| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. д̣̇уд̇ияагассабасуд̇д̇аван̣н̣анаа
2. Dutiyakassapasuttavaṇṇanā
83. д̣̇вийхи жхаанзхийд̇и аарамман̣алагкан̣уубаниж̇жхааналагкан̣зхи д̣̇вийхи жхаанзхи. гаммадтаанавимуд̇д̇ияаад̇и гаммадтаанаануяог̇алад̣̇д̇хааяа вимуд̇д̇ияаа. д̇зна д̇ад̣̇ан̇г̇авигкамбханавимуд̇д̇ияо вад̣̇ад̇и. сад̇т̇усаасанасса хад̣̇аяад̇д̇аа аб̣бханд̇арад̇д̇аа хад̣̇аяасса маанасасса, анубад̇д̇им̣ бадилаабхамаанасам̣. д̇ам̣ бана ад̇т̇ад̇о ан̃н̃аа зваад̇и ааха ‘‘арахад̇д̇а’’нд̇и. д̇ам̣ бад̇д̇угаамзна зганд̇ад̇о важ̇ж̇зд̇аб̣б̣ад̇ан̣хаад̣̇идтийнам̣ бхаавз д̇асса аниж̇жханад̇о, д̇ад̣̇абхаавз иж̇жханад̇о жа д̇з уббаад̣̇анавасзна яад̣̇аг̇г̇зна ниссид̇о, д̇ад̣̇аг̇г̇зна банааяамби д̇зхи ниссид̇о наама ход̇ийд̇и ааха ‘‘аниссид̇о’’д̇иаад̣̇и. арахад̇д̇ам̣ аанисам̣сид̇аб̣б̣адтзна аанисам̣сам̣ зд̇ассаад̇и арахад̇д̇аанисам̣со. арахад̇д̇ам̣ бад̇д̇угаамасса буб̣б̣абхааг̇абадибад̣̇аа ижчид̇аб̣б̣аа. д̇ад̇т̇а жа саб̣б̣абатамо гаммадтаанаад̇д̇аануяог̇о, со ид̇ха на г̇ахид̇од̇и ааха ‘‘д̇анд̇ид̇хаммо буб̣б̣абхааг̇о’’д̇и. д̇ад̇т̇а д̇анд̇ид̇хаммод̇и барияад̇д̇ид̇хаммо.
83.Dvīhi jhānehīti ārammaṇalakkhaṇūpanijjhānalakkhaṇehi dvīhi jhānehi. Kammaṭṭhānavimuttiyāti kammaṭṭhānānuyogaladdhāya vimuttiyā. Tena tadaṅgavikkhambhanavimuttiyo vadati. Satthusāsanassa hadayattā abbhantarattā hadayassa mānasassa, anupattiṃ paṭilābhamānasaṃ. Taṃ pana atthato aññā evāti āha ‘‘arahatta’’nti. Taṃ pattukāmena ekantato vajjetabbataṇhādiṭṭhīnaṃ bhāve tassa anijjhanato, tadabhāve ijjhanato ca te uppādanavasena yadaggena nissito, tadaggena panāyampi tehi nissito nāma hotīti āha ‘‘anissito’’tiādi. Arahattaṃ ānisaṃsitabbaṭṭhena ānisaṃsaṃ etassāti arahattānisaṃso. Arahattaṃ pattukāmassa pubbabhāgapaṭipadā icchitabbā. Tattha ca sabbapaṭhamo kammaṭṭhānaattānuyogo, so idha na gahitoti āha ‘‘tantidhammo pubbabhāgo’’ti. Tattha tantidhammoti pariyattidhammo.
д̣̇уд̇ияагассабасуд̇д̇аван̣н̣анаа нидтид̇аа.
Dutiyakassapasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. д̣̇уд̇ияагассабасуд̇д̇ам̣ • 2. Dutiyakassapasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. д̣̇уд̇ияагассабасуд̇д̇аван̣н̣анаа • 2. Dutiyakassapasuttavaṇṇanā
