gamitā nirodhitā. Vūpasantāti tato eva suṭṭhu upasantā. Atthaṅgatāti atthaṃ vināsaṃ gatā. Abbhatthaṅgatāti upasaggena padaṃ vaḍḍhetvā vuttaṃ. Appitāti gamitā vināsaṃ gatā. Sositāti pavattisaṅkhātassa santānassa abhāvena sosaṃ sukkhabhāvaṃ gatā. Byantīkatāti vigatantā katā.
аяамад̇т̇од̇и бхааванааяа бахийнад̇д̇аа вид̇аггавижаараанам̣ абхаавасан̇каад̇о ад̇т̇о. жод̣̇агзна вуд̇д̇амад̇т̇ам̣ самбадижчид̇ваа барихарид̇ум̣ ‘‘звамзд̇ам̣ сид̣̇д̇ховааяамад̇т̇о’’д̇и вад̇ваа ‘‘на банзд̇а’’нд̇иаад̣̇и вуд̇д̇ам̣. д̇ад̇т̇а зд̇анд̇и ‘‘вид̇аггавижаараанам̣ вуубасамаа’’д̇и зд̇ам̣ важанам̣. д̇ад̣̇ад̇т̇ад̣̇ийбаганд̇и д̇асса вид̇аггавижаараабхаавамад̇д̇асан̇каад̇асса ад̇т̇асса д̣̇ийбагам̣. на гилзсагаалуссияассаад̇и убажаарагкан̣з вияа нийваран̣асан̇каад̇асса гилзсасан̇кобхасса вуубасамаа на самбасаад̣̇ананд̇и ад̇т̇о. нану жа ‘‘буримам̣ вад̇вааби вад̇д̇аб̣б̣амзваа’’д̇и ид̣̇ам̣ гасмаа вуд̇д̇ам̣. д̇ат̇аа хи д̣̇уд̇ияаж̇жхаанаад̣̇иад̇хиг̇амуубааяад̣̇ийбагзна аж̇жхад̇д̇ам̣ самбасаад̣̇анад̇ааяа жзд̇асо згод̣̇ибхаавад̇ааяа жа хзд̇уд̣̇ийбагзна авид̇аггаавижаарабхаавахзд̇уд̣̇ийбагзна жа вид̇аггавижааравуубасамаважанзнзва вид̇аггавижаараабхааво д̣̇ийбид̇од̇и, гим̣ буна авид̇аггаавижаараважанзна гад̇знаад̇и? на, ад̣̇ийбид̇ад̇д̇аа. на хи вид̇аггавижааравуубасамаважанзна вид̇аггавижаараанам̣ аббавад̇д̇и вуд̇д̇аа ход̇и. вид̇аггавижаарзсу хи д̇ан̣хааббахаанам̣ зд̇зсам̣ вуубасаманам̣. ол̣аариган̇г̇амукзна хи д̇ам̣д̇ам̣жхаананиганд̇ияаа вигкамбханам̣ вид̇аггавижааравуубасамаважанаад̣̇ийхи багаасид̇ам̣. яад̇о вид̇аггавижаарзсу вирад̇д̇абхаавад̣̇ийбагам̣ вид̇аггавижааравуубасамаважанам̣, яз жа сан̇каарзсу д̇ан̣хааббахаанам̣ гаронд̇и, д̇зсу маг̇г̇зсу бахийнад̇ан̣хзсу жа палзсу сан̇каараббавад̇д̇и ход̇и, звамид̇хааби вигкамбхид̇авид̇аггавижаарад̇ан̣хасса д̣̇уд̇ияаж̇жхаанасса вид̇аггавижаарасамбаяог̇о буримзна на ниваарид̇о сияаад̇и д̇аннивааран̣ад̇т̇ам̣ ааваж̇ж̇ид̇угаамад̇аад̣̇иад̇иггамо жа д̇зсам̣ вуубасамод̇и д̣̇ассанад̇т̇ан̃жа ‘‘авид̇аггам̣ авижаара’’нд̇и вуд̇д̇ам̣. батамаж̇жхаанам̣ д̣̇уд̇ияаж̇жхаанасса убаниссаяабажжаязна бажжаяо ход̇ийд̇и ааха ‘‘батамаж̇жхаанасамаад̇хид̇о’’д̇и. батамамбийд̇и батамаж̇жхаанамби.
Ayamatthoti bhāvanāya pahīnattā vitakkavicārānaṃ abhāvasaṅkhāto attho. Codakena vuttamatthaṃ sampaṭicchitvā pariharituṃ ‘‘evametaṃ siddhovāyamattho’’ti vatvā ‘‘na paneta’’ntiādi vuttaṃ. Tattha etanti ‘‘vitakkavicārānaṃ vūpasamā’’ti etaṃ vacanaṃ. Tadatthadīpakanti tassa vitakkavicārābhāvamattasaṅkhātassa atthassa dīpakaṃ. Na kilesakālussiyassāti upacārakkhaṇe viya nīvaraṇasaṅkhātassa kilesasaṅkhobhassa vūpasamā na sampasādananti attho. Nanu ca ‘‘purimaṃ vatvāpi vattabbamevā’’ti idaṃ kasmā vuttaṃ. Tathā hi dutiyajjhānādiadhigamūpāyadīpakena ajjhattaṃ sampasādanatāya cetaso ekodibhāvatāya ca hetudīpakena avitakkaavicārabhāvahetudīpakena ca vitakkavicāravūpasamavacaneneva vitakkavicārābhāvo dīpitoti, kiṃ puna avitakkaavicāravacanena katenāti? Na, adīpitattā. Na hi vitakkavicāravūpasamavacanena vitakkavicārānaṃ appavatti vuttā hoti. Vitakkavicāresu hi taṇhāppahānaṃ etesaṃ vūpasamanaṃ. Oḷārikaṅgamukhena hi taṃtaṃjhānanikantiyā vikkhambhanaṃ vitakkavicāravūpasamavacanādīhi pakāsitaṃ. Yato vitakkavicāresu virattabhāvadīpakaṃ vitakkavicāravūpasamavacanaṃ, ye ca saṅkhāresu taṇhāppahānaṃ karonti, tesu maggesu pahīnataṇhesu ca phalesu saṅkhārappavatti hoti, evamidhāpi vikkhambhitavitakkavicārataṇhassa dutiyajjhānassa vitakkavicārasampayogo purimena na nivārito siyāti tannivāraṇatthaṃ āvajjitukāmatādiatikkamo ca tesaṃ vūpasamoti dassanatthañca ‘‘avitakkaṃ avicāra’’nti vuttaṃ. Paṭhamajjhānaṃ dutiyajjhānassa upanissayapaccayena paccayo hotīti āha ‘‘paṭhamajjhānasamādhito’’ti. Paṭhamampīti paṭhamajjhānampi.
г̇ан̣анаанубуб̣б̣ад̇од̇иаад̣̇и хздтаа вуд̇д̇анаязнзва взд̣̇ид̇аб̣б̣ам̣. зд̇т̇ааби ‘‘д̣̇уд̇ияам̣ уббаннанд̇иби д̣̇уд̇ияа’’нд̇и вад̇д̇ум̣ ваддад̇иязва. вуд̇д̇амзвад̇т̇ам̣ вибхан̇г̇абаатзна саад̇хзнд̇о ааха ‘‘яат̇аахаа’’д̇иаад̣̇и. яам̣ бана вибхан̇г̇з (вибха. 580) ‘‘жхаананд̇и самбасаад̣̇о бийд̇и сукам̣ жид̇д̇ассзгаг̇г̇ад̇аа’’д̇и вуд̇д̇ам̣, д̇ам̣ сабаригкаарам̣ жхаанам̣ д̣̇ассзд̇ум̣ барияааязна вуд̇д̇ам̣. рат̇асса бан̣д̣угамб̣алам̣ вияа хи самбасаад̣̇о жхаанасса баригкааро, на жхаанан̇г̇анд̇и ааха ‘‘барияааяоязва жзсо’’д̇и. ниббарияааяад̇о бана убаниж̇жхааналагкан̣аббад̇д̇аанам̣ ан̇г̇аанам̣ васзна д̇иван̇г̇игамзвзд̇ам̣ ход̇ийд̇и ааха ‘‘самбасаад̣̇анам̣ бана табзд̇ваа’’д̇иаад̣̇и.
Gaṇanānupubbatotiādi heṭṭhā vuttanayeneva veditabbaṃ. Etthāpi ‘‘dutiyaṃ uppannantipi dutiya’’nti vattuṃ vaṭṭatiyeva. Vuttamevatthaṃ vibhaṅgapāṭhena sādhento āha ‘‘yathāhā’’tiādi. Yaṃ pana vibhaṅge (vibha. 580) ‘‘jhānanti sampasādo pīti sukhaṃ cittassekaggatā’’ti vuttaṃ, taṃ saparikkhāraṃ jhānaṃ dassetuṃ pariyāyena vuttaṃ. Rathassa paṇḍukambalaṃ viya hi sampasādo jhānassa parikkhāro, na jhānaṅganti āha ‘‘pariyāyoyeva ceso’’ti. Nippariyāyato pana upanijjhānalakkhaṇappattānaṃ aṅgānaṃ vasena tivaṅgikamevetaṃ hotīti āha ‘‘sampasādanaṃ pana ṭhapetvā’’tiādi.
д̣̇уд̇ияаж̇жхаанагат̇аа нидтид̇аа.
Dutiyajjhānakathā niṭṭhitā.
