| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
៤. ទុតិយកោធគរុសុត្តំ
4. Dutiyakodhagarusuttaṃ
៤៤. ‘‘ចត្តារោមេ , ភិក្ខវេ, អសទ្ធម្មា។ កតមេ ចត្តារោ? កោធគរុតា ន សទ្ធម្មគរុតា, មក្ខគរុតា ន សទ្ធម្មគរុតា, លាភគរុតា ន សទ្ធម្មគរុតា, សក្ការគរុតា ន សទ្ធម្មគរុតា។ ឥមេ ខោ, ភិក្ខវេ, ចត្តារោ អសទ្ធម្មា។
44. ‘‘Cattārome , bhikkhave, asaddhammā. Katame cattāro? Kodhagarutā na saddhammagarutā, makkhagarutā na saddhammagarutā, lābhagarutā na saddhammagarutā, sakkāragarutā na saddhammagarutā. Ime kho, bhikkhave, cattāro asaddhammā.
‘‘ចត្តារោមេ, ភិក្ខវេ, សទ្ធម្មា។ កតមេ ចត្តារោ? សទ្ធម្មគរុតា ន កោធគរុតា, សទ្ធម្មគរុតា ន មក្ខគរុតា, សទ្ធម្មគរុតា ន លាភគរុតា, សទ្ធម្មគរុតា ន សក្ការគរុតា។ ឥមេ ខោ, ភិក្ខវេ, ចត្តារោ សទ្ធម្មា’’តិ។
‘‘Cattārome, bhikkhave, saddhammā. Katame cattāro? Saddhammagarutā na kodhagarutā, saddhammagarutā na makkhagarutā, saddhammagarutā na lābhagarutā, saddhammagarutā na sakkāragarutā. Ime kho, bhikkhave, cattāro saddhammā’’ti.
‘‘កោធមក្ខគរុ ភិក្ខុ, លាភសក្ការគារវោ;
‘‘Kodhamakkhagaru bhikkhu, lābhasakkāragāravo;
សុខេត្តេ បូតិពីជំវ, សទ្ធម្មេ ន វិរូហតិ។
Sukhette pūtibījaṃva, saddhamme na virūhati.
‘‘យេ ច សទ្ធម្មគរុនោ, វិហំសុ វិហរន្តិ ច;
‘‘Ye ca saddhammagaruno, vihaṃsu viharanti ca;
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៣-៤. កោធគរុសុត្តទ្វយវណ្ណនា • 3-4. Kodhagarusuttadvayavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ២-៤. បញ្ហព្យាករណសុត្តាទិវណ្ណនា • 2-4. Pañhabyākaraṇasuttādivaṇṇanā
