| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. д̣̇уд̇ияагаамабхуусуд̇д̇аван̣н̣анаа
6. Dutiyakāmabhūsuttavaṇṇanā
348. чадтз гад̇и ну ко бханд̇з сан̇каараад̇и аяам̣ гира, г̇ахабад̇и, нирод̇хам̣ валан̃ж̇зд̇и, д̇асмаа ‘‘нирод̇хабаад̣̇агз сан̇каарз бужчиссаамий’’д̇и жинд̇зд̇ваа звамааха. т̇зробисса ад̇хиббааяам̣ н̃ад̇ваа бун̃н̃аабхисан̇каараад̣̇ийсу анзгзсу сан̇каарзсу виж̇ж̇амаанзсуби гааяасан̇каараад̣̇аяова аажигканд̇о д̇аяо ко г̇ахабад̇ийд̇иаад̣̇имааха. д̇ад̇т̇а гааяаббадиб̣ад̣̇д̇хад̇д̇аа гааязна сан̇карийяад̇и ниб̣б̣ад̇д̇ийяад̇ийд̇и гааяасан̇кааро. ваажааяа сан̇карод̇и ниб̣б̣ад̇д̇зд̇ийд̇и важийсан̇кааро. жид̇д̇аббадиб̣ад̣̇д̇хад̇д̇аа жид̇д̇зна сан̇карийяад̇и ниб̣б̣ад̇д̇ийяад̇ийд̇и жид̇д̇асан̇кааро.
348. Chaṭṭhe kati nu kho bhante saṅkhārāti ayaṃ kira, gahapati, nirodhaṃ valañjeti, tasmā ‘‘nirodhapādake saṅkhāre pucchissāmī’’ti cintetvā evamāha. Theropissa adhippāyaṃ ñatvā puññābhisaṅkhārādīsu anekesu saṅkhāresu vijjamānesupi kāyasaṅkhārādayova ācikkhanto tayo kho gahapatītiādimāha. Tattha kāyappaṭibaddhattā kāyena saṅkharīyati nibbattīyatīti kāyasaṅkhāro. Vācāya saṅkharoti nibbattetīti vacīsaṅkhāro. Cittappaṭibaddhattā cittena saṅkharīyati nibbattīyatīti cittasaṅkhāro.
гад̇амо бана бханд̇зд̇и ид̇ха гим̣ бужчад̇и? ‘‘имз сан̇каараа ан̃н̃аман̃н̃ам̣ миссаа аалул̣ид̇аа авибхууд̇аа д̣̇уд̣̇д̣̇ийбанаа. д̇ат̇аа хи гааяад̣̇ваарз аад̣̇аанаг̇г̇ахан̣амун̃жанажобанаани баабзд̇ваа уббаннаа адта гаамааважарагусалажзд̇анаа д̣̇ваад̣̇аса агусалажзд̇анаад̇и звам̣ гусалаагусалаа вийсад̇и жзд̇анааби, ассаасабассаасааби гааяасан̇каарод̇взва вужжанд̇и. важийд̣̇ваарз ханусан̃жобанам̣ важийбхзд̣̇ам̣ баабзд̇ваа уббаннаа вуд̇д̇аббагаараава вийсад̇и жзд̇анааби вид̇аггавижаарааби важийсан̇каарод̇взва вужжанд̇и. гааяаважийд̣̇ваарзсу жобанам̣ абад̇ваа рахо нисиннасса жинд̇аяад̇о уббаннаа гусалаагусалаа згуунад̇им̣сажзд̇анааби, сан̃н̃аа жа взд̣̇анаа жаад̇и имз д̣̇вз д̇хаммааби жид̇д̇асан̇каарод̇взва вужжанд̇и. звам̣ имз сан̇каараа ан̃н̃аман̃н̃ам̣ миссаа аалул̣ид̇аа авибхууд̇аа д̣̇уд̣̇д̣̇ийбанаа, д̇з баагадз вибхууд̇з гад̇ваа гат̇аабзссаамий’’д̇и бужчи.
Katamopana bhanteti idha kiṃ pucchati? ‘‘Ime saṅkhārā aññamaññaṃ missā āluḷitā avibhūtā duddīpanā. Tathā hi kāyadvāre ādānaggahaṇamuñcanacopanāni pāpetvā uppannā aṭṭha kāmāvacarakusalacetanā dvādasa akusalacetanāti evaṃ kusalākusalā vīsati cetanāpi, assāsapassāsāpi kāyasaṅkhārotveva vuccanti. Vacīdvāre hanusañcopanaṃ vacībhedaṃ pāpetvā uppannā vuttappakārāva vīsati cetanāpi vitakkavicārāpi vacīsaṅkhārotveva vuccanti. Kāyavacīdvāresu copanaṃ apatvā raho nisinnassa cintayato uppannā kusalākusalā ekūnatiṃsacetanāpi, saññā ca vedanā cāti ime dve dhammāpi cittasaṅkhārotveva vuccanti. Evaṃ ime saṅkhārā aññamaññaṃ missā āluḷitā avibhūtā duddīpanā, te pākaṭe vibhūte katvā kathāpessāmī’’ti pucchi.
гасмаа бана бханд̇зд̇и ид̇ха гааяасан̇каараад̣̇инаамасса бад̣̇ад̇т̇ам̣ бужчад̇и. д̇асса виссаж̇ж̇анз гааяаббадиб̣ад̣̇д̇хаад̇и гааяаниссид̇аа. гааяз сад̇и хонд̇и, асад̇и на хонд̇и. жид̇д̇аббадиб̣ад̣̇д̇хаад̇и жид̇д̇аниссид̇аа. жид̇д̇з сад̇и хонд̇и, асад̇и на хонд̇и.
Kasmā pana bhanteti idha kāyasaṅkhārādināmassa padatthaṃ pucchati. Tassa vissajjane kāyappaṭibaddhāti kāyanissitā. Kāye sati honti, asati na honti. Cittappaṭibaddhāti cittanissitā. Citte sati honti, asati na honti.
ид̣̇аани ‘‘гим̣ ну ко зса сан̃н̃аавзд̣̇аяид̇анирод̇хам̣ валан̃ж̇зд̇и, но валан̃ж̇зд̇и, жин̣н̣авасий ваа д̇ад̇т̇а но жин̣н̣авасий’’д̇и ж̇аананад̇т̇ам̣ бужчанд̇о гат̇ам̣ бана бханд̇з сан̃н̃аавзд̣̇аяид̇анирод̇хасамаабад̇д̇и ход̇ийд̇и ааха. д̇асса виссаж̇ж̇анз самаабаж̇ж̇иссанд̇и ваа самаабаж̇ж̇аамийд̇и ваа бад̣̇ад̣̇ваязна нзвасан̃н̃аанаасан̃н̃ааяад̇анасамаабад̇д̇игаало гат̇ид̇о. самаабаннод̇и бад̣̇зна анд̇онирод̇хо. д̇ат̇аа буримзхи д̣̇вийхи бад̣̇зхи сажид̇д̇агагаало гат̇ид̇о, бажчимзна ажид̇д̇агагаало.
Idāni ‘‘kiṃ nu kho esa saññāvedayitanirodhaṃ valañjeti, no valañjeti, ciṇṇavasī vā tattha no ciṇṇavasī’’ti jānanatthaṃ pucchanto kathaṃ pana bhante saññāvedayitanirodhasamāpatti hotīti āha. Tassa vissajjane samāpajjissanti vā samāpajjāmīti vā padadvayena nevasaññānāsaññāyatanasamāpattikālo kathito. Samāpannoti padena antonirodho. Tathā purimehi dvīhi padehi sacittakakālo kathito, pacchimena acittakakālo.
буб̣б̣зва д̇ат̇аа жид̇д̇ам̣ бхаавид̇ам̣ ход̇ийд̇и нирод̇хасамаабад̇д̇ид̇о буб̣б̣з ад̣̇д̇хаанабарижчзд̣̇агаалзязва ‘‘зд̇д̇агам̣ гаалам̣ ажид̇д̇аго бхависсаамий’’д̇и ад̣̇д̇хаанабарижчзд̣̇ам̣ жид̇д̇ам̣ бхаавид̇ам̣ ход̇и. яам̣ д̇ам̣ д̇ат̇ад̇д̇ааяа убанзд̇ийд̇и яам̣ бана звам̣ бхаавид̇ам̣ жид̇д̇ам̣, д̇ам̣ буг̇г̇алам̣ д̇ат̇ад̇д̇ааяа ажид̇д̇агабхаавааяа убанзд̇и. важийсан̇кааро батамам̣ нируж̇жхад̇ийд̇и сзсасан̇каарзхи батамам̣ д̣̇уд̇ияаж̇жхаанзязва нируж̇жхад̇и. д̇ад̇о гааяасан̇каарод̇и д̇ад̇о барам̣ гааяасан̇кааро жад̇уд̇т̇аж̇жхаанз нируж̇жхад̇и. д̇ад̇о жид̇д̇асан̇каарод̇и д̇ад̇о барам̣ жид̇д̇асан̇кааро анд̇онирод̇хз нируж̇жхад̇и. ааяууд̇и руубаж̇ийвид̇инд̣̇рияам̣. вибарибхиннаанийд̇и убахад̇аани винадтаани.
Pubbeva tathā cittaṃ bhāvitaṃ hotīti nirodhasamāpattito pubbe addhānaparicchedakāleyeva ‘‘ettakaṃ kālaṃ acittako bhavissāmī’’ti addhānaparicchedaṃ cittaṃ bhāvitaṃ hoti. Yaṃ taṃ tathattāya upanetīti yaṃ pana evaṃ bhāvitaṃ cittaṃ, taṃ puggalaṃ tathattāya acittakabhāvāya upaneti. Vacīsaṅkhāro paṭhamaṃ nirujjhatīti sesasaṅkhārehi paṭhamaṃ dutiyajjhāneyeva nirujjhati. Tato kāyasaṅkhāroti tato paraṃ kāyasaṅkhāro catutthajjhāne nirujjhati. Tato cittasaṅkhāroti tato paraṃ cittasaṅkhāro antonirodhe nirujjhati. Āyūti rūpajīvitindriyaṃ. Viparibhinnānīti upahatāni vinaṭṭhāni.
д̇ад̇т̇а гзжи ‘‘нирод̇хасамаабаннасса ‘жид̇д̇асан̇кааро жа нируд̣̇д̇хо’д̇и важанад̇о жид̇д̇ам̣ анируд̣̇д̇хам̣ ход̇и, д̇асмаа сажид̇д̇агааби аяам̣ самаабад̇д̇ий’’д̇и вад̣̇анд̇и. д̇з вад̇д̇аб̣б̣аа – ‘‘важийсан̇кааробисса нируд̣̇д̇хо’’д̇и важанад̇о ваажаа анируд̣̇д̇хаа ход̇и, д̇асмаа нирод̇хасамаабаннзна д̇хаммамби гат̇знд̇зна саж̇жхааяамби гаронд̇зна нисийд̣̇ид̇аб̣б̣ам̣ сияаа. яо жааяам̣ мад̇о гаалан̇гад̇о, д̇ассааби жид̇д̇асан̇кааро нируд̣̇д̇ход̇и важанад̇о жид̇д̇ам̣ анируд̣̇д̇хам̣ бхавзяяа, д̇асмаа гаалан̇гад̇з маад̇аабид̇аро ваа араханд̇з ваа жхаабзнд̇зна аананд̇арияагаммам̣ гад̇ам̣ бхавзяяа. ид̇и б̣яан̃ж̇анз абхинивзсам̣ агад̇ваа аажарияаанам̣ наяз тад̇ваа ад̇т̇о убабаригкид̇аб̣б̣о. ад̇т̇о хи бадисаран̣ам̣, на б̣яан̃ж̇анам̣.
Tattha keci ‘‘nirodhasamāpannassa ‘cittasaṅkhāro ca niruddho’ti vacanato cittaṃ aniruddhaṃ hoti, tasmā sacittakāpi ayaṃ samāpattī’’ti vadanti. Te vattabbā – ‘‘vacīsaṅkhāropissa niruddho’’ti vacanato vācā aniruddhā hoti, tasmā nirodhasamāpannena dhammampi kathentena sajjhāyampi karontena nisīditabbaṃ siyā. Yo cāyaṃ mato kālaṅkato, tassāpi cittasaṅkhāro niruddhoti vacanato cittaṃ aniruddhaṃ bhaveyya, tasmā kālaṅkate mātāpitaro vā arahante vā jhāpentena ānantariyakammaṃ kataṃ bhaveyya. Iti byañjane abhinivesaṃ akatvā ācariyānaṃ naye ṭhatvā attho upaparikkhitabbo. Attho hi paṭisaraṇaṃ, na byañjanaṃ.
инд̣̇рияаани виббасаннаанийд̇и гирияамаяабавад̇д̇асмин̃хи вад̇д̇амаанз б̣ахид̣̇д̇хаарамман̣зсу басаад̣̇з гхаддзнд̇зсу инд̣̇рияаани гиламанд̇и, убахад̇аани магкид̇д̇аани вияа хонд̇и ваад̇аад̣̇ийхи удтид̇араж̇зна жад̇умахаабат̇з табид̇ааад̣̇аасо вияа. яат̇аа бана т̇авигааяа багкибид̇ваа ман̃ж̇уусаад̣̇ийсу табид̇о аад̣̇аасо анд̇оязва вирожад̇и, звам̣ нирод̇хасамаабаннасса бхигкуно анд̇онирод̇хз бан̃жа басаад̣̇аа ад̇ивияа вирожанд̇и. д̇зна вуд̇д̇ам̣ ‘‘инд̣̇рияаани виббасаннааний’’д̇и.
Indriyāni vippasannānīti kiriyamayapavattasmiñhi vattamāne bahiddhārammaṇesu pasāde ghaṭṭentesu indriyāni kilamanti, upahatāni makkhittāni viya honti vātādīhi uṭṭhitarajena catumahāpathe ṭhapitaādāso viya. Yathā pana thavikāya pakkhipitvā mañjūsādīsu ṭhapito ādāso antoyeva virocati, evaṃ nirodhasamāpannassa bhikkhuno antonirodhe pañca pasādā ativiya virocanti. Tena vuttaṃ ‘‘indriyāni vippasannānī’’ti.
вудтахиссанд̇и ваа вудтахаамийд̇и ваа бад̣̇ад̣̇ваязна анд̇онирод̇хагаало гат̇ид̇о, вудтид̇од̇и бад̣̇зна паласамаабад̇д̇игаало. д̇ат̇аа буримзхи д̣̇вийхи бад̣̇зхи ажид̇д̇агагаало гат̇ид̇о, бажчимзна сажид̇д̇агагаало. буб̣б̣зва д̇ат̇аа жид̇д̇ам̣ бхаавид̇ам̣ ход̇ийд̇и нирод̇хасамаабад̇д̇ид̇о буб̣б̣з ад̣̇д̇хаанабарижчзд̣̇агаалзязва ‘‘зд̇д̇агам̣ гаалам̣ ажид̇д̇аго худ̇ваа д̇ад̇о барам̣ сажид̇д̇аго бхависсаамий’’д̇и ад̣̇д̇хаанабарижчзд̣̇ам̣ жид̇д̇ам̣ бхаавид̇ам̣ ход̇и. яам̣ д̇ам̣ д̇ат̇ад̇д̇ааяа убанзд̇ийд̇и яам̣ звам̣ бхаавид̇ам̣ жид̇д̇ам̣, д̇ам̣ буг̇г̇алам̣ д̇ат̇ад̇д̇ааяа сажид̇д̇агабхаавааяа убанзд̇и. ид̇и хздтаа нирод̇хасамаабаж̇ж̇аннагаало г̇ахид̇о, ид̇ха нирод̇хад̇о вудтаанагаало.
Vuṭṭhahissanti vā vuṭṭhahāmīti vā padadvayena antonirodhakālo kathito, vuṭṭhitoti padena phalasamāpattikālo. Tathā purimehi dvīhi padehi acittakakālo kathito, pacchimena sacittakakālo. Pubbeva tathā cittaṃ bhāvitaṃ hotīti nirodhasamāpattito pubbe addhānaparicchedakāleyeva ‘‘ettakaṃ kālaṃ acittako hutvā tato paraṃ sacittako bhavissāmī’’ti addhānaparicchedaṃ cittaṃ bhāvitaṃ hoti. Yaṃ taṃ tathattāya upanetīti yaṃ evaṃ bhāvitaṃ cittaṃ, taṃ puggalaṃ tathattāya sacittakabhāvāya upaneti. Iti heṭṭhā nirodhasamāpajjannakālo gahito, idha nirodhato vuṭṭhānakālo.
ид̣̇аани нирод̇хагат̇ам̣ гат̇зд̇ум̣ гаалод̇и нирод̇хагат̇аа гат̇зд̇аб̣б̣аа сияаа. саа банзсаа ‘‘д̣̇вийхи б̣алзхи саманнааг̇ад̇ад̇д̇аа д̇аяо жа сан̇каараанам̣ бадибассад̣̇д̇хияаа сол̣асахи н̃аан̣ажарияаахи навахи самаад̇хижарияаахи васийбхаавад̇аабан̃н̃аа нирод̇хасамаабад̇д̇ияам̣ н̃аан̣а’’нд̇и маад̇игам̣ табзд̇ваа саб̣б̣аагаарзна висуд̣̇д̇химаг̇г̇з гат̇ид̇аа, д̇асмаа д̇ад̇т̇а гат̇ид̇анаязнзва г̇ахзд̇аб̣б̣аа. го банааяам̣ нирод̇хо наама? жад̇уннам̣ канд̇хаанам̣ бадисан̇каа аббавад̇д̇и. ат̇а гимад̇т̇амзд̇ам̣ самаабаж̇ж̇анд̇ийд̇и? сан̇каараанам̣ бавад̇д̇з угган̣тид̇аа сад̇д̇аахам̣ ажид̇д̇агаа худ̇ваа сукам̣ вихариссаама, д̣̇идтад̇хамманиб̣б̣аанам̣ наамзд̇ам̣ яад̣̇ид̣̇ам̣ нирод̇ход̇и зд̇ад̣̇ад̇т̇ам̣ самаабаж̇ж̇анд̇и.
Idāni nirodhakathaṃ kathetuṃ kāloti nirodhakathā kathetabbā siyā. Sā panesā ‘‘dvīhi balehi samannāgatattā tayo ca saṅkhārānaṃ paṭipassaddhiyā soḷasahi ñāṇacariyāhi navahi samādhicariyāhi vasībhāvatāpaññā nirodhasamāpattiyaṃ ñāṇa’’nti mātikaṃ ṭhapetvā sabbākārena visuddhimagge kathitā, tasmā tattha kathitanayeneva gahetabbā. Ko panāyaṃ nirodho nāma? Catunnaṃ khandhānaṃ paṭisaṅkhā appavatti. Atha kimatthametaṃ samāpajjantīti? Saṅkhārānaṃ pavatte ukkaṇṭhitā sattāhaṃ acittakā hutvā sukhaṃ viharissāma, diṭṭhadhammanibbānaṃ nāmetaṃ yadidaṃ nirodhoti etadatthaṃ samāpajjanti.
жид̇д̇асан̇кааро батамам̣ уббаж̇ж̇ад̇ийд̇и нирод̇хаа вудтаханд̇асса хи паласамаабад̇д̇ижид̇д̇ам̣ батамам̣ уббаж̇ж̇ад̇и. д̇ам̣самбаяуд̇д̇ам̣ сан̃н̃ан̃жа взд̣̇анан̃жа санд̇хааяа ‘‘жид̇д̇асан̇кааро батамам̣ уббаж̇ж̇ад̇ий’’д̇и ааха. д̇ад̇о гааяасан̇каарод̇и д̇ад̇о барам̣ бхаван̇г̇асамаяз гааяасан̇кааро уббаж̇ж̇ад̇и.
Cittasaṅkhāro paṭhamaṃ uppajjatīti nirodhā vuṭṭhahantassa hi phalasamāpatticittaṃ paṭhamaṃ uppajjati. Taṃsampayuttaṃ saññañca vedanañca sandhāya ‘‘cittasaṅkhāro paṭhamaṃ uppajjatī’’ti āha. Tato kāyasaṅkhāroti tato paraṃ bhavaṅgasamaye kāyasaṅkhāro uppajjati.
гим̣ бана паласамаабад̇д̇и ассаасабассаасз на самудтаабзд̇ийд̇и? самудтаабзд̇и. имасса бана жад̇уд̇т̇аж̇жхаанигаа паласамаабад̇д̇и, саа на самудтаабзд̇и. гим̣ ваа зд̇зна? паласамаабад̇д̇и батамаж̇жхаанигаа ваа ход̇у д̣̇уд̇ияад̇ад̇ияажад̇уд̇т̇аж̇жхаанигаа ваа, санд̇асамаабад̇д̇ид̇о вудтид̇асса бхигкуно ассаасабассаасаа аб̣б̣охааригаа хонд̇и, д̇зсам̣ аб̣б̣охааригабхааво сан̃ж̇ийвад̇т̇зравад̇т̇унаа взд̣̇ид̇аб̣б̣о. сан̃ж̇ийвад̇т̇зрасса хи самаабад̇д̇ид̇о вудтааяа гим̣сугабубпасад̣̇исз вийд̇ажжид̇ан̇г̇аарз мад̣̇д̣̇амаанасса г̇ажчад̇о жийварз ам̣сумад̇д̇амби на жхааяи, усмаагаарамад̇д̇амби наахоси. самаабад̇д̇иб̣алам̣ наамзд̇анд̇и вад̣̇анд̇и. звамзва санд̇ааяа паласамаабад̇д̇ияаа вудтид̇асса бхигкуно ассаасабассаасаа аб̣б̣охааригаа хонд̇ийд̇и бхаван̇г̇асамаязнзвзд̇ам̣ гат̇ид̇анд̇и взд̣̇ид̇аб̣б̣ам̣.
Kiṃ pana phalasamāpatti assāsapassāse na samuṭṭhāpetīti? Samuṭṭhāpeti. Imassa pana catutthajjhānikā phalasamāpatti, sā na samuṭṭhāpeti. Kiṃ vā etena? Phalasamāpatti paṭhamajjhānikā vā hotu dutiyatatiyacatutthajjhānikā vā, santasamāpattito vuṭṭhitassa bhikkhuno assāsapassāsā abbohārikā honti, tesaṃ abbohārikabhāvo sañjīvattheravatthunā veditabbo. Sañjīvattherassa hi samāpattito vuṭṭhāya kiṃsukapupphasadise vītaccitaṅgāre maddamānassa gacchato cīvare aṃsumattampi na jhāyi, usmākāramattampi nāhosi. Samāpattibalaṃ nāmetanti vadanti. Evameva santāya phalasamāpattiyā vuṭṭhitassa bhikkhuno assāsapassāsā abbohārikā hontīti bhavaṅgasamayenevetaṃ kathitanti veditabbaṃ.
д̇ад̇о важийсан̇каарод̇и д̇ад̇о барам̣ гирияамаяабавад̇д̇авалан̃ж̇анагаалз важийсан̇кааро уббаж̇ж̇ад̇и. гим̣ бхаван̇г̇ам̣ вид̇аггавижаарз на самудтаабзд̇ийд̇и? самудтаабзд̇и. д̇ам̣самудтаанаа бана вид̇аггавижаараа ваажам̣ абхисан̇каад̇ум̣ на саггонд̇ийд̇и гирияамаяабавад̇д̇авалан̃ж̇анагаалзнзвзд̇ам̣ гат̇ид̇ам̣.
Tatovacīsaṅkhāroti tato paraṃ kiriyamayapavattavalañjanakāle vacīsaṅkhāro uppajjati. Kiṃ bhavaṅgaṃ vitakkavicāre na samuṭṭhāpetīti? Samuṭṭhāpeti. Taṃsamuṭṭhānā pana vitakkavicārā vācaṃ abhisaṅkhātuṃ na sakkontīti kiriyamayapavattavalañjanakālenevetaṃ kathitaṃ.
сун̃н̃ад̇о пассод̇иаад̣̇аяо саг̇ун̣знааби аарамман̣знааби гат̇зд̇аб̣б̣аа. саг̇ун̣зна д̇аава сун̃н̃ад̇аа наама паласамаабад̇д̇и, д̇ааяа сахаж̇аад̇апассам̣ санд̇хааяа ‘‘сун̃н̃ад̇о пассо’’д̇и вуд̇д̇ам̣. анимид̇д̇аббан̣ихид̇зсуби зсзва наяо. аарамман̣зна бана ниб̣б̣аанам̣ рааг̇аад̣̇ийхи сун̃н̃ад̇д̇аа сун̃н̃ад̇аа наама, рааг̇анимид̇д̇аад̣̇ийнам̣ абхааваа анимид̇д̇ам̣, рааг̇ад̣̇осамохаббан̣ид̇хийнам̣ абхааваа аббан̣ихид̇ам̣, сун̃н̃ад̇ам̣ ниб̣б̣аанам̣ аарамман̣ам̣ гад̇ваа уббаннапаласамаабад̇д̇исампассо сун̃н̃ад̇о наама. анимид̇д̇аббан̣ихид̇зсуби зсзва наяо.
Suññato phassotiādayo saguṇenāpi ārammaṇenāpi kathetabbā. Saguṇena tāva suññatā nāma phalasamāpatti, tāya sahajātaphassaṃ sandhāya ‘‘suññato phasso’’ti vuttaṃ. Animittappaṇihitesupi eseva nayo. Ārammaṇena pana nibbānaṃ rāgādīhi suññattā suññatā nāma, rāganimittādīnaṃ abhāvā animittaṃ, rāgadosamohappaṇidhīnaṃ abhāvā appaṇihitaṃ, suññataṃ nibbānaṃ ārammaṇaṃ katvā uppannaphalasamāpattisamphasso suññato nāma. Animittappaṇihitesupi eseva nayo.
абараа ааг̇аманияагат̇аа наама ход̇и. сун̃н̃ад̇аанимид̇д̇ааббан̣ихид̇аад̇и хи вибассанааби вужжад̇и. д̇ад̇т̇а яо бхигку сан̇каарз анижжад̇о бариг̇г̇ахзд̇ваа анижжад̇о д̣̇исваа анижжад̇о вудтаад̇и, д̇асса вудтаанаг̇ааминивибассанаа анимид̇д̇аа наама ход̇и. яо д̣̇угкад̇о бариг̇г̇ахзд̇ваа д̣̇угкад̇о д̣̇исваа д̣̇угкад̇о вудтаад̇и, д̇асса аббан̣ихид̇аа наама. яо анад̇д̇ад̇о бариг̇г̇ахзд̇ваа анад̇д̇ад̇о д̣̇исваа анад̇д̇ад̇о вудтаад̇и, д̇асса сун̃н̃ад̇аа наама. д̇ад̇т̇а анимид̇д̇авибассанааяа маг̇г̇о анимид̇д̇о наама, анимид̇д̇амаг̇г̇асса палам̣ анимид̇д̇ам̣ наама, анимид̇д̇апаласамаабад̇д̇исахаж̇аад̇з пассз пусанд̇з ‘‘анимид̇д̇о пассо пусад̇ий’’д̇и вужжад̇и. аббан̣ихид̇асун̃н̃ад̇зсуби зсзва наяо. ааг̇аманиязна гат̇ид̇з бана сун̃н̃ад̇о ваа пассо анимид̇д̇о ваа пассо аббан̣ихид̇о ваа пассод̇и вигаббо аабаж̇ж̇зяяа, д̇асмаа саг̇ун̣зна жзва аарамман̣зна жа гат̇зд̇аб̣б̣ам̣. зван̃хи д̇аяо пассаа пусанд̇ийд̇и самзд̇и.
Aparā āgamaniyakathā nāma hoti. Suññataanimittaappaṇihitāti hi vipassanāpi vuccati. Tattha yo bhikkhu saṅkhāre aniccato pariggahetvā aniccato disvā aniccato vuṭṭhāti, tassa vuṭṭhānagāminivipassanā animittā nāma hoti. Yo dukkhato pariggahetvā dukkhato disvā dukkhato vuṭṭhāti, tassa appaṇihitā nāma. Yo anattato pariggahetvā anattato disvā anattato vuṭṭhāti, tassa suññatā nāma. Tattha animittavipassanāya maggo animitto nāma, animittamaggassa phalaṃ animittaṃ nāma, animittaphalasamāpattisahajāte phasse phusante ‘‘animitto phasso phusatī’’ti vuccati. Appaṇihitasuññatesupi eseva nayo. Āgamaniyena kathite pana suññato vā phasso animitto vā phasso appaṇihito vā phassoti vikappo āpajjeyya, tasmā saguṇena ceva ārammaṇena ca kathetabbaṃ. Evañhi tayo phassā phusantīti sameti.
вивзганиннанд̇иаад̣̇ийсу ниб̣б̣аанам̣ вивзго наама. д̇асмим̣ вивзгз ниннам̣ онад̇анд̇и вивзганиннам̣. вивзгабон̣анд̇и ан̃н̃ад̇о аг̇анд̇ваа язна вивзго, д̇зна ван̇гам̣ вияа худ̇ваа тид̇анд̇и вивзгабон̣ам̣. язна вивзго, д̇зна бад̇амаанам̣ вияа тид̇анд̇и вивзгабаб̣бхаарам̣.
Vivekaninnantiādīsu nibbānaṃ viveko nāma. Tasmiṃ viveke ninnaṃ onatanti vivekaninnaṃ. Vivekapoṇanti aññato agantvā yena viveko, tena vaṅkaṃ viya hutvā ṭhitanti vivekapoṇaṃ. Yena viveko, tena patamānaṃ viya ṭhitanti vivekapabbhāraṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. д̣̇уд̇ияагаамабхуусуд̇д̇ам̣ • 6. Dutiyakāmabhūsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. д̣̇уд̇ияагаамабхуусуд̇д̇аван̣н̣анаа • 6. Dutiyakāmabhūsuttavaṇṇanā
