Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya

    ๔. ทุติยขตสุตฺตํ

    4. Dutiyakhatasuttaṃ

    ๔. ‘‘จตูสุ, ภิกฺขเว, มิจฺฉา ปฎิปชฺชมาโน พาโล อพฺยโตฺต อสปฺปุริโส ขตํ อุปหตํ อตฺตานํ ปริหรติ สาวโชฺช จ โหติ สานุวโชฺช จ วิญฺญูนํ, พหุญฺจ อปุญฺญํ ปสวติฯ กตเมสุ จตูสุ? มาตริ, ภิกฺขเว, มิจฺฉา ปฎิปชฺชมาโน พาโล อพฺยโตฺต อสปฺปุริโส ขตํ อุปหตํ อตฺตานํ ปริหรติ, สาวโชฺช จ โหติ สานุวโชฺช จ วิญฺญูนํ, พหุญฺจ อปุญฺญํ ปสวติฯ ปิตริ, ภิกฺขเว, มิจฺฉา ปฎิปชฺชมาโน…เป.… ตถาคเต , ภิกฺขเว, มิจฺฉา ปฎิปชฺชมาโน…เป.… ตถาคตสาวเก, ภิกฺขเว, มิจฺฉา ปฎิปชฺชมาโน พาโล อพฺยโตฺต อสปฺปุริโส ขตํ อุปหตํ อตฺตานํ ปริหรติ, สาวโชฺช จ โหติ สานุวโชฺช จ วิญฺญูนํ, พหุญฺจ อปุญฺญํ ปสวติฯ อิเมสุ โข, ภิกฺขเว, จตูสุ มิจฺฉา ปฎิปชฺชมาโน พาโล อพฺยโตฺต อสปฺปุริโส ขตํ อุปหตํ อตฺตานํ ปริหรติ, สาวโชฺช จ โหติ สานุวโชฺช จ วิญฺญูนํ, พหุญฺจ อปุญฺญํ ปสวติฯ

    4. ‘‘Catūsu, bhikkhave, micchā paṭipajjamāno bālo abyatto asappuriso khataṃ upahataṃ attānaṃ pariharati sāvajjo ca hoti sānuvajjo ca viññūnaṃ, bahuñca apuññaṃ pasavati. Katamesu catūsu? Mātari, bhikkhave, micchā paṭipajjamāno bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo ca viññūnaṃ, bahuñca apuññaṃ pasavati. Pitari, bhikkhave, micchā paṭipajjamāno…pe… tathāgate , bhikkhave, micchā paṭipajjamāno…pe… tathāgatasāvake, bhikkhave, micchā paṭipajjamāno bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo ca viññūnaṃ, bahuñca apuññaṃ pasavati. Imesu kho, bhikkhave, catūsu micchā paṭipajjamāno bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo ca viññūnaṃ, bahuñca apuññaṃ pasavati.

    ‘‘จตูสุ, ภิกฺขเว, สมฺมา ปฎิปชฺชมาโน ปณฺฑิโต วิยโตฺต สปฺปุริโส อกฺขตํ อนุปหตํ อตฺตานํ ปริหรติ, อนวโชฺช จ โหติ อนนุวโชฺช จ วิญฺญูนํ, พหุญฺจ ปุญฺญํ ปสวติฯ กตเมสุ จตูสุ? มาตริ, ภิกฺขเว, สมฺมา ปฎิปชฺชมาโน ปณฺฑิโต วิยโตฺต สปฺปุริโส อกฺขตํ อนุปหตํ อตฺตานํ ปริหรติ, อนวโชฺช จ โหติ อนนุวโชฺช จ วิญฺญูนํ, พหุญฺจ ปุญฺญํ ปสวติฯ ปิตริ, ภิกฺขเว, สมฺมา ปฎิปชฺชมาโน…เป.… ตถาคเต, ภิกฺขเว, สมฺมา ปฎิปชฺชมาโน…เป.… ตถาคตสาวเก, ภิกฺขเว, สมฺมา ปฎิปชฺชมาโน ปณฺฑิโต วิยโตฺต สปฺปุริโส อกฺขตํ อนุปหตํ อตฺตานํ ปริหรติ, อนวโชฺช จ โหติ อนนุวโชฺช จ วิญฺญูนํ, พหุญฺจ ปุญฺญํ ปสวติฯ อิเมสุ โข, ภิกฺขเว, จตูสุ สมฺมา ปฎิปชฺชมาโน ปณฺฑิโต วิยโตฺต สปฺปุริโส อกฺขตํ อนุปหตํ อตฺตานํ ปริหรติ, อนวโชฺช จ โหติ อนนุวโชฺช จ วิญฺญูนํ, พหุญฺจ ปุญฺญํ ปสวตี’’ติฯ

    ‘‘Catūsu, bhikkhave, sammā paṭipajjamāno paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo ca viññūnaṃ, bahuñca puññaṃ pasavati. Katamesu catūsu? Mātari, bhikkhave, sammā paṭipajjamāno paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo ca viññūnaṃ, bahuñca puññaṃ pasavati. Pitari, bhikkhave, sammā paṭipajjamāno…pe… tathāgate, bhikkhave, sammā paṭipajjamāno…pe… tathāgatasāvake, bhikkhave, sammā paṭipajjamāno paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo ca viññūnaṃ, bahuñca puññaṃ pasavati. Imesu kho, bhikkhave, catūsu sammā paṭipajjamāno paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo ca viññūnaṃ, bahuñca puññaṃ pasavatī’’ti.

    ‘‘มาตริ ปิตริ จาปิ, โย มิจฺฉา ปฎิปชฺชติ;

    ‘‘Mātari pitari cāpi, yo micchā paṭipajjati;

    ตถาคเต วา สมฺพุเทฺธ, อถ วา ตสฺส สาวเก;

    Tathāgate vā sambuddhe, atha vā tassa sāvake;

    พหุญฺจ โส ปสวติ, อปุญฺญํ ตาทิโส นโรฯ

    Bahuñca so pasavati, apuññaṃ tādiso naro.

    ‘‘ตาย นํ อธมฺมจริยาย 1, มาตาปิตูสุ ปณฺฑิตา;

    ‘‘Tāya naṃ adhammacariyāya 2, mātāpitūsu paṇḍitā;

    อิเธว นํ ครหนฺติ, เปจฺจาปายญฺจ คจฺฉติฯ

    Idheva naṃ garahanti, peccāpāyañca gacchati.

    ‘‘มาตริ ปิตริ จาปิ, โย สมฺมา ปฎิปชฺชติ;

    ‘‘Mātari pitari cāpi, yo sammā paṭipajjati;

    ตถาคเต วา สมฺพุเทฺธ, อถ วา ตสฺส สาวเก;

    Tathāgate vā sambuddhe, atha vā tassa sāvake;

    พหุญฺจ โส ปสวติ, ปุญฺญํ เอตาทิโส 3 นโรฯ

    Bahuñca so pasavati, puññaṃ etādiso 4 naro.

    ‘‘ตาย นํ ธมฺมจริยาย, มาตาปิตูสุ ปณฺฑิตา;

    ‘‘Tāya naṃ dhammacariyāya, mātāpitūsu paṇḍitā;

    อิเธว 5 นํ ปสํสนฺติ, เปจฺจ สเคฺค ปโมทตี’’ติ 6ฯ จตุตฺถํ;

    Idheva 7 naṃ pasaṃsanti, pecca sagge pamodatī’’ti 8. catutthaṃ;




    Next: ๕. อนุโสตสุตฺตํ • 5. Anusotasuttaṃ




    Footnotes:
    1. ตาย อธมฺมจริยาย (สี. สฺยา. กํ. ปี.)
    2. tāya adhammacariyāya (sī. syā. kaṃ. pī.)
    3. ปุญฺญมฺปิ ตาทิโส (สี. สฺยา. กํ.)
    4. puññampi tādiso (sī. syā. kaṃ.)
    5. อิธ เจว (สี.)
    6. สเคฺค จ โมทตีติ (สี.)
    7. idha ceva (sī.)
    8. sagge ca modatīti (sī.)



    Related texts:



    อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๔. ทุติยขตสุตฺตวณฺณนา • 4. Dutiyakhatasuttavaṇṇanā

    ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๓-๔. ปฐมขตสุตฺตาทิวณฺณนา • 3-4. Paṭhamakhatasuttādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact