| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၁၀. ဒုတိယကဏ္ဟသပ္ပသုတ္တံ
10. Dutiyakaṇhasappasuttaṃ
၂၃၀. ‘‘ပဉ္စိမေ, ဘိက္ခဝေ, အာဒီနဝာ ကဏ္ဟသပ္ပေ။ ကတမေ ပဉ္စ? ကောဓနော, ဥပနာဟီ, ဃောရဝိသော, ဒုဇ္ဇိဝ္ဟော, မိတ္တဒုဗ္ဘီ – ဣမေ ခော, ဘိက္ခဝေ, ပဉ္စ အာဒီနဝာ ကဏ္ဟသပ္ပေ။
230. ‘‘Pañcime, bhikkhave, ādīnavā kaṇhasappe. Katame pañca? Kodhano, upanāhī, ghoraviso, dujjivho, mittadubbhī – ime kho, bhikkhave, pañca ādīnavā kaṇhasappe.
‘‘ဧဝမေဝံ ခော, ဘိက္ခဝေ, ပဉ္စိမေ အာဒီနဝာ မာတုဂာမေ။ ကတမေ ပဉ္စ? ကောဓနော, ဥပနာဟီ, ဃောရဝိသော, ဒုဇ္ဇိဝ္ဟော, မိတ္တဒုဗ္ဘီ။ တတ္ရိဒံ, ဘိက္ခဝေ, မာတုဂာမသ္သ ဃောရဝိသတာ – ယေဘုယ္ယေန, ဘိက္ခဝေ, မာတုဂာမော တိဗ္ဗရာဂော။ တတ္ရိဒံ, ဘိက္ခဝေ, မာတုဂာမသ္သ ဒုဇ္ဇိဝ္ဟတာ – ယေဘုယ္ယေန, ဘိက္ခဝေ, မာတုဂာမော ပိသုဏဝာစော။ တတ္ရိဒံ, ဘိက္ခဝေ, မာတုဂာမသ္သ မိတ္တဒုဗ္ဘိတာ – ယေဘုယ္ယေန , ဘိက္ခဝေ, မာတုဂာမော အတိစာရိနီ။ ဣမေ ခော, ဘိက္ခဝေ, ပဉ္စ အာဒီနဝာ မာတုဂာမေ’’တိ။ ဒသမံ။
‘‘Evamevaṃ kho, bhikkhave, pañcime ādīnavā mātugāme. Katame pañca? Kodhano, upanāhī, ghoraviso, dujjivho, mittadubbhī. Tatridaṃ, bhikkhave, mātugāmassa ghoravisatā – yebhuyyena, bhikkhave, mātugāmo tibbarāgo. Tatridaṃ, bhikkhave, mātugāmassa dujjivhatā – yebhuyyena, bhikkhave, mātugāmo pisuṇavāco. Tatridaṃ, bhikkhave, mātugāmassa mittadubbhitā – yebhuyyena , bhikkhave, mātugāmo aticārinī. Ime kho, bhikkhave, pañca ādīnavā mātugāme’’ti. Dasamaṃ.
ဒီဃစာရိကဝဂ္ဂော တတိယော။
Dīghacārikavaggo tatiyo.
တသ္သုဒ္ဒာနံ –
Tassuddānaṃ –
ဒ္ဝေ ဒီဃစာရိကာ ဝုတ္တာ၊ အတိနိဝာသမစ္ဆရီ။
Dve dīghacārikā vuttā, atinivāsamaccharī;
ဒ္ဝေ စ ကုလူပကာ ဘောဂာ၊ ဘတ္တံ သပ္ပာပရေ ဒုဝေတိ။
Dve ca kulūpakā bhogā, bhattaṃ sappāpare duveti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁၀. ဒုတိယကဏ္ဟသပ္ပသုတ္တဝဏ္ဏနာ • 10. Dutiyakaṇhasappasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၁၀. ပဌမဒီဃစာရိကသုတ္တာဒိဝဏ္ဏနာ • 1-10. Paṭhamadīghacārikasuttādivaṇṇanā
