| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
दुतियज्झानकथावण्णना
Dutiyajjhānakathāvaṇṇanā
अज्झत्तन्ति झानविसेसनत्ता वुत्तं ‘‘इध नियकज्झत्तमधिप्पेत’’न्ति। झानञ्हि अज्झत्तज्झत्तं न होति छळिन्द्रियानमेव तब्भावतो। खुद्दका ऊमियो वीचियो। महतियो तरङ्गा। सन्ता होन्ति समितातिआदीनि अञ्ञमञ्ञवेवचनानि, झानबलेन समतिक्कन्ताति अधिप्पायो। अप्पिताति गमिता विनासं पापिता। परियायोति झानपरिक्खारे झानवोहारत्ता अपरमत्थतो।
Ajjhattanti jhānavisesanattā vuttaṃ ‘‘idha niyakajjhattamadhippeta’’nti. Jhānañhi ajjhattajjhattaṃ na hoti chaḷindriyānameva tabbhāvato. Khuddakā ūmiyo vīciyo. Mahatiyo taraṅgā. Santā honti samitātiādīni aññamaññavevacanāni, jhānabalena samatikkantāti adhippāyo. Appitāti gamitā vināsaṃ pāpitā. Pariyāyoti jhānaparikkhāre jhānavohārattā aparamatthato.
