| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
2. දුතියකස්‌සපසුත්‌තවණ්‌ණනා
2. Dutiyakassapasuttavaṇṇanā
83. දුතියෙ ඣායීති ද්‌වීහි ඣානෙහි ඣායී. විමුත්‌තචිත්‌තොති කම්‌මට්‌ඨානවිමුත්‌තියා විමුත්‌තචිත්‌තො. හදයස්‌සානුපත්‌තින්‌ති අරහත්‌තං. ලොකස්‌සාති සඞ්‌ඛාරලොකස්‌ස. අනිස්‌සිතොති තණ්‌හාදිට්‌ඨීහි අනිස්‌සිතො, තණ්‌හාදිට්‌ඨියො වා අනිස්‌සිතො. තදානිසංසොති අරහත්‌තානිසංසො. ඉදං වුත්‌තං හොති – අරහත්‌තානිසංසො භික්‌ඛු අරහත්‌තං පත්‌ථෙන්‌තො ඣායී භවෙය්‍ය, සුවිමුත්‌තචිත්‌තො භවෙය්‍ය, ලොකස්‌ස උදයබ්‌බයං ඤත්‌වා අනිස්‌සිතො භවෙය්‍ය. තන්‌තිධම්‌මො පන ඉමස්‌මිං සාසනෙ පුබ්‌බභාගොති. දුතියං.
83. Dutiye jhāyīti dvīhi jhānehi jhāyī. Vimuttacittoti kammaṭṭhānavimuttiyā vimuttacitto. Hadayassānupattinti arahattaṃ. Lokassāti saṅkhāralokassa. Anissitoti taṇhādiṭṭhīhi anissito, taṇhādiṭṭhiyo vā anissito. Tadānisaṃsoti arahattānisaṃso. Idaṃ vuttaṃ hoti – arahattānisaṃso bhikkhu arahattaṃ patthento jhāyī bhaveyya, suvimuttacitto bhaveyya, lokassa udayabbayaṃ ñatvā anissito bhaveyya. Tantidhammo pana imasmiṃ sāsane pubbabhāgoti. Dutiyaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 2. දුතියකස්‌සපසුත්‌තං • 2. Dutiyakassapasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2. දුතියකස්‌සපසුත්‌තවණ්‌ණනා • 2. Dutiyakassapasuttavaṇṇanā
