| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
10. දුතියකණ්‌හසප්‌පසුත්‌තං
10. Dutiyakaṇhasappasuttaṃ
230. ‘‘පඤ්‌චිමෙ, භික්‌ඛවෙ, ආදීනවා කණ්‌හසප්‌පෙ. කතමෙ පඤ්‌ච? කොධනො, උපනාහී, ඝොරවිසො, දුජ්‌ජිව්‌හො, මිත්‌තදුබ්‌භී – ඉමෙ ඛො, භික්‌ඛවෙ, පඤ්‌ච ආදීනවා කණ්‌හසප්‌පෙ.
230. ‘‘Pañcime, bhikkhave, ādīnavā kaṇhasappe. Katame pañca? Kodhano, upanāhī, ghoraviso, dujjivho, mittadubbhī – ime kho, bhikkhave, pañca ādīnavā kaṇhasappe.
‘‘එවමෙවං ඛො, භික්‌ඛවෙ, පඤ්‌චිමෙ ආදීනවා මාතුගාමෙ. කතමෙ පඤ්‌ච? කොධනො, උපනාහී, ඝොරවිසො, දුජ්‌ජිව්‌හො, මිත්‌තදුබ්‌භී. තත්‍රිදං, භික්‌ඛවෙ, මාතුගාමස්‌ස ඝොරවිසතා – යෙභුය්‍යෙන, භික්‌ඛවෙ, මාතුගාමො තිබ්‌බරාගො. තත්‍රිදං, භික්‌ඛවෙ, මාතුගාමස්‌ස දුජ්‌ජිව්‌හතා – යෙභුය්‍යෙන, භික්‌ඛවෙ, මාතුගාමො පිසුණවාචො. තත්‍රිදං, භික්‌ඛවෙ, මාතුගාමස්‌ස මිත්‌තදුබ්‌භිතා – යෙභුය්‍යෙන , භික්‌ඛවෙ, මාතුගාමො අතිචාරිනී. ඉමෙ ඛො, භික්‌ඛවෙ, පඤ්‌ච ආදීනවා මාතුගාමෙ’’ති. දසමං.
‘‘Evamevaṃ kho, bhikkhave, pañcime ādīnavā mātugāme. Katame pañca? Kodhano, upanāhī, ghoraviso, dujjivho, mittadubbhī. Tatridaṃ, bhikkhave, mātugāmassa ghoravisatā – yebhuyyena, bhikkhave, mātugāmo tibbarāgo. Tatridaṃ, bhikkhave, mātugāmassa dujjivhatā – yebhuyyena, bhikkhave, mātugāmo pisuṇavāco. Tatridaṃ, bhikkhave, mātugāmassa mittadubbhitā – yebhuyyena , bhikkhave, mātugāmo aticārinī. Ime kho, bhikkhave, pañca ādīnavā mātugāme’’ti. Dasamaṃ.
දීඝචාරිකවග්‌ගො තතියො.
Dīghacārikavaggo tatiyo.
තස්‌සුද්‌දානං –
Tassuddānaṃ –
ද්‌වෙ දීඝචාරිකා වුත්‌තා, අතිනිවාසමච්‌ඡරී;
Dve dīghacārikā vuttā, atinivāsamaccharī;
ද්‌වෙ ච කුලූපකා භොගා, භත්‌තං සප්‌පාපරෙ දුවෙති.
Dve ca kulūpakā bhogā, bhattaṃ sappāpare duveti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 10. දුතියකණ්‌හසප්‌පසුත්‌තවණ්‌ණනා • 10. Dutiyakaṇhasappasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-10. පඨමදීඝචාරිකසුත්‌තාදිවණ්‌ණනා • 1-10. Paṭhamadīghacārikasuttādivaṇṇanā
