| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. д̣̇уд̇ияагосаласуд̇д̇аван̣н̣анаа
10. Dutiyakosalasuttavaṇṇanā
30. д̣̇асамз уг̇г̇анд̇ваа яуж̇жхад̇и зд̇ааяаад̇и уяяод̇хигаа, сад̇т̇аббахаарзхи яуж̇жхид̇ассзд̇ам̣ ад̇хиважанам̣. уг̇г̇анд̇ваа яуж̇жханам̣ ваа уяяод̇хиго, сад̇т̇аббахааро. д̇знааха ‘‘яуд̣̇д̇хад̇о нивад̇д̇о’’д̇и. убассуд̇ивасзна яуж̇жхид̇аб̣б̣аагаарам̣ н̃ад̇ваад̇и ж̇зд̇аванз гира д̣̇ад̇д̇ад̇т̇зро д̇хануг̇г̇ахад̇иссад̇т̇зрод̇и д̣̇вз махаллагад̇т̇зраа вихаарабажжанд̇з бан̣н̣асаалааяа васанд̇и. д̇зсу д̇хануг̇г̇ахад̇иссад̇т̇зро бажчимаяаамз баб̣уж̇жхид̇ваа удтааяа нисинно д̣̇ад̇д̇ад̇т̇зрам̣ ааманд̇зд̇ваа ‘‘аяам̣ д̇з маход̣̇аро госало бхуд̇д̇абхад̇д̇амзва бууд̇им̣ гарод̇и, яуд̣̇д̇хавижааран̣ам̣ бана гин̃жи на ж̇аанаад̇и, барааж̇ид̇од̇взва вад̣̇аабзд̇ий’’д̇и вад̇ваа д̇зна ‘‘гим̣ бана гаад̇ум̣ ваддад̇ий’’д̇и вуд̇д̇з – ‘‘бханд̇з, яуд̣̇д̇хо наама бад̣̇умаб̣яуухо жаггаб̣яуухо сагадаб̣яууход̇и д̇аяо б̣яуухаа хонд̇и, аж̇аад̇асад̇д̇ум̣ г̇ан̣хид̇угаамзна асугасмим̣ наама баб̣б̣ад̇агужчисмим̣ д̣̇вийсу баб̣б̣ад̇абхид̇д̇ийсу мануссз табзд̇ваа бурад̇о д̣̇уб̣б̣алам̣ д̣̇ассзд̇ваа баб̣б̣ад̇анд̇арам̣ бавидтабхаавам̣ ж̇аанид̇ваа бавидтамаг̇г̇ам̣ рунд̇хид̇ваа бурад̇о жа бажчад̇о жа убхосу баб̣б̣ад̇абхид̇д̇ийсу ваг̇г̇ид̇ваа над̣̇ид̇ваа ж̇аалабагкид̇д̇амажчам̣ вияа гад̇ваа саггаа г̇ахзд̇у’’нд̇и. д̇асмим̣ кан̣з ‘‘бхигкуунам̣ гат̇аасаллаабам̣ сун̣аат̇аа’’д̇и ран̃н̃о бзсид̇ажарабурисаа д̇ам̣ суд̇ваа ран̃н̃о аарожзсум̣. д̇ам̣ суд̇ваа рааж̇аа сан̇г̇аамабхзрим̣ бахараабзд̇ваа г̇анд̇ваа сагадаб̣яуухам̣ гад̇ваа аж̇аад̇асад̇д̇ум̣ ж̇ийваг̇г̇аахам̣ г̇ан̣хи. д̇зна вуд̇д̇ам̣ ‘‘убассуд̇ивасз…бз... аж̇аад̇асад̇д̇ум̣ г̇ан̣хий’’д̇и.
30. Dasame uggantvā yujjhati etāyāti uyyodhikā, satthappahārehi yujjhitassetaṃ adhivacanaṃ. Uggantvā yujjhanaṃ vā uyyodhiko, satthappahāro. Tenāha ‘‘yuddhato nivatto’’ti. Upassutivasena yujjhitabbākāraṃ ñatvāti jetavane kira dattatthero dhanuggahatissattheroti dve mahallakattherā vihārapaccante paṇṇasālāya vasanti. Tesu dhanuggahatissatthero pacchimayāme pabujjhitvā uṭṭhāya nisinno dattattheraṃ āmantetvā ‘‘ayaṃ te mahodaro kosalo bhuttabhattameva pūtiṃ karoti, yuddhavicāraṇaṃ pana kiñci na jānāti, parājitotveva vadāpetī’’ti vatvā tena ‘‘kiṃ pana kātuṃ vaṭṭatī’’ti vutte – ‘‘bhante, yuddho nāma padumabyūho cakkabyūho sakaṭabyūhoti tayo byūhā honti, ajātasattuṃ gaṇhitukāmena asukasmiṃ nāma pabbatakucchismiṃ dvīsu pabbatabhittīsu manusse ṭhapetvā purato dubbalaṃ dassetvā pabbatantaraṃ paviṭṭhabhāvaṃ jānitvā paviṭṭhamaggaṃ rundhitvā purato ca pacchato ca ubhosu pabbatabhittīsu vaggitvā naditvā jālapakkhittamacchaṃ viya katvā sakkā gahetu’’nti. Tasmiṃ khaṇe ‘‘bhikkhūnaṃ kathāsallāpaṃ suṇāthā’’ti rañño pesitacarapurisā taṃ sutvā rañño ārocesuṃ. Taṃ sutvā rājā saṅgāmabheriṃ paharāpetvā gantvā sakaṭabyūhaṃ katvā ajātasattuṃ jīvaggāhaṃ gaṇhi. Tena vuttaṃ ‘‘upassutivase…pe... ajātasattuṃ gaṇhī’’ti.
д̣̇он̣абааганд̇и д̣̇он̣ад̇ан̣д̣улаанам̣ баггабхад̇д̇ам̣. д̣̇он̣анд̇и жад̇унаал̣игаанамзд̇амад̇хиважанам̣. мануж̇ассаад̇и сад̇д̇асса. д̇анугассаад̇и д̇анугаа аббигаа асса буг̇г̇аласса, бхуд̇д̇абажжаяаа висабхааг̇авзд̣̇анаа на хонд̇и. сан̣иганд̇и манд̣̇ам̣ муд̣̇угам̣, абариссаяамзваад̇и ад̇т̇о. ж̇ийрад̇ийд̇и барибхуд̇д̇аахааро бажжад̇и. ааяу баалаяанд̇и нирог̇о авзд̣̇ано ж̇ийвид̇ам̣ рагканд̇о. ат̇а ваа сан̣игам̣ ж̇ийрад̇ийд̇и со бхож̇анз мад̇д̇ан̃н̃уу буг̇г̇ало баримид̇аахаарад̇ааяа сан̣игам̣ жирзна ж̇ийрад̇и ж̇арам̣ баабун̣аад̇и ж̇ийвид̇ам̣ баалаяанд̇о.
Doṇapākanti doṇataṇḍulānaṃ pakkabhattaṃ. Doṇanti catunāḷikānametamadhivacanaṃ. Manujassāti sattassa. Tanukassāti tanukā appikā assa puggalassa, bhuttapaccayā visabhāgavedanā na honti. Saṇikanti mandaṃ mudukaṃ, aparissayamevāti attho. Jīratīti paribhuttāhāro paccati. Āyu pālayanti nirogo avedano jīvitaṃ rakkhanto. Atha vā saṇikaṃ jīratīti so bhojane mattaññū puggalo parimitāhāratāya saṇikaṃ cirena jīrati jaraṃ pāpuṇāti jīvitaṃ pālayanto.
имам̣ оваад̣̇ам̣ ад̣̇аасийд̇и згасмим̣ гира (д̇ха. ба. адта. 2.203 басзнад̣̇игосалавад̇т̇у) самаяз рааж̇аа д̇ан̣д̣улад̣̇он̣асса од̣̇анам̣ д̇ад̣̇убиязна суубаб̣яан̃ж̇анзна бхун̃ж̇ад̇и. со згад̣̇ивасам̣ бхуд̇д̇абаад̇араасо бхад̇д̇асаммад̣̇ам̣ авинод̣̇зд̇ваа сад̇т̇у санд̇игам̣ г̇анд̇ваа гиланд̇аруубо ид̇о жид̇о жа самбаривад̇д̇ад̇и, нид̣̇д̣̇ааяа абхибхуяяамааноби лахугам̣ нибаж̇ж̇ид̇ум̣ асаггонд̇о згаманд̇ам̣ нисийд̣̇и. ат̇а нам̣ сад̇т̇аа ааха ‘‘гим̣, махаарааж̇а, ависсамид̇ваава ааг̇ад̇осий’’д̇и. аама, бханд̇з, бхуд̇д̇агаалад̇о бадтааяа мз махаад̣̇угкам̣ ход̇ийд̇и. ат̇а нам̣ сад̇т̇аа, ‘‘махаарааж̇а, ад̇иб̣ахубхож̇ийнам̣ зд̇ам̣ д̣̇угкам̣ ход̇ий’’д̇и вад̇ваа –
Imaṃ ovādaṃ adāsīti ekasmiṃ kira (dha. pa. aṭṭha. 2.203 pasenadikosalavatthu) samaye rājā taṇḍuladoṇassa odanaṃ tadupiyena sūpabyañjanena bhuñjati. So ekadivasaṃ bhuttapātarāso bhattasammadaṃ avinodetvā satthu santikaṃ gantvā kilantarūpo ito cito ca samparivattati, niddāya abhibhuyyamānopi lahukaṃ nipajjituṃ asakkonto ekamantaṃ nisīdi. Atha naṃ satthā āha ‘‘kiṃ, mahārāja, avissamitvāva āgatosī’’ti. Āma, bhante, bhuttakālato paṭṭhāya me mahādukkhaṃ hotīti. Atha naṃ satthā, ‘‘mahārāja, atibahubhojīnaṃ etaṃ dukkhaṃ hotī’’ti vatvā –
‘‘мид̣̇д̇хий яад̣̇аа ход̇и махаг̇гхасо жа,
‘‘Middhī yadā hoti mahagghaso ca,
нид̣̇д̣̇ааяид̇аа самбаривад̇д̇асааяий;
Niddāyitā samparivattasāyī;
махаавараахова ниваабабудто,
Mahāvarāhova nivāpapuṭṭho,
бунаббунам̣ г̇аб̣бхамубзд̇и манд̣̇о’’д̇и. (д̇ха. ба. 325; нзд̇д̇и. 26, 90) –
Punappunaṃ gabbhamupeti mando’’ti. (dha. pa. 325; netti. 26, 90) –
имааяа г̇аат̇ааяа овад̣̇ид̇ваа, ‘‘махаарааж̇а, бхож̇анам̣ наама мад̇д̇ааяа бхун̃ж̇ид̇ум̣ ваддад̇и, мад̇д̇абхож̇ино хи сукам̣ ход̇ий’’д̇и уд̇д̇ариби буна овад̣̇анд̇о ‘‘мануж̇асса сад̣̇аа сад̇иймад̇о’’д̇и (сам̣. ни. 1.124) имам̣ г̇аат̇амааха.
Imāya gāthāya ovaditvā, ‘‘mahārāja, bhojanaṃ nāma mattāya bhuñjituṃ vaṭṭati, mattabhojino hi sukhaṃ hotī’’ti uttaripi puna ovadanto ‘‘manujassa sadā satīmato’’ti (saṃ. ni. 1.124) imaṃ gāthamāha.
рааж̇аа бана г̇аат̇ам̣ уг̇г̇ан̣хид̇ум̣ наасагки, самийбз тид̇ам̣ бана бхааг̇инзяяам̣ суд̣̇ассанам̣ наама маан̣авам̣ ‘‘имам̣ г̇аат̇ам̣ уг̇г̇ан̣ха д̇аад̇аа’’д̇и ааха. со д̇ам̣ г̇аат̇ам̣ уг̇г̇ан̣хид̇ваа ‘‘гим̣ гароми, бханд̇з’’д̇и сад̇т̇аарам̣ бужчи. ат̇а нам̣ сад̇т̇аа ааха, ‘‘маан̣ава, имам̣ г̇аат̇ам̣ надо вияа бад̇д̇абад̇д̇адтаанз маа аважа, ран̃н̃о баад̇араасам̣ бхун̃ж̇анадтаанз тад̇ваа батамабин̣д̣аад̣̇ийсуби авад̇ваа авасаанз бин̣д̣з г̇ахид̇з вад̣̇зяяааси, рааж̇аа суд̇ваа бхад̇д̇абин̣д̣ам̣ чад̣д̣зссад̇и. ат̇а ран̃н̃о хад̇т̇зсу д̇ход̇зсу баад̇им̣ абанзд̇ваа сид̇т̇аани г̇ан̣зд̇ваа д̇ад̣̇убияам̣ б̣яан̃ж̇анам̣ н̃ад̇ваа бунад̣̇ивасз д̇аавад̇агз д̇ан̣д̣улз хаарзяяааси. баад̇араасз жа вад̇ваа сааяамаасз маа вад̣̇зяяаасий’’д̇и. со ‘‘саад̇хуу’’д̇и бадиссун̣ид̇ваа д̇ам̣ д̣̇ивасам̣ ран̃н̃о баад̇араасам̣ бхуд̇ваа г̇ад̇ад̇д̇аа сааяамаасз бхаг̇авад̇о анусидтинияаамзна г̇аат̇ам̣ абхааси. рааж̇аа д̣̇асаб̣аласса важанам̣ сарид̇ваа бхад̇д̇абин̣д̣ам̣ баад̇ияам̣язва чад̣д̣зси. ран̃н̃о хад̇т̇зсу д̇ход̇зсу баад̇им̣ абанзд̇ваа сид̇т̇аани г̇ан̣зд̇ваа бунад̣̇ивасз д̇ад̇д̇агз д̇ан̣д̣улз харим̣су, соби маан̣аво д̣̇ивасз д̣̇ивасз д̇ат̇ааг̇ад̇асса санд̇игам̣ г̇ажчад̇и. д̣̇асаб̣аласса виссаасиго ахоси. ат̇а нам̣ згад̣̇ивасам̣ бужчи ‘‘рааж̇аа гид̇д̇агам̣ бхун̃ж̇ад̇ий’’д̇и? со ‘‘наал̣игод̣̇ана’’нд̇и ааха. ваддиссад̇и зд̇д̇аавад̇аа бурисабхааг̇о зса, ид̇о бадтааяа г̇аат̇ам̣ маа вад̣̇ийд̇и. рааж̇аа д̇ат̇зва сан̣тааси. д̇зна вуд̇д̇ам̣ ‘‘наал̣игод̣̇анабарамад̇ааяа сан̣таасий’’д̇и. рад̇д̇ан̃н̃уд̇ааяа вад̣дхид̇ам̣ сийлам̣ асса ад̇т̇ийд̇и вад̣дхид̇асийло. абот̇уж̇ж̇анигзхи сийлзхийд̇и жад̇убаарисуд̣̇д̇хисийлзхи сийлам̣ арияам̣ суд̣̇д̇хам̣. д̇зна вуд̇д̇ам̣ ‘‘арияасийло’’д̇и. д̇ад̣̇згам̣ анаваж̇ж̇адтзна гусалам̣. д̇зна вуд̇д̇ам̣ ‘‘гусаласийло’’д̇и.
Rājā pana gāthaṃ uggaṇhituṃ nāsakkhi, samīpe ṭhitaṃ pana bhāgineyyaṃ sudassanaṃ nāma māṇavaṃ ‘‘imaṃ gāthaṃ uggaṇha tātā’’ti āha. So taṃ gāthaṃ uggaṇhitvā ‘‘kiṃ karomi, bhante’’ti satthāraṃ pucchi. Atha naṃ satthā āha, ‘‘māṇava, imaṃ gāthaṃ naṭo viya pattapattaṭṭhāne mā avaca, rañño pātarāsaṃ bhuñjanaṭṭhāne ṭhatvā paṭhamapiṇḍādīsupi avatvā avasāne piṇḍe gahite vadeyyāsi, rājā sutvā bhattapiṇḍaṃ chaḍḍessati. Atha rañño hatthesu dhotesu pātiṃ apanetvā sitthāni gaṇetvā tadupiyaṃ byañjanaṃ ñatvā punadivase tāvatake taṇḍule hāreyyāsi. Pātarāse ca vatvā sāyamāse mā vadeyyāsī’’ti. So ‘‘sādhū’’ti paṭissuṇitvā taṃ divasaṃ rañño pātarāsaṃ bhutvā gatattā sāyamāse bhagavato anusiṭṭhiniyāmena gāthaṃ abhāsi. Rājā dasabalassa vacanaṃ saritvā bhattapiṇḍaṃ pātiyaṃyeva chaḍḍesi. Rañño hatthesu dhotesu pātiṃ apanetvā sitthāni gaṇetvā punadivase tattake taṇḍule hariṃsu, sopi māṇavo divase divase tathāgatassa santikaṃ gacchati. Dasabalassa vissāsiko ahosi. Atha naṃ ekadivasaṃ pucchi ‘‘rājā kittakaṃ bhuñjatī’’ti? So ‘‘nāḷikodana’’nti āha. Vaṭṭissati ettāvatā purisabhāgo esa, ito paṭṭhāya gāthaṃ mā vadīti. Rājā tatheva saṇṭhāsi. Tena vuttaṃ ‘‘nāḷikodanaparamatāya saṇṭhāsī’’ti. Rattaññutāya vaḍḍhitaṃ sīlaṃ assa atthīti vaḍḍhitasīlo. Apothujjanikehi sīlehīti catupārisuddhisīlehi sīlaṃ ariyaṃ suddhaṃ. Tena vuttaṃ ‘‘ariyasīlo’’ti. Tadekaṃ anavajjaṭṭhena kusalaṃ. Tena vuttaṃ ‘‘kusalasīlo’’ti.
д̣̇уд̇ияагосаласуд̇д̇аван̣н̣анаа нидтид̇аа.
Dutiyakosalasuttavaṇṇanā niṭṭhitā.
махааваг̇г̇аван̣н̣анаа нидтид̇аа.
Mahāvaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. д̣̇уд̇ияагосаласуд̇д̇ам̣ • 10. Dutiyakosalasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. д̣̇уд̇ияагосаласуд̇д̇аван̣н̣анаа • 10. Dutiyakosalasuttavaṇṇanā
