| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
২. দুতিযকস্সপসুত্তৰণ্ণনা
2. Dutiyakassapasuttavaṇṇanā
৮৩. দ্ৰীহি ঝানেহীতি আরম্মণলক্খণূপনিজ্ঝানলক্খণেহি দ্ৰীহি ঝানেহি। কম্মট্ঠানৰিমুত্তিযাতি কম্মট্ঠানানুযোগলদ্ধায ৰিমুত্তিযা। তেন তদঙ্গৰিক্খম্ভনৰিমুত্তিযো ৰদতি। সত্থুসাসনস্স হদযত্তা অব্ভন্তরত্তা হদযস্স মানসস্স, অনুপত্তিং পটিলাভমানসং। তং পন অত্থতো অঞ্ঞা এৰাতি আহ ‘‘অরহত্ত’’ন্তি। তং পত্তুকামেন একন্ততো ৰজ্জেতব্বতণ্হাদিট্ঠীনং ভাৰে তস্স অনিজ্ঝনতো, তদভাৰে ইজ্ঝনতো চ তে উপ্পাদনৰসেন যদগ্গেন নিস্সিতো, তদগ্গেন পনাযম্পি তেহি নিস্সিতো নাম হোতীতি আহ ‘‘অনিস্সিতো’’তিআদি। অরহত্তং আনিসংসিতব্বট্ঠেন আনিসংসং এতস্সাতি অরহত্তানিসংসো। অরহত্তং পত্তুকামস্স পুব্বভাগপটিপদা ইচ্ছিতব্বা। তত্থ চ সব্বপঠমো কম্মট্ঠানঅত্তানুযোগো, সো ইধ ন গহিতোতি আহ ‘‘তন্তিধম্মো পুব্বভাগো’’তি। তত্থ তন্তিধম্মোতি পরিযত্তিধম্মো।
83.Dvīhi jhānehīti ārammaṇalakkhaṇūpanijjhānalakkhaṇehi dvīhi jhānehi. Kammaṭṭhānavimuttiyāti kammaṭṭhānānuyogaladdhāya vimuttiyā. Tena tadaṅgavikkhambhanavimuttiyo vadati. Satthusāsanassa hadayattā abbhantarattā hadayassa mānasassa, anupattiṃ paṭilābhamānasaṃ. Taṃ pana atthato aññā evāti āha ‘‘arahatta’’nti. Taṃ pattukāmena ekantato vajjetabbataṇhādiṭṭhīnaṃ bhāve tassa anijjhanato, tadabhāve ijjhanato ca te uppādanavasena yadaggena nissito, tadaggena panāyampi tehi nissito nāma hotīti āha ‘‘anissito’’tiādi. Arahattaṃ ānisaṃsitabbaṭṭhena ānisaṃsaṃ etassāti arahattānisaṃso. Arahattaṃ pattukāmassa pubbabhāgapaṭipadā icchitabbā. Tattha ca sabbapaṭhamo kammaṭṭhānaattānuyogo, so idha na gahitoti āha ‘‘tantidhammo pubbabhāgo’’ti. Tattha tantidhammoti pariyattidhammo.
দুতিযকস্সপসুত্তৰণ্ণনা নিট্ঠিতা।
Dutiyakassapasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ২. দুতিযকস্সপসুত্তং • 2. Dutiyakassapasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২. দুতিযকস্সপসুত্তৰণ্ণনা • 2. Dutiyakassapasuttavaṇṇanā
