| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೨. ದುತಿಯಕಸ್ಸಪಸುತ್ತವಣ್ಣನಾ
2. Dutiyakassapasuttavaṇṇanā
೮೩. ದ್ವೀಹಿ ಝಾನೇಹೀತಿ ಆರಮ್ಮಣಲಕ್ಖಣೂಪನಿಜ್ಝಾನಲಕ್ಖಣೇಹಿ ದ್ವೀಹಿ ಝಾನೇಹಿ। ಕಮ್ಮಟ್ಠಾನವಿಮುತ್ತಿಯಾತಿ ಕಮ್ಮಟ್ಠಾನಾನುಯೋಗಲದ್ಧಾಯ ವಿಮುತ್ತಿಯಾ। ತೇನ ತದಙ್ಗವಿಕ್ಖಮ್ಭನವಿಮುತ್ತಿಯೋ ವದತಿ। ಸತ್ಥುಸಾಸನಸ್ಸ ಹದಯತ್ತಾ ಅಬ್ಭನ್ತರತ್ತಾ ಹದಯಸ್ಸ ಮಾನಸಸ್ಸ, ಅನುಪತ್ತಿಂ ಪಟಿಲಾಭಮಾನಸಂ। ತಂ ಪನ ಅತ್ಥತೋ ಅಞ್ಞಾ ಏವಾತಿ ಆಹ ‘‘ಅರಹತ್ತ’’ನ್ತಿ। ತಂ ಪತ್ತುಕಾಮೇನ ಏಕನ್ತತೋ ವಜ್ಜೇತಬ್ಬತಣ್ಹಾದಿಟ್ಠೀನಂ ಭಾವೇ ತಸ್ಸ ಅನಿಜ್ಝನತೋ, ತದಭಾವೇ ಇಜ್ಝನತೋ ಚ ತೇ ಉಪ್ಪಾದನವಸೇನ ಯದಗ್ಗೇನ ನಿಸ್ಸಿತೋ, ತದಗ್ಗೇನ ಪನಾಯಮ್ಪಿ ತೇಹಿ ನಿಸ್ಸಿತೋ ನಾಮ ಹೋತೀತಿ ಆಹ ‘‘ಅನಿಸ್ಸಿತೋ’’ತಿಆದಿ। ಅರಹತ್ತಂ ಆನಿಸಂಸಿತಬ್ಬಟ್ಠೇನ ಆನಿಸಂಸಂ ಏತಸ್ಸಾತಿ ಅರಹತ್ತಾನಿಸಂಸೋ। ಅರಹತ್ತಂ ಪತ್ತುಕಾಮಸ್ಸ ಪುಬ್ಬಭಾಗಪಟಿಪದಾ ಇಚ್ಛಿತಬ್ಬಾ। ತತ್ಥ ಚ ಸಬ್ಬಪಠಮೋ ಕಮ್ಮಟ್ಠಾನಅತ್ತಾನುಯೋಗೋ, ಸೋ ಇಧ ನ ಗಹಿತೋತಿ ಆಹ ‘‘ತನ್ತಿಧಮ್ಮೋ ಪುಬ್ಬಭಾಗೋ’’ತಿ। ತತ್ಥ ತನ್ತಿಧಮ್ಮೋತಿ ಪರಿಯತ್ತಿಧಮ್ಮೋ।
83.Dvīhi jhānehīti ārammaṇalakkhaṇūpanijjhānalakkhaṇehi dvīhi jhānehi. Kammaṭṭhānavimuttiyāti kammaṭṭhānānuyogaladdhāya vimuttiyā. Tena tadaṅgavikkhambhanavimuttiyo vadati. Satthusāsanassa hadayattā abbhantarattā hadayassa mānasassa, anupattiṃ paṭilābhamānasaṃ. Taṃ pana atthato aññā evāti āha ‘‘arahatta’’nti. Taṃ pattukāmena ekantato vajjetabbataṇhādiṭṭhīnaṃ bhāve tassa anijjhanato, tadabhāve ijjhanato ca te uppādanavasena yadaggena nissito, tadaggena panāyampi tehi nissito nāma hotīti āha ‘‘anissito’’tiādi. Arahattaṃ ānisaṃsitabbaṭṭhena ānisaṃsaṃ etassāti arahattānisaṃso. Arahattaṃ pattukāmassa pubbabhāgapaṭipadā icchitabbā. Tattha ca sabbapaṭhamo kammaṭṭhānaattānuyogo, so idha na gahitoti āha ‘‘tantidhammo pubbabhāgo’’ti. Tattha tantidhammoti pariyattidhammo.
ದುತಿಯಕಸ್ಸಪಸುತ್ತವಣ್ಣನಾ ನಿಟ್ಠಿತಾ।
Dutiyakassapasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೨. ದುತಿಯಕಸ್ಸಪಸುತ್ತಂ • 2. Dutiyakassapasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೨. ದುತಿಯಕಸ್ಸಪಸುತ್ತವಣ್ಣನಾ • 2. Dutiyakassapasuttavaṇṇanā
