| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. д̣̇уд̇ияагаамабхуусуд̇д̇аван̣н̣анаа
6. Dutiyakāmabhūsuttavaṇṇanā
348. нирод̇хам̣ валан̃ж̇зд̇и анааг̇аамибхаавад̇о. имз сан̇каараад̇и имз ‘‘гааяасан̇кааро, важийсан̇кааро, жид̇д̇асан̇кааро’’д̇и вужжамаанаа д̇аяо сан̇каараа. сад̣̇д̣̇ад̇оби, ад̇т̇ад̇оби ан̃н̃аман̃н̃ам̣ миссаа, д̇ад̇о зва аалул̣ид̇аа аагулаа, авибхууд̇аа д̣̇уб̣б̣ибхааванаа, д̣̇уд̣̇д̣̇ийбанаа асан̇гарад̇о д̣̇ийбзд̇ум̣ д̣̇уггараа. д̇ат̇аа хи гусалажзд̇анаа зва ‘‘гааяасан̇кааро’’д̇иби вужжад̇и, ‘‘важийсан̇кааро’’д̇иби, ‘‘жид̇д̇асан̇кааро’’д̇иби. ассаасабассаасааби гад̇т̇ажи ‘‘гааяасан̇кааро’’д̇и, вид̇аггавижаарааби ‘‘важийсан̇кааро’’д̇и вужжанд̇и, сан̃н̃аавзд̣̇анааби ‘‘жид̇д̇асан̇кааро’’д̇и вужжанд̇и. д̇зна вуд̇д̇ам̣ ‘‘д̇ат̇аа хий’’д̇иаад̣̇и. д̇ад̇т̇а аагад̣дхид̇ваа г̇ахан̣ам̣ аад̣̇аанам̣, самбад̇д̇асса хад̇т̇з гаран̣ам̣ г̇ахан̣ам̣, г̇ахид̇асса виссаж̇ж̇анам̣ мун̃жанам̣, панд̣̇анам̣ жобанам̣ баабзд̇ваа нибпаад̣̇зд̇ваа. ханусан̃жобананд̇и гааяавин̃н̃ад̇д̇ивасзна буб̣б̣абхааг̇з ханусан̃жобанам̣ гад̇ваа. зван̃хи важийбхзд̣̇агаран̣ам̣. звам̣ имзд̇иаад̣̇и яат̇аавуд̇д̇асса ад̇т̇асса ниг̇аманам̣.
348.Nirodhaṃvalañjeti anāgāmibhāvato. Ime saṅkhārāti ime ‘‘kāyasaṅkhāro, vacīsaṅkhāro, cittasaṅkhāro’’ti vuccamānā tayo saṅkhārā. Saddatopi, atthatopi aññamaññaṃ missā, tato eva āluḷitā ākulā, avibhūtā dubbibhāvanā, duddīpanā asaṅkarato dīpetuṃ dukkarā. Tathā hi kusalacetanā eva ‘‘kāyasaṅkhāro’’tipi vuccati, ‘‘vacīsaṅkhāro’’tipi, ‘‘cittasaṅkhāro’’tipi. Assāsapassāsāpi katthaci ‘‘kāyasaṅkhāro’’ti, vitakkavicārāpi ‘‘vacīsaṅkhāro’’ti vuccanti, saññāvedanāpi ‘‘cittasaṅkhāro’’ti vuccanti. Tena vuttaṃ ‘‘tathā hī’’tiādi. Tattha ākaḍḍhitvā gahaṇaṃ ādānaṃ, sampattassa hatthe karaṇaṃ gahaṇaṃ, gahitassa vissajjanaṃ muñcanaṃ, phandanaṃ copanaṃ pāpetvā nipphādetvā. Hanusañcopananti kāyaviññattivasena pubbabhāge hanusañcopanaṃ katvā. Evañhi vacībhedakaraṇaṃ. Evaṃ imetiādi yathāvuttassa atthassa nigamanaṃ.
бад̣̇ад̇т̇ам̣ бужчад̇и ид̇арасан̇каарзхи бад̣̇ад̇т̇ад̇о висзсам̣ гат̇аабзссаамийд̇и. гааяаниссид̇аад̇и зд̇т̇а гааяаниссид̇ад̇аа жа нзсам̣ д̇аб̣бхаавабхаавид̇ааяа взд̣̇ид̇аб̣б̣аа, на гааяасса ниссаяабажжаяад̇аавасзнаад̇и д̣̇ассзнд̇о ‘‘гааяз сад̇и хонд̇и, асад̇и на хонд̇ий’’д̇и ааха. гааяод̇и жзд̇т̇а гараж̇агааяо д̣̇адтаб̣б̣о. жид̇д̇аниссид̇аад̇и жид̇д̇ам̣ ниссааяа д̇ам̣ ниссаяабажжаяабхууд̇ам̣ лабхид̇ваа уббаннаа.
Padatthaṃ pucchati itarasaṅkhārehi padatthato visesaṃ kathāpessāmīti. Kāyanissitāti ettha kāyanissitatā ca nesaṃ tabbhāvabhāvitāya veditabbā, na kāyassa nissayapaccayatāvasenāti dassento ‘‘kāye sati honti, asati na hontī’’ti āha. Kāyoti cettha karajakāyo daṭṭhabbo. Cittanissitāti cittaṃ nissāya taṃ nissayapaccayabhūtaṃ labhitvā uppannā.
‘‘самаабаж̇ж̇аамий’’д̇и бад̣̇асса самийбз вужжамаанам̣ ‘‘самаабаж̇ж̇исса’’нд̇и бад̣̇ам̣ аасаннаанааг̇ад̇агаалаваажий зва бхавид̇ум̣ яуд̇д̇ам̣, на ид̇аранд̇и ааха – ‘‘бад̣̇ад̣̇ваязна нзвасан̃н̃аанаасан̃н̃ааяад̇анасамаабад̇д̇игаало гат̇ид̇о’’д̇и. д̇аяид̣̇ам̣ д̇асса д̇ат̇аа вад̇д̇аб̣б̣ад̇ааяа вуд̇д̇ам̣, на бана д̇асса д̇ат̇аа жид̇д̇абавад̇д̇исамбхавад̇о. самаабаннзби зсзва наяо. буримзхийд̇и ‘‘самаабаж̇ж̇иссам̣ самаабаж̇ж̇аамий’’д̇и д̣̇вийхи бад̣̇зхи. бажчимзнаад̇и ‘‘самаабанно’’д̇и бад̣̇зна.
‘‘Samāpajjāmī’’ti padassa samīpe vuccamānaṃ ‘‘samāpajjissa’’nti padaṃ āsannānāgatakālavācī eva bhavituṃ yuttaṃ, na itaranti āha – ‘‘padadvayena nevasaññānāsaññāyatanasamāpattikālo kathito’’ti. Tayidaṃ tassa tathā vattabbatāya vuttaṃ, na pana tassa tathā cittapavattisambhavato. Samāpannepi eseva nayo. Purimehīti ‘‘samāpajjissaṃ samāpajjāmī’’ti dvīhi padehi. Pacchimenāti ‘‘samāpanno’’ti padena.
бхаавид̇ам̣ ход̇и уббаад̣̇ид̇ам̣ ход̇и нирод̇хасамаабаннад̇т̇ааяа. анубуб̣б̣асамаабад̇д̇исамаабаж̇ж̇анасан̇каад̇ааяа нирод̇хабхааванааяа д̇ам̣ жид̇д̇ам̣ бхаавид̇ам̣ ход̇и. д̇знааха ‘‘яам̣ д̇а’’нд̇иаад̣̇и. д̣̇уд̇ияаж̇жхаанзязваад̇и д̣̇уд̇ияаж̇жхаанагкан̣з нируж̇жхад̇и. д̇ад̇т̇а ануббаж̇ж̇анад̇о ануббаад̣̇анад̇о хздтаа нирод̇ход̇и ад̇хиббзд̇о. жад̇уннам̣ аруубагканд̇хаанам̣ д̇аж̇ж̇аа баригаммасид̣̇д̇хаа яаа аббавад̇д̇и , д̇ад̇т̇а ‘‘нирод̇хасамаабад̇д̇исан̃н̃аа’’д̇и, яаа нзсам̣ д̇ат̇аа аббавад̇д̇и. саа ‘‘анд̇онирод̇хз нируж̇жхад̇ий’’д̇и вуд̇д̇аа.
Bhāvitaṃ hoti uppāditaṃ hoti nirodhasamāpannatthāya. Anupubbasamāpattisamāpajjanasaṅkhātāya nirodhabhāvanāya taṃ cittaṃ bhāvitaṃ hoti. Tenāha ‘‘yaṃ ta’’ntiādi. Dutiyajjhāneyevāti dutiyajjhānakkhaṇe nirujjhati. Tattha anuppajjanato anuppādanato heṭṭhā nirodhoti adhippeto. Catunnaṃ arūpakkhandhānaṃ tajjā parikammasiddhā yā appavatti , tattha ‘‘nirodhasamāpattisaññā’’ti, yā nesaṃ tathā appavatti. Sā ‘‘antonirodhe nirujjhatī’’ti vuttā.
‘‘жид̇д̇асан̇кааро нируд̣̇д̇хо’’д̇и важанад̇о д̇ад̣̇ан̃н̃зсам̣ анирод̇хам̣ ижчанд̇аанам̣ ваад̣̇ам̣ д̣̇ассзнд̇о ‘‘жид̇д̇асан̇кааро нируд̣̇д̇ход̇и важанад̇о’’д̇иаад̣̇им̣ вад̇ваа д̇ад̇т̇а ад̇иббасан̇г̇ад̣̇ассанамукзна д̇ам̣ ваад̣̇ам̣ нисзд̇хзд̇ум̣ ‘‘д̇з вад̇д̇аб̣б̣аа’’д̇иаад̣̇имааха. абхинивзсам̣ агад̇ваад̇и яат̇ааг̇ад̇з б̣яан̃ж̇анамад̇д̇з абхинивзсам̣ агад̇ваа. аажарияаанам̣ наязд̇и аажарияаанам̣ барамбарааг̇ад̇з д̇хамманаяз д̇хамманзд̇д̇ияам̣ тад̇ваа.
‘‘Cittasaṅkhāro niruddho’’ti vacanato tadaññesaṃ anirodhaṃ icchantānaṃ vādaṃ dassento ‘‘cittasaṅkhāro niruddhoti vacanato’’tiādiṃ vatvā tattha atippasaṅgadassanamukhena taṃ vādaṃ nisedhetuṃ ‘‘te vattabbā’’tiādimāha. Abhinivesaṃ akatvāti yathāgate byañjanamatte abhinivesaṃ akatvā. Ācariyānaṃ nayeti ācariyānaṃ paramparāgate dhammanaye dhammanettiyaṃ ṭhatvā.
гирияамаяабавад̇д̇асминд̇и барид̇д̇абхуумагагусалаагусалад̇хаммабаб̣анд̇хз вад̇д̇амаанз. д̇асмин̃хи вад̇д̇амаанз гааяига-ваажасига-гирияасамбавад̇д̇и ход̇и, д̣̇ассана-саванаад̣̇ивасзна аарамман̣аг̇г̇ахан̣з бавад̇д̇амаанзд̇и ад̇т̇о. д̇знааха – ‘‘б̣ахид̣̇д̇хаарамман̣зсу басаад̣̇з гхаддзнд̇зсуу’’д̇и. магкид̇аани вияаад̇и бун̃чид̇аани вияа хонд̇и гхадданааяа виб̣аад̇хид̇ад̇д̇аа. зд̇знааяам̣ гхадданаа бан̃жад̣̇вааригавин̃н̃аан̣аанам̣ взг̇асаа уббаж̇ж̇анааяа на аарамман̣анд̇и д̣̇ассзд̇и. д̇знзвааха – ‘‘анд̇онирод̇хз бан̃жа басаад̣̇аа ад̇ивияа вирожанд̇ий’’д̇и.
Kiriyamayapavattasminti parittabhūmakakusalākusaladhammapabandhe vattamāne. Tasmiñhi vattamāne kāyika-vācasika-kiriyasampavatti hoti, dassana-savanādivasena ārammaṇaggahaṇe pavattamāneti attho. Tenāha – ‘‘bahiddhārammaṇesu pasāde ghaṭṭentesū’’ti. Makkhitāni viyāti puñchitāni viya honti ghaṭṭanāya vibādhitattā. Etenāyaṃ ghaṭṭanā pañcadvārikaviññāṇānaṃ vegasā uppajjanāya na ārammaṇanti dasseti. Tenevāha – ‘‘antonirodhe pañca pasādā ativiya virocantī’’ti.
д̇ад̇о барам̣ сажид̇д̇аго бхависсаамийд̇и ид̣̇ам̣ ад̇т̇ад̇о аабаннам̣ г̇ахзд̇ваа вуд̇д̇ам̣ – ‘‘зд̇д̇агам̣ гаалам̣ ажид̇д̇аго бхависсаамий’’д̇и зд̇знзва д̇асса ад̇т̇асса сид̣̇д̇хад̇д̇аа. яам̣ звам̣ бхаавид̇анд̇и зд̇т̇а висум̣ жид̇д̇асса бхааванаа наама над̇т̇и, ад̣̇д̇хаанабарижчзд̣̇ам̣ бана гад̇ваа нирод̇хасамаабад̇д̇ад̇т̇ааяа гаад̇аб̣б̣абаригаммабхааванааяа зва д̇асса сиж̇жханад̇о.
Tato paraṃ sacittako bhavissāmīti idaṃ atthato āpannaṃ gahetvā vuttaṃ – ‘‘ettakaṃ kālaṃ acittako bhavissāmī’’ti eteneva tassa atthassa siddhattā. Yaṃ evaṃ bhāvitanti ettha visuṃ cittassa bhāvanā nāma natthi, addhānaparicchedaṃ pana katvā nirodhasamāpattatthāya kātabbaparikammabhāvanāya eva tassa sijjhanato.
саа банзсаа нирод̇хагат̇аа. д̣̇вийхи б̣алзхийд̇и самат̇авибассанааб̣алзхи. д̇аяо жа сан̇каараананд̇и д̇ин̣н̣ам̣ гааяаважийжид̇д̇асан̇каараанам̣ бадиббассад̣̇д̇хияаа. сол̣асахи н̃аан̣ажарияаахийд̇и анижжаанубассанаад̣̇ийнам̣ адтаннам̣ анубассанаан̃аан̣аанам̣, адтаннан̃жа маг̇г̇апалан̃аан̣аанам̣ васзна имаахи сол̣асахи н̃аан̣аббавад̇д̇ийхи. навахи самаад̇хижарияаахийд̇и адта самаабад̇д̇ияо адта самаад̇хижарияаа, д̇аасам̣ убажаарасамаад̇хи самаад̇хибхаавасааман̃н̃зна згаа самаад̇хижарияаад̇и звам̣ навахи самаад̇хижарияаахи. васийбхаавад̇аабан̃н̃аад̇и васийбхаавад̇аасан̇каад̇аа бан̃н̃аа. саб̣б̣аагаарзна висуд̣̇д̇химаг̇г̇з гат̇ид̇аа, д̇з д̇аава аагаараа д̇идтанд̇у, саруубамад̇д̇асса банасса вад̇д̇аб̣б̣анд̇и ааха – ‘‘го банааяам̣ нирод̇хо наамаа’’д̇и. яад̣̇и канд̇хаанам̣ аббавад̇д̇и, ат̇а гимад̇т̇амзд̇ам̣ жхаанасукаад̣̇им̣ вияа самаабаж̇ж̇анд̇ийд̇и ааха ‘‘сан̇каараана’’нд̇иаад̣̇и.
Sā panesā nirodhakathā. Dvīhi balehīti samathavipassanābalehi. Tayo ca saṅkhārānanti tiṇṇaṃ kāyavacīcittasaṅkhārānaṃ paṭippassaddhiyā. Soḷasahi ñāṇacariyāhīti aniccānupassanādīnaṃ aṭṭhannaṃ anupassanāñāṇānaṃ, aṭṭhannañca maggaphalañāṇānaṃ vasena imāhi soḷasahi ñāṇappavattīhi. Navahi samādhicariyāhīti aṭṭha samāpattiyo aṭṭha samādhicariyā, tāsaṃ upacārasamādhi samādhibhāvasāmaññena ekā samādhicariyāti evaṃ navahi samādhicariyāhi. Vasībhāvatāpaññāti vasībhāvatāsaṅkhātā paññā. Sabbākārena visuddhimagge kathitā, te tāva ākārā tiṭṭhantu, sarūpamattassa panassa vattabbanti āha – ‘‘ko panāyaṃ nirodho nāmā’’ti. Yadi khandhānaṃ appavatti, atha kimatthametaṃ jhānasukhādiṃ viya samāpajjantīti āha ‘‘saṅkhārāna’’ntiādi.
паласамаабад̇д̇ижид̇д̇анд̇и арахад̇д̇ам̣ анааг̇аамипалажид̇д̇ам̣. ‘‘д̇ад̇о барам̣ бхаван̇г̇асамаяз’’д̇и вуд̇д̇ад̇д̇аа ааха ‘‘гим̣ бана…бз… на самудтаабзд̇ий’’д̇и. самудтаабзд̇и руубасамуббаад̣̇агад̇д̇аа. имассаад̇и нирод̇хам̣ самаабаннабхигкуно. саа на самудтаабзд̇ийд̇и саа жад̇уд̇т̇аж̇жхаанигаа паласамаабад̇д̇и на самудтаабзд̇и ассаасабассаасз. паласамаабад̇д̇ияаа жад̇уд̇т̇аж̇жхаанигабхааво гат̇ам̣ нижчид̇од̇и ааха – ‘‘гим̣ ваа зд̇знаа’’д̇иаад̣̇и. вагкамаанаагаарзнаби барихааро ход̇ийд̇и. санд̇асамаабад̇д̇ид̇од̇и нирод̇хасамаабад̇д̇имзва санд̇хааяа вад̣̇ад̇и. аб̣б̣охааригаа хонд̇и ад̇исукумасабхаавад̇д̇аа, сан̃ж̇ийвад̇т̇зрасса буб̣б̣з самаабад̇д̇игкан̣з ассаасабассаасаа аб̣б̣охааригабхаавам̣ г̇ажчанд̇и. д̇зна вуд̇д̇ам̣ ‘‘бхаван̇г̇асамаязнзвзд̇ам̣ гат̇ид̇а’’нд̇и.
Phalasamāpatticittanti arahattaṃ anāgāmiphalacittaṃ. ‘‘Tato paraṃ bhavaṅgasamaye’’ti vuttattā āha ‘‘kiṃ pana…pe… na samuṭṭhāpetī’’ti. Samuṭṭhāpeti rūpasamuppādakattā. Imassāti nirodhaṃ samāpannabhikkhuno. Sā na samuṭṭhāpetīti sā catutthajjhānikā phalasamāpatti na samuṭṭhāpeti assāsapassāse. Phalasamāpattiyā catutthajjhānikabhāvo kathaṃ nicchitoti āha – ‘‘kiṃ vā etenā’’tiādi. Vakkhamānākārenapi parihāro hotīti. Santasamāpattitoti nirodhasamāpattimeva sandhāya vadati. Abbohārikā honti atisukhumasabhāvattā, sañjīvattherassa pubbe samāpattikkhaṇe assāsapassāsā abbohārikabhāvaṃ gacchanti. Tena vuttaṃ ‘‘bhavaṅgasamayenevetaṃ kathita’’nti.
гирияамаяа …бз… уббаж̇ж̇ад̇ийд̇и гасмаа вуд̇д̇ам̣? нану бхаван̇г̇уббад̇д̇игааламби вид̇аггавижаараа уббаж̇ж̇анд̇зваад̇и? гин̃жааби уббаж̇ж̇анд̇и, важийсан̇кааралагкан̣аббад̇д̇аа бана на хонд̇ийд̇и имамад̇т̇ам̣ д̣̇ассзд̇ум̣ ‘‘гим̣ бхаван̇г̇а’’нд̇иаад̣̇и вуд̇д̇ам̣.
Kiriyamaya…pe… uppajjatīti kasmā vuttaṃ? Nanu bhavaṅguppattikālampi vitakkavicārā uppajjantevāti? Kiñcāpi uppajjanti, vacīsaṅkhāralakkhaṇappattā pana na hontīti imamatthaṃ dassetuṃ ‘‘kiṃ bhavaṅga’’ntiādi vuttaṃ.
сун̃н̃ад̇о пассод̇иаад̣̇аяо саг̇ун̣знаби аарамман̣знаад̇и аарамман̣абхууд̇амзд̇ам̣. сун̃н̃ад̇аа наама паласамаабад̇д̇и нижжасукаад̇д̇асабхаавад̇о сун̃н̃ад̇д̇аа. ‘‘сун̃н̃ад̇о пассо’’д̇и вуд̇д̇ам̣ вуд̇д̇анаязна сун̃н̃асабхаавад̇д̇аа. анимид̇д̇аа наама паласамаабад̇д̇и рааг̇анимид̇д̇аад̣̇ийнам̣ абхаавад̇о. аббан̣ихид̇аа наама паласамаабад̇д̇и рааг̇абан̣ид̇хиаад̣̇ийнамабхаавад̇о. сзсам̣ вуд̇д̇анаяамзва. д̇знааха ‘‘анимид̇д̇аббан̣ихид̇зсуби зсзва наяо’’д̇и. рааг̇анимид̇д̇аад̣̇ийнанд̇и зд̇т̇а аад̣̇и-сад̣̇д̣̇зна сан̇кааранимид̇д̇ассаби сан̇г̇ахо д̣̇адтаб̣б̣о. яад̣̇аг̇г̇зна паласамаабад̇д̇исампассо сун̃н̃ад̇о наама, д̇ад̣̇аг̇г̇зна паласамаабад̇д̇иби сун̃н̃ад̇аа наама, пассасийсзна бана д̣̇зсанаа ааг̇ад̇аад̇и д̇ат̇аа вуд̇д̇ам̣. анимид̇д̇аббан̣ихид̇зсуби зсзва наяо.
Suññato phassotiādayo saguṇenapi ārammaṇenāti ārammaṇabhūtametaṃ. Suññatā nāma phalasamāpatti niccasukhaattasabhāvato suññattā. ‘‘Suññato phasso’’ti vuttaṃ vuttanayena suññasabhāvattā. Animittā nāma phalasamāpatti rāganimittādīnaṃ abhāvato. Appaṇihitā nāma phalasamāpatti rāgapaṇidhiādīnamabhāvato. Sesaṃ vuttanayameva. Tenāha ‘‘animittappaṇihitesupi eseva nayo’’ti. Rāganimittādīnanti ettha ādi-saddena saṅkhāranimittassapi saṅgaho daṭṭhabbo. Yadaggena phalasamāpattisamphasso suññato nāma, tadaggena phalasamāpattipi suññatā nāma, phassasīsena pana desanā āgatāti tathā vuttaṃ. Animittappaṇihitesupi eseva nayo.
ааг̇аманам̣ зд̇т̇а, зд̇ааяаад̇и ваа ааг̇аманигаа, саа зва ааг̇аманияаа га-гаарасса яа-гаарам̣ гад̇ваа. вудтаад̇и нимид̇д̇ад̇о маг̇г̇асса уббаад̣̇анзна. анимид̇д̇аа наама нижжанимид̇д̇асса уг̇гхааданад̇о. зд̇т̇а жа вудтаанамзва бамаан̣ам̣, на бариг̇г̇ахад̣̇ассанаани. аббан̣ихид̇аа наама сукабан̣ид̇хияаа бадибагкад̇о. сун̃н̃ад̇аа наама ад̇д̇ад̣̇идтияаа уж̇убадибагкад̇д̇аа сад̇д̇асун̃н̃ад̇ааяа суд̣̇идтад̇д̇аа. маг̇г̇о анимид̇д̇о наама вибассанааг̇аманад̇о. палам̣ анимид̇д̇ам̣ наама маг̇г̇ааг̇аманад̇о. вигаббо аабаж̇ж̇зяяа ааг̇аманасса вавад̇т̇аанасса абхаавзна, вибассанааяа анимид̇д̇аад̣̇инаамалаабхо ававад̇т̇ид̇од̇и ад̇хиббааяо. д̇зна вуд̇д̇ам̣ ‘‘д̇асмаа’’д̇иаад̣̇и. яасмаа бана саа маг̇г̇авудтаанагаалз зваруубааби ход̇ийд̇и д̇асса васзна маг̇г̇апалаанам̣ вияа пассассаби бавад̇д̇ируубад̇д̇аа яат̇аавуд̇д̇о вигаббо анавасарод̇и д̣̇адтаб̣б̣ам̣. д̇аяо пассаа пусанд̇ийд̇и буг̇г̇алабхзд̣̇авасзна вуд̇д̇ам̣. на хи згам̣язва буг̇г̇алам̣ зд̇асмим̣ кан̣з д̇аяо пассаа пусанд̇и. ‘‘д̇ивид̇хо пассо пусад̇ий’’д̇и ваа бхавид̇аб̣б̣ам̣. яасмаа бана ‘‘нирод̇хапаласамаабад̇д̇ияаа вудтид̇ассаа’’д̇иаад̣̇и яасса яат̇аавуд̇д̇аа д̇аяо зва пассаа самбхаванд̇и, д̇асса анавасзсаг̇г̇ахан̣авасзнзва вуд̇д̇ам̣ ‘‘д̇аяо пассаа пусанд̇ий’’д̇и.
Āgamanaṃ ettha, etāyāti vā āgamanikā, sā eva āgamaniyā ka-kārassa ya-kāraṃ katvā. Vuṭṭhāti nimittato maggassa uppādanena. Animittā nāma niccanimittassa ugghāṭanato. Ettha ca vuṭṭhānameva pamāṇaṃ, na pariggahadassanāni. Appaṇihitā nāma sukhapaṇidhiyā paṭipakkhato. Suññatā nāma attadiṭṭhiyā ujupaṭipakkhattā sattasuññatāya sudiṭṭhattā. Maggo animitto nāma vipassanāgamanato. Phalaṃ animittaṃ nāma maggāgamanato. Vikappo āpajjeyya āgamanassa vavatthānassa abhāvena, vipassanāya animittādināmalābho avavatthitoti adhippāyo. Tena vuttaṃ ‘‘tasmā’’tiādi. Yasmā pana sā maggavuṭṭhānakāle evarūpāpi hotīti tassa vasena maggaphalānaṃ viya phassassapi pavattirūpattā yathāvutto vikappo anavasaroti daṭṭhabbaṃ. Tayo phassā phusantīti puggalabhedavasena vuttaṃ. Na hi ekaṃyeva puggalaṃ etasmiṃ khaṇe tayo phassā phusanti. ‘‘Tividho phasso phusatī’’ti vā bhavitabbaṃ. Yasmā pana ‘‘nirodhaphalasamāpattiyā vuṭṭhitassā’’tiādi yassa yathāvuttā tayo eva phassā sambhavanti, tassa anavasesaggahaṇavaseneva vuttaṃ ‘‘tayo phassā phusantī’’ti.
ниб̣б̣аанам̣ вивзго наама саб̣б̣асан̇кааравивид̇д̇абхаавад̇о. д̇асмим̣ вивзгз зганд̇знзва ниннабон̣ад̇д̇аа зва хи д̇з бадиббассад̣̇д̇хасаб̣б̣уссуггаа уд̇д̇амабурисаа жад̇уннам̣ канд̇хаанам̣ аббавад̇д̇им̣ анавасзсаг̇г̇ахан̣алагкан̣ам̣ нирод̇хасамаабад̇д̇им̣ самаабаж̇ж̇анд̇ийд̇и.
Nibbānaṃ viveko nāma sabbasaṅkhāravivittabhāvato. Tasmiṃ viveke ekanteneva ninnapoṇattā eva hi te paṭippassaddhasabbussukkā uttamapurisā catunnaṃ khandhānaṃ appavattiṃ anavasesaggahaṇalakkhaṇaṃ nirodhasamāpattiṃ samāpajjantīti.
д̣̇уд̇ияагаамабхуусуд̇д̇аван̣н̣анаа нидтид̇аа.
Dutiyakāmabhūsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. д̣̇уд̇ияагаамабхуусуд̇д̇ам̣ • 6. Dutiyakāmabhūsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. д̣̇уд̇ияагаамабхуусуд̇д̇аван̣н̣анаа • 6. Dutiyakāmabhūsuttavaṇṇanā
