| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༢. དུཏིཡཀསྶཔསུཏྟཝཎྞནཱ
2. Dutiyakassapasuttavaṇṇanā
༨༣. དྭཱིཧི ཛྷཱནེཧཱིཏི ཨཱརམྨཎལཀྑཎཱུཔནིཛ྄ཛྷཱནལཀྑཎེཧི དྭཱིཧི ཛྷཱནེཧི། ཀམྨཊྛཱནཝིམུཏྟིཡཱཏི ཀམྨཊྛཱནཱནུཡོགལདྡྷཱཡ ཝིམུཏྟིཡཱ། ཏེན ཏདངྒཝིཀྑམྦྷནཝིམུཏྟིཡོ ཝདཏི། སཏྠུསཱསནསྶ ཧདཡཏྟཱ ཨབྦྷནྟརཏྟཱ ཧདཡསྶ མཱནསསྶ, ཨནུཔཏྟིཾ པཊིལཱབྷམཱནསཾ། ཏཾ པན ཨཏྠཏོ ཨཉྙཱ ཨེཝཱཏི ཨཱཧ ‘‘ཨརཧཏྟ’’ནྟི། ཏཾ པཏྟུཀཱམེན ཨེཀནྟཏོ ཝཛྫེཏབྦཏཎྷཱདིཊྛཱིནཾ བྷཱཝེ ཏསྶ ཨནིཛ྄ཛྷནཏོ, ཏདབྷཱཝེ ཨིཛ྄ཛྷནཏོ ཙ ཏེ ཨུཔྤཱདནཝསེན ཡདགྒེན ནིསྶིཏོ, ཏདགྒེན པནཱཡམྤི ཏེཧི ནིསྶིཏོ ནཱམ ཧོཏཱིཏི ཨཱཧ ‘‘ཨནིསྶིཏོ’’ཏིཨཱདི། ཨརཧཏྟཾ ཨཱནིསཾསིཏབྦཊྛེན ཨཱནིསཾསཾ ཨེཏསྶཱཏི ཨརཧཏྟཱནིསཾསོ། ཨརཧཏྟཾ པཏྟུཀཱམསྶ པུབྦབྷཱགཔཊིཔདཱ ཨིཙྪིཏབྦཱ། ཏཏྠ ཙ སབྦཔཋམོ ཀམྨཊྛཱནཨཏྟཱནུཡོགོ, སོ ཨིདྷ ན གཧིཏོཏི ཨཱཧ ‘‘ཏནྟིདྷམྨོ པུབྦབྷཱགོ’’ཏི། ཏཏྠ ཏནྟིདྷམྨོཏི པརིཡཏྟིདྷམྨོ།
83.Dvīhi jhānehīti ārammaṇalakkhaṇūpanijjhānalakkhaṇehi dvīhi jhānehi. Kammaṭṭhānavimuttiyāti kammaṭṭhānānuyogaladdhāya vimuttiyā. Tena tadaṅgavikkhambhanavimuttiyo vadati. Satthusāsanassa hadayattā abbhantarattā hadayassa mānasassa, anupattiṃ paṭilābhamānasaṃ. Taṃ pana atthato aññā evāti āha ‘‘arahatta’’nti. Taṃ pattukāmena ekantato vajjetabbataṇhādiṭṭhīnaṃ bhāve tassa anijjhanato, tadabhāve ijjhanato ca te uppādanavasena yadaggena nissito, tadaggena panāyampi tehi nissito nāma hotīti āha ‘‘anissito’’tiādi. Arahattaṃ ānisaṃsitabbaṭṭhena ānisaṃsaṃ etassāti arahattānisaṃso. Arahattaṃ pattukāmassa pubbabhāgapaṭipadā icchitabbā. Tattha ca sabbapaṭhamo kammaṭṭhānaattānuyogo, so idha na gahitoti āha ‘‘tantidhammo pubbabhāgo’’ti. Tattha tantidhammoti pariyattidhammo.
དུཏིཡཀསྶཔསུཏྟཝཎྞནཱ ནིཊྛིཏཱ།
Dutiyakassapasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༢. དུཏིཡཀསྶཔསུཏྟཾ • 2. Dutiyakassapasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢. དུཏིཡཀསྶཔསུཏྟཝཎྞནཱ • 2. Dutiyakassapasuttavaṇṇanā
