| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਦੁਤਿਯਕਸ੍ਸਪਸੁਤ੍ਤવਣ੍ਣਨਾ
2. Dutiyakassapasuttavaṇṇanā
੮੩. ਦ੍વੀਹਿ ਝਾਨੇਹੀਤਿ ਆਰਮ੍ਮਣਲਕ੍ਖਣੂਪਨਿਜ੍ਝਾਨਲਕ੍ਖਣੇਹਿ ਦ੍વੀਹਿ ਝਾਨੇਹਿ। ਕਮ੍ਮਟ੍ਠਾਨવਿਮੁਤ੍ਤਿਯਾਤਿ ਕਮ੍ਮਟ੍ਠਾਨਾਨੁਯੋਗਲਦ੍ਧਾਯ વਿਮੁਤ੍ਤਿਯਾ। ਤੇਨ ਤਦਙ੍ਗવਿਕ੍ਖਮ੍ਭਨવਿਮੁਤ੍ਤਿਯੋ વਦਤਿ। ਸਤ੍ਥੁਸਾਸਨਸ੍ਸ ਹਦਯਤ੍ਤਾ ਅਬ੍ਭਨ੍ਤਰਤ੍ਤਾ ਹਦਯਸ੍ਸ ਮਾਨਸਸ੍ਸ, ਅਨੁਪਤ੍ਤਿਂ ਪਟਿਲਾਭਮਾਨਸਂ। ਤਂ ਪਨ ਅਤ੍ਥਤੋ ਅਞ੍ਞਾ ਏવਾਤਿ ਆਹ ‘‘ਅਰਹਤ੍ਤ’’ਨ੍ਤਿ। ਤਂ ਪਤ੍ਤੁਕਾਮੇਨ ਏਕਨ੍ਤਤੋ વਜ੍ਜੇਤਬ੍ਬਤਣ੍ਹਾਦਿਟ੍ਠੀਨਂ ਭਾવੇ ਤਸ੍ਸ ਅਨਿਜ੍ਝਨਤੋ, ਤਦਭਾવੇ ਇਜ੍ਝਨਤੋ ਚ ਤੇ ਉਪ੍ਪਾਦਨવਸੇਨ ਯਦਗ੍ਗੇਨ ਨਿਸ੍ਸਿਤੋ, ਤਦਗ੍ਗੇਨ ਪਨਾਯਮ੍ਪਿ ਤੇਹਿ ਨਿਸ੍ਸਿਤੋ ਨਾਮ ਹੋਤੀਤਿ ਆਹ ‘‘ਅਨਿਸ੍ਸਿਤੋ’’ਤਿਆਦਿ। ਅਰਹਤ੍ਤਂ ਆਨਿਸਂਸਿਤਬ੍ਬਟ੍ਠੇਨ ਆਨਿਸਂਸਂ ਏਤਸ੍ਸਾਤਿ ਅਰਹਤ੍ਤਾਨਿਸਂਸੋ। ਅਰਹਤ੍ਤਂ ਪਤ੍ਤੁਕਾਮਸ੍ਸ ਪੁਬ੍ਬਭਾਗਪਟਿਪਦਾ ਇਚ੍ਛਿਤਬ੍ਬਾ। ਤਤ੍ਥ ਚ ਸਬ੍ਬਪਠਮੋ ਕਮ੍ਮਟ੍ਠਾਨਅਤ੍ਤਾਨੁਯੋਗੋ, ਸੋ ਇਧ ਨ ਗਹਿਤੋਤਿ ਆਹ ‘‘ਤਨ੍ਤਿਧਮ੍ਮੋ ਪੁਬ੍ਬਭਾਗੋ’’ਤਿ। ਤਤ੍ਥ ਤਨ੍ਤਿਧਮ੍ਮੋਤਿ ਪਰਿਯਤ੍ਤਿਧਮ੍ਮੋ।
83.Dvīhi jhānehīti ārammaṇalakkhaṇūpanijjhānalakkhaṇehi dvīhi jhānehi. Kammaṭṭhānavimuttiyāti kammaṭṭhānānuyogaladdhāya vimuttiyā. Tena tadaṅgavikkhambhanavimuttiyo vadati. Satthusāsanassa hadayattā abbhantarattā hadayassa mānasassa, anupattiṃ paṭilābhamānasaṃ. Taṃ pana atthato aññā evāti āha ‘‘arahatta’’nti. Taṃ pattukāmena ekantato vajjetabbataṇhādiṭṭhīnaṃ bhāve tassa anijjhanato, tadabhāve ijjhanato ca te uppādanavasena yadaggena nissito, tadaggena panāyampi tehi nissito nāma hotīti āha ‘‘anissito’’tiādi. Arahattaṃ ānisaṃsitabbaṭṭhena ānisaṃsaṃ etassāti arahattānisaṃso. Arahattaṃ pattukāmassa pubbabhāgapaṭipadā icchitabbā. Tattha ca sabbapaṭhamo kammaṭṭhānaattānuyogo, so idha na gahitoti āha ‘‘tantidhammo pubbabhāgo’’ti. Tattha tantidhammoti pariyattidhammo.
ਦੁਤਿਯਕਸ੍ਸਪਸੁਤ੍ਤવਣ੍ਣਨਾ ਨਿਟ੍ਠਿਤਾ।
Dutiyakassapasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਦੁਤਿਯਕਸ੍ਸਪਸੁਤ੍ਤਂ • 2. Dutiyakassapasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਦੁਤਿਯਕਸ੍ਸਪਸੁਤ੍ਤવਣ੍ਣਨਾ • 2. Dutiyakassapasuttavaṇṇanā
