| Library / Tipiṭaka / ติปิฎก • Tipiṭaka / วิมานวตฺถุปาฬิ • Vimānavatthupāḷi |
๗. ทุติยกรณียวิมานวตฺถุ
7. Dutiyakaraṇīyavimānavatthu
๙๓๕.
935.
‘‘อุจฺจมิทํ มณิถูณํ วิมานํ, สมนฺตโต ทฺวาทส โยชนานิ;
‘‘Uccamidaṃ maṇithūṇaṃ vimānaṃ, samantato dvādasa yojanāni;
กูฎาคารา สตฺตสตา อุฬารา, เวฬุริยถมฺภา รุจกตฺถตา สุภาฯ
Kūṭāgārā sattasatā uḷārā, veḷuriyathambhā rucakatthatā subhā.
๙๓๖.
936.
‘‘ตตฺถจฺฉสิ ปิวสิ ขาทสิ จ, ทิพฺพา จ วีณา ปวทนฺติ วคฺคุํ;
‘‘Tatthacchasi pivasi khādasi ca, dibbā ca vīṇā pavadanti vagguṃ;
ทิพฺพา รสา กามคุเณตฺถ ปญฺจ, นาริโย จ นจฺจนฺติ สุวณฺณฉนฺนาฯ
Dibbā rasā kāmaguṇettha pañca, nāriyo ca naccanti suvaṇṇachannā.
๙๓๗.
937.
‘‘เกน เตตาทิโส วโณฺณ…เป.… วโณฺณ จ เต สพฺพทิสา ปภาสตี’’ติฯ
‘‘Kena tetādiso vaṇṇo…pe… vaṇṇo ca te sabbadisā pabhāsatī’’ti.
๙๓๙.
939.
โส เทวปุโตฺต อตฺตมโน…เป.… ยสฺส กมฺมสฺสิทํ ผลํฯ
So devaputto attamano…pe… yassa kammassidaṃ phalaṃ.
๙๔๐.
940.
‘‘กรณียานิ ปุญฺญานิ, ปณฺฑิเตน วิชานตา;
‘‘Karaṇīyāni puññāni, paṇḍitena vijānatā;
สมฺมคฺคเตสุ ภิกฺขูสุ, ยตฺถ ทินฺนํ มหปฺผลํฯ
Sammaggatesu bhikkhūsu, yattha dinnaṃ mahapphalaṃ.
๙๔๑.
941.
‘‘อตฺถาย วต เม ภิกฺขุ, อรญฺญา คามมาคโต;
‘‘Atthāya vata me bhikkhu, araññā gāmamāgato;
ตตฺถ จิตฺตํ ปสาเทตฺวา, ตาวติํสูปโค อหํฯ
Tattha cittaṃ pasādetvā, tāvatiṃsūpago ahaṃ.
๙๔๒.
942.
‘‘เตน เมตาทิโส วโณฺณ…เป.…
‘‘Tena metādiso vaṇṇo…pe…
วโณฺณ จ เม สพฺพทิสา ปภาสตี’’ติฯ
Vaṇṇo ca me sabbadisā pabhāsatī’’ti.
ทุติยกรณียวิมานํ สตฺตมํฯ
Dutiyakaraṇīyavimānaṃ sattamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / วิมานวตฺถุ-อฎฺฐกถา • Vimānavatthu-aṭṭhakathā / ๗. ทุติยกรณียวิมานวณฺณนา • 7. Dutiyakaraṇīyavimānavaṇṇanā
