| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. து³தியகுக்குடாராமஸுத்தங்
9. Dutiyakukkuṭārāmasuttaṃ
19. பாடலிபுத்தனிதா³னங். ‘‘‘ப்³ரஹ்மசரியங், ப்³ரஹ்மசரிய’ந்தி, ஆவுஸோ ஆனந்த³, வுச்சதி. கதமங் நு கோ², ஆவுஸோ, ப்³ரஹ்மசரியங், கதமங் ப்³ரஹ்மசரியபரியோஸான’’ந்தி? ‘‘ஸாது⁴ ஸாது⁴, ஆவுஸோ ப⁴த்³த³! ப⁴த்³த³கோ கோ² தே, ஆவுஸோ ப⁴த்³த³, உம்மங்கோ³, ப⁴த்³த³கங் படிபா⁴னங், கல்யாணீ பரிபுச்சா². ஏவஞ்ஹி த்வங், ஆவுஸோ ப⁴த்³த³, புச்ச²ஸி – ‘ப்³ரஹ்மசரியங், ப்³ரஹ்மசரியந்தி, ஆவுஸோ ஆனந்த³, வுச்சதி. கதமங் நு கோ², ஆவுஸோ , ப்³ரஹ்மசரியங், கதமங் ப்³ரஹ்மசரியபரியோஸான’’’ந்தி? ‘‘ஏவமாவுஸோ’’தி. ‘‘அயமேவ கோ², ஆவுஸோ, அரியோ அட்ட²ங்கி³கோ மக்³கோ³ ப்³ரஹ்மசரியங், ஸெய்யதி²த³ங் – ஸம்மாதி³ட்டி²…பே॰… ஸம்மாஸமாதி⁴. யோ கோ², ஆவுஸோ, ராக³க்க²யோ தோ³ஸக்க²யோ மோஹக்க²யோ – இத³ங் ப்³ரஹ்மசரியபரியோஸான’’ந்தி. நவமங்.
19. Pāṭaliputtanidānaṃ. ‘‘‘Brahmacariyaṃ, brahmacariya’nti, āvuso ānanda, vuccati. Katamaṃ nu kho, āvuso, brahmacariyaṃ, katamaṃ brahmacariyapariyosāna’’nti? ‘‘Sādhu sādhu, āvuso bhadda! Bhaddako kho te, āvuso bhadda, ummaṅgo, bhaddakaṃ paṭibhānaṃ, kalyāṇī paripucchā. Evañhi tvaṃ, āvuso bhadda, pucchasi – ‘brahmacariyaṃ, brahmacariyanti, āvuso ānanda, vuccati. Katamaṃ nu kho, āvuso , brahmacariyaṃ, katamaṃ brahmacariyapariyosāna’’’nti? ‘‘Evamāvuso’’ti. ‘‘Ayameva kho, āvuso, ariyo aṭṭhaṅgiko maggo brahmacariyaṃ, seyyathidaṃ – sammādiṭṭhi…pe… sammāsamādhi. Yo kho, āvuso, rāgakkhayo dosakkhayo mohakkhayo – idaṃ brahmacariyapariyosāna’’nti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 8-10. பட²மகுக்குடாராமஸுத்தாதி³வண்ணனா • 8-10. Paṭhamakukkuṭārāmasuttādivaṇṇanā
