| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๒. ทุติยกสฺสปสุตฺตวณฺณนา
2. Dutiyakassapasuttavaṇṇanā
๘๓. ทฺวีหิ ฌาเนหีติ อารมฺมณลกฺขณูปนิชฺฌานลกฺขเณหิ ทฺวีหิ ฌาเนหิฯ กมฺมฎฺฐานวิมุตฺติยาติ กมฺมฎฺฐานานุโยคลทฺธาย วิมุตฺติยาฯ เตน ตทงฺควิกฺขมฺภนวิมุตฺติโย วทติฯ สตฺถุสาสนสฺส หทยตฺตา อพฺภนฺตรตฺตา หทยสฺส มานสสฺส, อนุปตฺติํ ปฎิลาภมานสํฯ ตํ ปน อตฺถโต อญฺญา เอวาติ อาห ‘‘อรหตฺต’’นฺติฯ ตํ ปตฺตุกาเมน เอกนฺตโต วเชฺชตพฺพตณฺหาทิฎฺฐีนํ ภาเว ตสฺส อนิชฺฌนโต, ตทภาเว อิชฺฌนโต จ เต อุปฺปาทนวเสน ยทเคฺคน นิสฺสิโต, ตทเคฺคน ปนายมฺปิ เตหิ นิสฺสิโต นาม โหตีติ อาห ‘‘อนิสฺสิโต’’ติอาทิฯ อรหตฺตํ อานิสํสิตพฺพเฎฺฐน อานิสํสํ เอตสฺสาติ อรหตฺตานิสํโสฯ อรหตฺตํ ปตฺตุกามสฺส ปุพฺพภาคปฎิปทา อิจฺฉิตพฺพาฯ ตตฺถ จ สพฺพปฐโม กมฺมฎฺฐานอตฺตานุโยโค, โส อิธ น คหิโตติ อาห ‘‘ตนฺติธโมฺม ปุพฺพภาโค’’ติฯ ตตฺถ ตนฺติธโมฺมติ ปริยตฺติธโมฺมฯ
83.Dvīhi jhānehīti ārammaṇalakkhaṇūpanijjhānalakkhaṇehi dvīhi jhānehi. Kammaṭṭhānavimuttiyāti kammaṭṭhānānuyogaladdhāya vimuttiyā. Tena tadaṅgavikkhambhanavimuttiyo vadati. Satthusāsanassa hadayattā abbhantarattā hadayassa mānasassa, anupattiṃ paṭilābhamānasaṃ. Taṃ pana atthato aññā evāti āha ‘‘arahatta’’nti. Taṃ pattukāmena ekantato vajjetabbataṇhādiṭṭhīnaṃ bhāve tassa anijjhanato, tadabhāve ijjhanato ca te uppādanavasena yadaggena nissito, tadaggena panāyampi tehi nissito nāma hotīti āha ‘‘anissito’’tiādi. Arahattaṃ ānisaṃsitabbaṭṭhena ānisaṃsaṃ etassāti arahattānisaṃso. Arahattaṃ pattukāmassa pubbabhāgapaṭipadā icchitabbā. Tattha ca sabbapaṭhamo kammaṭṭhānaattānuyogo, so idha na gahitoti āha ‘‘tantidhammo pubbabhāgo’’ti. Tattha tantidhammoti pariyattidhammo.
ทุติยกสฺสปสุตฺตวณฺณนา นิฎฺฐิตาฯ
Dutiyakassapasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๒. ทุติยกสฺสปสุตฺตํ • 2. Dutiyakassapasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๒. ทุติยกสฺสปสุตฺตวณฺณนา • 2. Dutiyakassapasuttavaṇṇanā
