| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
ದುತಿಯಜ್ಝಾನಕಥಾವಣ್ಣನಾ
Dutiyajjhānakathāvaṇṇanā
ಅಜ್ಝತ್ತನ್ತಿ ಝಾನವಿಸೇಸನತ್ತಾ ವುತ್ತಂ ‘‘ಇಧ ನಿಯಕಜ್ಝತ್ತಮಧಿಪ್ಪೇತ’’ನ್ತಿ। ಝಾನಞ್ಹಿ ಅಜ್ಝತ್ತಜ್ಝತ್ತಂ ನ ಹೋತಿ ಛಳಿನ್ದ್ರಿಯಾನಮೇವ ತಬ್ಭಾವತೋ। ಖುದ್ದಕಾ ಊಮಿಯೋ ವೀಚಿಯೋ। ಮಹತಿಯೋ ತರಙ್ಗಾ। ಸನ್ತಾ ಹೋನ್ತಿ ಸಮಿತಾತಿಆದೀನಿ ಅಞ್ಞಮಞ್ಞವೇವಚನಾನಿ, ಝಾನಬಲೇನ ಸಮತಿಕ್ಕನ್ತಾತಿ ಅಧಿಪ್ಪಾಯೋ। ಅಪ್ಪಿತಾತಿ ಗಮಿತಾ ವಿನಾಸಂ ಪಾಪಿತಾ। ಪರಿಯಾಯೋತಿ ಝಾನಪರಿಕ್ಖಾರೇ ಝಾನವೋಹಾರತ್ತಾ ಅಪರಮತ್ಥತೋ।
Ajjhattanti jhānavisesanattā vuttaṃ ‘‘idha niyakajjhattamadhippeta’’nti. Jhānañhi ajjhattajjhattaṃ na hoti chaḷindriyānameva tabbhāvato. Khuddakā ūmiyo vīciyo. Mahatiyo taraṅgā. Santā honti samitātiādīni aññamaññavevacanāni, jhānabalena samatikkantāti adhippāyo. Appitāti gamitā vināsaṃ pāpitā. Pariyāyoti jhānaparikkhāre jhānavohārattā aparamatthato.
