| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
13. д̣̇уд̇ияагаббасуд̇д̇ам̣
13. Dutiyakappasuttaṃ
125. саавад̇т̇инид̣̇аанам̣ . згаманд̇ам̣ нисинно ко ааяасмаа габбо бхаг̇аванд̇ам̣ зд̇ад̣̇авожа – ‘‘гат̇ам̣ ну ко, бханд̇з, ж̇аанад̇о гат̇ам̣ бассад̇о имасмин̃жа савин̃н̃аан̣агз гааяз б̣ахид̣̇д̇хаа жа саб̣б̣анимид̇д̇зсу ахан̇гаарамаман̇гаарамаанаабаг̇ад̇ам̣ маанасам̣ ход̇и вид̇хаа самад̇игганд̇ам̣ санд̇ам̣ сувимуд̇д̇а’’нд̇и?
125. Sāvatthinidānaṃ . Ekamantaṃ nisinno kho āyasmā kappo bhagavantaṃ etadavoca – ‘‘kathaṃ nu kho, bhante, jānato kathaṃ passato imasmiñca saviññāṇake kāye bahiddhā ca sabbanimittesu ahaṅkāramamaṅkāramānāpagataṃ mānasaṃ hoti vidhā samatikkantaṃ santaṃ suvimutta’’nti?
‘‘яам̣ гин̃жи, габба, руубам̣ ад̇ийд̇аанааг̇ад̇абажжуббаннам̣…бз… саб̣б̣ам̣ руубам̣ ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇исваа анубаад̣̇аавимуд̇д̇о ход̇и. яаа гаажи взд̣̇анаа… яаа гаажи сан̃н̃аа… яз гзжи сан̇каараа… яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ вин̃н̃аан̣ам̣ ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇исваа анубаад̣̇аавимуд̇д̇о ход̇и. звам̣ ко, габба, ж̇аанад̇о звам̣ бассад̇о имасмин̃жа савин̃н̃аан̣агз гааяз б̣ахид̣̇д̇хаа жа саб̣б̣анимид̇д̇зсу ахан̇гаарамаман̇гаарамаанаабаг̇ад̇ам̣ маанасам̣ ход̇и вид̇хаа самад̇игганд̇ам̣ санд̇ам̣ сувимуд̇д̇а’’нд̇и. д̇зрасамам̣.
‘‘Yaṃ kiñci, kappa, rūpaṃ atītānāgatapaccuppannaṃ…pe… sabbaṃ rūpaṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya disvā anupādāvimutto hoti. Yā kāci vedanā… yā kāci saññā… ye keci saṅkhārā… yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ viññāṇaṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya disvā anupādāvimutto hoti. Evaṃ kho, kappa, jānato evaṃ passato imasmiñca saviññāṇake kāye bahiddhā ca sabbanimittesu ahaṅkāramamaṅkāramānāpagataṃ mānasaṃ hoti vidhā samatikkantaṃ santaṃ suvimutta’’nti. Terasamaṃ.
д̇хаммагат̇игаваг̇г̇о д̣̇ваад̣̇асамо.
Dhammakathikavaggo dvādasamo.
д̇ассуд̣̇д̣̇аанам̣ –
Tassuddānaṃ –
авиж̇ж̇аа виж̇ж̇аа д̣̇вз гат̇игаа, б̣анд̇ханаа барибужчид̇аа д̣̇увз;
Avijjā vijjā dve kathikā, bandhanā paripucchitā duve;
сам̣яож̇анам̣ убаад̣̇аанам̣, сийлам̣ суд̇аваа д̣̇вз жа габбзнаад̇и.
Saṃyojanaṃ upādānaṃ, sīlaṃ sutavā dve ca kappenāti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 12-13. габбасуд̇д̇аад̣̇иван̣н̣анаа • 12-13. Kappasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 12-13. габбасуд̇д̇аад̣̇иван̣н̣анаа • 12-13. Kappasuttādivaṇṇanā
