| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
២. ទុតិយកស្សបសុត្តវណ្ណនា
2. Dutiyakassapasuttavaṇṇanā
៨៣. ទ្វីហិ ឈានេហីតិ អារម្មណលក្ខណូបនិជ្ឈានលក្ខណេហិ ទ្វីហិ ឈានេហិ។ កម្មដ្ឋានវិមុត្តិយាតិ កម្មដ្ឋានានុយោគលទ្ធាយ វិមុត្តិយា។ តេន តទង្គវិក្ខម្ភនវិមុត្តិយោ វទតិ។ សត្ថុសាសនស្ស ហទយត្តា អព្ភន្តរត្តា ហទយស្ស មានសស្ស, អនុបត្តិំ បដិលាភមានសំ។ តំ បន អត្ថតោ អញ្ញា ឯវាតិ អាហ ‘‘អរហត្ត’’ន្តិ។ តំ បត្តុកាមេន ឯកន្តតោ វជ្ជេតព្ពតណ្ហាទិដ្ឋីនំ ភាវេ តស្ស អនិជ្ឈនតោ, តទភាវេ ឥជ្ឈនតោ ច តេ ឧប្បាទនវសេន យទគ្គេន និស្សិតោ, តទគ្គេន បនាយម្បិ តេហិ និស្សិតោ នាម ហោតីតិ អាហ ‘‘អនិស្សិតោ’’តិអាទិ។ អរហត្តំ អានិសំសិតព្ពដ្ឋេន អានិសំសំ ឯតស្សាតិ អរហត្តានិសំសោ។ អរហត្តំ បត្តុកាមស្ស បុព្ពភាគបដិបទា ឥច្ឆិតព្ពា។ តត្ថ ច សព្ពបឋមោ កម្មដ្ឋានអត្តានុយោគោ, សោ ឥធ ន គហិតោតិ អាហ ‘‘តន្តិធម្មោ បុព្ពភាគោ’’តិ។ តត្ថ តន្តិធម្មោតិ បរិយត្តិធម្មោ។
83.Dvīhi jhānehīti ārammaṇalakkhaṇūpanijjhānalakkhaṇehi dvīhi jhānehi. Kammaṭṭhānavimuttiyāti kammaṭṭhānānuyogaladdhāya vimuttiyā. Tena tadaṅgavikkhambhanavimuttiyo vadati. Satthusāsanassa hadayattā abbhantarattā hadayassa mānasassa, anupattiṃ paṭilābhamānasaṃ. Taṃ pana atthato aññā evāti āha ‘‘arahatta’’nti. Taṃ pattukāmena ekantato vajjetabbataṇhādiṭṭhīnaṃ bhāve tassa anijjhanato, tadabhāve ijjhanato ca te uppādanavasena yadaggena nissito, tadaggena panāyampi tehi nissito nāma hotīti āha ‘‘anissito’’tiādi. Arahattaṃ ānisaṃsitabbaṭṭhena ānisaṃsaṃ etassāti arahattānisaṃso. Arahattaṃ pattukāmassa pubbabhāgapaṭipadā icchitabbā. Tattha ca sabbapaṭhamo kammaṭṭhānaattānuyogo, so idha na gahitoti āha ‘‘tantidhammo pubbabhāgo’’ti. Tattha tantidhammoti pariyattidhammo.
ទុតិយកស្សបសុត្តវណ្ណនា និដ្ឋិតា។
Dutiyakassapasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ២. ទុតិយកស្សបសុត្តំ • 2. Dutiyakassapasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ២. ទុតិយកស្សបសុត្តវណ្ណនា • 2. Dutiyakassapasuttavaṇṇanā
