| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
д̣̇уд̇ияаж̇жхаанагат̇ааван̣н̣анаа
Dutiyajjhānakathāvaṇṇanā
161-2. вид̇аггавижаараанам̣ вуубасамаад̇и зд̇зна язхи вид̇аггавижаарзхи батамаж̇жхаанасса ол̣ааригад̇аа, д̇зсам̣ самад̇иггамаа д̣̇уд̇ияаж̇жхаанасса самад̇хиг̇амо, на сабхаавад̇о анол̣ааригаанам̣ пассаад̣̇ийнам̣ самад̇иггамаад̇и аяамад̇т̇о д̣̇ийбид̇о ход̇и. звам̣ ‘‘бийд̇ияаа жа вирааг̇аа’’д̇иаад̣̇ийсу наяо . д̇асмаа вид̇аггавижаарабийд̇исукасамад̇иггамаважанаани ол̣ааригол̣аариган̇г̇асамад̇иггамаа д̣̇уд̇ияаад̣̇иад̇хиг̇амабарид̣̇ийбагаанийд̇и д̇зсам̣ згад̣̇зсабхууд̇ам̣ вид̇аггавижаарасамад̇иггамаважанам̣ д̇ам̣д̣̇ийбаганд̇и вуд̇д̇ам̣. ат̇а ваа вид̇аггавижааравуубасамаважанзнзва д̇ам̣самад̇иггамаа д̣̇уд̇ияаад̇хиг̇амад̣̇ийбагзна бийд̇ивирааг̇аад̣̇иважанаанам̣ бийд̇ияаад̣̇исамад̇иггамаа д̇ад̇ияаад̣̇иад̇хиг̇амад̣̇ийбагад̇аа ход̇ийд̇и д̇асса д̇ам̣д̣̇ийбагад̇аа вуд̇д̇аа.
161-2. Vitakkavicārānaṃ vūpasamāti etena yehi vitakkavicārehi paṭhamajjhānassa oḷārikatā, tesaṃ samatikkamā dutiyajjhānassa samadhigamo, na sabhāvato anoḷārikānaṃ phassādīnaṃ samatikkamāti ayamattho dīpito hoti. Evaṃ ‘‘pītiyā ca virāgā’’tiādīsu nayo . Tasmā vitakkavicārapītisukhasamatikkamavacanāni oḷārikoḷārikaṅgasamatikkamā dutiyādiadhigamaparidīpakānīti tesaṃ ekadesabhūtaṃ vitakkavicārasamatikkamavacanaṃ taṃdīpakanti vuttaṃ. Atha vā vitakkavicāravūpasamavacaneneva taṃsamatikkamā dutiyādhigamadīpakena pītivirāgādivacanānaṃ pītiyādisamatikkamā tatiyādiadhigamadīpakatā hotīti tassa taṃdīpakatā vuttā.
нийлаван̣н̣аяог̇ад̇о нийлавад̇т̇ам̣ вияаад̇и нийлаяог̇ад̇о вад̇т̇ам̣ нийлам̣ вияаад̇и ад̇хиббааяо. язна самбасаад̣̇анзна яог̇аа жхаанам̣ самбасаад̣̇анам̣, д̇асмим̣ д̣̇ассид̇з ‘‘самбасаад̣̇анам̣ жхаана’’нд̇и самаанаад̇хигаран̣анид̣̇д̣̇зсзнзва д̇ам̣яог̇аа жхаанз д̇ам̣сад̣̇д̣̇аббавад̇д̇и д̣̇ассид̇аад̇и авирод̇хо яуд̇д̇о. згод̣̇ибхаавз гат̇анд̇и згод̣̇имхи д̣̇ассид̇з ‘‘згод̣̇ибхаавам̣ жхаана’’нд̇и самаанаад̇хигаран̣анид̣̇д̣̇зсзнзва жхаанасса згод̣̇ивад̣дханад̇аа вуд̇д̇аа ход̇ийд̇и. згод̣̇ибхааванд̇и банид̣̇ам̣ уд̣̇д̇харид̇ваа згод̣̇исса нид̣̇д̣̇зсо на гад̇д̇аб̣б̣о сияаад̇и згод̣̇ибхаавасад̣̇д̣̇о зва самаад̇химхи бавад̇д̇о самбасаад̣̇анасад̣̇д̣̇о вияа жхаанамхи бавад̇д̇ад̇ийд̇и яуд̇д̇ам̣.
Nīlavaṇṇayogato nīlavatthaṃ viyāti nīlayogato vatthaṃ nīlaṃ viyāti adhippāyo. Yena sampasādanena yogā jhānaṃ sampasādanaṃ, tasmiṃ dassite ‘‘sampasādanaṃ jhāna’’nti samānādhikaraṇaniddeseneva taṃyogā jhāne taṃsaddappavatti dassitāti avirodho yutto. Ekodibhāve kathanti ekodimhi dassite ‘‘ekodibhāvaṃ jhāna’’nti samānādhikaraṇaniddeseneva jhānassa ekodivaḍḍhanatā vuttā hotīti. Ekodibhāvanti panidaṃ uddharitvā ekodissa niddeso na kattabbo siyāti ekodibhāvasaddo eva samādhimhi pavatto sampasādanasaddo viya jhānamhi pavattatīti yuttaṃ.
аббид̇аад̇и г̇амид̇аа винаасам̣. д̣̇уд̇ияаж̇жхаанаад̣̇иад̇хиг̇амубааяад̣̇ийбагзна аж̇жхад̇д̇асамбасаад̣̇анад̇ааяа жзд̇асо згод̣̇ибхаавад̇ааяа жа хзд̇уд̣̇ийбагзна авид̇аггаавижаарабхаавахзд̇уд̣̇ийбагзна жа вид̇аггавижааравуубасамаважанзнзва вид̇аггавижаараабхааво д̣̇ийбид̇од̇и гим̣ буна авид̇аггаавижаараважанзна гад̇знаад̇и? на, ад̣̇ийбид̇ад̇д̇аа. на хи вид̇аггавижааравуубасамаважанзна вид̇аггавижаараанам̣ аббавад̇д̇и вуд̇д̇аа ход̇и. вид̇аггавижаарзсу хи д̇ан̣хаабахаанан̃жа зд̇зсам̣ вуубасаманам̣. яз жа сан̇каарзсу д̇ан̣хаабахаанам̣ гаронд̇и, д̇зсу маг̇г̇зсу бахийнад̇ан̣хзсу палзсу жа сан̇каараббавад̇д̇и ход̇и, звамид̇хааби вигкамбхид̇авид̇аггавижаарад̇ан̣хасса д̣̇уд̇ияаж̇жхаанасса вид̇аггавижаарасамбаяог̇о буримзна на ниваарид̇о сияаад̇и д̇ам̣нивааран̣ад̇т̇ам̣ ааваж̇ж̇ид̇угаамад̇аад̣̇иад̇иггамова д̇зсам̣ вуубасамод̇и д̣̇ассанад̇т̇ан̃жа ‘‘авид̇аггам̣ авижаара’’нд̇и вуд̇д̇ам̣.
Appitāti gamitā vināsaṃ. Dutiyajjhānādiadhigamupāyadīpakena ajjhattasampasādanatāya cetaso ekodibhāvatāya ca hetudīpakena avitakkāvicārabhāvahetudīpakena ca vitakkavicāravūpasamavacaneneva vitakkavicārābhāvo dīpitoti kiṃ puna avitakkaavicāravacanena katenāti? Na, adīpitattā. Na hi vitakkavicāravūpasamavacanena vitakkavicārānaṃ appavatti vuttā hoti. Vitakkavicāresu hi taṇhāpahānañca etesaṃ vūpasamanaṃ. Ye ca saṅkhāresu taṇhāpahānaṃ karonti, tesu maggesu pahīnataṇhesu phalesu ca saṅkhārappavatti hoti, evamidhāpi vikkhambhitavitakkavicārataṇhassa dutiyajjhānassa vitakkavicārasampayogo purimena na nivārito siyāti taṃnivāraṇatthaṃ āvajjitukāmatādiatikkamova tesaṃ vūpasamoti dassanatthañca ‘‘avitakkaṃ avicāra’’nti vuttaṃ.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубааважарагусалам̣ • Rūpāvacarakusalaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / д̣̇уд̇ияаж̇жхаанам̣ • Dutiyajjhānaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / д̣̇уд̇ияаж̇жхаанагат̇ааван̣н̣анаа • Dutiyajjhānakathāvaṇṇanā
